pointer

اعراض نقص الكالسيوم

خدر وتنميل في الأصابع

pointer

اعراض نقص الكالسيوم

تشنجات العضلات والجسم عموما

pointer
اعراض نقص الكالسيوم

اعراض نقص الكالسيوم

الشعور بالخمول.

pointer
اعراض نقص الكالسيوم

اعراض نقص الكالسيوم

ضعف في الشهية

pointer
اعراض نقص الكالسيوم

اعراض نقص الكالسيوم

ضربات القلب غير منتظمة

pointer
اعراض نقص الكالسيوم

اعراض نقص الكالسيوم

ضعف شديد بالأظافر وسهولة انكسارها

pointer
اعراض نقص الكالسيوم

اعراض نقص الكالسيوم

زيادة احتمالية الإصابة بأمراض الجلد زي الإكزيما والصدفية

pointer
اعراض نقص الكالسيوم

اعراض نقص الكالسيوم

ضعف جذور الأسنان وتعرضها للتسوس، وتهيج اللثة

pointer
اعراض نقص الكالسيوم

اعراض نقص الكالسيوم

أحيانًا ممكن يحس المريض بألم في الصدر

اعراض نقص الكالسيوم

اعراض نقص الكالسيوم العامة:

  1. خدر وتنميل في الأصابع .
  2. تشنجات العضلات والجسم عموما.
  3. الشعور بالخمول.
  4. ضعف في الشهية.
  5. ضربات القلب غير المنتظمة.
  6. ضعف شديد بالأظافر وسهولة انكسارها.
  7. زيادة احتمالية الإصابة بأمراض الجلد زي الإكزيما والصدفية.
  8. ضعف جذور الأسنان وتعرضها للتسوس، وتهيج اللثة.
  9. سهولة الإصابة بالاكتئاب نتيجة ضعف الجسم والخمول.
  10. أحيانًا ممكن يحس المريض بألم في الصدر.

هل تختلف اعراض نقص الكالسيوم عند النساء من الرجال من الأطفال ؟

 اعراض نقص الكالسيوم عند الأطفال بتكون شديدة أكتر لأن الكالسيوم مهم في مراحل نمو الطفل.
و الاعراض دي تشمل شعور الطفل بالتعب طوال الوقت مع أقل مجهود و ممكن تتطور لليونة و تقوس في العظام.
و اعراض نقص الكالسيوم عند النساء بتسبب ألم وتعب أشد في فترات الدورة الشهرة مقارنة بالنساء غير المصابات بنقص الكالسيوم.

اسباب نقص الكالسيوم

في اسباب كتير بتؤدي إلى نقص الكالسيوم بالجسم، من أهمها:

  1.  الداء البطني وهو مرض مناعي بيحصل نتيجة تفاعل المناعة مع بروتين الجلوتين الموجود في القمح والشعير.
  2. وجود خلل في الغدة جارات الدرقية.
  3. عدم وجود كميات كافية من الكالسيوم في غذائنا.
  4. نقص فيتامين د
  5. تناول بعض الأدوية زي ادوية الصرع وأدوية حب الشباب لأنها بتقلل من نسبة امتصاص الجسم للكالسيوم
  6. التدخين
  7. نقص بروتين ألبومين الدم المسؤول عن نقل الكالسيوم في الدم لباقي الأنسجة والأعضاء.
  8. التقدم في السن بيأثر على نسبة الكالسيوم الموجودة داخل أجسامنا
  9. انقطاع الدورة الشهرية عند الإناث.
  10. بعض حالات نادرة من الأمراض الوراثية زي مرض قصور الغدة الدرقية و جارات الدرقية الوارثي.

علاج نقص الكالسيوم

اولا طبيًا عن طريق حبوب الكالسيوم، لكن لا يمكن استخدامها و تحديد جرعتها  إلا تحت اشراف الطبيب المختص، و من اشهرها:

  1. فاروكال اقراص.
  2. كالسيترون كبسولات
  3. كال ماج اقراص
  4. زيماكال اقراص
  5. دينستين اقراص
  6. اوستيوكير كبسولات
  7. ماكسيكال اقراص
  8. كالدين سي اقراص
  9. ماركال اقراص
  10. كالسيوم د 3 اف
  11. لاكتوكال اقراص
  12. كال بريج اقراص

طبيعيًا .. أطعمة غنية بالكالسيوم يقدر مريض نقص الكالسيوم يستفيد منها، زي: 

  • الكرنب، وده يعتبر من المصادر المهمة جدا والغنية بالكالسيوم.
  • القرنبيط.
  • اللفت.
  • المكسرات خاصة اللوز.
  • بعض البذور زي السمسم 
  •  الأسماك اللي عظامها طرية وبنقدر ناكلها، زي: السردين والسلمون والرنجة.
  • معظم البقوليات، لكنها مش بتحتوي على كمية عالية من الكالسيوم، ومع ذلك بيُنصح بتناولها لإنها بتساهم في إمدادنا بالكالسيوم بشكل طبيعي حتى لو كانت بنسب قليلة.

بالإضافة لبعض الاكلات الغنية بفيتامين د علشان يعزز امتصاص الكالسيوم، زي:

  • زيت كبد السمك، وده يعتبر أهم مصدر من مصادر فيتامين د.
  • كمان الأسماك الدهنية زي السالمون والتونة
  • العصائر الحمضية زي عصير البرتقال وعصير الليمون


ايه هو نقص الكالسيوم؟


اعراض نقص الكالسيوم عند البالغين والأطفال


مضاعفات نقص الكالسيوم


من هم الأكثر عرضة للإصابة بنقص الكالسيوم


علاج نقص الكالسيوم


موانع استخدام ادوية الكالسيوم


المصادر

ما هو نقص الكالسيوم؟

ما هو الكالسيوم؟

الكالسيوم هو واحد من المعادن و العناصر المهمة جدًا في معظم الوظائف الحيوية في الجسم و تنظيم ضربات القلب، والكالسيوم بيتركز وجوده أكتر في الأسنان والعظام لنسبة قد تصل لـ 99٪، علشان كدا بتُعتبر العظام هي مخزن الكالسيوم في الجسم.

ما هو نقص الكالسيوم؟

مرض نقص الكالسيوم هو نقص نسبة معدن الكالسيوم في الجسم عن احتياجه اليومي، وبتختلف النسبة دي من الذكور والإناث باختلاف المرحلة العمرية نتيجة أسباب نقص الكالسيوم المختلفة، واللي بينتج عنها امراض واعراض كتيرة زي عدم انتظام ضربات القلب و  في هشاشة و لين العظام أو الكساح عند الاطفال.

الاحتياجات اليومية من مصادر الكالسيوم الطبيعية حسب العمر: 

السن

الذكور

الإناث

من الولادة ل 6 شهور

200 مجم

200 مجم

من 7 ل 12 شهر

260 مجم

260 مجم

من 1 ل 3 سنين

700 مجم

700 مجم

من 4 ل 8 سنين

1000 مجم

1000 مجم

من 9 ل 13 سنة

1300 مجم

1300 مجم

من 14 ل 18 سنة

1300 مجم

1300 مجم

من 19 ل 50 سنة

1000 مجم

1000 مجم

من 51 ل 70 سنة

1000 مجم

1200 مجم

اكثر من 71 سنة

1200 مجم

1200 مجم

 

أهمية الكالسيوم و دوره في الجسم:

  1. بيدخل في تكوين العظام والأسنان و بيحافظ على صحة الهيكل العظمي من أي تشوهات.
  2. الكالسيوم بيساعد في نقل السيالات العصبية عن طريق الخلايا العصبية.والسيال العصبي هو الإشارة اللي بتتحرك من المخ وبتستقبلها الخلايا العصبية في أعضاء الجسم المختلفة عشان تقوم بوظائفها الطبيعية، وكل الخلايا العصبية بالجسم بتعتمد في شغلها على وجود كالسيوم.
  3. بيساعد في انقباض وانبساط العضلات. لأن العضلات عبارة عن أنسجة ليفية متداخلة -شبه الخيوط فوق بعض- بتشتغل نتيجة استقبال الإشارت العصبية اللي لما بتوصل للعضلة بتفرز ايونات الكالسيوم اللي بتساعد في انقباض العضلة، وبمجرد ما بينقطع السيال العصبي بيتوقف افراز ايونات الكالسيوم في العضلة، فترتاح العضلة وتنبسط من جديد.
  4. له دور مهم جدًا في تنظيم إفراز الهرمونات وبعض المواد الكيميائية اللي بتفرزها الغدد.
  5. بيساعد في انقباض و انبساط عضلة القلب علشان كدة له دور في الحفاظ على مستوى ضغط الدم في أجسامنا.

ده بعض المهام الحيوية اللي بيقوم بيها الـ ١٪ الباقيين من نسبة الكالسيوم، لأن ال1% ده هي نسبة الكالسيوم اللي بيتوزع على البلازما والدم والأنسجة المختلفة في جسمنا.

ولما بيحصل نقص في نسبة ال1% دي، بيبدأ جسمنا يسحب الكالسيوم من العظم عشان يعوض النقص دا، وعشان كده صعب تظهر أعراض نقص الكالسيوم في مراحله الأولى؛ لإن جسمنا بيعمل على تنظيم مستوى الكالسيوم بإحكام.

اعراض نقص الكالسيوم

بعض اعراض نقص الكالسيوم المبدئة بتتمثل في:

الإحساس بضربات قلب غير منتظمة.

أحيانًا ممكن يحس المريض بألم في الصدر.

تشنجات معظم عضلات الجسم.

سهولة الإصابة بالاكتئاب نتيجة ضعف الجسم والخمول.

الشعور بالخمول باستمرار على غير العادة.

ضعف جذور الأسنان وتعرضها للتسوس، وتهيج اللثة.

ضعف الشهية، وضعف الجسم بشكل عام.

زيادة احتمالية الإصابة بأمراض الجلد زي الإكزيما والصدفية.

خدر وتنميل في أصابع اليد والقدم.

ضعف شديد بالأظافر وسهولة انكسارها.

هل تختلف اعراض نقص الكالسيوم عند النساء من الرجال من الأطفال ؟

اعراض نقص الكالسيوم عند الأطفال بتكون شديدة أكتر لأن الكالسيوم مهم في مراحل نمو الطفل.

و الاعراض دي تشمل شعور الطفل بالتعب طوال الوقت مع أقل مجهود و ممكن تتطور لليونة و تقوس في العظام.

و اعراض نقص الكالسيوم عند النساء بتسبب ألم وتعب أشد في فترات الدورة الشهرة مقارنة بالنساء غير المصابات بنقص الكالسيوم.

اسباب نقص الكالسيوم:

في اسباب كتير ممكن تتسبب في نقص نسبة الكالسيوم عن المعدل الطبيعي، زي بعض المشاكل أو العادات، أو أمراض ومشاكل طبية ودا الغالب، وهنذكر دلوقتي بعض الأمراض اللي وجودها سبب في نقص نسبة الكالسيوم داخل الجسم:

الإصابة ببعض الأمراض وتناول بعض انواع الأدوية:

  • الداء البطني (celiac disease) :
    المرض دا عبارة عن تفاعل المناعة مع بروتين الجلوتين الموجود في القمح والشعير، التفاعل ده مع مرور الوقت بيضر بطانة الأمعاء الدقيقة، وبيسبب سوء امتصاص للغذاء، ودا بيتسبب في حدوث الإسهال ونقص في الوزن وانتفاخ وفقر في الدم، وبيأثر على تطور ونمو الأطفال.
    وبسبب المرض ده مش هيكون في امتصاص للمعادن والفيتامينات الموجودة بالغذاء وبالتالي الجسم هينقصه عناصر كتير محتاجها زي الكالسيوم.
  • وجود خلل في الغدة جارات الدرقية:
    بتعمل الغدة الدرقية و جارات الدرقية على تنظيم نسبة الكالسيوم في الدم عن طريق الهرمون الدُّرَيقي(PTH).
    وبالتالي أي خلل أو قصور في وظيفة الغدة أو الهرمون الدُّريقي، هيؤدي لنقص في نسبة الكالسيوم الطبيعية في أجسامنا، والسبب ده نادر الحدوث، ولو ظهر على المريض أي من اعراض الغدة الدرقية فممكن يكون السبب وراثي أو مكتسب.

  • نقص بروتين ألبومين الدم (Hypoalbuminemia) :
    وده من أكتر الأسباب الشائعة، والألبومين هو اللي بينقل بعض الجزيئات والمعادن في الدم، وبالتالي هو المسؤول عن نقل الكالسيوم في الدم لباقي الأنسجة والأعضاء، فلو قل، ساعتها الكالسيوم مش هيتوزع بصورة طبيعية، وهتقل نسبته عن المعدل الطبيعي.
    في أمراض كتير ممكن تؤدي لنقص بروتين الألبومين زي: تليف الكبد Cirrhosis، والحروق، وسوء التغذية، وبعض الأمراض المزمنة، وبعض أمراض الدم.
  • تناول بعض الأدوية زي ادوية الصرع وأدوية حب الشباب لأنها بتقلل من نسبة امتصاص الجسم للكالسيوم.

بعض الحالات الصحية والحياتية:

  • التقدم في السن بيأثر على نسبة الكالسيوم الموجودة داخل أجسامنا، وده بيحصل علشان  أجسامنا في أثناء مرحلة الطفولة بتمتص الكالسيوم بنسبة 50-70٪.
    أما عند البالفين فبتقل النسبة ده وبتوصل لـ 30-50٪ فقط.
  • إنقطاع الدورة الشهرية عند الإناث: وده بسبب نقص هرمون الاستروجين اللي بيحافظ على وجود الكالسيوم في العظام.
  • عدم وجود كميات كافية من الكالسيوم في غذائنا، وده بيجبر أجسامنا إنها تسحب الكالسيوم من العظم عشان تحافظ على نسبة الكالسيوم الموجود في الدم، وبالتالي ممكن يصاب الجسم بلين العظام (Osteomalacia).
  • نقص فيتامين د؛ فيتامين د هو اللي بيساعد جسمنا إنه يمتص الكالسيوم، بيحصل نقص فيتامين د نتيجة عدم التعرض الكافي للشمس على الأقل لمدة 20 دقيقة يوميًا، و سوء التغذية أو الأعتماد على أكل غير غني بفيتامين د زي الأكلات السريعة، و أصحاب البشرة الداكنة، و مشاكل الكلى بتمنع الجسم من الاستفادة بفيتامين د، ومشاكل الجهاز الهضمي اللي بتمنع الأمعاء من امتصاص فيتامين د اللي موجود في الأكل.
  • التدخين بيقلل من قدرة الأمعاء على امتصاص الكالسيوم الموجود في نظامنا الغذائي، يعني ممكن تكون بتاكل اكل غني بمصادر الكالسيوم لكن جسمك مش قادر يستفيد منه بسبب التدخين.

مشروبات  ممكن تتسبب في نقص الكالسيوم؟

(الشاي بلبن) من أهم عادات وطقوس المصريين لأن اللبن بيعتبر من أكتر المصادر الطبيعية احتواء على الكالسيوم، وإضافة الشاي للبن بيقلل من قدرة الجسم على امتصاص الكالسيوم الموجود في اللبن.

ومن هنا نقدر نقول إن عادة شرب الشاي بعد تناول الأكل بتتسبب في  فقد الجسم لبعض المعادن والبروتينات، بسبب إنه بيقلل من قدرة امتصاص الجسم للكالسيوم الموجود في الأكل، وعشان كده بننصح بشرب الشاي في أي وقت من اليوم، وعدم شربه مباشرة بعد الأكل حفاظا على صحتنا.

من هم الأكثر عرضة للإصابة بنقص الكالسيوم؟

  • النساء بعد سن اليأس:

بعد انقطاع الطمث، بيقل إنتاج هرمون الاستروجين، طب ايه علاقة هرمون الاستروجين بالكالسيوم؟ هرمون الاستروجين بيساعد على امتصاص الكالسيوم، وكمان بيحافظ على مستوى الكالسيوم في العظم، وبالتالي لما بتقل نسبة هرمون الاستروجين بيقل امتصاص الكالسيوم، وبيزيد سحب الكالسيوم من العظم عشان يؤدي وظايفه الحيوية.
في السنوات الأولى من انقطاع الطمث بيحصل انخفاض سنوي في كتلة العظام بنسبة من ٣- ٥٪ وبتقل النسبة تدريجيا لتصل لـ ١٪ بعد سن ٦٥.

  • الأشخاص المصابة بمرض عدم تحمل اللاكتوز بسبب حساسية من اللبن ومنتجاته:

اللاكتوز هو السكر الموجود بالحليب، وبيعاني بعض الأشخاص من حساسية تجاهه، وبتظهر أعراضه بعد نصف ساعة من تناول أي مصادر لللاكتوز، زي: الإسهال، وتشنجات في البطن، والشعور بالدوخة والقيء.
بيتعرض الأشخاص المصابين بحساسية سكر اللاكتوز من نقص في نسبة الكالسيوم نتيجة تجنب منتجات الألبان.
ولضمان حصول المصابين بحساسية اللاكتوز على كميات كافية من الكالسيوم، يجب اللجوء إلى المصادر الغذائية البديلة والغنية بالكالسيوم.

  • النباتيون:

الناس النباتية عندهم مشاكل في امتصاص الكالسيوم على عكس آكلي اللحوم والأسماك، وده بيرجع لإن النباتيين بيتغذوا على نباتات بتحتوي على حمض الأكساليك (oxalic) ، والحمض دا بيقلل من امتصاص الكالسيوم وبيتسبب في ترسبه دون الاستفادة منه، وكمان بسبب سوء التغذية لعدم تناولهم لمنتجات الألبان الغنية بنسبة عالية من الكالسيوم.
أما بالنسبة للنباتيين اللي بيتناولوا البيض ومنتجات الألبان، فبيكون امتصاصهم للكالسيوم طبيعي، على عكس النباتيين اللي بيتناولوا البيض فقط دون منتجات الألبان، بيكون عندهم مشاكل في امتصاص الكالسيوم بسبب تجنبهم لمنتجات الألبان.

مضاعفات نقص الكالسيوم:

لين العظام (OSTEOMALACIA) عند البالغين:

لين العظام (Osteomalacia) مرض بيصيب البالغين، وبيحصل غالبا بسبب نقص فيتامين د في جسم الشخص، والحالة دي بيكون دايمًا مصاحب ليها نقص في الكالسيوم بسبب عدم قدرة الأمعاء على امتصاص الكالسيوم.

وفي أسباب أو عوامل تانية زي: أمراض الكبد المزمنة؛ لإن ده هيؤدي لخمول فيتامين د وهيترتب عليه نقص امتصاص الكالسيوم في الجسم.

لو حصل نقص الكالسيوم في الدم بيضطر الجسم لتعويض النقص ده عن طريق سحب الكالسيوم من مخازنه اللي في العظام، فتقل النسبة الطبيعية للكالسيوم الموجود في العظام، فيصاب الشخص بتلين العظام (Osteomalacia) ، فيتسبب له المرض بليونة عظامه، وده ممكن يؤدي لتعرض العظام للانحناء أو الكسر بسهولة.

وللأسف المرض ده أعراضه مبتظهرش ع الشخص في مراحله الأولى لأنها بتشبه  أعراض نقص الكالسيوم العادية زي:

  1. الشخص يشتكي من آلام في عظامه، خاصة عظام الفخذ والساق وأسفل الظهر.
  2. بتزيد الآلام دِه مع حمل الأشياء الثقيلة بسبب الضغط على مناطق الألم
  3. زيادة احتمالية حدوث بعض الكسور في العظام المذكورة.
مضاعفات نقص الكالسيوم عند الأطفال:

مرض الكساح (rickets) بيعتبر أحد أمراض لين العظام (Osteomalacia) اللي بتصيب الأطفال، وهو من الأمراض الشائعة والمنتشرة لدى الأطفال.

ومن أسباب إصابة الأطفال بالكساح (rickets) : عدم تعرض الطفل لفترة كافية من اشعة الشمس بيسبب نقص فيتامين د بالجسم، و دا بينتج عنه خلل في امتصاص المعادن زي الكالسيوم والفوسفات.

الكساح (rickets) ممكن يتسبب في تشوه الهيكل العظمي، وفي القفص الصدري، وتقوس القدمين وضعف العضلات.

ومن مضاعفاته: آلام مزمنة في العظم، وانحناء في العمود الفقري، وبعض الكسور.

أعراض الكساح بتتمثل في:

  1. تأخر نمو الطفل.
  2. تأخر الطفل في المشي.
  3. بيمشي بتمايل، أو في تشوهات في الأسنان.
  4. لين الجمجمة.
  5. التقوس الشديد للقدمين؛ لإن في أطفال أصحاء ممكن يبقى عندهم تقوس خفيف بيختفي مع الوقت.
هشاشة العظام (OSTEOPOROSIS) :

لما بيقل مستوى الكالسيوم في الدم بيبدأ الجسم يسحب مخزون الكالسيوم من العظام، فتقل كثافة العظام وتضعف وتصاب بالهشاشة، وده بيخليها معرضة للكسر بسهولة من أي ضغوط أو التواءات، وغالبا ما بتكون الكسور ده في عظام الفخذ والعمود الفِقري.

مرض هشاشة العظام بيصيب الكبار من الرجال والنساء، لكن بتزيد احتمالية الإصابة به عند النساء خاصة الكبار اللي وصلو لسن اليأس.

وغالبا مبتظهرش أعراض هشاشة العظام في المراحل الأولى، وده عشان الجسم بيكافح عشان يحافظ على مستوى الكالسيوم في الجسم، لكن لما بيزيد سحب مخزون الكالسيوم الموجود في العظام فتضعف، بتبدأ تظهر بعض أعراض المرض، وهي:

  1. انحناء الظهر.
  2. آلام في العمود الفقري بسبب كسور في بعض الفقرات أو تآكلها، وبتظهر بوضوح في الأشعة.
  3. حدوث كسور في العظام بسهولة عن الطبيعي.
  4. كسور في الفخذ.

علاج نقص الكالسيوم

اولا طبيًا

عن طريق حبوب الكالسيوم، لكن لا يمكن استخدامها و تحديد جرعتها  إلا تحت اشراف الطبيب المختص، و من اشهرها: فاروكال اقراص، كالسيترون كبسولات، كال ماج اقراص، زيماكال اقراص، دينستين اقراص، اوستيوكير كبسولات، ماكسيكال اقراص، كالدين سي اقراص، ماركال اقراص، كالسيوم د 3 اف، لاكتوكال اقراص، كال بريج اقراص.

معلومات و تحذيرات عن فاروكال اقراص

المادة الفعالة في دواء فاروكال أقراص لعلاج نقص الكالسيوم هي كربونات الكالسيوم بتركيز 1500 مجم يعني تقريبًا يعادل 600 مجم كالسيوم، بالإضافة إلى فيتامين د3 بتركيز 250 وحدة دولية، و دا عشان فيتامين د بيساعد في امتصاص الكالسيوم جوا الجسم.

فاروكال بيساعد في:

  •  تقوية العظام والأسنان للأطفال و الشباب.
  • علاج هشاشة العظام والآلام الناتجة عنه.
  • علاج لين العظام أو المعروف بمرض الكساح عند الاطفال
  • مكمل غذائي للحوامل و المرضعات.

أشهر الآثار الجانبية لدواء فاروكال اقراص و معظم أدوية نقص الكالسيوم:

  • الصداع المستمر و الدوخة.
  • فقدان الشهية
  • الإمساك
  • زيادة الإحساس بالعطش
  • القيء و الاحساس بالغثيان.

موانع استعمال دواء فاروكال و معظم أدوية نقص الكالسيوم:

  • ممنوع لمرضى الفشل الكلوي أو أي قصور في إنزيمات الكلى.
  • ممنوع لمرضى الضغط لو بيستخدموا أدوية مدرًة للبول في علاج الضغط – يعني الادوية اللي بتخلي مريض الضغط عنده رغبة مستمرة في التبول.
  • ممنوع مع الادوية أو المأكولات اللي فيها فسفور كتير زي المأكولات البحرية.
  • ممنوع مع مرضى أمراض القلب.

لازم يتم تحديد جرعة دواء نقص الكالسيوم مع الطبيب المختص، لأن من أشهر الأمراض الناتجة عن زيادة نسبة الكالسيوم هي:

  • حصوات الكلى
    اعتياد بعض الأشخاص على تناول مكملات الكالسيوم بيؤدي لزيادة نسبة الكالسيوم وترسبه على هيئة حصوات داخل الكلى، وفي بعض الدراسات اللي أثبتت إن تناول الكالسيوم بصورة طبيعية من المصادر الغذائية بيقلل من معدل الإصابة بحصى الكلى، على عكس تناول الكالسيوم كمكمل غذائي على هيئة أقراص، ودا لإن الجسم بيقدر يمتص الكالسيوم اللي من مصادره الطبيعية بسهولة ويتخلص من الزائد، على عكس مكملات الكالسيوم اللي بيكون صعب التخلص من الزائد منها، فبتترسب وتكون حصوات، وعشان نتفادى دا بينصح الأطباء بأخذ مكملات الكالسيوم في أثناء تناول الطعام، خاصة مع وجبة الإفطار عشان يقدر يستفاد منها الجسم.
  • الفشل الكلوى نتيجة حصوات الكلى و نتيجة زيادة الكالسيوم الحاد.
  • مشاكل الجهاز العصبي زي الارتباك و الخرف و في بعض الحالات الخطيرة ممكن تؤدي إلى الموت.
  • عدم انتظام ضربات القلب لأن الكالسيوم بيأثر على النبضات الكهربية اللي بتنظم ضربات القلب.

ثانيًا علاج نقص الكالسيوم طبيعيًا

أطعمة غنية بالكالسيوم يقدر مريض نقص الكالسيوم يستفيد منها، بالإضافة لبعض الاكلات الغنية بفيتامين د علشان يعزز امتصاص الكالسيوم:

أطعمة مدعَّمة بعنصر الكالسيوم، زي حبوب الإفطار الجاهزة، والعيش المصنع بدقيق مدعم بالكالسيوم.

التعرض لأشعة الشمس الصبح بدري بعد شروق الشمس لقبل الظهر أو قبل المغرب.

المكسرات بأنوعها المختلفة خاصة اللوز (23 جرام من اللوز بتوفر 8٪ تقريبا من احتياجنا اليومي للكالسيوم)

زيت كبد السمك، وده يعتبر أهم مصدر من مصادر فيتامين د.

بذور تبّاع الشمس المعروف في مصر ب (عباد الشمس) لأنه يعتبر من البذور المفيدة زي السمسم.

العصائر الحمضية بتحفز امتصاص الكالسيوم زي عصير البرتقال وعصير الليمون.

بعض البذور زي السمسم (معلقة منه بتوفر 9٪ تقريبا من احتياجنا اليومي للكالسيوم)

البقوليات بتساهم في إمدادنا بالكالسيوم بشكل طبيعي حتى لو كانت بنسب قليلة.

الخضروات زي الكرنب والقرنبيط واللفت من أهم المصادر النباتية الغنية بالكالسيوم.

الأسماك خاصة اللي عظامها طرية وبنقدر ناكلها، زي: السردين والسلمون والرنجة.

ملحوظة: الأفضل التعرض لأشعة الشمس لمدة من 20 ل 30 دقيقة لكن حاول تتجنب الشمس في وقت العصر إذا كانت درجات الحرارة مرتفعة زي في وقت الصيف علشان تتجنب ضربة الشمس.

المصادر:

i

المصادر العربي

دوس هنا علشان تعرف كل المصادر العربي

لا يوجد مصادر عربي.