pointer

اعراض دوالي الخصية

تورم وانتفاخ في كيس الصفن

pointer

اعراض دوالي الخصية

ألم شديد في الخصية خصوصًا لما المريض يبذل مجهود فترة طويلة

pointer

اعراض دوالي الخصية

الاحساس بتكتل في خصية من الخصيتين.

pointer

اعراض دوالي الخصية

شكل أوردة الخصية لما يتكون ملتوية بيتقال عليها شبه "كيس الديدان"

pointer

اعراض دوالي الخصية

النوم أو الاستلقاء على الظهر بيقلل الأحساس بالألم في الخصيتين.

اعراض دوالي الخصية

من اشهر اعراض دوالي الخصية هي ضعف في خصوبة الرجل وتأخر الحمل وعادًة هو دا اشهر الاسباب لزيارة الرجال للدكتور، لكن بعض المصابين ممكن يلاحظوا عرض أو أكثر من اعراض دوالي الخصية، مثل:

  1. تورم وانتفاخ في كيس الصفن
  2. ألم شديد في الخصية خصوصًا لما المريض يبذل مجهود فترة طويلة
  3. الاحساس بتكتل في خصية من الخصيتين.
  4. ملاحظة تضخم أوردة الخصية وبيكون شكلها ملتوي.
  5. النوم أو الاستلقاء على الظهر بيقلل الأحساس بالألم في الخصيتين.
  6. شكل أوردة الخصية لما يتكون ملتوية بيتقال عليها شبه “كيس الديدان” وغالبًا بتظهر في الخصية الشمال.

اسباب دوالي الخصية

اسباب دوالي الخصية حتى الآن مش واضحة ولا يوجد عوامل خطر بتزيد من احتمالية الإصابة بدوالي الخصية، لكن اللي بيحصل في الجسم ويسبب دوالي الخصية هو:

  1. ضعف في صمامات الأوردة اللي بتنقل الدم من الخصية إلى بقية الدورة الدموية والقلب.
  2. اتساع أوردة الخصية هيسبب تدفق بطيء للدم في الأوردة وهينتج عنه انتفاخ الأوردة دي وممكن يتم ملاحظتها من الخارج بسهولة.
  3. سن المراهقة من 15 ل 25 سنة هو أكتر فترة بيظهر فيها دوالي الخصية عند الرجال وغير معلوم السبب.

علاج دوالي الخصية

اولًا طبيًا

مفيش أدوية خاصة في علاج دوالي الخصية لكن في مسكنات ممكن  تساعد تخفيف الألم، وبيتم الاعتماد على العلاج الجراحي زي في عملية دوالي الخصية رغم مخاطرها.

ولو المريض مقدم على عملية دوالي الخصية، يقدر يعرض تعليمات قبل وبعد عملية دوالي الخصية بالمناظر من هنا.

ثانيًا طبيعيًا

تعتمد فكرة علاج دوالي الخصية طبيعيا على دعم صحة الأوردة والأنسجة في الخصية وبكدا هتتحسن الدورة الدموية في الخصية و هتساعد في تحسين كفاءة الحيوانات المنوية و زيادة الخصوبة

تقدر تعرف كل الأطعمة والمشروبات اللي بتساعد في علاج دوالي الخصية من هنا.


ايه هي دوالي الخصية


الفرق بين امراض الخصية


مضاعفات دوالي الخصية


امتى تروح للدكتور


تعليمات قبل عملية دوالي الخصية


تعليمات بعد عملية دوالي الخصية


علاج دوالي الخصية بدون جراحة


المصادر

ما هي دوالي الخصية؟

دوالي الخصية هو مرض بالجهاز التناسلي الذكري بيصيب حوالي 15 رجل من كل 100 رجل بالعالم.
وعادة من كل 10 رجال عندهم مشاكل عقم بتلاقي 4 عندهم دوالي الخصية وهي عبارة عن  تضخم الأوردة المغذية للخصية اللي موجودة داخل كيس الصفن وهو الكيس الجلدي الرقيق اللي بيحيط بالخصيتين خارج الجسم.

والخصيتين عبارة عن زوج من الغدد الصماء مهمين جدا بالجهاز التناسلي الذكري، كل خصية ليها شكل بيضاوي،و متوسط طولها حوالي 4.5 سم وطول قطرها حوالي 2 أو 3 سم ومتوسط وزنها حوالي 25 جرام  عند البالغين.

دور الخصية في جسم الانسان: 

الخصية هي جزء مهم جدا بالجهاز التناسلي الذكري لأنها مسئولة عن إنتاج الحيوانات المنوية وإفراز الهرمون الذكري التستوستيرون وتغذية الحيوانات المنوية من خلال السائل الموجود في الأنابيب المنوية بكل خصية.

نتيجة إصابة الجسم بدوالي الخصية:

الخصية هي مصنع الحيوانات المنوية و أي خلل فيها أو أمراض زي دوالي الخصية هيسبب  قلة إنتاج وجودة الحيوانات المنوية وخلل في إفراز هرمون التستوستيرون واللي بيكون مسئول عن ظهور وضبط الصفات الذكرية عند الرجل زي خشونة الصوت ونمو شعر كثيف في الدقن والصدر والكثير من العمليات الحيوية في الجسم زي توزيع الدهون وكتلة العظام و قوة العضلات.

الفرق بين دوالي الخصية وضمور الخصية والتهاب الخصية

التهاب الخصية

  • ممكن يحصل التهاب في الخصيتين في نفس الوقت لكن في أغلب الأوقات بيحصل التهاب في خصية واحدة فقط بسبب بكتيريا زي بكتيريا السيلان أو بكتيريا الكيلاميديا أو فيروسات، و أشهر الفيروسات اللي بتسبب التهاب الخصية هو فيروس النكاف اللي بيسبب التهاب الغدة النكافية.

اعراض التهاب الخصية:

  1. ألم عند التبول
  2. ألم شديد عند الضغط على كيس الصفن أو عند لمس الخصيتين
  3. قذف مؤلم ممكن يكون معاه دم
  4. تورم وانتفاخ كيس الصفن
  5. تضخم البروستاتا
  6. ارتفاع شديد في درجة الحرارة (حمى)
  7. تضخم الغدد الليمفاوية في الفخد.

يمكن علاج التهابات الخصية بالمضادات الحيوية لو كان سببها بكتيريا، أو علاج الأعراض فقط زي علاج الحمى وأخد مسكنات الألم لو سبب التهاب الخصية هو الفيروسات لأن مفيش مضاد فيروسي ضد فيروس النكاف.

ضمور الخصية

هو انكماش حجم الخصيتين عن الحجم الطبيعي وبيحصل لما يتم فقد خلايا انتاج الحيوانات المنوية أو خلايا انتاج هرمون التيستوستيرون بسبب:

  1. التقدم في السن والعجز.
  2. خلل هرموني بسبب بعض الأدوية زي أدوية المنشطات.
  3. التهاب الخصية.
  4. الإفراط في تناول الكحول
  5. دوالي الخصية
  6. بعض الأمراض زي أمراض الغدة النكافية و مرض الإيدز
  7. سرطان الخصية في حالات نادرة.

أشهر اعراض ضمور الخصية هي قلة شعر الوجه والعانة، ونقص في كتلة العضلات وانخفاض الرغبة الجنسية عند الرجال والعقم.

بيتم علاج ضمور الخصية بالأدوية زي أدوية المضاد الحيوي أو بالجراحة على حسب شدة خطورة الحالة و القرار الطبي للدكتور المعالج.

دوالي الخصية

شكل دوالي الخصية يشبه شكل الدوالي الوريدية اللي ممكن نشوفها بوضوح في الساق، وهي عبارة عن تضخم أوردة الخصية داخل الكيس الجلدي اللي بيحمل الخصيتين (كيس الصفن) خارج الجسم.

الأوردة دي بتساعد على نقل الدم المحمل بالسموم من الخصية إلى الدورة الدموية علشان يتم تنقيته، وبتساعد على خفض درجة حرارة الخصيتين ودا دور مهم جدًا لأن ارتفاع درجة حرارة الخصيتين عن 93.4 درجة فهرنهايت يعني حوالي 34.1 درجة سيليزية هيسبب موت الحيوانات المنوية وبكدا ممكن دوالي الخصية تسبب عقم

و دوالي الخصية ممكن تسبب فشل نمو الخصيتين بشكل طبيعي أو تقلص حجمهما (ضمور الخصية).

اعراض دوالي الخصية

من اشهر اعراض دوالي الخصية هي ضعف في خصوبة الرجل وتأخر الحمل وعادًة هو دا اشهر الاسباب لزيارة الرجال للدكتور، لكن بعض المصابين ممكن يلاحظوا عرض أو أكثر من اعراض دوالي الخصية، مثل:

شكل أوردة الخصية لما يتكون ملتوية بيتقال عليها شبه “كيس الديدان” وغالبًا بتظهر في الخصية الشمال.

ملاحظة تضخم أوردة الخصية وبيكون شكلها ملتوي.

النوم أو الاستلقاء على الظهر بيقلل الأحساس بالألم في أحد الخصيتين أو كلاهما على حسب مكان الإصابة.

الاحساس بتكتل في خصية من الخصيتين.

ألم شديد في الخصية لو المريض بذل مجهود فترة طويلة خصوصًا التمارين الرياضية لمنطثة الحوض.

تورم وانتفاخ في كيس الصفن.

مضاعفات دوالي الخصية

  1. انكماش الخصية أو ضمور الخصية لأن دوالي الخصية بتسبب تلف في الأنابيب المنتجة للحيوانات المنوية في الخصية وبالتالي بتنكمش الأنابيب دي فيصغر حجم الخصية.
  2. تلف الخصية تمامًا لأن ضعف الصمامات في أوردة الخصية بيسبب انتفاخ الأوردة وزيادة الضغط عليها واللي ممكن ينتج عنه تسمم في الدم المحبوس في الأوردة دي.
  3. ضعف الخصوبة والعقم لأن دوالي الخصية بتسبب صعوبة في تدفق الدم في اوردة الخصية وبكدا درجة حرارة الخصية هتزيد عن درجة حرارتها الطبيعية اللي هي 34 درجة وبكدا هتسبب في ضعف في انتاج الحيوانات المنوية أو موتها.

دوالي الخصية هتسبب في انخفاض مستوى هرمون الذكورة عند الرجال هرمون التستوستيرون
و دا هينتج عنه  ظهور مجموعة من الأعراض زي:

  1. انخفاض الدافع الجنسي.
  2. صعوبة في الانتصاب.
  3. انخفاض حجم السائل المنوي.
  4. تساقط الشعر.
  5. التعب وانخفاض مستويات الطاقة.
  6. فقدان كتلة العضلات.
  7. زيادة دهون الجسم.
  8. تغير الحالة المزاجية.

امتى تروح للدكتور

غالبًا اعراض دوالي الخصية مش بتكون واضحة أوي لأنها مش بتظهر على كل المصابين، لكن أغلب المصابين بدوالي الخصية بيروحوا للدكتور بعد تأخر الإنجاب من غير سبب واضح  لمدة سنة على الأقل،  وعادًة الم الخصية بيدل على امراض الجهاز التناسلي الذكري بشكل عام وليس فقط من اعراض دوالي الخصية، لأنه ممكن يكون أحد اعراض التهاب البروستاتا، علشان كدا لازم يتم التوجه للدكتور فورًا إذا كان في ألم في أحد الخصيتين أو كلاهما.

40% من المصابين بالعقم بيكونوا مصابين بدوالي الخصية علشان كدا دوالي الخصية هي أول سبب من أسباب تأخر الإنجاب عند الرجال بيشك فيه الدكتور المعالج

الكشف المبدئي

الكشف المبدئي لمريض دوالي الخصية عند زيارته الأولى لدكتور امراض الذكورة

الكشف البدني الأولي

في الزيارة الأولى للمريض، ممكن يقوم الدكتور ببعض الفحوصات البدنية زي:

  • فحص الخصية بالنظر أو باللمس بيكون واضح لو كانت دوالي الخصية كبيرة  فهيكون من السهل إنها تتشاف بالعين المجردة و وقتها الدكاترة بيشبهوا ملمس الخصية بملمس كيس مليان ديدان!
  • لكن لو كانت دوالي الخصية صغيرة و غير مرئية بالعين المجردة وقتها الدكتور بيلجأ للفحص من خلال الموجات فوق الصوتية لأنه بيكون أدق.

فحوصات وأشعة

بعض الفحوصات والأشعة اللي ممكن يطلبها دكتور الذكورة من مريض دوالي الخصية

اشعة دوالي الخصية

 لو كانت دوالي الخصية صغيرة و غير مرئية بالعين المجردة وقتها الدكتور بيلجأ للفحص من خلال الموجات فوق الصوتية لأنه بيكون أدق.

  • الموجات فوق الصوتية لفحص دوالي الخصية بتتسمى موجات دوبلر وبتقيس حجم أوردة الخصية و معدل سريان الدم داخل الأوردة دي ومن خلالها بيقدر الدكتور يحدد مدى شدة تطور دوالي الخصية وخطورتها.
  • لو كشفت موجات دوبلر إن حجم الأوردة أكبر من 3 ميلي متر وقتها بيتم تأكيد التشخيص بدوالي الخصية و تحديد إذا كانت حالة المريض لازم لها علاج أو لأ، لأن 60% من المصابين بدوالي الخصية من محتاجين علاج لأنها مش بتأثر عندهم على قدرة الإنجاب لكن 40% من حالات دوالي الخصية بتحتاج علاج لأنها بتهدد المريض بالعقم وعدم القدرة على الإنجاب.

علاج دوالي الخصية

أولًا، علاج دوالي الخصية جراحيًا

علاج دوالي الخصية بيتحدد على حسب حجم دوالي الخصية، وتأثير دوالي الخصية على خصوبة المريض، وأعراض انخفاض مستوى هرمون الذكورة – التيستوستيرون – و نتائج تحليل السائل المنوي في حالة أثرت دوالي الخصية على حركة و كفاءة الحيوانات المنوية.

طبيا مفيش أدوية خاصة في علاج دوالي الخصية لكن في مسكنات ممكن  تساعد تخفيف الألم، وبيتم الاعتماد على العلاج الجراحي زي في عملية دوالي الخصية رغم مخاطرها.

تعليمات قبل عملية دوالي الخصية بالمنظار

من العمليات البسيطة اللي وقتها ساعة أو ساعتين بالكتير وبيقدر بعدها المريض يرجع البيت في نفس اليوم تقريبًا، لكن من المهم قبل العملية إنك تتبع بعض التعليمات زي:

  • قول للدكتور بتاعك على أي أدوية بتاخدها خصوصًا الأدوية اللي بتزيد سيولة الدم زي الوارفارين و و الأسبرين.
  • ممكن الدكتور يطلب منك الصيام قبل العملية عن أي أكل أو شرب لمدة من 8 ل 12 ساعة.
  • قول للدكتور بتاعك عن أي مضاعفات حصلتلك  قبل كدا في حالة تركيب قسطرة بول سابقة.

خطوات عملية دوالي الخصية بالمنظار

  1. التخدير العام من خلال حقن المخدر في الوريد.
  2. تفريغ المثانة من البول أثناء نومك بعد التخدير عن طريق إدخال قسطرة بولية في مجرى البول.
  3. بيقوم الجراح بفتح شقوق صغيرة أسفل البطن علشان تسمح بدخول المنظار لحد دوالي الخصية.
  4. بيتم استئصال الأوردة المنتفخة في الخصية اللي بتمنع التدفق الطبيعي للدم وبسببها بتظهر دوالي الخصية على المريض.
  5. بيتم وصل ولحام الأوردة السليمة ببعضها عن طريق الحرارة بعد استئصال دوالي الخصية.
  6. أخر خطوة هو إخراج المنظار و تخييط الفتحات الصغيرة في البطن وبكدا تنتهي عملية دوالي الخصية.

تعليمات ونصائح بعد عملية دوالي الخصية بالمنظار

بعد خروجك من المستشفى في شوية تعليمات ونصائح بعد عملية دوالي الخصية بالمنظار لازم تتبعها وهي:

  1. الالتزام بجرعات أدوية المضاد الحيوي اللي هيوصفها ليك الدكتور المعالج.
  2. ممكن تتناول أدوية المسكنات زي الايبوبروفين لو حسيت بأي ألم بعد العملية لكن يُفضل عدم الإكثار منها.
  3. حافظ على النظافة الشخصية باستمرار علشان تتجنب أي عدوى بكتيرية بعد العملية.
  4. ممكن تحط كيس ثلج على الخصيتين أكثر من مرة في اليوم لمدة 10 دقايق علشان تقلل أي تورم أو تهيج ممكن يظهر على الخصيتين بعد العملية.
  5. تجنب ممارسة الجنس لمدة أسبوعين تقريبًا لحد ما يتم شفائك تمامًا.
  6. أبعد عن أي مجهود شاق أو تمارين عنيفة أو شيل أوزان تقيلة.
  7. من الأفضل انك تتجنب ممارسة السباحة لمدة تتفق عليها مع الدكتور المعالج، لكن حمامات الماية الدافية للخصيتين هيساعدوا في تخفيف أي ألم ممكن تحس بيه بعد العملية.
  8. حاول تتجنب أي حاجة تسبب لك إمساك و ممكن الدكتور يكتب لك أدوية ملينة علشان تتجنب أي إجهاد أثناء البراز.

خطورة عملية دوالي الخصية بالمنظار

خطورة عملية دوالي الخصية بالمنظار قليلة جدًا، لكن ممكن المريض يعاني من بعض الآثار الجانبية بعد العملية، مثل:

  1. احتباس السوائل حوالين الخصية واللي غالبًا بيكون مش شديد الألم و بيخف بعد العملية.
  2. صعوبة في التبول و الإحساس بعدم القدرة على إفراغ المثانة بالكامل.
  3. بعض الإحمرار أو تهيج الجلد مكان العملية ودا شئ طبيعي في معظم العمليات و بيختفي بعد العملية بفترة.
  4. تورم غير طبيعي حوالين مكان العملية ومش بيخف باستخدام التلج، وفي الحالة دي لازم ترجع للدكتور بتاعك علشان يتابع معاك حالتك ويكتبلك بعض الأدوية علشان التورم ده يخف.
  5. الحمى وارتفاع درجة الحرارة أعلى من 38.5 درجة سيليزية.
  6. الاحساس بالغثيان والقيء
  7. وجع الرجل أو في منطقة الفخذ أحيانًا.

نسبة نجاح عملية دوالي الخصية

  1. علامات نجاح عملية دوالي الخصية بتظهر في ارتفاع مستوى هرمون الذكورة التستوستيرون و زيادة انتاج الحيوانات المنوية ودا بيتم قياسه من خلال تحليل السائل المنوي، وفي معظم حالات دوالي الخصية بتتحسن نتايج تحليل السائل المنوي بنسبة 60 لـ80% بعد عملية دوالي الخصية، وبيزيد حالات الحمل بنسبة من 20% ل 60% بعد العملية.

علاج دوالي الخصية بدون جراحة

يمكن علاج دوالي الخصية بالرياضة عن طريق ممارسة بعض التمارين زي تمارين اليوجا لأن تمارين اليوجا بتساعد في تحسين الخصوبة و تدفق الدم للخصيتين ودا هيساهم في علاج أي تورم موجود في الخصية.

وتعتمد فكرة علاج دوالي الخصية طبيعيا على دعم صحة الأوردة والأنسجة في الخصية وبكدا هتتحسن الدورة الدموية في الخصية و هتساعد في تحسين كفاءة الحيوانات المنوية و زيادة الخصوبة، ومن الأطعمة والمشروبات اللي بتساعد في علاج دوالي الخصية هي:

  1. أطعمة غنية بمضادات الأكسدة زي البروكلي والتفاح.
  2. زيت كبد الحوت و زيوت الأسماك عمومًا غنية بالأحماض الدهنية الأساسية النافعة زي اوميجا 3 واللي بتساعد في الحفاظ على صحة الحيوانات المنوية.
  3. أطعمة غنية بالحمض الأميني كارنيتين زي الأفوكادو و اللحوم و الأسماك و منتجات الألبان لأنها بتساعد في تغذية و حركة الحيوانات المنوية وإمدادها بالطاقة.
  4. أطعمة غنية بالحمض الأميني أرجنين زي اليقطين أو القرع و الأعشاب والطحالب البحرية ومنتجات الألبان لأنها بتساعد في زيادة انتاج الحيوانات المنوية.
  5. أطعمة غنية بمعدن السيلينيوم زي الكبدة واللحوم و منتجات الألبان لأن المعدن دا ضروري في تشكيل الحيوانات المنوية بشكل صحيح و صحي.

المصادر

i

المصادر العربي

دوس هنا علشان توصل لكل المصادر العربي
لا يوجد مصادر عربي