pointer

اعراض تكيس المبايض

انقطاع الدورة الشهرية في شهر من شهور السنة لكن نزيفها بيكون أشد وأقوى في الشهر اللي بعده

pointer

اعراض تكيس المبايض

زيادة دهون البشرة و ظهور حبوب الشباب على الوجه

pointer

اعراض تكيس المبايض

زيادة شعر الوجه والثدى و الفخذين نتيجة لارتفاع هرمونات الذكورة

pointer

اعراض تكيس المبايض

تساقط شعر الرأس بشكل ملحوظ نتيجة ارتفاع هرمونات الذكورة

pointer

اعراض تكيس المبايض

تزيد احتمالية ظهور بقع غامقة فى الجلد و خصوصًا في الرقبة والإبطين

pointer

اعراض تكيس المبايض

زيادة غير معتادة فى الوزن و صعوبة فقدانه

pointer

اعراض تكيس المبايض

الإحساس بصداع مستمر بسبب اضطراب الهرمونات

pointer

اعراض تكيس المبايض

آلام على جانبي منطقة الحوض

اعراض تكيس المبايض

  1. اضطراب فى الدورة الشهرية و عدم انتظامها  بسبب اضطراب الهرمونات.
  2. انقطاع الدورة الشهرية في شهر من شهور السنة لكن نزيفها بيكون أشد وأقوى في الشهر اللي بعده.
  3. زيادة دهون البشرة و ظهور حبوب الشباب على الوش
  4. زيادة شعر الوجه و الثدى و الفخذين و دا نتيجة لارتفاع هرمونات الذكورة عن المستوى الطبيعي بجسم الأنثى.
  5. تساقط شعر الرأس بشكل ملحوظ نتيجة ارتفاع هرمونات الذكورة
  6. تزيد احتمالية ظهور بقع غامقة فى الجلد و خصوصًا في الرقبة والإبطين.
  7. زيادة غير معتادة فى الوزن و صعوبة فقدانه.
  8. الاكتئاب و العزلة واضطراب الحالة النفسية ممكن تؤدي إلى انعدام الثقة فى النفس.
  9. الإحساس بصداع مستمر بسبب اضطراب الهرمونات.
  10. آلام  بسيطة أو شديدة على حسب شدة خطورة تكيس المبايض بتظهر فى منطقة الحوض على الجانبين (مكان المبيض).
  11. الإمساك المتكرر (مش من أعراض تكيس المبايض المميزة اوى لكنه موجود فى حالات كتير)

في أسباب مختلفة ممكن تسبب ظهور اعراض تشبه اعراض تكيس المبايض مع عدم إصابة نبيض الأنثى بالتكيس، مثل:

  1. اسباب تأخر الدورة الشهرية.

  2. اسباب عدم انتظام الدورة الشهرية.

  3. اسباب حب الشباب عند البنات.

  4. اسباب نمو الشعر الزائد فى الوجه والجسم بشكل مبالغ فيه.

  5. اسباب تساقط الشعر أكثر من الطبيعي.

  6. اسباب ظهور بقع داكنة غير معتادة على الجلد.

  7. اسباب زيادة الوزن.

  8. اسباب آلآم الحوض.

اسباب تكيس المبايض

اعراض تكيس المبايض والمعروف بمتلازمة تكيس المبايض بيحصل نتيجة عدة أسباب مجتمعة، مثل:

  1. عوامل وراثية وانتشار الإصابة بمتلازمة تكيس المبايض بين إناث العائلة.

  2. عوامل فسيولوجية ومرضية مثل الإصابة بمرض السكر وامراض اضطراب المناعة.

  3. الآثار الجانبية لتناول بعض الأدوية مثل ادوية الصرع.

  4. اضطراب نفسي يؤدي إلى اضطراب بالهرمونات وزيادة احتمالية الإصابة بمتلازمة تكيس المبايض.

أعرف أكتر عن اسباب تكيس المبايض بالتفصيل.

علاج تكيس المبايض

من الممكن علاج تكيس المبايض طبيًا بالادوية أو جراحيًا في الحالات المتأخرة، وأيضًا في بعض المواد الطبيعية اللي ممكن تساعد في علاج تكيس المبايض بالاعشاب.

  1. تعرف على ادوية علاج تكيس المبايض.

  2. تعرف على علاج تكيس المبايض بالاعشاب.

  3. تعرف على كيفية الوقاية من الإصابة بمتلازمة تكيس المبايض.


ما هو تكيس المبايض


اسباب أخرى تؤدي لظهور نفس الاعراض


اسباب تكيس المبايض


مضاعفات تكيس المبايض


علاقته بالأمراض الأخرى


امتى تروح للدكتور


علاج تكيس المبايض


كيفية الوقاية من الإصابة


المصادر

ما هو تكيس المبايض؟

تكيس المبايض أو تكيسات المبايض  هي متلازمة بتصيب 1 من كل 10 إناث بالعالم في سن الإنجاب

ومتلازمة تكيس المبايض تُصيب الأنثى نتيجة اضطراب فى هرمونات الأنوثة ومشاكل في غدة المبيض زى وجود طبقة سميكة حول المبيض اللي بتمنع احيانًا خروج البويضات و زي وجود سوائل متجمعة في اكياس داخل المبيض نفسه بتسبب انتفاخ و زيادة حجم المبيض.

يصيب أي عضو في الجسم ودوره في الجسم؟

متلازمة تكيس المبايض بتحصل في مبيضين الأنثي بعد سن البلوغ؛ والمبيضان هما زوج من الغدد الصماء بتفرز هرمونات الأنوثة ومسؤولة عن انتاج البويضات، وبيتم تصنيفهم كغدد صماء تناسلية أنثوية (موجودين عند الإناث بس) على جانبين الرحم فى آخر قناتي فالوب، وحجم المبيض الواحد صغير في شكل و حجم اللوزة تقريبًا وطوله حوالي 3.5 سم وسمكه حوالي 1 سم.

ايه بيحصل في جسم الأنثى في حالة الإصابة بمتلازمة تكيس المبايض؟

التكيس اللي هو زيادة السمك  حوالين المبيض بيسبب صعوبة فى خروج البويضة في معادها يعني بيمنع التبويض و دا بيأخر الدورة الشهرية و بالتالى هرمون البروجسترون مش بيتفرز بنفس الكفاءة و دا بيسمح بارتفاع مستوى هرمونات الذكورة عند الإناث وتظهر أعراض تكيس المبيض اللي بتشبه أعراض الذكورة زي زيادة نمو الشعر في جسم البنات بشكل مبالغ فيه زي الرجالة وتغيرات في رقة الصوت.

ملحوظة: الغدد الصماء هي الغدد اللي بتفرز هرمونات في الدم مباشرة ولا تحتاج لقنوات خاصة لنقل الهرمون، و يتم انتقال الهرمون مع الدورة الدموية في كل الجسم ولكن  تأثيره بيظهر على اعضاء معينة بس ف الجسم حسب العضو المستهدف من الهرمون.

دور المبيض في الجسم:

يتلخص دور المبيض في جسم الأنثي في وظيفتين رئيسيتين، وهما:

1. إنتاج البويضات:

  • بينتج كل مبيض عدد كبير من البويضات بداية من سن البلوغ لحد سن اليأس بمعدل بويضة واحدة بس من كل مبيض كل شهرين (يعني التبويض كل شهر بيكون بالتبادل بين المبيضين).

2. إفراز الهرمونات الجنسية الأنثوية:

  •  هرمون الاستروجين: و دة بيتفرز من حويصلة  جراف -هي عبارة عن حصالة بتتكون فيها البويضة داخل المبيض-، و الهرمون دة هو المسئول عن ظهور الصفات الجنسية الثانوية عند البنت وقت البلوغ زى رقة الصوت و نمو الثدي و نمو الغدد اللبنية.
  • هرمون البروجسترون: و دة بيتفرز من تركيب اسمه الجسم الأصفر اللي بيتكون من بقايا حويصلة جراف بعد انفجارها وخروج البويضة وقت التبويض ، وبيتفرز كمان من المشيمة اثناء الحمل بداية من الشهر الرابع بدل الجسم الأصفر.

و هرمون البروجسترون هو المسئول عن انتظام الدورة الشهرية و مسئول عن نمو بطانة الرحم و زيادة الإمداد الدموى ليها – يعني زيادة تدفق الدم فى الاوعية الدموية إلى فى جدار الرحم – و دا بيحصل كل شهر علشان الرحم يستعد لاستقبال جنين لو حصل إخصاب للبويضة و يفضل مستمر الامداد الدموي طول فترة الحمل علشان تغذية وحماية الجنين، لكن لو محصلش حمل بتتمزق بطانة الرحم  وتحصل الدورة الشهرية.

اعراض تكيس المبايض

اعراض تكيس المبايض ممكن تظهر على بعض المصابات وبتختلف في شدتها على حسب اختلاف شدة الحالة الصحية للمصابة:

آلام على جانبي الحوض متفاوتة الشدة حسب شدة خطورة تكيس المبايض.

الاكتئاب و العزلة واضطراب الحالة النفسية.

تساقط شديد بشعر الرأس بشكل ملحوظ نتيجة ارتفاع هرمونات الذكورة بالجسم.

صداع مستمر على غير العادة نتيجة اضطراب الهرمونات.

زيادة شعر الوجه والثدى والفخذين نتيجة لارتفاع هرمونات الذكورة بالجسم.

زيادة غير معتادة فى الوزن مع صعوبة فقدانه.

انقطاع الدورة الشهرية في شهر من شهور السنة لكن بنزيف أشد الشهر اللي بعده.

تزيد احتمالية ظهور بقع غامقة في الرقبة والإبطين.

اضطراب وعدم انتظام الدورة الشهرية بسبب اضطراب الهرمونات.

زيادة دهون البشرة و ظهور حبوب الشباب بالوجه.

اسباب تكيس المبايض

عوامل نفسية

استقرار الجسم و ثباته في اداء وظايفه بيتحكم فيه جهازين أساسيين : الجهاز العصبي والغدد. 

اى ضغوط نفسية او عصبية ممكن تتسبب في اضطراب هرمونات الجسم، و بناءً عليه العامل النفسي مهم جدا وبيؤدي إلى زيادة احتمالية الإصابة بمتلازمة تكيس المبايض.

اضطراب جهاز المناعة

اعتلال فى مناعة الجسم سواء بالضعف (يكون الجسم مناعته ضعيفة) وسهل يُصاب بالأمراض المختلفة وبالتالي يُصاب باضطراب الهرمونات وتكيس المبايض.

او بالزيادة (أمراض مناعة ذاتية تسبب مهاجمة الجسم لنفسه) ، فى الحالة دي ممكن جهاز المناعة يبدأ يهاجم بعض الغدد ويسبب اضطراب هرموني بالجسم.

بعض الأمراض وأدويتها

الإصابة بمرض السكر نتيجة زيادة افراز هرمون الانسولين أو مقاومة الجسم له، سواء كان السكر من النوع الأول أو النوع الثاني أو سكر الحمل.

تناول ادوية الصرع لأن احيانا الادوية دى بتسبب اضطراب فى الهرمونات  وبتزود احتمالية الاصابة بمتلازمة تكيس المبايض و ظهور اعراضها.

عوامل وراثية

أحيانا بيكون فى سجل وراثي فى العائلة من جيل لجبيل بينتقل فيه خلل بالجينات المسؤولة عن انتاج الهرمونات وبالتالي بيحصل اضطراب الهرمونات وبالنتيجة ارتفاع هرمونات الذكورة (الأندروجينات).

أو تكرار الإصابة بمتلازمة تكيس المبايض في التاريخ المرضي لإناث العائلة خاصة الاقارب من الدرجة الأولى.

أطعمة تزيد من حدة أعراض تكيس المبايض:

  • تكيس المبايض له علاقة قوية باضطراب الانسولين ، فطبعا السكريات اللى بكميات كبيرة جدا و المأكولات الدهنية بتساعد على ظهور اعراض تكيس المبايض بشكل أعنف.
  • اللحوم الحمراء اللى بكميات كبيرة بتأثر على هرمونات الجسم.
  • الكافيين الزيادة بسبب الإكثار في الشاي و القهوة بشراهة بيأثر على نسبة هرمونات الأنوثة زي الاستروجين اللي هو اصلا مش منتظم و فيه مشكلات ، فالمشكلة بتزيد.
  • المشروبات الغازية بجميع أنواعها.

مضاعفات تكيس المبايض

زيادة احتمالية الإصابة ببعض الحالات الطبية

  •  العقم :  مشاكل التبويض بسبب انسداد المبايض يسبب انقطاع دائم فى التبويض و دا معناه عقم ، و كمان اضطرابات الهرمونات مش بتساعد الجسم على التبويض بشكل طبيعي، لكن العقم دا مش بيحصل إلا في الحالات المتأخرة من تكيس المبايض.
  • تغيرات لون الجلد و ظهور بقع غامقة : من أعراض تكيس المبايض ظهور بقع على الوجه و الرقبة احيانًا، بس مع الإهمال بتبدأ البقع دى توسع و تغمق أكتر و بيكون علاجها أصعب.
  • تكيس المبايض لو حصل للحامل هيزيد من خطورة إن يحصل إجهاض أو سكر حمل أو تسمم حمل و بتزيد احتمالية الولادة القيصرية ويحتاج المولود يقضي فترة في الحضانة بعد الولادة.
  • توقف التنفس أثناء النوم و دا نتيجة السمنة المفرطة وصعوبة نقص الوزن بسبب تكيس المبايض.

زيادة احتمالية الإصابة ببعض الامراض

  • الإصابة بمرض السكر : أكثر من 50% من المصابات بمتلازمة تكيس المبايض معرضات لخطر الإصابة بمرض السكر قبل سن ال40 سنة نتيجة لغبطة هرمون الانسولين.
  • تضرر القلب والأوعية الدموية : نتيجة لاضطراب هرمونات الجسم كله بيحصل مشاكل في التمثيل الغذائي وبتزيد نسبة الدهون الثلاثية فى الجسم (الكوليسترول).
  • ارتفاع الكوليستيرول بالجسم من الأسباب للإصابة بجلطة القلب.
  • ارتفاع ضغط الدم: نتيجة لنفس اسباب مشاكل القلب (زيادة نسبة الدهون الثلاثية).
  • ارتفاع ضغط الدم أعلى من 140/90 لازم للمريض عناية طبية بسرعة والمتابعة مع الدكتور المعالج لأن من أشهر مضاعفات ارتفاع ضغط الدم هو الإصابة بالسكتة الدماغية.
  • سرطان بطانة الرحم في حالات متأخرة من المرض.

امتى تروح للدكتور؟

لو تكرر اعراض تكيس المبايض خصوصًا تأخر الدورة الشهرية أكتر من مرة او فترات طويلة و آلام الحوض أكتر من مرة مع ملاحظة ظهور بعض اعراض مرض السكر زي الإحساس بالعطش دايمًا والجوع الشديد والتبول المتكرر، يبقى لازم التوجه لدكتور نسا فورًا وعدم إهمال الحالة الصحية، والكشف متقسم لجزئين:

الكشف المبدئي

الكشف المبدئي في الزيارة الأولى لدكتور النسا لمريضة بيظهر عليها اعراض تكيس المبايض بيكون عبارة عن

في الزيارة الأولى لدكتور النسا

  • الكشف الجسدي : الدكتور بيبدأ يضغط على كذا منطقة فى البطن كلها عشان يتأكد ان الألم فى مكان المبايض بالظبط.
  • التاريخ المرضى : هل المريضة جالها مشاكل قبل كدا بسبب لغبطة هرمونات ؟ هل المريضة اشتكت من اعراض تشبه اعراض تكيس المبايض قبل كدا؟ هل المريضة بتعاني من مشكلة أو مرض سابق فى الجهاز التناسلى؟ او تأخر فى الدورة الشهرية من فترة؟ وهل فى صعوبة فى فقدان وزنها ولا لأ؟
  • التاريخ الوراثى : يعني لو حد في العائلة زي الأم أو الجدة والخالة والعمة حصلهم تكيس مبايض قبل كدا لأن دا أحيانًا بيكون مؤشر قوى بيخلي الدكتور يطلب تحاليل و اشعة خاصة بتكيس المبايض قبل التفكير في احتمالات و اسباب تانية للاعراض اللي عند المريضة.

فحوصات وتحاليل

بعض التحاليل والفحوصات الطبية اللي ممكن طلبها الدكتور من مريضة تكيس المبايض

فحوصات وتحاليل

التحاليل: و دى بتكون عبارة عن مجموعة تحاليل من عينة دم زي  صورة دم كاملة، تحليل دهون ثلاثية وتحليل مستوى الهرمونات بالجسم، ودا علشان يتعرف مستوى هرمون الذكورة اللي بيبان بوضوح فى التحاليل.

الفحص بالسونار : ودا تقريبًا الدليل القاطع في فحوصات تكيس المبايض كلها لان الدكتور بيقدر يشوف الكيس اللى على المبيض و بيقدر يحدد مكانه بدقة وبيحدد قطره وحجمه.

امراض  تشبه متلازمة تكيس المبايض

الأمراض دي مش كلها تكيسات بالمعنى الواضح زي ما تم تعريفه سابقًا في ايه هو تكيس المبايض، لكن بتظهر في السونار على شكل تكيسات بالجهاز التناسلي الأنثوي.

الحمل خارج الرحم

و دا عبارة عن ان البويضة المخصبة اللي المفروض يكتمل نموها في الرحم ويتطور نموها لجنين، ممكن البويضة دي تنقسم و تنمو فى أماكن تانية خارج الرحم زي فى قناة فالوب أو المبايض أو التجويف البطني، و دا ممكن بيظهر فى المراحل المبكرة منه على شكل تكيس مبايض، و اعراض الحمل خارج الرحم ممكن تشبه اعراض تكيس المبايض في انقطاع الدورة الشهرية واضطراب الهرمونات.

الكيس الوظيفي

البويضة بتتكون و بتنمو فى حاجة شبه الحصالة اسمها حويصلة جراف موجودة داخل المبيض والحويصلة دى بتنفجر وقت التبويض علشان تتحرر البويضة و بيتكون من بقايا الحويصلة خلايا اسمها الجسم الأصفر، أوقات لا تنفجر حويصة جراف في معادها وتخزن سوائل بداخلها من غير ظهور اعراض مرضية، وفى الطبيعي بيختفي خلال 10 أسابيع من نفسه ودي حالة من الحالات الحميدة في تكيس المبايض.

أورام المبيض

الأورام كلها عبارة عن انقسام عشوائي غير طبيعي فى خلايا نسيج معين زي خلايا المبيض فبيزيد عدد الخلايا دي وتحصل الأورام، و دي لما بتحصل فى المبيض بيخلي كتلة الخلايا المتورمة دى تظهر في السونار والأشعة على شكل تكيس، وغالبًا بيتم اكتشافه في المراحل الأولى من الورم ودا بيساعد في سرعة بدء علاج أورام السرطان الحميدة قبل ما تدهور حالة المريضة ويتحول إلى ورم خبيث.

التكيس الجلدانى

و دا نمو مش طبيعى للخلايا على شكل كيس بيحصل فى المبيض وممكن يحصل في أماكن تانية زي البشرة و تحت الإبط و أسفل الظهر، و 15% من المرضى بيحصلهم النوع دا من التكيس في المبيضين مع بعض لكن عادة مش بيبقى فيه منه قلق لأن 98% من المريضات بيتشخص التكيس دا عندهم على إنه ورم حميد سهل علاجه و 2% بس بيتشخصوا على إن التكيس دا ورم سرطاني.

و أيضُا : اعراض تكيس المبايض السابقة مش دايما دلائل قاطعة على وجود تكيس المبايض فعلا  علشان كدا لازم اللي تحس بالأعراض دي تتجه للدكتور فورًا وتعمل فحوصات وتحاليل تكيس المبايض، لأن فى أسباب مختلفة لنفس الأعراض، فمثلًا:

اسباب تأخر الدورة الشهرية

  • أسباب فسيولوجية طبيعية بسبب حمل أو رضاعة.
  • سن اليأس لسيدة أكبر من 45 سنة تسبب تأخر الدورة الشهرية؛ لأن الطبيعى بتحصل كل 28 يوم طالما مفيش حمل او مشكلات و قرب سن اليأس الفترة بين كل دورة شهرية واللي بعدها بتزيد عن 28 يوم لحد ما تنقطع تمامًا.
  • تأخر الدورة الشهرية بسبب علاج معين : منها تناول بعض الأدوية زى مضادات الإكتئاب وأدوية الحساسية و زى العلاج الكيميائي لمرضى السرطان، ممكن كمان برشام منع الحمل يلخبط الدورة الشهرية.
  • ممكن كمان عوامل حياتية : زى الضغوطات العصبية و زى التمارين الرياضية العنيفة ممكن تسبب اضطراب الهرمونات الأنثوية، وأيضًا نقص الوزن بشكل عنيف من غير إشراف طبي.

اسباب ظهور حب الشباب

  • ممكن تظهر بسبب ضغوطات نفسية.
  • ممكن بسبب متلازمة كوشينج  cushing’s Syndrome ( وهو مرض بيحصل للذكور والإناث عبارة عن اضطراب في هرمونات الجسم بتخليه يفرز كمية كبيرة جدا من هرمون معين ((الكورتيزول)) و دة بيسبب ظهور اعراض كتير من ضمنها اعراض حبوب الشباب)
  • ممكن تظهر بسبب التغذية غير السليمة (فى دراسات اثبتت ان المأكولات الدهنية و السعرات الحرارية العالية  بتزود حبوب الشباب).
  • فى أدوية و عقاقير معينة ممكن من آثارها الجانبية انها تطلع حبوب شباب و عادًة بيكون لها علاقة بالهرمونات أدوية علاج العقم، أو أدوية مضادة للتشنجات والصرع.

اسباب تساقط الشعر بشدة

  • قصور الغدة الدرقية.
  • عوامل وراثية وانتشار حالة تساقط الشعر في العائلة الواحدة (وهو أشهر الأسباب الرئيسية لتساقط الشعر عند الإناث)
  • الإصابة ببعض انواع الفطريات بفورة الرأس تسبب تساقط الشعر بكم كبير.
  • الاضطرابات الهرمونية بعد الولادة وهي حالة طبيعية بيقع فيها الشعر بغزارة.
  • تناول حبوب منع الحمل أحيانًا بيسبب اضطراب هرمونات تسبب تساقط الشعر.

اشهر اسباب زيادة الوزن بشدة

  • عدم الاهتمام بنظام غذائي صحي مع عدم ممارسة الرياضة.
  • قصور في الغدة الدرقية تسبب اضطراب الهرمونات في الجسم.
  • عوامل وراثية وانتشار السمنة في التاريخ العائلي للمريضة.
  •  اضطرابات نفسية  نتيجة لبعض المشاكل الاجتماعية أو تناول بعض الأدوية تكون من آثارها الجانبية اضطرابات نفسية زي أدوية الحساسية.

اسباب عدم انتظام الدورة الشهرية

  • أمراض وراثية بسبب مشاكل في الجينات زي مرض متلازمة تيرنر.
  • ملحوظة: متلازمة تيرنر هي مشكلة جينية بتتولد بيها الإناث، حيث أن الطبيعي للإناث انها تتولد بكرموسومات XX لكن في حالة تيرنر تتولد الإناث بجينات بتحتوي على كروموسوم واحد فقط X.
  • ممكن أمراض المناعة الذاتية (و دى أمراض الجسم فيها بيهاجم نفسه ، بمعني ان ربنا خالق ليك جهاز مناعة يدافع عنك و يهاجم الأمراض او الأجسام الغريبة ، ففى أوقات جهاز المناعة دا  بيهاجم خلايا الجسم نفسه زي في مرض الروماتويد و مرض الئبة الحمراء، و دا ممكن يأثر على التبويض).
  • العلاج الكيمياوى للسرطانات بيسبب تأخر الدورة الشهرية.
  • اضطرابات فى نظام الهضم و الأيض في الجسم بيأثر على تصنيع الطاقة و تخزينها فى الجسم و بالتالى بيأثر على التبويض.

اسباب نمو الشعر الزائد فى الوجه والجسم

  • متلازمة كوشينج cushing’s Syndrome وهو مرض بيحصل نتيجة اضطراب الهرمونات بالجسم وزيادة هرمون الكورتيزول.
  • اضطرابات فى الغدد الكظرية تؤدي إلى اضطراب الهرمونات ونمو الشعر الزائد بالوجه والجسم.
  • ممكن استخدام بعض الأدوية زي أدوية الاكتئاب وأدوية  التهاب بطانة الرحم.

اسباب ظهور البقع الداكنة على الجلد

  • الإصابة ببعض حروق الشمس خصوصًا البشرة الحساسة.
  • ممكن تكون اصابة ببعض أنواع الفطريات وخصوصًا تحت الإبط.
  • مضاعفات مرض السكر نتيجة الاضطراب الهرموني.

اسباب آلام الحوض

  • آلام الحوض مؤشر قوي على وجود متلازمة تكيس المبايض أو مشاكل في الجهاز الهضمي زي القولون العصبي.
  • احتمالية الإصابة بمرض التهاب الحوض وهو مرض بيصيب الجهاز التناسلي الأنثوي نتيجة الإصابة بعدوى جنسية زي مرض الكلاميديا أو السيلان عند النساء.
  • الم الحوض أحد اشهر اعراض الحمل خارج الرحم.
  • الم الحوض ممكن يحصل نتيجة بعض أنواع موانع الحمل اللي بيتم وضعها داخل رحم المرأة زي اللولب لأنه ممكن يسبب التهاب بطانة الرحم.
  • الإصابة ببعض أنواع الأورام بالرحم يسبب الم شديد في منطقة الحوض عند النساء مع ملاحظة غزارة الدورة الشهرية وطول مدة نزيف الدورة عن المعتاد.
  • احتمالية الإصابة بأحد أعراض التهاب الزائدة الدودية بيسبب الم بالحوض يختلف شدته باختلاف شدة الالتهاب.
  • إصابة المريضة بأحد أعراض حصى الكلى ممكن يصاحبها الم الحوض.

علاج تكيس المبايض

علاج تكيس المبايض بالأدوية بينقسم لجزئين وهما علاج اضطراب الهرمونات اللي بينتج عنه الإصابة بمتلازمة تكيس المبايض، بالإضافة لعلاج الأمراض المصاحبة أو علاج بعض اعراض تكيس المبايض، فمثلًا:

أولًا: علاج تكيس المبايض طبيًا

1. علاج تكيس المبايض بالأدوية:

  • في دكاترة بتدى السيدات المتزوجات منشطات هرمونية و محفزات للتبويض (يعنى انتظام التبويض) و دا بيعالج مشكلة تأخر التبويض.
  • في دكاترة بتدي مريضات تكيس المبايض أدوية منع الحمل، لأن ادوية منع الحمل عبارة عن هرمونات انوثة بتاخدها الست طول الشهر عشان تخلى الرحم دايما فى حالة شبه الحمل ف يكون غير مستعد لاستقبال بويضة جديدة لكن فى نفس الوقت بتنظم التبويض لانها بتدى الجسم هرمون الانوثة اللي في كتير من الحالات بيكون متأثر و قليل بسبب تكيس المبايض وزيادة هرمونات الذكورة في جسم المريضة، و بيتاخد فى صورة برشام او اقماع مهبلية “لبوس مهبلي”
  • وفي ادوية تقلل من هرمونات الذكورة في جسم مريضة تكيس المبايض زي دوا ألدكتون لكن للأسف النوع دا من الادوية ممكن يسبب مشاكل في الولادة بعدين علشان كدا الدكاترة مش بينصحوا بيه لو كانت المريضة حامل فعلًا أو بتخطط للحمل في فترة قريبة؛ علشان كدا لازم تتجنب المريضة تناول أي دواء من غير إشراف الطبيب المعالج لحالتها وبكدا هتجنب الجنين الإصابة بالتشوهات خصوصًا لو كان الجنين ذكر ممكن يصاب بمتلازمة التثدي عند الرجال لمّا يكبر.
  • ادوية السكر في علاج تكيس المبايض بتكون فعالة في تنظيم الأنسولين اللي بيحصل فيه خلل وقت الإصابة بمتلازمة تكيس المبايض زي دوا الميتفورمين اللي بيساعد كمان في تنظيم الكوليستيرول و الحماية من أمراض القلب والأوعية الدموية.

2. علاج تكيس المبايض بالجراحة:

  • عن طريق منظار مهبلى و دة هيساعد فى عملية التبويض (بيستخدم الدكتور المعالج منظار لأستئصال الجزء السميك على المبيض اللي مانع تحرر البويضة).
  • أو اللجوء لعملية (كي المبيض) بيتشال فيها الجزء السميك أو التكيس اللي على المبيض.
  • عمليات استئصال للأكياس الموجودة على المبيض لو حجمها كبير او عددها كتير و دى عملية جراحية لازم فيها تخدير كلي للمريضة.

ثانيًا طبيعيًا: علاج تكيس المبايض بالاعشاب

علاج تكيس المبايض بالاعشاب
القرفة من أهم الأعشاب اللى لها علاقة اصلا بتنظيم هرمونات الأنوثة و تنظيم الدورة الشهرية و بينصح بيها دايما فى فترة ما قبل وأثناء الدورة الشهرية.

النعناع له دور فى تقليل هرمونات الذكورة اللي بتزيد في حالة الإصابة بمتلازمة تكيس المبايض.

الحلبة بتساعد في تنظيم هرمونات الأنوثة وتقليل اعراض تكيس المبايض.

الليمون مع الكمون بيساعدوا الجسم في التخلص من الدهون الضارة واللي عادةً هيكون لها علاقة بتكيسات المبايض، لكن من الأفضل تجنبه لو بتعاني من قرحة المعدة.

العرقسوس في الأغلب بيساعد في توازن الهرمونات و مفيد في علاج السكر لكن من الأفضل يبعد عنه مرضى الضغط لأنه بيسبب ارتفاع ضغط الدم.

العسل مهم لتقوية مناعة الجسم و تنظيم الأنسولين اللي بيكون إفرازه غير منتظم عند مريضة تكيس المبايض.

الوقاية من الإصابة بمتلازمة تكيس المبايض

  • التغذية السليمة والابتعاد عن الاكلات السريعة والاكلات المليانة دهون وبتسبب زيادة مفرطة في الوزن.
  • شرب الماء مهم في تنظيم كل العمليات الحيوية في الجسم وبيساعد في نقص الوزن والتخسيس يعني شرب  2 لتر على الأقل في اليوم مع اتباع نظام اكل صحي هيقلل من خطورة الإصابة بالسمنة.
  • البعد قدر المستطاع عن التوتر و الضغوط العصبية،  الاضطرابات النفسية و العصبية بتسبب مشاكل كتير زي مشاكل الهرمونات وممكن ينتج عنها تكيس المبايض وغيره من الامراض.
  • ممارسة الرياضة والتمارين ومش شرط حاجة معينة المهم تكون الرياضة و الحركة و النشاط من أساسيات حياتنا.

  • التقليل من شرب الكافيين كفاية فنجان واحد قهوة فى اليوم مش أكتر من كدا، لأن الكافيين عموما زي في الشاى والقهوة و النسكافية بيسبب انيميا نقص الحديد مع الوقت وتظهر اعراض فقر الدم على المريض زي الدوخة و الارهاق الشديد وسهولة كسر الأظافر وسقوط الشعر.

  • لو ظهر أى عرض من اعراض تكيس المبايض اللي اتكلمنا عنها دى لازم زيارة الدكتور فورا و المتابعة الدورية لحد يتم التأكد من تمام العلاج والشفاء و ان مبقاش فى آثار للمشكلة.

  • متابعة الكشف الدورى سواء بتحاليل الدم و السكر او بقياس الضغط او فحص شامل كل شىء و خصوصا لو فى سجل وراثى مرضى فى العائلة، و لو بتخططي للحمل ممكن الدكتور المعالج ينصح بتناول دوا حمض الفوليك لأنه بيساعد في تنظيم التبويض ومهم لصحة الأم أثناء الحمل علشان يكون حمل صحي وميحصلش أي مضاعفات أو مشاكل في اعراض الحمل.