pointer

اعراض الحمل خارج الرحم

نزيف مهبلي أشد من نزيف الدورة الشهرية خصوصًا بعد 4 اسابيع من انقطاع الدورة الشهرية

pointer

اعراض الحمل خارج الرحم

ألم عنيف في الجانب السفلي من البطن تحديدًا في منطقة الحوض والرحم

pointer

اعراض الحمل خارج الرحم

ألم شديد بالكتف أحيانًا

pointer

اعراض الحمل خارج الرحم

دوخة شديدة وإغماء نتيجة ضغط دم منخفض بسبب احتمالية وجود نزيف داخلي

اعراض الحمل خارج الرحم

في بداية الحمل تكون الأعراض مش واضحة لأنها بتتشابه مع أعراض الحمل الطبيعي بنسبة كبيرة زي :

  1. دوخة و إغماء
  2. غثيان و قيء
  3.  وإرهاق عام بالجسم
  4. انقطاع الطمث
  5. وجع الثدي

اعراض الحمل خارج الرحم في بدايته ممكن تختلف شوية عن اعراض الحمل العادية في:

  1. الاحساس بالغثيان و الرغبة في القئ.
  2. الدوخة و الضعف و احيانًا الهبوط.
  3. ألم في جنب واحد بس من الجسم.
  4. ألم في الكتف و الرقبة و المستقيم.

لو ظهر أعراض شديدة و ألم غير معتاد لازم يتم إجراء اختبار الحمل بشكل فوري للتأكد من وجود حمل من عدمه أو زيارة أقرب مستشفى لتجنب انفجار قناة فالوب لو كان حمل خارج الرحم فعلًا، لأن تطورات الحمل خارج الرحم تظهر من بداية الأسبوع الرابع لحد الأسبوع ال12 من الحمل.

أسباب الحمل خارج الرحم

  • من أشهر الأسباب المعروفة هي:

1. استخدام موانع الحمل الرحمية زي اللولب.

2. جراحات قناة فالوب.

3. جراحات الرحم مثل التوسيع والكحت.

4. العيوب الخٌلٌقية بقناة فالوب.

5. اضطراب الهرمونات.

6. التهاب بطانة الرحم بسبب عدوى بكتيرية

اعرف اكتر عن اسباب الحمل خارج الرحم

علاج الحمل خارج الرحم

أولا علاج الحمل خارج الرحم بالادوية :

عن طريق ادوية الإجهاض (تحت إشراف الدكتور المتخصص)

ثانيا علاج الحمل خارج الرحم جراحيًا :

علاج الحمل خارج الرحم عن طريق التدخل الجراحي لاستئصال الجنين.

اعرف اكتر عن علاج الحمل خارج الرحم بالتفصيل


ايه هو الحمل خارج الرحم


أنواع الحمل خارج الرحم


أسباب الحمل خارج الرحم


مضاعفات الحمل خارج الرحم


امتى تروحي للدكتور


علاج الحمل خارج الرحم


كيفية التعايش مع فقد الحمل


المصادر

ما هو الحمل خارج الرحم ؟

الحمل الطبيعي هو أن البويضة المخصبة تستقر داخل تجويف الرحم ودا البيئة الطبيعية لنمو وتكوين الجنين. إنما الحمل خارج الرحم هو إن البويضة المخصبة تستقر في أي مكان غير تجويف الرحم زي قناة فالوب ودا اكتر مكان بيحصل فيه حالة الحمل خارج الرحم وهنا بيتسمى (الحمل البوقي) أو (الحمل الأنبوبي). وممكن كمان يحصل في أماكن تانية بس بنسبه أقل يكاد يكون نادر زي تجويف البطن أو المبيض أو عنق الرحم. والحمل دا مش بيستمر لأن البويضة أثناء نموها بتحتاج لبيئة صحية ومغذية ودا مش موجود إلا في الرحم

الحمل خارج الرحم مش بيتحول لحمل طبيعي و لازم تدخل طبي فورًا قبل ما الحمل خارج الرحم يسبب انفجار قناة فالوب و ينتج عنه نزيف شديد ممكن يؤدي للموت

نتيجة الإصابة بالحمل خارج الرحم

يؤدي الحمل خارج الرحم لإنفجار قناة فالوب وممكن ينتج عنه نزيف داخلي خطير يعرض حياة المريضة للخطر وممكن يتسبب في إزالة قناه فالوب وازالة الجهاز التناسلي بالكامل في أسوأ الحالات.

دور قناة فالوب في جسم المرأة

ايه هي قناة فالوب

قناة فالوب هي جزء من أجزاء الجهاز التناسلي في الإناث و عبارة عن أنبوبة بتوصل ما بين المبيض (المنتج للبويضة) وما بين الرحم (حاضن البويضة) ،  موجودة علي جانبي الرحم وطولها بيبدأ من 12 سنتيميتر.

وظيفتها :

إنها بتقوم بنقل البويضة من المبيض الي الرحم عن طريق الأهداب المنتشرة علي طول القناة من الداخل، والأهداب هي خيوط تشبه الشعر الخفيف بتكون منتشرة جوا قناة فالوب علشان تساعد في انتقال البويضة للرحم و ممكن يحصل تخصيب للبويضة بالحيوان المنوي أثناء مرورها بالقناة لكن متستقرش في تجويف الرحم والمفروض ان ده المكان الطبيعي اللي بتستكمل البويضة نموها فيه ويتكون الجنين ، وبالتالي عدم انتقال البويضة المخصبة من قناة فالوب لتجويف الرحم بينتج عنه حالة الحمل خارج الرحم.

أنواع الحمل خارج الرحم 

الحمل المزدوج

النوع دا نادر الحدوث وبيحصل عن طريق وجود بويضتين مخصبتين، واحدة منهم في قناة فالوب والتانية مستقرة في الرحم بالشكل الطبيعي. وفي الحاله دي بيتم اكتشاف الحمل في قناة فالوب قبل الحمل الطبيعي بسبب الألم الغير معتاد عن حالات الحمل الطبيعي. وبيتم التعامل مع الحالة بشكل طارئ عن طريق استئصال الحمل من قناة فالوب. لكن ممكن يستمر الحمل الطبيعي في اغلب الحالات دي  بنسبة 70% بعد استئصال الحمل خارج الرحم

الحمل الغير إنبوبي

النوع دا بيمثل 2% من الحالات، وبيحصل في اي منطقه بخلاف قناة فالوب زي التجويف البطني او المبيض او عنق الرحم ، ويمكن الكشف عن الحمل في حاله عنق الرحم عن طريق اشعة الموجات فوق الصوتية عبر المهبل

الحمل الإنبوبي

النوع دا من الحمل خارج الرحم بيمثل 98% من نسبة الحالات الكُلية، وبيحصل في أي مكان على طول قناة فالوب من الداخل

اسباب الحمل خارج الرحم

بالإضافة للعوامل الكتير اللي ذكرناها قبل كدا زي إستخدام موانع الحمل ، أو و جود عيوب خلقية في قناه فالوب ، أو لو عملتي عملية في قناة فالوب قبل كدا  او لو عندك إلتهابات في بطانة الرحم كل العوامل دي  بتتسبب ان الحمل يحصل خارج الرحم  إلا ان  من أشهر الأسباب المعروفة هي:

تلف اهداب قناة فالوب

 تلف الخيوط اللي بتشبه الشعر المبطنة لقناة فالوب من الداخل بتسبب عدم انتقال البويضة المخصبة لتجويف الرحم؛ وتلف اهداب قناة فالوب ممكن يحصل بسبب عدة أسباب زي الامراض المنتقلة جنسيًا زي الكلاميديا والسيلان، وأحيانًا التهاب الزائدة الدودية ممكن يسبب امراض قناة فالوب.

مرض التهاب الحوض

في علاقة قوية بين مرض التهاب الحوض والحمل خارج الرحم، لأن الإصابة بالتهاب الحوض بيسبب ندوب داخل قناة فالوب و دا بينتج عنه تلف أهداب قناة فالوب و بتكون غير قادرة إنها تقوم بوظيفتها في نقل البويضة المخصبة. 

استخدام الدش المهبلي

ممكن يسبب استخدام الدش المهبلي ولو لمرة واحده فقط بالاسبوع الي حدوث الاصابة بالحمل خارج الرحم عادة بيتم استخدام الدش المهبلي لتنظيف المهبل او منع الحمل بعد الجماع وأحيانًا بيتم استخدامه لعلاج فطريات المهبل تحت إشراف الطبيبة المختصة.

الإصابة بإلتصاقات الرحم

بيحصل ضعف في بطانة الرحم اللي بيفصل الجدار الأمامي عن الجدار الخلفي للرحم و بكدا يلزقوا الجداريين في بعض ويحصل مشاكل تمنع استقرار البويضة المخصبة في الرحم و تفضل في قناة فالوب و ينتج عنها الحمل خارج الرحم.

في بعض الحالات بيعجز الطب عن تمييز اسباب بعض حالات الحمل خارج الرحم

تطور اعراض الحمل خارج الرحم

لو ظهر اعراض الحمل خارج الرحم بشدة مع ألم غير معتاد لازم يتم إجراء اختبار الحمل بشكل فوري للتأكد من وجود حمل من عدمه أو زيارة أقرب مستشفى لتجنب انفجار قناة فالوب لو كان حمل خارج الرحم فعلًا، لأن تطورات الحمل خارج الرحم تظهر من بداية الأسبوع الرابع لحد الأسبوع ال12 من الحمل.

و بيظهر تطور اعراض الحمل خارج الرحم على شكل:

.1

 نزيف مهبلي

 ودا يعتبر من علامات الحمل خارج الرحم التحذيرية ولازم يتم زيارة للدكتور فورًا، وفي الحالة دي النزيف بيكون لزوجة الدم فيه أثقل أو أخف عن المعتاد في فترات الدورة الشهرية علشان كدة لازم يتم التفرقة بين الحالتين بزيارة دكتورة نسا فورًا وعدم إهمال النزيف

2.

ألم في الجانب السفلي من البطن 

الألم الشديد دا مش طبيعي يحصل في بداية الحمل الطبيعي وبيكون من أشهر العلامات المصاحبة لحالة الحمل خارج الرحم، و بيحصل في جانب واحد من البطن وغالبا بيكون في الجانب السفلي. ومع مرور الأيام وتطور الحمل بيزيد الألم بشكل ملحوظ وغير اعتيادي ويلزمه انتقال للمستشفى بسبب عدم تحمل الألم

>> التشنجات العنيفة في  البطن و الأمعاء ممكن يكون علامة من علامات النزيف الداخلي في حالات الحمل خارج الرحم

3.

ألم الكتف

بيحصل فالوب لأن الدم أو النزيف دا بيتسرب من منطقة تمزق قناة فالوب إلى البطن وممكن يوصل لعضلة الحجاب الحاجز و يسبب تهيج الأعصاب اللي بتوصل للكتف و يعتبر ألم الكتف دا من  اكثر اعراض الحمل خارج الرحم خطورة وعلامة من علامات إصابة قناة فالوب و احتمالية كبيرة لتمزق أو انفجار قناة فالوب، والمشكلة إن بيتم إهمال ألم الكتف عند كتير من الحوامل لأنهم بيظنوا أن الألم دا ملوش علاقة بالحمل و بيعتبروه ضعف عادي بسبب اعراض الحمل العادية

4.

النزيف الداخلي

بيحصل النزيف دا  لو حصل انفجار لقناة فالوب وفي الحالة دي بيكون في خطر كبير على حياه المصابة ، وأعراض النزيف الداخلي للرحم بتشبه أعراض الحيض الطبيعية من وجع وتقلصات شديدة بالبطن والضهر لكن الوجع بيكون أكبر وأشد من المعتاد وممكن يحصل معاه حمى وإغماءات، ولازم يتم زيارة دكتورة النسا فورًا لأن النزيف الداخلي في الرحم ممكن يؤدي للموت

الأكثر عرضة للإصابة بالحمل خارج الرحم

  1. سن الأم وقت الحمل لو كان من 35 لـ 45
  2. المدخنات بكثرة لأن التدخين بيسبب مشاكل كتير لبطانة الرحم.
  3. المصابات بأمراض الحوض زي مرض التهاب الحوض
  4. الحمل بعد عملية ربط قناة فالوب كنوع من أنواع عمليات موانع الحمل.
  5. علاج الخصوبة من آثاره الجانبية هو الحمل خارج الرحم
  6. التعرض السابق لحالات الحمل خارج الرحم.
  7. المصابات بالعدوى التناسلية بسبب بعض انواع البكتريا زي بكتريا السيلان.

مضاعفات الحمل خارج الرحم

الإصابة بالعقم ممكن تحصل مع السيدات اللي تعرضوا للحمل خارج الرحم مرة واحدة بنسبة  10:15% ، ودا لأن الطبيب ممكن يلجأ لأستئصال قناة فالوب حسب شدة خطورة الحمل خارج الرحم

التمزق اللي بيحصل في قناة فالوب بيسبب نزيف داخلي حاد  هو و دا من اخطر المضاعفات اللي ممكن تحصل لأنه ممكن يسبب الموت متلحقش بسرعة.

 إمتى تروح للدكتور ؟


لازم تروحي للدكتور بسرعة لو حسيتي يأي علامة او عرض من اعراض الحمل خارج الرحم اللي سبق ذكرها، وأهمها بإختصار:
     1. الم شديد في البطن والحوض مصحوب بنزيف داخلي.
     2. الدوخة الشديدة والإغماء بدون أسباب واضحة.
     3. ألم الكتف.

لو الدكتور شك في وجود حمل خارج الرحم هيقوم بعمل الفحوصات دي :

في حالة وجود نزيف داخلي يقوم الطبيب المختص بتدخل جراحي سريع علشان يتم إنقاذ حياة المريضة وفي حالات كتير بضطر الأم لفقد الجنين.

فحص نبض القلب وضغط الدم دوريًا لأن انخفاض ضغط الدم ممكن يكون علامة من العلامات المبدئية على وجود نزيف داخلي.

فحص بالموجات الفوق صوتية عالية التردد (السونار) في منطقة البطن ومن خلال المهبل للتأكد من وجود حمل من عدمه ويقدر يعرف مكان الجنين.

الفحص البدني عن طريق فحص الحوض والضغط برفق علشان يتأكد من مكان الالم و سببه والتأكد من وجود كتلة في المبيض أو قناة فالوب.

علاقة الحمل خارج الرحم بمرض التهاب الحوض

مرض التهاب الحوض PID هو عبارة عن عدوى بتُصيب العضو التناسلي الأنثوي بسبب انتشار البكتريا المنقولة جنسيا من المهبل إلى الرحم وقناة فالوب والمبيض.

وتتلخص أعراضه في :

  1. ألم أسفل البطن والحوض.

  2. صعوبة في التبول.

  3. نزيف غير طبيعي في الرحم وخاصة خلال الجماع أو بعدها و بين دورات الحيض.

  4. إفرازات مهبلية شديدة ليها رائحة مزعجة.

علاقة الحمل خارج الرحم بمرض السل

ممكن في بعض الحالات من السل تنتشر بكتريا السل من الجهاز التنفسي لبعض اجهزة الجسم الأخرى زي الجهاز التناسلي والحالة دي بتُسمى بالسل التناسلي و بتسبب مشاكل في الجهاز التناسلي كله بما فيهم الرحم، والنوع ده من السل من اشهر اسباب الإصابة بـ متلازمة أشرمان اللي بينتج عنها الحمل خارج الرحم لأنها بتسبب التصاقات جدارن الرحم.

علاقة الحمل خارج الرحم بمتلازمة أشرمان

متلازمة اشرمان هي عبارة عن التصاقات داخل تجويف الرحم من الممكن أن تكون هذه الالتصاقات متفرقه داخل جدار الرحم ومن الممكن أن تكون عبارة عن التصاق الجدار الأمامي بالجدار الخلفي للرحم، و في الأغلب بتحصل بسبب جراحات الرحم زي عمليات التوسيع أو الكحت بعد الإجهاض. وعلاج متلازمة اشرمان بيكون عن طريق الجراحة بالمنظار تحت التخدير الموضعي لعلاج التصاقات الرحم و علاج العقم الناتج عنها. وفي الفترة اللي بعد الجراحة بيكون العلاج الهرموني إلزامي يعني وقتها الدكتور بيكتب للمريضة جرعات من هرمونات الاستروجين والبروجستيرون في جرعات فردية علشان تساعد في نمو بطانة الرحم بشكل طبيعي.

الوقاية من الإصابة بـ حمل خارج الرحم

في بعض العادات الصحية ممكن تقلل من فرص الإصابة بالحمل خارج الرحم، زي :

  • منع الأمراض المنقولة عبر العلاقة الجنسية عن طريق استخدام الواقي الذكري.
  • الإقلاع عن التدخين خصوصا في فترة الحمل.
  • عمل الفحوصات المنظمة قبل وأثناء الحمل علشان تطمن الأم على حالتها الصحية و حالة الجنين، ومعرفة لو حصل اي نوع من الإصابات أو العدوى اللي ممكن تهدد الحمل.
  • الحماية من التعرض للإصابة بمرض التهاب الحوض لأنه يعتبر احد اكبر الأسباب المسببة للإصابة بحالات الحمل خارج الرحم، و دا عن طريق عدم استخدام الدش المهبلي إلا في أضيق الحدود، و عمل الفحوصات الدورية للزوج و الزوجة علشان يتأكدوا من عدم الإصابة بأي نوع من أنواع البكتريا اللي بتصيب الجهاز التناسلي.

علاج الحمل خارج الرحم

بعد أخذ جرعة من دواء الاجهاض مثل دواء الميثوتركسات، يقوم الدكتور بمراقبة مستويات هرمون الحمل (HCG) إذا كان نسبة الهرمون دا لسه مرتفعة، ممكن ينصح الدكتور بجرعة تانية من دوا الميثوتركسات للتخلص من الحمل خارج الرحم، و علشان كدة لازم رعاية طبية للمريضة باستمرار وممكن الحالة تتطلب الحجز في المستشفى لمدة يحددها الدكتور حتى تمام استقرار الحالة الصحية للمريضة.

في بعض الحالات الخطيرة جدا زي حدوث نزيف داخلي يستدعي التدخل الجراحي السريع لإزالة النسيج المصاب وإزالة قناة فالوب وبعد العملية يقوم الطبيب بمتابعة هرمون الحمل علشان يتأكد من عدم وجود بقايا من انسجة الحمل خارج الرحم؛ و لو لاحظ الطبيب ارتفاع في نسبة الهرمون فهتكون إشارة على وجود  بقايا خلايا لسه من الحمل دا وإنها لسه بتنمو و في الحالة ديfيحدد الطبيب جرعة من دوا الميثوتركسات للتخلص من البقايا دي.

إذا تأكد الطبيب من وجود الحمل خارج الرحم في وقت مبكر يقوم بإعطاء المريضة جرعة من دوا اسمه الميثوتركسات والدوا ده له القدرة على وقف نمو خلايا الجنين وإذابة الخلايا الموجودة ولكن لازم يتم التأكد من وجود الحمل خارج الرحم أولا قبل البدء بأخذ الجرعة المقررة، و الدوا دا مش موجود إلا في المستشفيات و بعض الروشتات و لا يتم صرفه إلا بروشتة موثقة وموقعة من الدكتور المعالج.

وفي بعض الحالات المتأخرة بيقوم الطبيب بإجراء عملية عن طريق المنظار بعمل شق في البطن بجانب السرة، ويقوم الطبيب بإدخال خرطوم به كامير لرؤية مكان الحمل خارج الرحم بوضوح وبعد كدا يقوم الطبيب باستئصال اي أنسجة غريبة أو غير طبيعية في قناة فالوب و كل انسجة جنين الحمل خارج الرحم.
وفي بعض الحالات المتأخرة بيضطر الطبيب بإزالة قناة فالوب بالكامل إذا كانت القناة متضررة بشكل كبير ولا يمكن علاجها.


إمكانية حدوث حمل طبيعي

ممكن يحصل حمل طبيعي بعد مدة من استئصال الحمل خارج الرحم، والأحتمالية دي بتعتمد على:
   1. طريقة علاج الحمل خارج الرحم، لأن فرصة الحمل الطبيعي بعد استخدام الأدوية زي دواء الميثوتركسيت بتكون أعلى من فرصة الحمل الطبيعي بعد علاج الحمل خارج الرحم بالجراحة.
   2. فرصة الحمل الطبيعي أعلى لو تم استئصال الحمل مع استئصال قناة واحدة من قناتي فالوب، لأن الفرصة دي بتقل جدًا لو تم  استئصال الحمل خارج الرحم مع قناة فالوب بالكامل.

كيفية التعايش بعد الحمل خارج الرحم

  • فقدان الجنين له آثار مؤلمة على الحالة النفسية للأم ممكن توصل لنوع من أنواع الاكتئاب والحزن وفقدان الشهية ودا هيؤدي لضعف شديد جدًا في الجسم والإصابة بفقر الدم.
  • فرصة الحمل الطبيعي لسه موجودة والأفضل إن الأم يفضل عندها أمل في الحمل بجنين طبيعي وسلم بصورة طبيعية، ودا طبعًا بجانب المتابعة المستمرة مع الطبيب المعالج علشان تتجنب الإصابة بالحمل خارج الرحم مرة تانية.
  • وفي حالة إصابة قناة واحد من القناتين ممكن تعيد المحاولة عن طريق تخصيب البويضة في القناة الأخرى السليمة والحصول على الحمل الطبيعي.
  • لو حصل تلف في قناتي فالوب الأتنين واضطر الطبيب المعالج لإزالتهم، ممكن يحصل حمل طبيعي عن طريق زرع البويضة المخصبة مسبقا بالمعمل داخل تجويف الرحم زي في عمليات الحقن المجهري.