pointer
اعراض التهاب الزائدة الدودية

اعراض الزائدة

بيبدأ من السرة وبيزيد في الجزء السفلي من البطن من ناحية الجنب اليمين

pointer
اعراض التهاب الزائدة الدودية

اعراض الزائدة

يشتد الألم في حالة الكحة او العطس أو مع محاولة اخد نفس عميق

pointer
اعراض التهاب الزائدة الدودية

اعراض الزائدة

احتمالية الإصابة حمى منخفضة يعني ارتفاع بسيط في درجة حرارة الجسم

pointer
اعراض التهاب الزائدة الدودية

اعراض الزائدة

يشتد الألم في حالة الحركة لدرجة أن المريض مبيقدرش يقف على رجله

اعراض التهاب الزائدة الدودية

من اشهر اعراض التهاب الزائدة الدودية هو وجع شديد في منطقة البطن بيتميز عن أي وجع تاني بأنه:
  1. بيبدأ من السرة وبيزيد في الجزء السفلي من البطن من ناحية الجنب اليمين.
  2. بيزيد بسرعة في خلال ساعات قليلة وبيكون غير محتمل.
  3. بيزيد جدا في حالة الحركة لدرجة إن المريض مبيقدرش يقف على رجله.
  4. بيزيد في حالة الكحة او العطس أو مع محاولة اخد نفس عميق.
  5. بيحصل فجأة من غير ظهور أي اعراض قبله.

من اعراض الزائدة الدودية اللي ممكن يحس بيها المريض بجانب الوجع الشديد في منطقة البطن وبعض المرضى ممكن متظهرش عليهم الاعراض دي، وهي:

1. الغثيان والقيء.
  2. اضطراب في الجهاز الهضمي عمومًا يعني ممكن يحصل الاسهال او الامساك.
  3. احتباس الغازات وصعوبة التخلص منها وانتفاخ البطن .
  4. حمى منخفضة يعني ارتفاع بسيط في درجة حرارة الجسم.
  5. تورم و انتفاخ في البطن

هل تختلف أعراض التهاب الزائدة عند النساء من الرجال والأطفال وكبار السن؟

ممكن تختلف أعراض التهاب الزائدة  باختلاف الأجناس والأعمار ودا ممكن يسبب  صعوبة في تشخيص التهاب الزائدة أو التشخيص الخاطئ في بعض الحالات.

ودا لأن طبيعة تكوين الذكر تختلف عن الانثي من حيث الأجهزة التناسلية و وجود الزائدة بالقرب من الجهاز التناسلي عند الرجال والنساء.

أعرف أكتر عن اعراض التهاب الزائدة الدودية عند النساء.

.أعرف أكتر عن اعراض التهاب الزائدة الدودية عند الاطفال

أعرف أكتر عن اعراض التهاب الزائدة الدودية عند كبار السن.

اسباب التهاب الزائدة الدودية

ممكن يشترك أكثر من سبب علشان يحصل التهاب الزائدة على الرغم إن في كتير من الأوقات بيكون سبب التهاب الزائدة مش واضح، لكن بعض الأسباب المحتملة هي:

  1. وجود طفيليات وأجسام غريبة أو أورام بالزائدة يسببوا التهاب الزائدة وانسدادها.

  2. الإصابة بأمراض الجهاز الهضمي زي مرض التهاب القولون أو  التهاب الأمعاء نتيجة تناول                أطعمة ملوثة.

  3. تضخم أنسجة الزائدة الداخلية نتيجة الإصابة بعدوى الجهاز الهضمي.

  4. تكون كتلة من المخاط السميك (mucous) أو تسرب البراز من الأمعاء الغليظة إلى تجويف                  الزائدة ويؤدي إلى انسداد الزائدة.

علاج التهاب الزائدة الدودية

من الممكن علاج التهاب الزائدة جراحيًا عن طريق عملية الزايدة أو طبيعيًا بالمنزل عن طريق علاج التهاب الزائدة بالاعشاب.

  1.تعرف على عملية الزايدة وتعليمات قبل وبعد عملية الزايدة.

  2. تعرف على كيفية علاج الزايدة بالاعشاب مثل النعناع والكركم والزنجبيل.


ما هو التهاب الزائدة الدودية


انواع التهاب الزائدة الدودية


اعراض التهاب الزائدة عند النساء


اكلات تسبب التهاب الزائدة الدودية


اعراض تشبه اعراض التهاب الزائدة الدودية


امتى تروح للدكتور


عملية الزائدة الدودية


علاج التهاب الزائدة الدودية بالاعشاب


اشهر الأسئلة عن التهاب الزائدة الدودية


المصادر

ما هو التهاب الزائدة الدودية

التهاب الزائدة الدودية هو تهيج وتورم في عضو من أعضاء الجهاز الهضمي اسمه الزائدة الدودية، وبالرغم إن نسبة حدوث التهاب الزائدة الدودية ضئيل جدًا عالميًا حيث اصابت حوالي 11.6 مليون شخص سنة 2015 و سببت في موت 50,100 فقط من سكان العالم كله لكنها من أشهر الأسباب اللي بينتج عنها ألم شديد جدًا في منطقة البطن ولازم لها جراحة فورًا لاستئصال الزائدة الدودية.

ما هي الزائدة الدودية وما اهميتها في الجسم؟

الزائدة الدودية هي عضو من اعضاء الجهاز الهضمي وهي عبارة عن ملحق صغير يشبه الأصبع أو الدودة وبتكون مرتبطة بنهاية الأمعاء الغليظة في الربع السفلي من ناحية اليمين تحديدًا بالمصران الأعور.

وعادة بيكون طولها 9 سم عند معظم الناس لكن في أحيان أخرى ممكن تترواح بين 5 ل 35 سم، وقطرها حوالي 6 سم ولو زاد القطر عن 6 سم بيتم التأكد من حدوث التهاب الزائدة الدودية.

في حالات نادرة ممكن يتولد الشخص من غير زائدة، وبتحصل لشخص واحد فقط لكل 100 شخص على مستوى العالم.

دور الزائدة الدودية في الجسم:

مصدر من مصادر البكتيريا النافعة بالجسم

من فترة قريبة  أٌجريت بعض الدراسات اللي بتوضح أن الزائدة ليها دور في الجسم لأنها  تعتبر مخزن للبكتيريا المفيدة أو البكتريا الصديقة اللي بتكون موجودة داخل الأمعاء واتسمت  بكتيريا صديقة للجسم لانها مش بتسبب أي ضرر لينا بالعكس هي بتساعدنا في محاربة البكتيريا الضارة والدفاع عن الجسم  ضد الأجسام الغريبة.

ووجد أن الزائدة الدودية تحتفظ بهذه البكتيريا الصديقة وتخرجها في حالة احتياج الجسم إليها لو تم نقصها من الأمعاء زي اللي بيحصل في حالات الإسهال اللي بتسبب تسرب جزء كبير من البكتيريا الصديقة خارج الجسم،  لأن الإسهال عادة بيكون إفراز غزير للسوائل بسبب إصابات متعددة زي تلوث خارجي من بعض أنواع الطعام أو بيتم نقص البكتيريا الصديقة دي في حالة الإسهال الدموي اللي بيتميز بوجود دم وقيح بالبراز فبالتالي يخرج معاه البكتريا لخارج الجسم لكن بيتم تعويضها من مخزون  البكتريا الموجود بالزائدة الدودية .

دور في تقوية مناعة الجسم

كما وٌجد في دراسة حديثة  أن للزائدة الدودية وظيفة مناعية لان فيها نسيج لمفاوي ومخاط مناعي.
و الجهاز الليمفي هو جهاز تابع للجهاز المناعي وعبارة عن مجموعة كبيرة من الأوعية الدموية بيمر خلالها سائل اسمه الليمف علشان كده اسمه الجهاز الليمفي وبيكون  موجود في معظم الأعضاء المخاطية في الجسم زي القناة الهضمية والزائدة الدودية والقنوات الهوائية في الرئتين، وبيتميز النسيج دا ان له القدرة على الترقب لأي جسم غريب ممكن  يهاجم جسم الإنسان ويهاجمة كرد فعل مناعي من الجسم على دخول أجسام غريبة من البيئة الخارجية زي اللي بيحصل بالضبط في حالة الزائدة واللوز.

انواع التهاب الزائدة الدودية

يختلف نوع باختلاف شدة اعراض التهاب الزائدة الدودية حتى إن تشابهت الأعراض نفسها:

التهاب الزائدة الدودية الحاد

لا يمكن تجاهل ألم الزائدة الحاد لأنه بيكون سيء جدا وغير محتمل وبيظهر على هيئة ألم البطن حول منطقة السرة خصوصًا في الجانب الأيمن من البطن وزيادة الألم مع الحركة والسخونة والتقيؤ والغثيان، ويكون العلاج الوحيد المناسب له هو التدخل الجراحي وعملية الزايدة لأن مفيش أدوية بديلة يمكن الاعتماد عليها عشان يتم منع انفجار الزايدة وحتى المضادات الحيوية اللي بتتاخد قبل عملية الزايدة بتكون لتخفيف أعراض الإصابة بالبكتيريا وتجنب التلوث الجرثومي لأعضاء أخرى في الجسم.

التهاب الزائدة الدودية المزمن

ألم الزائدة بيجي على فترات متباعدة ممكن يكون الم قوي لكن ممكن تحمله ومش بيكون معاها اعراض التهاب الزايدة التانية زي التقيؤ والسخونة وفقدان الشهية والغثيان.

اعراض التهاب الزائدة الدودية

من اشهر اعراض التهاب الزائدة الدودية هو وجع شديد في منطقة البطن بيتميز عن أي وجع تاني أنه بيبدأ من السرة وبيزيد في الجزء السفلي من البطن من ناحية الجنب اليمين وبيزيد جدا في حالة الحركة لدرجة أن المريض مبيقدرش يقف على رجله.

ممكن تختلف أعراض التهاب الزائدة  باختلاف الأجناس والأعمار ودا ممكن يسبب  صعوبة في تشخيص التهاب الزائدة أو التشخيص الخاطئ في بعض الحالات، ودا لأن طبيعة تكوين الذكر تختلف عن الانثي من حيث الأجهزة التناسلية و وجود الزائدة بالقرب من الجهاز التناسلي عند الرجال والنساء، فمثلا:

اعراض التهاب الزائدة الدودية عند النساء: 

الزائدة بتكون قريبة من الجهاز التناسلي للأنثى بمنطقة الحوض فلو حصل التهاب الزائدة عند النساء بيكون مش من السهل التمييز بينه وبين أعراض أي التهابات نسائية أخرى زي أن الألم ممكن يكون ناتج عن التهاب الحوض أو التهاب المبايض  أو وجود تكيس المبايض أو ألم فترة التبويض.

علشان كدا النساء عرضة للألم في المنطقة دي لأكثر من سبب بسبب طبيعة الجهاز التناسلي ودا بينتج عنه خطأ التشخيص مع بعض الإناث وممكن يسبب انفجار الزائدة في بعض الحالات المتأخرة لو تم اهمال الألم.

اعراض التهاب الزائدة الدودية عند الحامل بيختلف في مكان الإحساس بالألم لأنه بيكون في المنطقة العلوية من الجانب الأيمن خصوصًا بعد أول 3 شهور من الحمل، وفي الحالة دي بيتأخر تشخيص التهاب الزائدة عند الحامل لأن مكان الألم بيتغير بسبب تغيرات الحمل وكبر منطقة البطن.

وغالبا تشخيص اعراض التهاب الزايدة عند الرجال بسهولة مقارنة مع النساء بسبب عدم وجود مبايض أو تبويض أو مشاكل منطقة الحوض.

اعراض التهاب الزائدة الدودية عند الأطفال: 

التهاب الزائدة عند الاطفال بيكون فيه صعوبة شوية في التشخيص مع ان اعراض التهاب الزائدة الدودية عند الاطفال بتشبه اعراض التهاب الزائدةالدودية  عند الكبار في الإحساس بألم في البطن حول منطقة السرة و يتدرج إلى الجانب الأيمن؛ لكن الطفل  بيلاقي صعوبة في التعبير عن مكان الألم ومش بيقدر يوصف المكان بدقة وممكن الأهل يعتقدوا أن دا ألم مغص عادي أو وجع عادي بالبطن ولكن لو تم السكوت عن الألم دا ممكن يحصل انفجار في الزائدة.

وللأسف أعراض السخونة والتقيؤ اللي بتندرج تحت أعراض التهاب الزائدة مش من السهل اعتبارها دليل مباشر على التهاب الزائدة عند الأطفال، ودا لأن الأطفال عادة بيكونوا عرضة للإصابة بالحمى كتير لأنهم بيتعرضوا لأنواع مختلفة من الأمراض في صغرهم ويبدأ جهازهم المناعي يكون أقوى مع الوقت علشان يدافع عن الجسم وأول طرق الدفاع في الأغلب بتكون في صورة  حمى أو فقد الشهية أو التقيؤ، وبالتالي تشتبه اعراض التهاب الزائدة الدودية عند الاطفال مع العديد من أعراض الأمراض الأخرى ودا ممكن يسبب خطأ في التشخيص.

اعراض التهاب الزائدة الدودية عند كبار السن:

كثير من كبار السن والشيوخ يكونوا مصابين ببعض المشاكل في الكلية او حصوات المرارة او الاملاح الزيادة أو التهاب المعدة فبالتالى إحساس الألم بمنطقة الجانب الأيمن ممكن يخطر في بالهم أنها تندرج تحت اى عرض من اعراض الأمراض دي اللي بيعانوا منها.

وفي بعض حالات التهاب الزائدة مش بتكون مصحوبة بالقيء ،والبعض الآخر يصاب بحمي خفيفة غير ملحوظة علشان كدا بيصعب عليهم تحديد أن الأعراض دي اعراض التهاب الزائدة الدودية إلا مع ملاحظة إن في ألم شديد جدًا مع الحركة خصوصًا مع تحريك الرجل اليمنى وإنه مش قادر يقف عليها.

اسباب التهاب الزائدة الدودية

ممكن يشترك أكثر من سبب للإصابة بالتهاب الزائدة الدودية على الرغم إن في كتير من الأوقات بيكون سبب التهاب الزائدة مش واضح، لكن بعض الأسباب المحتملة هي:

أجسام غريبة أو أورام بالزائدة

وجود طفيليات وأجسام غريبة أو أورام بالزائدة يسببوا التهاب الزائدة وانسدادها، وأيضًا تضخم أنسجة الزائدة الداخلية بسبب انواع متعددة من العدوى اللي بتصيب أجزاء الجهاز الهضمي زي المرئ والمعدة والأمعاء الدقيقة والأمعاء الغليظة.

امراض الجهاز الهضمي

الإصابة بأمراض الجهاز الهضمي زي مرض التهاب القولون أو  التهاب الأمعاء وهو مرض بيحصل بسبب الفيروسات بعد أكل طعام ملوث فيحس المريض ببعض الأعراض زي  اسهال مائي وغثيان وقيء وتقلصات في البطن والحمى في بعض الأحيان.

انسداد الزائدة

ممكن تتكون كتلة من المخاط السميك (mucous) أو يحصل تسرب البراز من الأمعاء الغليظة إلى تجويف الزائدة، ويتصلب ويكون صخرة حجرية من البراز أو كتلة لزجة من المخاط تسد الزائدة و تسبب التهابها.

شخص من كل 20 شخص في الولايات المتحدة في أي سن لكن بتكون نادرة شوية في سن الأطفال أقل من سنتين و بتكون شائعة أكتر في سن من 10 ل 30 سنة.

اكلات تسبب التهاب الزائدة الدودية:

في بعض الأكلات من الأفضل تجنبها والابتعاد عنها في حالة الإصابة بالتهاب الزائدة مش لأنها اكلات تسبب التهاب الزائدة في حد ذاتها لكنها بتزيد من شدة ألم الزائدة زي:

  • كثرة الأطعمة الغنية بالبروتين مثل اللحوم
  • كثرة تناول التوابل وخاصة التوابل الحارة 
  • الأطعمة التي تحتوي علي نسبة عالية من السكريات.
  • الأطعمة المحفوظة ويجب الابتعاد عنها تماما لان لها خطورة كبيرة ليس على الزائدة فقط لكن بشكل عام على باقي الجسم.
  • الإفراط في الأطعمة المقلية و المحتوية على دهون 
  • كثرة تناول البيض المقلي أو المطبوخ بدهون كثيرة 
  • كثرة تناول البقوليات زي الفاصوليا لأنها تُعتبر من المواد المسببة للغازات والتهاب القولون وممكن تزيد من احتمالية الإصابة بالتهاب الزائدة.
  • الإفراط في المشروبات الكحولية والغازية.
  • الإفراط في القهوة والآيس كريم.

امتى تروح للدكتور؟

الم الزايدة عادة بيكون غير محتمل ولازم التوجه فورًا للدكتور لو حسيت بأي من اعراض التهاب الزايدة لأن التأخر عن علاج الم الزايدة لمدة اكتر من 48 ساعة ممكن يتسبب في انفجار الزايدة اللي بيهدد حياة المريض.

وعلشان الدكتور يشخص إن الألم دا هو ألم زايدة فعلًا بيقوم ببعض الفحوصات والأشعة والتحاليل لتأكيد التشخيص قبل اللجوء لعلاج الزايدة بالتدخل الجراحي أو عملية الزايدة، والفحوصات دي بتتقسم لـ:

التشخيص المبدئي

التشخيص المبدئي دا مقصود بيه الفحص الطبي اللي بيقوم به الدكتور المختص علشان يتأكد أن الألم اللي حاسس بيه المريض هو الم الزايدة فعلًأ وبيشمل:

أثناء الزيارة الأولى للدكتور

اثناء الزيارة الأولى، بيقوم الدكتور ببعض الفحوصات البدنية للمريض للتشخيص المبدئي، وتتمثل في:

  • فحص مكان الألم تحديدًا بالبطن، والضغط عليه  علشان يعرف هل ممكن تحمل الألم أو لأ ؟ وهل بيزيد الألم بعد لمسه أو لأ؟
  • بيطلب الدكتور من المريض تحريك القدم اليمين وضمها على البطن مع  ملاحظة زيادة الألم عند تحريكها أو لأ .
  • قياس درجة الحرارة لمعرفة هل طبيعية أو لو في ارتفاع في درجة الحرارة.
  • لو شك الدكتور في اعراض الزايدة أو اعراض امراض تانية في محيط البطن والجهاز الهضمي، بيطلب من المريض أنه يعمل فحص رقمي أو اشعة للمستقيم.
  • والتشخيص بعد اجراء فحوصات الدم والتأكد من عدد كرات الدم البيضاء وارتفاع نسبتها.
  • ممكن الدكتور يطلب تحليل البول علشان يتأكد أن الألم مش بسبب وجود أملاح أو حصوات أو ناتج من الجهاز البولي، والتحليل دا بيظهر وجود خلايا الدم والبكتيريا والصديد لو في مشكلة في الجهاز البولي.

اشعة وفحوصات

بعد التشخيص المبدئي، ممكن يتطلب من المريض القيام ببعض الأشعة والفحوصات للتأكد من مدى شدة التهاب الزائدة الدودية وهل القيام بعملية الزائدة أنسب حل للمريض أو يمكن السيطرة على الالتهاب بطرق أخرى.

اشعة وفحوصات

  • اشعة تصويرية لمحيط البطن (X-rays)

( واللي معروفة طبيًا بأسم الأشعة السينية) الهدف منها تصوير الأجزاء الداخلية لمنطقة البطن بسرعة جدأ ودون ألم أو تدخل جراحي علشان يتم التأكد من أن الألم اللي بيحس بيه المريض هو ناتج عن التهاب في الزائدة أو ينفي وجود التهاب أو تضخم في الزايدة و الاعضاء الاخرى.

  • (التصوير المقطعي CT) للبطن

وهو نوع من انواع الأشعة السينية لكن الاختلاف هنا إن له دقة أكبر لأنه بيدي صورة ثلاثية الابعاد لمحبط البطن ويقدر الدكتور يحدد مكان الألم بدقة على عكس الاشعة السينية ثنائية الأبعاد. 

  • التصوير بالموجات فوق الصوتية

وغالبًا بيتم استخدام النوع دا من الأشعة أو التصوير لفحص التهاب الزايدة الدودية عند الاطفال، لأنها بتكون طريقة آمنة للاطفال وبتجنبهم التعرض بعض خطورة الآشعة المتأينة اللي في طريقة الأشعة السينية.

ملحوظة: الجهاز المستخدم في التصوير المقطعي بيعتمد على مسح كامل للأعضاء وبيكون متصل بأجهزة كمبيوتر بتعرض صورة متكاملة ثلاثية الأبعاد للأعضاء وكمان صورة تشريحية للاجهزة ومكان الاصابة أو وجود خلل في أي عضو، علشان كدا بيكون سعر التصوير المقطعي CT غالي.
وبناء على الاشعة دي بيقدر الدكتور يحدد احتياج المريض انه يقوم بـ عملية الزايدة أو لأ.

اعراض مشابهة لاعراض الزائدة الدودية

في بعض الاعراض لبعض الامراض بتشبه اعراض التهاب الزايدة الدودية، علشان كدا الدكتور بيعمل سرد لجميع الأعراض مرة واحدة ومقارنتها مع كل حالة مرضية واستبعاد بعض الأمراض اللى مش مناسبة مع اعراض المرض اللي بيحس بيها المريض، مثلًا التهاب القولون والزائدة مشتركين في بعض الأعراض زي الألم في البطن والجنب، لو العرض زال اللي هو الألم، كده نستبعد انه كان ألم  الزايده ويكون التشخيص أقرب لـ التهاب القولون، و دا بالإضافة طبعا لجزء التحليل والأشعة والفحص الطبي. 

والامراض اللي أعراضها  بتشبه اعراض الزائدة الدودية بتشمل:

التهاب العقد اللمفاوية المساريقية الحاد

اعراض التهاب العقد المساريقية بتشبه أعراض  التهاب الزايدة و الم الزايدة لأن الألم بيكون في الجانب الأيمن وكمان مصحوب بالقيء والغثيان.

لكن في حالة التهاب العقد اللمفاوية بيكون  سببها من البداية أن العقد اللمفاوية اللي هي حلقة الوصل اللي بتوصل بين الأمعاء والغشاء المحيط بكل مكونات البطن بيحصل فيها التهاب نتيجة عدوى معوية بسبب بكتيريا أو فيروس ومعظمها في الأطفال والشباب.

و بيكون مفيش داعي للقلق لأن الألم يختفي تدريجيا من نفسه والمريض مش هيحتاج اي عملية جراحية زي عملية الزايدة وغالبًا الدكتور هيكتفي بإعطاء بعض المسكنات.

هل تتشابه أعراض الزائدة مع اعراض القولون العصبي؟

بسبب وجود الزائدة الدودية في نهاية الأمعاء الغليظة وبداية اعراض الزايده تكون ألم في أسفل البطن من الناحية اليمنى في الجسم، ممكن المريض في البداية يفتكر ان الاعراض دي اعراض القولون العصبي وليس اعراض الزائدة الدودية.

لكن بتختلف أعراض القولون عن اعراض الزايدة في أنها عبارة عن اضطرابات في الجهاز الهضمي بيصاحبها اضطرابات وآلام في منطقة البطن مع انتفاخها وألم أسفل القفص الصدري لدرجة ان الالم ممكن يسبب صعوبة في التنفس، وكمان بيكون مع الاعراض دي الاحساس بانتفاخ البطن و بالغازات وبعض حالات الاسهال أو الامساك. 

وكمان أعراض التهاب القولون من النوع المزمن بيكون مصاحب للمريض لفترة طويلة فبيكون سهل على المريض التفريق بين ألم القولون العادي و الم الزايده الشديد، غير أن اعراض القولون بتزيد مع الحالة النفسية للشخص حيث يزداد الألم في حالات العصبية والتوتر والقلق والاضطرابات النفسية، أو بسبب بعض الأطعمة والمشروبات اللي ممكن تسبب تهيج القولون، على عكس الم الزايده اللي مش بتكون فيه الحالة النفسية سبب رئيسي.

التهاب المعدة والأمعاء الحاد

بتتشابه اعراض التهاب المعدة والامعاء الحاد مع أعراض الزائدة في القيء والإسهال والم في البطن.

ولكن في الحالة دي بيكون في أعراض اكتر مختلفة عن اعراض الزايدة زي أن الجسم بيعرق جدا وفي الم في مفاصل وعضلات الجسم، وبيكون في حالة من الجفاف علشان كده المريض بيحس طول الوقت بالعطش.

الاعراض دي بيلاحظها الدكتور بسهولة وبتساعده يفرق بين التهاب المعدة والتهاب الزائدة ومع وجود احتمالية أن الدكتور يطلب من المريض القيام بأشعة على محيط البطن للتأكد من عدم وجود التهابات ببعض الأعضاء زي التهاب الزايدة الدودية أو غيرها.

هل تتشابه أعراض الزائدة مع أعراض المغص الكلوي؟

بيعتقد بعض الناس أن أعراض الزائدة ممكن تتداخل او تتشابه مع أعراض المغص الكلوي، وبالأخص لو كانت الإصابة بالكلى اليمنى اللي بتقع بجوار مكان الزائدة.

 لكن أعراض الكلى تتميز بأنها ألم حاد  في الجهاز الكلوي والمسالك، والألم دا ممكن يكون على  فترات و بيبدأ بسيط وبعد كدا يزيد تدريجيا، وبيكون ناتج عن إصابة الجهاز الكلوي بالحصوات سواء في الكلية او الحالب ونتيجة ليها بيحس المريض بألم و اعراض المغص الكلوي زي:

  • بيكون الألم حاد على الجانبين في مكان وجود الكلية وممكن يتنشر في أسفل الظهر
  • الشعور بالألم أثناء التبول هو واحد من اكتر الاعراض اللي بتميز بين المغص الكلوي عن الزائدة.
  • وجود رعشة بالجسم او ارتجاف
  • تحاليل البول في المغص الكلوي ممكن يظهر فيها وجود بكتريا وصديد.
  • الأشعة الفوق صوتية تشير إلى تضخم الكلية في حالة المغص الكلوي لكن في الزائدة بيكون الالتهاب في الزائدة والكلية بتكون طبيعية .

 علاج التهاب الزائدة الدودية

من الممكن علاج التهاب الزائدة جراحيًا عن طريق عملية الزايدة أو طبيعيًا بالمنزل عن طريق علاج التهاب الزائدة بالاعشاب.

اولا جراحيًا من خلال عملية الزايدة

عملية الزايده من العمليات الجراحية المنتشرة في العالم كله و بيتم اعتبارها عملية بسيطة و مفيش فيها خطورة على حياة المريض لو تمت في الوقت المناسب قبل انفجار الزايدة، و بتعتبر عمليه الزايده هي العلاج الوحيد في حالة التهاب الزايدة لأن مفيش أي ادوية طبية ممكن تعالج التهاب الزايدة و أدوية المضادات الحيوية اللي بيوصفها الدكتور قبل عمليه الزايده بتقلل من فرص انتشار العدوى البكتيرية اللي سببت التهاب الزايده.

ما هي عملية استئصال الزائدة

عمليه الزايده بيكون الغرض منها إزالة واستئصال الزائدة تمامًا إما بعملية جراحية أو بالمنظار.

  • العملية الجراحية بتتم تحت تخدير كلي أو نصفي للجسم، وبيقوم الدكتور بعمل فتحة صغيرة في البطن في الجزء الأيمن من الناحية السفلية مكان وجود الزائدة، و في الأغلب بيكون طول الفتحة حوالى من 5 ل 10 سم، وبمجرد الوصول للزائدة واستئصالها، بيتم تخييط مكان الجرح وتعقميه ونقل المريض لغرفة خاصة بالمستشفى لحد ما يتم التعافي.
  • الاستئصال بالمنظار والذي بيعتقد أنه أفضل وأقل في الألم ويتميز بسرعة الشفاء، وبيعتبر استصال الزايده بالمنظار أفضل تدخل طبي في حالة الأشخاص كبار السن أو اللي بيعانوا من السمنة. لكن لو حصل انفجار الزائدة هيكون الأفضل التدخل الجراحي علشان يتم تنظيف وتعقيم مكانها و منع انتشار البكتيريا في الجسم.

فترة النقاهة بعد عمليه الزايده الدودية

لو عمليه الزايده من النوع الجراحي مش المنظار، فـ بينصح بالراحة التامة لمدة أسبوع وعدم القيام بمجهود أو نشاط مرهق خلال الفترة دي علشان تساعد الجرح انه يلتئم وميتعرضش للفتح مرة أخرى لأن دا ممكن يسبب تلوث الجرح والإصابة بالبكتيريا.

وفي حالة أن عمليه الزايده تمت بالمنظار، ممكن تستغرق فترة الشفاء وقت أقل من الجراحة، و دا طبعًأ مع الاهتمام بالراحة أيضا وتجنب المجهود والالتزام بنصائح الدكتور.

بعض النصائح اللي مهم اتباعها بعد عمليه الزايده

  • اتجنب المجهود الزيادة أو القيام بأنشطة مرهقة 
  • الراحة التامة في الأيام الأولى من الجراحة 
  • اتجنب الكحة أو السعال على قد ما تقدر، أو الكلام بعنف أو الضحك الشديد علشان تحافظ على الجرح وتمنع فرص حدوث أنه يتفتح.
  • لازم تبدأ حركة بالتدريج عند الإحساس بالراحة والشعور بأن الجرح قد التئم، يعني تقريبًا بعد حوالي أسبوع من انتهاء عملية الزايده، واتجنب الحركة مرة واحدة أو الحركة بعنف.

بعض النصائح اللي مهم اتباعها بعد عمليه الزايده

  • اتجنب المجهود الزيادة أو القيام بأنشطة مرهقة 
  • الراحة التامة في الأيام الأولى من الجراحة 
  • اتجنب الكحة أو السعال على قد ما تقدر، أو الكلام بعنف أو الضحك الشديد علشان تحافظ على الجرح وتمنع فرص حدوث أنه يتفتح.
  • لازم تبدأ حركة بالتدريج عند الإحساس بالراحة والشعور بأن الجرح قد التئم، يعني تقريبًا بعد حوالي أسبوع من انتهاء عملية الزايده، واتجنب الحركة مرة واحدة أو الحركة بعنف.

الأطعمة المفيدة بعد عمليه الزايده

    • بينصح الأطباء دايمًا بتناول الأطعمة سهلة الهضم بعد الخروج من العمليات الجراحية، وكمان الإكثار من بعض السوائل مثل الشوربة الخفيفة على المعدة و العصائر.
    • تناول الأطعمة المغذية اللي بتحتوي على فيتامينات مفيدة و بعض العناصر اللي بيحتاجها الجسم علشان تتم عملية الشفاء بسرعة زي الخضراوات المختلفة.
    • تناول الأطعمة التي تحتوي على البروتين والسكريات سهلة الامتصاص زي لحوم الدجاج، لأن البروتين بيساعد الجسم في تكوين الكولاجين المهم جدا في مساعدة الجرح على الالتئام، والسكريات الطبيعية الموجودة في الفاكهة بتعتبر مصدر طاقة للجسم.

الأطعمة اللي لازم تتجنبها بعد عمليه الزايده

    • الاطعمة الصلبة والدسمة اللي مش بتستطيع المعدة هضمها بعد الجراحة مباشرة، علشان كدا بينصح الاطباء باتباع نظام غذائي سائل تمهيدا للمعدة أولاوبعد كدا ممكن المريض يبدأ في الأطعمة اللي بتحتاج مجهود كبير للهضم والمضغ.
    • اتجنب الأطعمة الدهنية ومشتقاتها لأنه بيكون يصعب هضمها، زي المقليات والطعام كامل الدسم .
    • اتجنب الحلويات الدسمة الغنية بالسكر لأنها أحيانا بتسبب اسهال و دا هيسبب ضرر للجرح في الأيام الأولى بعد الجراحة.
    • اتجنب البقوليات والأطعمة الحارة لو كنت من المرضى اللي بيعانوا من اعراض التهاب القولون.

علاج الزايدة بالاعشاب

في بعض طرق العلاج الشائعة في حالة التهاب الزائدة المزمنة (اللي بتظهر وتختفي) و بيتم اعتبارها من طرق علاج الزايده بالطب البديل أو الطب الشعبي و اللي دايمًا بيُنصح بعدم تناولها إلا بعد الرجوع للدكتور المختص، زي:

الجنزبيل من علاج الزايدة بالاعشاب
يعتبر الزنجبيل متعدد الفوائد ويستخدم لحالات كثيرة منها تقليل حالات الغثيان اللي بتصاحب الم الزايدة و بيكون له دور فعال في طرد الغازات من الجسم

النعناع  في علاج الزايدة بالاعشاب
النعناع من الأعشاب المفيدة في تقليل أعراض التهاب الزائدة وبيتم تناوله عن طريق الغلى في الماء او انه يتضاف فوق سلطة الخضار.

الكركم في علاج الزايدة بالاعشاب
الكركم بيعتبر من الأعشاب الهامة اللي بتخفف من حدة  الالتهابات و ممكن تناوله مغليا او بإضافته إلى الطعام.

الحلبة في علاج الزايدة بالاعشاب 
بذور الحلبة متعددة الفوائد وبتستخدم في حالات كثيرة لتخفيف الألم، وهنا بتقلل التقيؤ المصاحب للالتهاب.

الريحان في علاج الزايدة بالاعشاب
الريحان من الأعشاب اللي بتستخدم على نطاق واسع وليها تاثير في تقليل التهابات الزائدة.

البنجر في علاج الزايدة بالاعشاب
الشمندر والمعروف بالبنجر بيتم تناوله مع السلطة والخيار وباقى الخضروات لتخفيف شدة الألم.

الجينسنغ في علاج الزايدة بالاعشاب
الجينسنغ والمعروف بالعشبة الصينية له القدرة على تقليل الالتهابات، وممكن تناول شاي الجينسنغ تقريبا مرتين يوميا.

منتجات الألبان في علاج الزايدة
من المفضل ادخال اللبن في وجبات المريض سواء شربه منفردا او كوكتيل مع العصائر لانه أحيانًا بيخفف من حدة الالتهاب.

بعض الأسئلة المتعلقة بالتهاب الزائدة

هل ينتج عن استئصال الزائدة التصاق الرحم وتأخر الدورة الشهرية؟

استئصال الزائدة مش بيأثر اطلاقا علي الرحم، لأن زي ما وضحنا أن الزائدة موجودة في نهاية الأمعاء الغليظة يعني تابعة للجهاز الهضمى مش للجهاز التناسلى.

و ممكن يكون سبب الإشاعة دي أن الرحم موجود في منطقة الحوض و صحيح أنه موجود قريب من مكان الزائدة، لكن مفيش بينهم أي تداخل او ارتباط، و استئصال الزائدة بيكون بعيد تماما عن الرحم ومش بيأثر على عمل المبايض أو إفراز الهرمونات وبالتالى مش بيأثر و لا بيغير من الدورة الشهرية.

وأيضًا ممكن يسأل البعض هل استئصال الزائدة بيسبب تأخر الحمل؟

وفي الحقيقة أن مفيش علاقة بين تأخر الحمل و استئصال الزايدة اللي بتكون متصلة بنهاية الأمعاء الغليظة يعني بتكون بعيدة الجهاز التناسلى.

هل في علاقة بين التهاب الزائدة ومرض الشلل الرعاش (باركنسون)؟

أثبتت  بعض الدراسات أن هناك علاقة بين الزائدة الدودية والإصابة بمرض باركنسون (باركنسون هو:عبارة عن اضطرابات تدريجية بتحصل في الجهاز العصبي، واللي فيها بيقل انتاج هرمون الدوبامين من خلايا المخ، وبكدا بتقل النواقل العصبية المسؤولة عن حركة الجسم فيحصل اضطراب حركي و ارتعاش وارتجاف بالجسم.
وأحد أسباب مرض الرعاش أو الباركنسون، وجود بروتين اسمه ألفا-سينوكليين  “alpha synuclein” واللي اكتشف العلماء ان البروتين دا موجود في الزائدة الدودية ويلعب دورا كبيرا في تطور مرض “باركنسون”.

واكتشف العلماء أن في إزالة الزائدة الدودية فائدة كبيرة لتجنب هذا المرض دا، ووضحت بعض الدراسات أن الأشخاص اللي قاموا باستئصال الزائدة الدودية أقل عرضة لمرض الشلل الرعاش.