pointer
اعراض التهاب البروستاتا

اعراض التهاب البروستاتا

كثرة إلحاح التبول خصوصًا بالليل وأثناء وقت النوم

pointer
اعراض التهاب البروستاتا

اعراض التهاب البروستاتا

ارتفاع درجة حرارة الجسم -الإصابة بالحمى-

pointer
اعراض التهاب البروستاتا

اعراض التهاب البروستاتا

رعشات برد و أعراض تشبه أعراض الانفلونزا

pointer
اعراض التهاب البروستاتا

اعراض التهاب البروستاتا

حرقان شديد و ألم عند التبول

pointer
اعراض التهاب البروستاتا

اعراض التهاب البروستاتا

ألم في منطقة الأعضاء التناسلية أو الفخذ أو أسفل البطن والظهر

pointer
اعراض التهاب البروستاتا

اعراض التهاب البروستاتا

ألم بالخصيتين أحيانًا.

اعراض التهاب البروستاتا

اعراض التهاب البروستاتا بتختلف على حسب نوع التهاب البروستاتا و أسباب التهابها، لكن جميع الأنواع ممكن تكون مشتركة في بعض الأعراض زي:

  • أعراض التهاب البروستاتا الحاد بتظهر فجأة مع ألم شديد جدًا صعب تحمله مع ظهور اعراض تانية زي:
  1. تكرار و إلحاح التبول.
  2. ارتفاع درجة حرارة الجسم -الإصابة بالحمى-
  3. رعشات برد و أعراض تشبه أعراض الانفلونزا
  4. حرقان شديد و ألم عند التبول
  5. ألم في منطقة الأعضاء التناسلية أو الفخذ أو أسفل البطن أو أسفل الظهر
  6. كثرة التبول بالليل وأثناء وقت النوم
  7. استفراغ و غثيان.
  8. ألم بالخصيتين أحيانًا وممكن تكون إشارة على عرض من اعراض دوالي الخصية.
  9. لون البول محمر شوية بسبب احتمالية وجود دم
  10. شكل البول معكر مش صافي
  11. احتباس البول – عدم القدرة على إفراغ المثانة بالكامل
  12. انسداد البول والإحساس بالرغبة في التبول لكن مش بيخرج ولا نقطة بول تمامًا
  13. التهاب بقية  المسالك البولية بسبب البكتيريا زي  المثانة و الإحليل – أنبوب بينقل البول من المثانة للخارج-.

اسباب التهاب البروستاتا

  • بعض انواع البكتيريا زي البكتيريا العنقودية و بكتيريا التوكسوبلازما التناسلية و اللي ممكن تتنقل جنسيًا من الراجل للست أو العكس خاصًة مع لإصابة بمرض نقص المناعة الذاتية المشهور بأسم مرض الايدز
  • عوامل اخرى زي تلف أعصاب الجهة السفلية من المسالك البولية نتيجة الإصابات أو الاصطدامات الحادة زي الخبطات الشديدة المتكررة.
  • اسباب غير معروفة حتى الان زي اسباب التهاب البروستاتا غير البكتيري.

    علاج التهاب البروستاتا

    علاج التهاب البروستاتا بينقسم إلى:

    علاج التهاب البروستاتا بالادوية:

    1. استخدام المضادات الحيوية
    2. الادوية المسكنة للألم
    3. ادوية ارتخاء العضلات
    4. ادوية الأعصاب

    علاج التهاب البروستاتا بالمنزل:

    1. استخدام قربة ماية دافية لتخفيف الألم.
    2. تمارين الاسترخاء
    3. شرب السوائل
    4. تجنب الإفراط في الكافيين والكحوليات
    5. اتباع نظام حياتي صحي
    6. العلاج الطبيعي

    أعرف أكتر عن علاج التهاب البروستاتا بالتفصيل


    ايه هو التهاب البروستاتا


    انواع التهاب البروستاتا


    مضاعفات التهاب البروستاتا


    من هم الأكثر عرضة للإصابة بالتهاب البروستاتا


    الأمراض المشابهة لالتهاب البروستاتا


    امتى تروح للدكتور


    علاج التهاب البروستاتا


    المصادر

    ما هو التهاب البروستاتا؟

    التهاب البروستاتا هو تهيج في غدة البروستاتا بسبب تورم أو تضخم الغدة نتيجة الإصابة بعدوى بكتيرية، وحوالي 12% من الرجال بيظهر عليهم اعراض التهاب البروستاتا في أي سن لكنها شائعة أكتر في سن 30 ل 50 سنة.

    يصيب أي جزء في الجسم و دور هذا العضو في الجسم

    غدة البروستاتا هي جزء من الجهاز التناسلي الذكري بتكون تقريبًا في حجم الجوز موجودة في أسفل المثانة وأمام المستقيم، و بيكون حواليها انبوب مجري اسمه الاحليل ، وهو أنبوب يخرج منه البول والمني من الجسم. و مهمتها الرئيسية هي إنتاج السائل المنوي علشان ينقل الحيوانات المنوية من الجسم للخارج عن طريق مجرى البول.

    دور غدة البروستاتا في جسم الرجال بيتلخص في:

    • افراز السائل المنوي المهم جدًا في كفاءة الحيوانات المنوية عند الرجال، وهو سائل بيحافظ على الحيوانات المنوية انها تفضل حية لأنه بيحتوي على عناصر زي أملاح الصوديوم، البوتاسيوم و الكالسيوم و أحماض أمينية و إنزيمات بتساعد على التخلص من البكتيريا والجراثيم.
    • بتتحكم في تدفق الدم للعضو الذكري أثناء الانتصاب
    • بتتحكم في قذف السائل المنوي و الحيوانات المنوية خارج الجسم.

    انواع التهاب البروستاتا

    التهاب البروستاتا البكتيري المزمن

    التهاب البروستاتا البكتيري المزمن Chronic bacterial prostatitis: و دا بيحصل لما يتكرر الإصابة بالعدوى البكتيرية في غدة البروستاتا و بيكون له أعراض بسيطة بتظهر على فترات متباعدة علشان كدة بيتأخر تشخيص النوع ده من التهاب البروستاتا وبيكون صعب علاجه.

    التهاب البروستاتا غير معدي و بدون أعراض

    التهاب البروستاتا غير معدي و بدون أعراض Asymptomatic inflammatory prostatitis: في الغالب النوع دا من انواع التهاب البروستاتا بيتم معرفته بالصدفة في حال تأخر الإنجاب و علاج العقم أو تشخيص  سرطان البروستاتا. و الناس اللي عندهم النوع دا مش بيشتكوا من أي أعراض تشبه اعراض التهاب البروستاتا علشان كدة بيتم اكتشاف صدفة، بس بيكون موجود عندهم خلايا مكافحة العدوى في السائل المنوي و البروستاتا.

    التهاب البروستاتا الجرثومي الحاد

    التهاب البروستاتا الجرثومي الحاد Acute bacterial prostatitis : النوع دا من التهاب البروستاتا بيحصل بسبب عدوى بكتيرية وبتكون أعراضه شبه أعراض الأنفلونزا وبتظهر فجأة على هيئة وجع شديد جدًا، و دا اقل نوع منتشر من انواع التهاب بروستاتا الأربعة.

    التهاب البروستاتا غير البكتيري المزمن

    التهاب البروستاتا غير البكتيري المزمن أو متلازمة آلام الحوض المزمنة هو نوع من أنواع التهاب البروستاتا الاربعة بيصيب من 2 ل 6% من الرجال لكن غير معروف السبب مع أن أعراضه بتشبه أعراض التهاب البروستاتا البكنيري المزمن ، وتهيج و انتفاخ البروستاتا في النوع ده  ممكن يتصنف على إنه التهاب أو لأ على حسب وجود خلايا مقاومة للعدوى البكتيرية في البول والسائل المنوي وسائل البروستاتا، أو عدم وجودها.

    اعراض التهاب البروستاتا

    اعراض التهاب البروستاتا بتختلف على حسب نوع التهاب البروستاتا و أسباب التهابها زي:

    التهاب البروستاتا الحاد Acute bacterial prostatitis

    أعراض التهاب البروستاتا الحاد بتظهر فجأة مع ألم شديد جدًا صعب تحمله مع ظهور اعراض تانية زي:

    احتباس البول – عدم القدرة على إفراغ المثانة بالكامل

    أحيانًا ممكن يشعر مريض التهاب البروستاتا الحاد بألم في الخصيتين.

    حرقان شديد و ألم عند التبول في أي وقت باليوم

    التهاب بقية  المسالك البولية بسبب البكتيريا زي  المثانة و الإحليل

    رعشات برد و أعراض بتشبه أعراض الانفلونزا

    شكل البول معكر مش صافي سواء إذا كان لونه أصفر طبيعي أو بسبب وجود دم

    ارتفاع درجة حرارة الجسم -الإصابة بالحمى-

    لون البول محمر شوية بسبب احتمالية وجود دم أو نزيف أثناء خروج البول

    كثرة إلحاح التبول خصوصًا بالليل وأثناء وقت النوم

    ألم في منطقة الأعضاء التناسلية أو الفخذ أو أسفل البطن والظهر

    اعراض التهاب البروستاتا المزمن غير البكتيري

    التهاب البروستاتا المزمن غير البكتيري معروف بمتلازمة آلام الحوض المزمنة بيكون فيها في وجع شديد  بيختفي لفترة  لكن بيظهر تاني فجأة في فترة حوالي 3 شهور او اكتر في الاماكن دي:

    1. المنطقة بين كيس الصفن والشرج
    2. أسفل البطن ناحية المثانة
    3. القضيب
    4. كيس الصفن
    5. أسفل الظهر

    و من أعراض التهاب البروستاتا المزمن غير البكتيري أيضُ هو الألم عند القذف و بعده.و بيعاني الرجل المصاب بالتهاب البروستاتا المزمن / متلازمة آلام الحوض المزمنة من  ألم في منطقة واحدة أو أكثر في نفس الوقت خصوصًا في منطقة الحوض.

      التهاب البروستاتا المزمن “البكتيري

      أعراض التهاب البروستاتا المزمن”البكتيري”  تشبه أعراض التهاب البروستاتا الحاد لكنها بتكون خفيفة معظم الوقت و الألم بيطور ببطء واللي بيثبت وجودها هو إن الأعراض دي تظهر و تختفي على فترات مع استمرار الألم لمدة 3 شهور أو أكثر.

      و اعراض التهاب البروستاتا المزمن ممكن تشمل:

      1. ألم في مجرى البول عند التبول أو بعده.
      2. ألم في القضيب أثناء وبعد التبول .
      3. تكرار التبول – التبول 8 مرات أو أكثر في اليوم. و دا بسبب ان المثانة بتتقلص حتى لو بتحمل كميات صغيرة من البول ، وده بيسبب زيادة مرات التبول لكن قلة كمية البول في كل مرة.
      4. الاحساس بإلحاح البول يعني بيكون المريض مش قادر يأخر التبول.
      5. خروج البول بصعوبة شديدة، و بيشبهوا الحالة دي بالتبول بالقطارة لأن البول بيكون متقطع مش متواصل كأنه بينزل على هيئة نقط.

      اسباب التهاب البروستاتا

      اسباب التهاب البروستاتا
      بعض انواع البكتيريا زي البكتيريا العنقودية و بكتيريا التوكسوبلازما التناسلية و اللي ممكن تتنقل جنسيًا من الراجل للست أو العكس خاصًة مع لإصابة بمرض نقص المناعة الذاتية المشهور بأسم مرض الايدز

      اسباب التهاب البروستاتا
      عوامل اخرى زي تلف أعصاب الجهة السفلية من المسالك البولية نتيجة الإصابات أو الاصطدامات الحادة زي الخبطات الشديدة المتكررة.

      اسباب غير معروفة حتى الان زي اسباب التهاب البروستاتا غير البكتيري.

      من هم الأكثر عرضة للإصابة بمرض التهاب البروستاتا؟

      1. الرجال في عمر الشباب في سن 30 سنة أكثر عرضة للإصابة بالتهاب البروستاتا البكتيري
      2. الرجال أكبر من 50 سنة أكثر عرضة للإصابة بالتهاب البروستاتا غير البكتيري
      3. الناس اللي عندهم تاريخ سابق من التهاب البروستاتا معرضين للاصابة بيها تاني.
      4. المصابين بأمراض التهاب المسالك البولية زي التهاب المثانة و التهاب الاحليل اللي بيساعد في خروج المني والبول للخارج.
      5. استخدام القسطرة البولية لتفريغ البول من المثانة 
      6. إجراء عمليات البروستاتا بالمنظار
      7. المصابين بمرض تضخم البروستاتا
      8. ممارسة الجنس من الشرج
      9. ممارسة الجنس مع أكثر من شريك واحد.
      10. المصابين بمرض التهاب الخصية.
      11. الجفاف بسبب عدم شرب كمية كافية من الماء يوميًا
      12. صدمات الحوض بسبب خبطات أو ضربات مباشرة في منطقة الحوض أو بسبب ركوب الدراجات أو ركوب الخيل.
      13. وجود فيروس نقص المناعة البشرية اللي بيسبب ظهور أعراض الايدز.
      14. وجود بعض الجينات عند بعض الرجال  اللي ممكن تخليهم أكثر عرضة لالتهاب البروستاتا

      مضاعفات التهاب البروستاتا

      اشهر مضاعفات التهاب لابروستاتا هي:

      • تجرثم الدم و هو الاصابة بالعدوى البكتيرية في الدم واللي ممكن ينتج عنها حالة تعفن الدم المهددة بالموت.
      • انسداد مخرج المثانة أو احتباس البول 
      • التهابات البربخ و دا جزء خلفي من الخصية
      • وجود صديد في البروستاتا المعروف ب خراج البروستاتا
      • العجز الجنسي
      • تشوهات في السائل المنوي و الوصول للعقم بسبب التهابات البروستاتا المزمن
      • التهاب البروستاتا ممكن يسبب ارتفاع  مستوى بروتين اسمه PSA ، وجود مستويات عالية من البروتين دا في الدم بيكون إشارة لأمراض كتير زي  سرطان البروستاتا أو حالة غير سرطانية زي التهاب البروستاتا أو تضخم البروستاتا، لكن رغم كدا مفيش دليل واضح لحد دلوقتي على إن التهاب البروستاتا ممكن ينتج عنه سرطان البروستاتا.

      هل التهاب البروستاتا يسبب العقم عند الرجال؟

      التهاب البروستاتا ممكن يسبب عقم لأن البكتيريا اللي بتسبب  التهابات البروستاتا بيحاول الجسم يتغلب عليها و يهاجمها من خلال كرات الدم البيضاء، لكن كرات الدم البيضاء في التهاب البروستاتا تحديدًا بتسبب أضرار للحيوانات المنوية و لحد دلوقتي لسه العلماء مش عارفين إزاي دا بيحصل بالضبط بس بيعتقدوا ان ممكن يكون بسبب المواد الكيميائية اللي بتنتجها كرات الدم البيضاء زي الاكسجين التفاعلي ممكن تهاجم الحيوانات المنوية و تسبب تشوهها، أو إن البكتيريا نفسها و السموم اللي بتطلع منها هي اللي بتسبب تشوهات الحيوانات المنوية.

      الاكيد ان 40% من المصابين بالعقم ظهر عندهم ارتفاع في مستوى كرات الدم البيضاء في تحاليل الدم أثناء فحوصات الخصوبة اللي بتتعمل للكشف عن أسباب تأخر الإنجاب عند الرجال، أو لمعرفة طريقة للتخصيب في عمليات الحقن المجهري ، واختبار الأمراض المنقولة جنسيًا.

      امتى تزور الدكتور؟

      من الأفضل عدم التتردد في زيارة الدكتور لما تحس بألم في الحوض او لو واجهت صعوبة في التبول او لو عندك أي علامات أو أعراض تتفق مع اعراض التهاب البروستاتا.
      وتشخيص التهاب البروستاتا بدقة بيساعد الدكتور على تحديد علاج التهاب البروستاتا المناسب لحالة المريض، و بينقسم التشخيص لجزئين:
          1. الفحص البدني و معرفة التاريخ الطبي الشخصي و العائلي.
          2. التحاليل و الأشعة الطبية

      التشخيص المبدئي

      التشخيص المبدئي دا المقصود بيه هو طريقة كشف الدكتور على المريض أثناء الكشف في العيادة واللي بيقوم فيه الدكتور بفحص جسم المريض علشان يلاحظ بعض علامات التهاب البروستاتا

      اعراض التهاب البروستاتا المبدئية

      في اول زيارة للدكتور المختص، هيسأل الدكتور بعض الاسئلة المتعلقة بمدى شدة أعراض التهاب البروستاتا زي:

      • الرغبة المتكررة في التبول
      • بتصحى كتير من النوم علشان التبول 
      • دم في البول أو السائل المنوي
      • ألم أو حرقان التبول
      • القذف مؤلم
      • ألم أو تصلب متكرر في أسفل الظهر أو الوركين أو منطقة الحوض أو المستقيم أو الفخذين العلويين
      • لو لون البول متغير أو شكله متعكر.

      ازاي يستعد المريض لزيارته الأولى للدكتور؟

      ممن تستعد لزيارة الدكتور من خلال إنك تحضر نفسك للإجابة على بعض الحاجات زي:

      • ايه لأعراض اللي بتعاني منها بالظبط و بدأت تحس بيها من فترة قد ايه؟
      • المعلومات الشخصية الأساسية عنك زي التاريخ المرضي ليك ولعائلتك لو حصل إصابة بأمراض المسالك البولية قبل كدة.
      • ايه الأمراض اللي أُصبت بيها في الفترة الأخيرة و ايه التحاليل اللي عملتها و نتائجها؟
      • لازم تقول للدكتور على الأدوية اللي بتاخدها سواء أدوية أمراض مزمنة زي مرض الضغط و مرض السكر و جرعات الأدوية دي.

        فحص بدني ممكن يقوم به الدكتور

        بعض الفحوصات البدنية اللي ممكن يقوم بيها الدكتور بتشمل:

        • إفرازات مجرى البول من حيث كميتها و لونها و وجود أي شئ غير طبيعي فيها زي دم أو صديد.
        • انتفاخ كيس الصفن اللي بيحيط بالخصيتين.
        • تضخم البروستاتا و تضخم العقد الليمفاوية في الفخذ.
        • ممكن الدكتور يعمل فحص للمستقيم و الشرج وغالبًا الفحص ده بيتم للرجال في سن ال 40 أو أكبر و مش بيحتاج للتخدير و من خلال الفحص دا بيقدر الدكتور يحدد وجود أي تضخم أو تشوهات في ملمس البروستاتا.

        اشعة وتحاليل

        أخصائي المسالك البولية ممكن يطلب من المريض شوية اشعة و تحاليل علشان يحدد أنسب طريقة في علاج التهاب البروستاتا على حسب مدى شدة التهاب البروستاتا، والتحاليل دي زي:

        بعض التحاليل

        • تحليل البول
          بيتم تجميع عينة من بول المريض و المعمل بيحدد إذا كان لونها طبيعي أو متعكرة لو  فيها دم أو صديد، و بيحدد إذا كان في بكتيريا في البول أو لأ.
        • تحاليل الدم
          ودا بيفحص مستوى كريات الدم البيضاء في الدم و اللي بيعلى في حالة إصابة الجسم بالعدوى والبكتيريا، و بيفحص كمان  مستوى بروتين PSA اللي بيعلى في حالة الإصابة بأمراض البروستاتا زي التهاب البروستاتا و سرطان البروستاتا.
        • تحليل السائل المنوي
          في التحليل دا بيتم تجميع كمية من السائل المنوي وفحصها في المعمل علشان الدكتور يقدر يقيس كمية السائل المنوي و الحيوانات المنوية و إذا كان في تشوهات في الحيوانات المنوية أو لأ بسبب التهاب البروستاتا، و كمان بيتم الكشف عن وجود أي دم أو أجسام غريبة في السائل المنوي.

        بعض الأشعة

        • أشعة الموجات فوق الصوتية عبر المستقيم

          الأشعة دي بتكون آمنة و مش مؤلمة علشان كدا مش بتحتاج تخدير، و من خلال الأشعة دي بيتم تكوين صورة كاملة عن الجهاز البولي للمريض وبيظهر فيها أي كتل أو تشوهات غريبة في المسالك البولية زي تشوهات البروستاتا أو كتل حصوات أو سرطانات البروستاتا.

        اختبارات المناظير

        • أخذ عينة من نسيج البروستاتا بالمنظار
          الفحص دا بيتم تحت تخدير موضعي خفيف و من خلال العينة دي بيتم فحص مدى شدة تطور التهاب البروستاتا و إذا كان في أي نوع من أنواع السرطانات في البروستاتا أو لأ.
        • اختبارات ديناميكا البول
          الاختبار دا ممكن يحتاج تخدير أو لأ على حسب حالة المريض و فيه بيتم قياس تدفق البول يعني مدى سرعة خروجه من المثانة، و إذا كان المريض قادر يخرج كل كمية البول في مرة تبول واحدة ولا البول بينزل متقطع كأنه بينزل على هيئة قطارة. موضعي أو تخدير كامل على حسب حالة المريض و اللي بيحصل فيه إن  المنظار بيدخل من خلال فتحة القضيب لحد ما يوصل للمثانة علشان يتم الكشف عن أي ضيق أو انسداد في مجرى البول و لو في حصوات في المثانة أو لأ.

        امراض مشابهة لالتهاب البروستاتا

        في بعض الأمراض بتتشابه أعراضها مع اعراض التهاب البروستاتا زي:

        • أعراض حصوات المثانة  تشبه أعراض التهاب البروستاتا في صعوبة التبول مع الإحساس بحرقان البول و قلة كميته مع احتمالية وجود دم في البول لو الحصوات سببت جرح في المثانة أو  المجرى البولي.
        • احتقان البروستاتا

          و هو زيادة السوائل في البروستاتا مع صعوبة خروجها برا الجسم،  و بيحصل في الغالب بسبب الإسراف في العادة السرية او الجماع أو بسبب الاثارة الجنسية الكثيرة بدون الجماع وعدم  إخراج المني و ساعات بيكون نتيجة التهابات البروستاتا.

          و أعراض احتقان البروستاتا بتشبه أعراض التهاب البروستاتا في عسر التبول و الرغبة في التبول كتير خصوصًا بليل أثناء النوم.

          و اعراض احتقان البروستاتا بتشبه أعراض التهاب البروستاتا في عسر التبول و الرغبة في التبول كتير خصوصًا بليل أثناء النوم.

        • تضخم البروستاتا

          و هو زيادة حجم غدة البروستاتا بسبب التقدم في السن، وأحيانًا مش بيعتبر تضخم البروستاتا مرض أصلًا في حالة كبر أو تقدم السن، أعراض تضخم البروستاتا بتشبه أعراض التهاب البروستاتا في إلحاح البول و ألم عند التبول مع احتمالية وجود دم في البول.

          من اشهر مضاعفات تضخم البروستاتا هو العجز الجنسي عند الرجال وأمراض الكلى وحصوات المسالك البولية.

        علاج التهاب البروستاتا

        علاج التهاب البروستاتا بالأدوية بيعتمد على نوع و سبب التهاب البروستاتا زي:

        • العلاج بالمضادات الحيوية يعني لو كان نوع التهاب البروستاتا بكتيري مزمن هيكون ممكن علاجه بأنواع من المضادات الحيوية المختلفة زي سيبروفلوكساسين Ciprofloxacin و النورفلوكساسين norfloxacin.

        • علاج التهاب البروستاتا الحاد بسبب البكتيريا بيحقق نجاح كبير جدا و دا لأن أعراضه واضحة و بيكون سهل تشخيصها، .و المريض المصاب باعراض التهاب البروستاتا الحاد بيحتاج لمضادات حيوية وريدية أو  المضادات الحيوية عن طريق الفم لمدة أربعة إلى ستة أسابيع، لكن علاج التهاب التهاب البروستاتا المزمن بيحتاج لفترة علاج أطول.

        • علاج آلام التهاب البروستاتا عن طريق أدوية المسكنات مضادة للالتهاب زي الأسبرين و البروفين و النابروكسين.

        • علاج التهاب البروستاتا عن طريق أدوية تساعد في ارتخاء العضلات خصوصًا مع نوع التهاب البروستاتا المزمن غير البكتيري أو المعروف بمتلازمة آلام الحوض المزمنة.

        • علاج التهاب البروستاتا ببعض أدوية الأعصاب -اللي بيتم وصفها وتحديد جرعتها مع الدكتور المعالج فقط- لو كان سبب التهاب البروستاتا  تلف أعصاب الجهة السفلية من المسالك البولية نتيجة الإصابات أو الاصطدامات الحادة زي الخبطات الشديدة المتكررة.

        • استخدام ادوية من نوع مضاد مستقبلات ألفا، والأدوية من النوع دا بتساعد في ارتخاء العضلات علشان تخفف من أعراض التهاب البروستاتا زي تخفيف ألم القذف أو ألم التبول.

        علاج التهاب البروستاتا في المنزل

        ممكن تخفيف أعراض التهاب البروستاتا من خلال بعض العادات الصحية أو التمارين المنزلية زي:

        • الحمامات الدافية أو استخدام قربة الماية الدافية بتساعد في تخفيف الإحساس بالألم.
        •  تدليك البروستاتا بيقلل الأعراض عند بعض المرضى المصابين بالتهاب البروستاتا المزمن غير البكتيري، لكن ممكن يزود من خطورة التهاب البروستاتا المزمن البكتيري علشان كدة يُفضل تجنب تدليك البروستاتا لحد ما يتم زيارة الطبيب لتحديد نوع التهاب البروستاتا وأفضل طرق علاجه.
        • تمارين الاسترخاء زي تمارين اليوجا ممكن تقلل من الإحساس بالألم.
        • شرب كمية كبيرة من الماية بيساعد في تخفيف الأعراض
        • تجنب الأكل والشرب  اللي بيسبب تهيج المثانة زي الأطعمة الحارة و شرب الكحوليات والكافيين.
        • تغيير نمط الحياة  زي العادات الصحية في الأكل واستشارة الدكتور المعالج عن إمكانية ركوب الخيل، وممكن ينصحه الدكتور أن الأفضل يوقف النشاط دا لحد لما يتحسن.
        • العلاج الطبيعي في حالة آلام الحوض و الوخز بالإبر له نتايج في تقليل الأعراض عند بعض المرضى بالتهاب البروستاتا.

        المصادر:

        i

        المصادر العربي

        دوس هنا علشان تشوف كل المصادر العربي

        لا يوجد مصادر عربي