اعراض التسنين

بيرتبط التسنين عند الرضع أو عند الأطفال الأكبر سنًا بعدم راحة في اللثة والفك بسبب استعداد الأسنان الأولية للاندفاع من خلال سطح اللثة، وبالتالي بسهولة جدًا بتقدر الأم تلاحظ اعراض التسنين عند الرضع زي:

  1. منطقة احمرار منتفخة على سطح لثة الرضيع قبل اندفاع السن للخارج.
  2. زيادة سيلان اللعاب من فم الرضيع.
  3. طفح جلدي بسيط حول الفم بسبب تهيج الجلد نتيجة زيادة سيلان الفم.
  4. رفض الرضيع للرضاعة من ثدي الأم أو أي طعام خارجي بسبب ألم اللثة.
  5. اضطراب أو قلة النوم بسبب الألم وعدم الراحة في اللثة.
  6. زيادة رغبة الرضيع في وضع اليد في الفم.
  7. زيادة عض الرضيع أكثر من المعتاد في أي حاجة تقابله زي ألعابه المختلفة.
  8. فرك يد الرضيع لمنطقة الفم والأذن في محاولة منه أنه يشير لمنطقة الألم.

بعض الأعراض الثانوية الأخرى اللي ممكن تكون مصاحبة لأعراض التسنين الرئيسية:

  1. ارتفاع درجة الحرارة الرضيع لحوالي 101 درجة فهرنهايت اللي بتعادل تقريبًا 38 درجة مئوية.
  2. الإسهال وسيلان الأنف وأحيانًا السعال الخفيف.
  3. طفح جلدي على اجزاء كتير من الجسم.

أسباب تأخر التسنين عند الرضع

بتختلف فترات ظهور الأسنان من طفل لآخر ودا شئ طبيعي ومفيش داعي للقلق، ومن الطبيعي أيضًا ظهور عدد مختلف من الأسنان في فترات مختلفة من نمو الطفل، فمثلًا:

  • ظهور 4 أسنان في عمر 11 شهر.
  • ظهور 8 أسنان في عمر 15 شهر.
  • ظهور 12 سن في عمر 19 شهر.
  • ظهور 16 سن في عمر 23 شهر.

إذا تأخر ظهور عدد الأسنان طبقُا للفترات السابقة، فدا ممكن يكون بسبب:

  1. الولادة المبكرة أو انخفاض وزن الطفل عند الولادة.
  2. نقص التغذية أو سوء امتصاص الغذاء.
  3. نقص فيتامين د عند الأطفال.
  4. فقر الدم أو الأنيميا.
  5. ضعف اللثة.
  6. تاريخ عائلي سابق واللي فيه أحد الأبوين أو أحد الأخوة تأخر في التسنين في مرحلة الطفولة.
  7. بعض الحالات النادرة من الأمراض الوراثية بينتج عنها اضطراب في نمو الطفل.

    علاج ألم و اعراض التسنين

    التسنين عند الأطفال مرحلة من المراحل الطبيعية في النمو ومش مرض يحتاج علاج علشان كدا مفيش داعي للقلق على صحة الطفل، لكن ممكن اتباع بعض الخطوات واستخدام جل التسنين وبعض انواع الادوية الأخرى المسموح بيها علشان يتمم تخفيف شدة اعراض التسنين عند الاطفال، فمثلًا:

      1. جل التسنين.

      2. مسكنات الألم وخفض حرارة الاطفال عند التسنين.

      3. استخدام العضاضات أو حلقات التسنين الموجودة بالصيدليات.

      4. مساعدة الطفل في تناول بعض الأطعمة الصلبة المناسبة لعمره.

      5. استخدام المناديل النظيفة في التخلص من سيلان فم الطفل.

    وتعرف على كيفية الاهتمام بأسنان الطفل في مرحلة التسنين.


    متى يسنن الطفل


    أهمية الأسنان اللبنية للأطفال


    جدول التسنين


    أشهر الأسئلة عن اعراض التسنين عن الاطفال


    كيفية الاهتمام بأسنان الطفل


    علاج اعراض التسنين باستخدام جل التسنين


    المصادر

    متى يسنن الطفل؟

    التسنين عند الرضع هي مرحلة طبيعية من مراحل النمو بيبدأ من سن ستة إلى تسعة أشهر وبينتهي في سن من سنتين ونصف إلى ثلاث سنوات، وممكن تختلف فترة بداية التسنين من طفل لأخر حتى في أفراد العائلة الواحدة وهو شئ غير مقلق ومش بالضرورة يكون له علاقة بالصحة العامة للطفل، يعني ممكن طفل يبدأ مرحلة التسنين قبل ستة أشهر وأخوته يبدأوا مرحلة التسنين بعد تسعة أشهر.

    وأيضًا، في حالة نادرة بتحصل لمولود واحد من حوالي 2000 أو 3000 مولود وبتسمى “أسنان الولادة”، في الحالة دي بيتولد الطفل بسن واحد وغالبًا بتكون ضعيفة ورخوة ومشوهة، وبيتم إزالتها قبل الخروج من المستشفى لحماية الطفل من خطر الاختناق نتيجة زحزحة السن دا من مكانه وانتقاله لمجرى البلع والتنفس.

    جدول التسنين عند الأطفال:

    الجدول التالي هو جدول التسنين عند الأطفال، بيوضح ترتيب ظهور الاسنان عند الاطفال من سن 8 أشهر حتى سن سنتين ونصف وثلاث سنوات تقريبًا:

    الفك العلوي

    اسم السن

    ظهور الأسنان

    سقوط الأسنان

    السن الأمامي (قاطع مركزي)

    8 ل 12 شهر

    6 ل 7 سنوات

    السن الأمامي الجانبي (قاطع جانبي)

    9 ل 13 شهر

    7 ل 8 سنوات

    الناب

    16 ل 22 شهر

    10 ل 12 سنة

    ضرس أول

    13 ل 19 شهر

    9 ل 11 سنة

    ضرس ثاني

    25 ل 33 شهر

    10 ل 12 سنة

    الفك السفلي

    السن الأمامي (قاطع مركزي)

    6 ل 10 شهور

    6 ل 7 سنوات

    السن الأمامي الجانبي (قاطع جانبي)

    10 ل 16 شهر

    7 ل 8 سنوات

    ناب

    17 ل 23 شهر

    9 ل 12 سنة

    ضرس أول

    14 ل 18 شهر

    9 ل 11 سنة

    ضرس ثاني

    23 ل 31 شهر

    10 ل 12 سنة

    أهمية الأسنان اللبنية للأطفال:

    الأسنان اللبنية عبارة عن 20 سن وهي أول الأسنان اللي بتظهر في فم الأطفال وبيتم تبديلهم بعد فترة بالأسنان الدائمة، وبتتلخص أهمية الأسنان اللبنية في:

    1. مساعدة الأطفال في نطق الحروف والكلمات بشكل صحيح.
    2. تحديد شكل الوجه مع عظام الوجه الأخرى زي عظام الفكين.
    3. مضغ الطعام كويس وبالتالي بتساعد في عملية الهضم.
    4. ضمان وجود مساحة مناسبة في الفك للأسنان الدائمة بدل من إنباتها فوق بعضها بعد كدا.
    5. اكتمال مظهر الطفل الجمالي.

    اعراض التسنين

    بيرتبط التسنين عند الرضع أو عند الأطفال الأكبر سنًا بعدم راحة في اللثة والفك بسبب استعداد الأسنان الأولية للاندفاع من خلال سطح اللثة، وبالتالي بسهولة جدًا بتقدر الأم تلاحظ اعراض التسنين عند الرضع زي:

    منطقة احمرار منتفخة على سطح لثة الرضيع قبل اندفاع السن للخارج.

    فرك يد الرضيع لمنطقة الفم والأذن في محاولة منه أنه يشير لمنطقة الألم.

    طفح جلدي بسيط حول الفم بسبب تهيج الجلد نتيجة زيادة سيلان الفم.

    زيادة رغبة الرضيع في وضع اليد في الفم.

    رفض الرضيع للرضاعة من ثدي الأم أو أي طعام خارجي بسبب ألم اللثة.

    اضطراب أو قلة النوم بسبب الألم وعدم الراحة في اللثة.

    زيادة عض الرضيع أكثر من المعتاد في أي حاجة تقابله زي ألعابه المختلفة.

    زيادة سيلان اللعاب من فم الرضيع نتيجة التغيرات باللثة.

    بعض الأعراض الثانوية الأخرى اللي ممكن تكون مصاحبة لأعراض التسنين الرئيسية:

    1. ارتفاع درجة الحرارة الرضيع لحوالي 101 درجة فهرنهايت اللي بتعادل تقريبًا 38 درجة مئوية.
    2. الإسهال وسيلان الأنف وأحيانًا السعال الخفيف.
    3. طفح جلدي على اجزاء كتير من الجسم.

    أشهر الأسئلة المتعلقة ببعض اعراض التسنين عند الاطفال:

    امتى في فترة التسنين لازم الأم تزور دكتور اسنان للاطفال؟

    الأم ممكن تكتفي ببعض أنواع الادوية المسكنة والخافضة للحرارة في فترة التسنين عند الأطفال.

    لكن من الأفضل تتوجه للدكتور فورًا إذا ظهر على الطفل أي علامات احتقان الزور وزيادة سيلان الأنف بشدة لأن الأعراض دي ممكن تكون نتيجة إصابة الطفل بعدوى فيروسية ومش من اعراض التسنين.

    هل اعراض التسنين بتشمل الحمى أو ارتفاع شديد في درجة الحرارة؟

    الحمى أو ارتفاع شديد في درجة الحرارة كواحدة من اعراض التسنين عند الأطفال هي من أشهر المعلومات المنتشرة بين الجدات في مجتمعاتنا، لكن الأبحاث الطبية لحد دلوقتي بتقول إن مفيش علاقة بين الحمي و اعراض التسنين إلا في حالة إصابة الطفل ببعض الأمراض الأخرى أو الفيروسات اللي ممكن تسبب في ارتفاع درجة الحرارة بالتزامن مع فترة التسنين عند الأطفال.

    هل ممكن اعراض التسنين عند الاطفال تتسبب في القيء؟

    اعراض التسنين لا تشمل القيء، وأطباء أسنان الأطفال وضحوا أن مفيش علاقة بين التسنين والحمى أو سيلان الأنف والإسهال.

    وإذا صادف وجود الأعراض دي مع بعض فممكن تكون نتيجة إصابة الطفل ببعض الأمراض الشائع إصابة الأطفال بيها.

    بتنصح الجمعية الأمريكية لطب الأسنان أن أول زيارة للطفل لدكتور الأسنان من الأفضل تكون في عمر سنة.
    وإذا تم التأخير فمن الأفضل عدم التأخير عن 3 سنوات لتجنب تشوهات الأسنان أو امراض اللثة عند الاطفال.

    أسباب تأخر التسنين عند الرضع

    بتختلف فترات ظهور الأسنان من طفل لآخر ودا شئ طبيعي ومفيش داعي للقلق، ومن الطبيعي أيضًا ظهور عدد مختلف من الأسنان في فترات مختلفة من نمو الطفل، فمثلًا:

    • ظهور 4 أسنان في عمر 11 شهر.
    • ظهور 8 أسنان في عمر 15 شهر.
    • ظهور 12 سن في عمر 19 شهر.
    • ظهور 16 سن في عمر 23 شهر.

    إذا تأخر ظهور عدد الأسنان طبقُا للفترات السابقة، فدا ممكن يكون بسبب:

    1. الولادة المبكرة أو انخفاض وزن الطفل عند الولادة.
    2. نقص التغذية أو سوء امتصاص الغذاء.
    3. نقص فيتامين د عند الأطفال.
    4. فقر الدم نقص الحديد أو الأنيميا.
    5. ضعف اللثة.
    6. تاريخ عائلي سابق واللي فيه أحد الأبوين أو أحد الأخوة تأخر في التسنين في مرحلة الطفولة.
    7. بعض الحالات النادرة من الأمراض الوراثية بينتج عنها اضطراب في نمو الطفل.

    علاج اعراض التسنين عند الاطفال

    التسنين عند الأطفال مرحلة من المراحل الطبيعية في النمو ومش مرض يحتاج علاج علشان كدا مفيش داعي للقلق على صحة الطفل، لكن ممكن اتباع بعض الخطوات واستخدام جل التسنين وبعض انواع الادوية الأخرى المسموح بيها علشان يتم تخفيف شدة اعراض التسنين عند الاطفال، فمثلًا:

    جل التسنين

    بتلجأ كتير من الأمهات لأستخدام جل التسنين لتخفيف اعراض التسنين عند الرضع والأطفال، لكن طبقًا لمنظمة الغذاء والدواء العالمية أن جل التسنين لازم يتم استخدامه تحت اشراف الدكتور المختص وخصوصًا جل التسنين اللي بيتحوي على المادة المخدرة المعروفة بأسم (البنزوكاين) وأن المادة دي خطر على الأطفال خصوصًا تحت سن سنتين لأنها ممكن تسبب -في حالات ممكن تكون نادرة- انخفاض مستوى الأكسجين في الدم وبالتالي بيظهر على الطفل اعراض بتشبه اعراض الاختناق زي تغيير لون الجلد والشفايف والأطراف خصوصًا الأظافر للون باهت ممكن يتحول للون أزرق مع صعوبة في التنفس و زيادة سرعة ضربات قلب الطفل.

    وأيضًا في انواع تانية من جل التسنين بتحتوي على مادة مخدرة بتسمى مادة الليدوكايين، المادة دي في جل التسنين بتسبب صعوبة في البلع وممكن تسبب مشاكل في تنفس الطفل، علشان كدا لازم يتم التأكيد على كل أم عدم استخدام الأنواع المختلفة من جل التسنين من غير ما ترجع للدكتور المختص.

    مسكنات الألم وخفض حرارة الاطفال عند التسنين

    بعض الادوية المسكنة ممكن يتم شراؤها من الصيدلية من غير روشتة طبية زي الباراسيتامول والإيبوبروفين.

    لكن عادًة بينصح أطباء الأطفال بأن البراسيتامول يتم استخدامه إذا كان عمر الطفل أكبر من 3 شهور، أما الإيبوبروفين يتم استخدامه إذا كان عمر الطفل أكبر من 6 شهور مع مراعاة عدم إعطاء ادوية الإيبوبروفين  للطفل على معدة فاضية لأن النوع دا من الأدوية ممكن يسبب التهاب المعدة.

    أما الأسبرين كنوع من انواع الادوية المسكنة فهو ممنوع تمامًا استخدامه للأطفال حتى البلوغ، لتجنب إصابة الطفل بمتلازمة راي وهي عبارة عن متلازمة بتحصل نتيجة إصابة الطفل لعدوى فيروسية أو تناول الأسبرين وبسببها ممكن يُصاب الطفل بتلف خطير في الكبد والدماغ.

    استخدام العضاضات أو حلقات التسنين الموجودة بالصيدليات

    احرص على اختيار نوع كويس من العضاضة او حلقة التسنين وتكون بالمقاسات المناسبة لعمر طفلك، ومن الأفضل اختيار العضاضة الصلبة و لا بتحتوي على سائل جواها علشان تتجنب انكسار العضاضة وتسرب السائل دا لفم الطفل واللي ممكن يأذيه.

    ومن الأفضل انك تسألي الصيدلي عن نوع المادة اللي مصنوع منها العضاضة وأحرصي على عدم دخول عنصر الرصاص lead في العناصر اللي تم تصنيع العضاضة منها علشان تحمي طفلك من خطر الإصابة بالتسمم زي ما أعلن مركز مكافحة الأمراض في سنة 2018 عن حالة تسمم طفل نتيجة اسورة يد مخصصة للأطفال لاستعمالها كعضاضة.

    مساعدة الطفل في تناول بعض الأطعمة الصلبة المناسبة لعمره

    بعد 6 شهور من عمر الطفل، ممكن الأم تستخدم بعض الأطعمة الصلبة بدل العضاضة، زي الجزر المسلوق والخيار المقشر والتفاح واللي من الأفضل يتقدم للطفل بارد علشان يساعده في تخفيف ألم اللثة.

    الأطعمة السابقة غير أنها صلبة وهتساعد في تخفيف اعراض التسنين، أيضًا بتحتوي على الألياف المفيدة اللي هتساعد طفلك ينمو بشكل أحسن.

    استخدام المناديل النظيفة في التخلص من سيلان فم الطفل

    معظم الأمهات بتستخدم قطعة نظيفة من القماش لمسح اللعاب الزيادة من فم الطفل، لكن قطعة القماش ممكن تكون معرضة للجراثيم والبكتيريا والمسح بيها كذا مرة ممكن يضر الطفل، علشان كدا من الأفضل أن يتم استخدام المناديل الورقية المعقمة والناعمة على بشرة طفلك.

    كيفية الاهتمام بأسنان الطفل في مرحلة التسنين

    كلما زاد الاهتمام بالأسنان اللبنية وصحتها، كلما زاد نسبة حصول الطفل على أسنان دائمة قوية وصحية، ولو حصل تساقط للاسنان اللبنية قبل معادها، دا هيزيد من خطر إصابة الطفل بتسوس الأسنان الدائمة وتأخر ظهورها وزيادة احتمالية نمو الأسنان الدائمة فوق بعضها بشكل غير متناسق هيسبب ألم اللثة للطفل وممكن يحتاج جراحة الأسنان أو تقويم الأسنان بعد كدا على حسب خطورة الحالة.

    علشان كدا لازم الأبوين يهتموا بصحة اسنان الطفل من بداية ظهور اعراض التسنين عليه من خلال بعض الخطوات البسيطة، زي:

    • استخدام غسول فم مناسب للاطفال تحت اشراف الدكتور المختص.
    • تجنب الحلويات والسكريات الكتير علشان تتجنب تسوس الأسنان وممكن يتم استبدالها بالفاكهة الطبيعية.
    • استشارة الدكتور المختص عن احتمالية احتياج الطفل لمكملات الأسنان زي مكملات الفلورايد للحفاظ على صحة وقوة أسنان الطفل.
    • زيارة دكتور الأسنان المختص بصفة دورية خصوصًا عند إكمال الطفل للسنة الأولى من عمره لمتابعة نمو الأسنان.
    • استخدام فرشاة ومعجون الأسنان المناسبين للأطفال لتنظيف الأسنان باستمرار.

    المصادر

    i

    المصادر العربي

    دوس هنا علشان توصل لكل المصادر العربي

    لا يوجد مصادر عربي