اعراض المرارة بين حصوات المرارة و التهاب المرارة

تختلف اعراض المرارة باختلاف اسباب المرارة لأنها بتشمل اعراض التهاب المرارة و اعراض حصوة المرارة.
مكان المرارة فى الجنب اليمين من البطن تحت الكبد، وهى عبارة عن عضو صغير طوله من 7 : 10 سم و و قطرها حوالي 4 سم شبه الكمثرى.
بيحصل مرض المرارة بسبب تكوين كتل صلبة من العصارة الهاضمة فى المرارة بيتقال عليها حصوات المرارة، وممكن تحصل امراض المرارة بسبب التهاب المرارة و في كلتا الحالتين بيكون الم المرارة شديد..

من اعراض حصوة المرارة ألم شديد في البطن والكتف والظهر و غثيان ورغبة في التقيؤ و تحول لون بياض العين والجلد الى اللون الاصفر.
من اعراض التهاب المرارة ألم شديد فى منطقة الظهر والبطن وبتكون مصحوبة بحمى وغثيان وعسر هضم.
و مفيش اختلاف فى اعراض المرارة بين الرجال والنساء والأطفال، ولكن تختلف الأعراض باختلاف درجة تطور المرض.
يختلف ظهور اعراض المرارة باختلاف اسباب المرارة
و من اسباب التهاب المرارة العدوى بالأمراض الفيروسية: زي الإيدز ممكن يسبب التهاب المرارة.
وجود حصوات المرارة من اسباب لأنها ممكن تسبب قطع في الأنبوبة اللي تعتبر ممر للعصارة الصفراوية، وده هيسبب تراكمها و يحصل التهاب المرارة.
الاكل الذي يسبب التهاب المرارة زي الكربوهيدرات و الاكل المشبع بالدهون زي المقليات.
اسباب حصوات المرارة هي احتواء المرارة على كميات كبيرة من الكوليسترول و احتواء المرارة على كميات كبيرة من البيليروبين بسبب امراض تانية زي تليف الكبد، و التقدم فى السن و الحمل و أسباب متعلقة بسن اليأس و تناول موانع الحمل و الوزن الزائد و مشاكل وراثية لأن حصوات المرارة ممكن تكون مرض وراثي ليها علاقة بالجينات و بتكون منتشرة بين أبناء المصابين بحصوات المرارة.
علاج المرارة طبيعيًا ممكن يكون عن طريق أكلات مفيدة لصحة المرارة وبتحسن من وظيفتها زي (الفاكهة، الخضروات، فيتامين، الكالسيوم، وفيتامين ب) و زي الفاصوليا و العدس و الفاكهة الحامضية.
علاج المرارة بالاعشاب زي الشاي الاخضر علشان بيحتوي على مضادات الاكسدة.
لو المريض مش ظاهر عليه أى أعراض من أعراض حصوة المرارة اللى قولناها بس عنده بالفعل حصوات ظهرت خلال الكشف والأشعة ، و لو اتضح أن حجم حصوة المرارة اصغر من 1 سم؛ فى الحالة دى هنستخدم معاهم ادوية المرارة يكون دورها اذابة، وتفتيت حصى المرارة زى مثلا حمض الأرسوديوكسيكوليك، أو ممكن فى الحالة دى كمان نستخدم الموجات فوق الصوتية علشان تفتيت حصى المرارة.
فى علاج حصوات المرارة بنستخدم ملح الصفراوى ودة موجود فى ادوية المرارة التى تحتوى على رواكول؛ بيساعد على تفتيت الحصوات.
فى أغلب الأوقات بيلجأ الدكاترة لعملية استئصال المرارة سواء بالجراحة أو عملية المرارة بالمنظار
يزيد خطر الإصابة بسرطان المرارة عند الأفراد المصابين بأي نوع من انواع حصوات المرارة، و غالبًا الدكاترة بيعملوا استئصال المرارة قبل ما يوصل المريض للحالة المتأخرة دي من سرطان المرارة.
لو ظهر عليك اعراض المرارة فلازم الدكتور هيطلب منك شوية تحاليل وفحوصات عشان يعرف مدى اصابتك في الاول و هل التهاب المرارة أو حصوات المرارة أثرت على الأعضاء المجاورة للمرارة ولا لأ، وفي احتمالية إن الدكتور يطلب منك تعمل التحاليل والفحوصات دي كل فترة عشان يتابع مدى استجابة جسمك للعلاج
التخصص اللي المفروض تروحله لو حسيت بأي من اعراض المرارة هو (دكتور جهاز هضمى) عشان يتم علاج المرارة فى أسرع وقت ونتجنب الإصابة بالمضاعفات.
و سواء كنت أحد المصابين بالتهاب المرارة أو حصوات المرارة أو عملت عملية استئصال للمرارة مؤخرا فالأحسن انك تبعد عن الأكلات المقلية والأكلات اللي فيها دهون عالية، لازم نحافظ على نظافة الجرح بعد العملية ونحرص على تنظيفه بالصابون الطبي، لازم كمان نتجنب الأكلات اللي فيها توابل كتير، و نتجنب الأكلات اللي بتحتوي على دهون عالية، وتتناول الخضراوات والفاكهة يومياً بكثرة..

Read More