pointer

المرارة

بيحصل مرض المرارة بسبب تكوين كتل صلبة من العصارة الهاضمة فى المرارة ، وممكن يحصل بسبب حدوث التهاب شديد فى المرارة ، مكان المرارة فى الجنب اليمين من البطن تحت الكبد

pointer

اعراض المرارة

وجع في محيط البطن

pointer

اعراض المرارة

وجع بالكتف و بالظهر

pointer

اعراض المرارة

غثيان و رغية في التقيؤ

pointer

اعراض المرارة

ارتفاع درجة حرارة الجسم

pointer

اعراض المرارة

تحول لون بياض العين الى اللون الاصفر و كذلك لون الجلد

pointer

اعراض المرارة

عدم القدرة على هضم الدهون و تحمل الأكل

لو عايز تنجز نفسك تقدر تسمع اعراض المرارة و الأسباب و العلاج بطريقة مختصرة و من غير قراءة

by a3raad.com

أعراض المرارة

تنقسم امراض و اعراض المرارة إلى عدة اعراض زي

اعراض حصوة المرارة 

1. ألم شديد في البطن والكتف والظهر.
2. غثيان ورغبة في التقيؤ.
3. ارتفاع درجة الحرارة.
4. تحول لون بياض العين والجلد الى اللون الاصفر.
5. ارهاق وتعب فى الجسم.
6. عدم القدرة على هضم الدهون وتحمل الأكل.

ممكن الألم الناتج عن الاصابة ببعض حصوات المرارة، يستمر لدقايق أو ساعات قليلة.
كمان فى الحالات الشديدة ممكن يحصل 
انفجار المرارة وده بيسبب خروج العصارة الصفراوية للتجويف البطني وطبعا ده بيعرض حياة مريض المرارة للخطر علشان كده لازم تروح للدكتور المتخصص قبل ما يحصل تطور لاي عرض من اعراض المرارة.

اعراض التهاب المرارة 

اعراض التهاب المرارة بتبقى عبارة عن ألم شديد فى منطقة الظهر والبطن وبتكون مصحوبة بحمى وغثيان وعسر هضم.

هل تختلف اعراض المرارة عند النساء من الرجال أو الأطفال ؟

مفيش اختلاف فى اعراض المرارة بين الرجال والنساء والأطفال، ولكن تختلف الأعراض باختلاف درجة تطور المرض.

اسباب المرارة

يختلف ظهور اعراض المرارة باختلاف اسباب المرارة زي:

=> اسباب التهاب المرارة

  1. الإصابة بأمراض الكبد.
  2. ووجود ورم فى المرارة: ووجود الورم بيعيق صرف العصارة الصفراوية، وده بيسبب تراكمها و يحصل التهاب المرارة.
  3. العدوى بالأمراض الفيروسية: زي الإيدز ممكن يسبب التهاب المرارة.
  4. انسداد القناة الصفراوية: وجود مشاكل في الأوعية الدموية هيسبب عدم وصول الدم للمرارة وده هيسبب التهاب المرارة.
  5. وجود حصوات المرارة: لأنها ممكن تسبب قطع في الأنبوبة اللي تعتبر ممر للعصارة الصفراوية، وده هيسبب تراكمها و يحصل التهاب المرارة.


=> محفزات الاصابة بمرض التهاب المرارة

الاكل الذي يسبب التهاب المرارة زى:

1.الكربوهيدرات:

موجودة فى السكر، النشويات، الدقيق؛ واللى بيشكلوا جزء كبير من وجباتنا على مدار اليوم زى المخبوزات، الكيك،الحلويات والأكلات المقلية.

2. تناول نسبة كبيرة من الدهون:

خلينا متفقين ان العصارة الصفراوية لها دور أساسي في هضم المواد الدهنية؛ وعلشان كده تناول كمية كبيرة من الدهون بيمثل حمل كبير ع المرارة عشان تقوم بهضم كل الكمية؛ ومن الأمثلة على الأكلات المشبعة بالدهون (الأكلات المقلية، الزيوت المهدرجة، والدهون الحيوانية).

 

=> اسباب حصوات المرارة

1. احتواء المرارة على كميات كبيرة من الكوليسترول

طبعا المرارة دورها انها تفرز مواد تعمل على هضم و إذابة وتفتيت الكوليسترول ولكن فى أوقات كتيرة بتكون كمية الكوليسترول اللي يفرزها الكبد كبيرة؛ و ده بيقلل كفاءة المرارة في إذابتها؛ فبيتم تشكيلها على هيئة كريستالات أو بلورات وبعدين تتحول إلى حصوات المرارة.

2.احتواء المرارة على كميات كبيرة من البيليروبين

و البيليروبين ده عبارة عن مادة كيميائية تنتج من تكسير كرات الدم الحمراء بعد انتهاء عمرها ف الجسم (120 يوم) وفيه بعض الأمراض تجبر الكبد على إفراز كميات كبيرة من البيليروبين زي تليف الكبد، واضطرابات الدم؛ و زيادة كمية البيليروبين بتؤدي لتكوين حصوات المرارة.

3. التقدم فى السن:

من العوامل اللي بتلعب دور في تكوين حصوات المرارة هي التقدم في السن، لأن نسبة الإصابة بحصوات المرارة بتزيد مع التقدم فى السن.

4. الحمل

لأسباب خاصة بتغير الهرمونات اللي بيحصل اثناء الحمل ممكن تسبب حصوات المرارة.

5. أسباب متعلقة بسن اليأس

الوصول لسن اليأس يسبب حصوات المرارة بسبب أخذ بدائل لهرمون الاستروجين.

6. تناول موانع الحمل

موانع الحمل تسبب حصوات المرارة علشان بردو بتحتوي على هرمون الاستروجين.

7.الوزن الزائد

السمنة تسبب حصوات المرارة بسبب كثرة الدهون.

8. مشاكل وراثية

حصوات المرارة ممكن تكون مرض وراثي ليها علاقة بالجينات و بتكون منتشرة بين أبناء المصابين بحصوات المرارة.

علاج المرارة

أولا : علاج المرارة بالاعشاب والاكل 

علاج المرارة طبيعيًا ممكن يكون عن طريق أكلات مفيدة لصحة المرارة وبتحسن من وظيفتها زي (الفاكهة، الخضروات، فيتامين، الكالسيوم، وفيتامين ب) ودلوقتي هنعرض أمثلة على أكلات بتحسن من صحة المرارة:

1. الخضروات الورقية
2. الفلفل الرومي
3. اللبن
4. الأسماك
5. الطماطم
6. المكسرات
7. الفاصوليا
8. العدس
9. الفاكهة الحمضية

و يمكن علاج المرارة بالاعشاب زي:

  1. الشاي الاخضر علشان بيحتوي على مضادات الاكسدة
  2. عشبة الخرشوف لأنها بتساعد في تنقية الكبد و المرارة من السموم
  3. الكركم لانه بيحسن وظائف الكبد و بينظم إفراز العصارة الصفراوية من الكبد و تخزينها في المرارة.
  4. لنعناع له دور فعال فى تحسين الهضم فى الجسم وكمان بيساعد فى تفتيت حصوات المرارة.

ثانيا العلاج مع الدكتور المتخصص وادوية المرارة

هنبدأ دلوقتى بطرق علاج حصوات المرارة :-

  • لو المريض مش ظاهر عليه أى أعراض من أعراض حصوة المرارة اللى قولناها بس عنده بالفعل حصوات ظهرت خلال الكشف والأشعة ، و لو اتضح أن حجم حصوة المرارة  اصغر من 1 سم؛ فى الحالة دى هنستخدم معاهم ادوية المرارة يكون دورها اذابة، وتفتيت حي المرارة زى مثلا حمض الأرسوديوكسيكوليك، أو ممكن فى الحالة دى كمان نستخدم الموجات فوق الصوتية علشان تفتيت حصى المرارة.
  • فى علاج حصوات المرارة بنستخدم ملح الصفراوى ودة موجود فى ادوية المرارة التى تحتوى على رواكول؛ بيساعد على تفتيت الحصوات.
  • بعد تفتيت حصى المرارة بالموجات فوق الصوتية بيستخدم الملح الصفراوى عشان يفتت القطع الصغيرة المتبقية.
  • بيتم كمان تفتيت حصى المرارة عن طريق تصوير البنكرياس والقناة الصفراوية بمنظار بيتم عن طريق ادخال أداة من خلال المنظار الداخلى لازالة كل حصوات المرارة.
  • أخر طريقة من طرق علاج حصوات المرارة هي استئصال المرارة و إزالتها كاملة؛ رغم ان المرارة تقوم بوظائف مهمة، إلا أنها تعتبر من الأعضاء غير الأساسية فى جسم الانسان، اذا كانت مشكلة حصوات المرارة بتتكرر باستمرار  بيتم عملية استئصال المرارة وتعتبر العملية دي من أشهر العمليات الجراحية وأسهلها
  • فى أغلب الأوقات بيلجأ الدكاترة لعملية استئصال المرارة سواء جراحياً أو بالمنظار، والقرار بيكون في ايد الدكتور على حسب حالة المريض وعمره، و بتكون عملية استئصال المرارة هي افضل علاج فى حالات زى: – لو حجم حصوات المرارة أكبر من 2سم
    – لو طلع فى الأشعة وجود تكلس على المرارة، وتوقفها عن القيام بوظيفتها لان ده هيرفع من احتمالية الاصابة بسرطان المرارة، و لو الشخص مصاب بمرض فقر الدم المنجلي.


ما هي المرارة


انواع الإصابة بالمرارة


مضاعفات الاصابة بالمرارة


طريقة تشخيص المرارة


علاقة المرارة بالامراض الاخرى


امتى تروح للدكتور ؟


علاج المرارة


التعايش مع المرارة


الأكثر عرضة للإصابة بالمرارة


مفاهيم خاطئة عن المرارة


المصادر

f

الاكثر عرضة للإصابة بأمراض المرارة

i

المصادر

l

تشخيص المرارة

Q

مفاهيم خاطئة عن المرارة

مضاعفات امراض المرارة

كيفية التعايش مع المرارة

انواع امراض مرارة

علاج المرارة

U

ما هي المرارة

p

امتى تروح للدكتور

 ما هي امراض المرارة؟

بيحصل مرض المرارة بسبب تكوين كتل صلبة من العصارة الهاضمة فى المرارة بيتقال عليها حصوات المرارة، وممكن تحصل امراض المرارة بسبب التهاب المرارة و في كلتا الحالتين بيكون الم المرارة شديد..

مكان المرارة فى الجنب اليمين من البطن تحت الكبد، وهى عبارة عن عضو صغير طوله  من 7 : 10 سم و و قطرها حوالي 4 سم  شبه الكمثرى كما هو موضح فى صورة

 دور المرارة في جسم الإنسان :

المرارة بتخزن العصارة الصفراوية بشكل مؤقت، الللي بيقوم الكبد بإفرازها علشان يهضم ويفتت المواد الدهنية؛ العصارة الصفراوية بتتنقل من الكبد عن طريق قناتين كبديتين (يمنى ويسرى) القناتين دول مع بعض بنسميهم القناة الصفراوية البابية العامة؛ تتحد القناة الصفراوية البابية العامة مع القناة الصفراوية المرارية التي تخرج من عنق المرارة علشان يكونوا القناة الصفراوية العامة، واللي عن طريقها بتخرج العصارة الصفراء إلى الأمعاء الدقيقة عند تقلص المرارة وانقباضها علشان تساعد فى تحلل و تبسيط الأكل المهضوم.

 أنواع امراض المرارة ؟

حصوات المرارة

اي نوع من انواع حصوات المرارة زى الكوليسترول، والأملاح، والكالسيوم؛   بتسد مجرى العصارة الصفراوية.

حجم حصوة المرارة ممكن يكون قد ايه؟ 

حصوات المرارة بتكون متعددة الأحجام، ممكن يتراوح حجمها من حجم حبة الرمل لحد حجم كرة الجولف. و ممكن يتكوّن عند المريض حصوة مرارة واحدة أو عدة حصوات.

نتيجة تكوين حصوات المرارة: لو استقرت الحصوات أو الكتل الصلبة من العصارة الهاضمة فى القناة المرارية،  ده هيؤدي إلى انسداد فى القناة المرارية وده بيسبب تراكم السائل الأصفر في المرارة، ومنع وصوله إلى الأمعاء الدقيقة وده هينتج عنه التهاب المرارة.

التهاب المرارة

من اسباب التهاب المرارة: وجود حصوات المرارة او وجود اورام تسد مجرى العصارة الصفراوية وده بيؤدي إلى تراكمها، وممكن يحصل التهاب المرارة بسبب عدوى فيروسية زي في مرض الإيدز، أو مشاكل في الأوعية الدموية اللي تسبب قلة وصول الدم للمرارة فيحصل التهاب المرارة.

التهاب المرارة في منه نوعين:

1. التهاب المرارة الحاد :

وجع التهاب المرارة الحاد ممكن يستمر لساعات على هيئة آلام شديدة جداً فى منطقة البطن وبيكون معاها دوخة وغثيان وميل للقيء.

2. التهاب المرارة المزمن:

وجع التهاب المرارة المزمن بيتكرر على هيئة نوبات بتروح و تيجي وبتحصل بسبب تكرار اعراض التهاب المعدة الحاد.
و اعراض التهاب المرارة المزمن بيشمل انتفاخ وتهيج في المرارة و ده مع تكراره واستمراريته ممكن يسبب ندبات فى نسيج المرارة ويسبب ضعف قدرة المرارة على تخزين السائل الأصفر (العصارة الهاضمة).

أنواع فرعية من امراض المرارة

بعد ما اتكلمنا عن حصوات المرارة والتهاب المرارة هنتكلم دلوقتي عن أمراض تانية ممكن تصيب المرارة و تؤثر على وظيفتها زي:

  1. حصوات فى القناة الصفراوية: ممكن الحصوات المرارية تنتقل إلى القناة الصفراوية وده هيسبب التهاب القناة الصفراوية.
  2. مرض المرارة من غير حصوات المرارة: المرض ده بيكون مشابه للحصوات بس بدون وجود حصوات ودى بتكون مشكلة فى عضلات أو صمامات المرارة.
  3. انفجار المرارة: اذا تم اهمال اعراض المرارة وعدم استئصال المرارة أو علاجها، ممكن يسبب انفجار المرارة وده هيسبب اضرار كبيرة جدا ممكن توصل للموت.
  4. خرّاج فى المرارة: وده بيكون بسبب تجمع صديد (مجموعة من الخلايا الميتة مع بكتيريا وكرات دم بيضاء) فى المرارة.

 مضاعفات التهاب المرارة؟

سرطان المرارة

يزيد خطر الإصابة بسرطان المرارة عند الأفراد المصابين بأي نوع من انواع حصوات المرارة، و غالبًا الدكاترة بيعملوا استئصال المرارة قبل ما يوصل المريض للحالة المتأخرة دي من سرطان المرارة.

الناسور

الناسور اسمه بالانجليزي fistula  و بيكون عبارة عن قناة بتوصل بين المرارة والاثنى عشر، بيظهر لما يحصل تآكل في جدار المرارة بسبب وجود حصوات المرارة الكبيرة في الحجم وممكن الحصوات تتنقل من المرارة للأثنى عشر من خلال القناة دي وممكن يحصل انسداد في الأمعاء..

انتفاخ جدار المرارة

ده بيحصل بسبب تراكم العصارة الصفراوية في المرارة و بيكون وجعه شديد جدًا والأخطر إن إنتفاخ المرارة يسبب ينتج عنه ثقوب او ندبات في جدار المرارة ويحصل تمزق في المرارة أو موت انسجة المرارة.

تمزق المرارة

مضاعفات التهاب المرارة تسبب تمزق أو تورم فى نسيج المرارة في حالة اهمال اعراض التهاب المرارة و عدم معالجتها.
تمزق المرارة ممكن ينتج عنها مرض مميت اسمه إنتان الدم أو تعفن الدم.

موت نسيج المرارة كله

اهمال اعراض التهاب المرارة ممكن يتطور و يسبب موت نسيج المرارة كله و ده منتشر جداً بين كبار السن، ومشهور باسم (غرغرينا)، وبيكون أكثر ناس معرضة للاصابة بيها هما اصحاب مرض السكر وممكن يتسبب فى انفجار المرارة.

 الفحوصات اللازمة لتشخيص إصابة المرارة

التشخيص السريري

يعتمد الدكتور فى تشخيص المرارة على التشخيص السريري مع وجود أعراض المرارة؛ وبعدين بيلجأ للتحليل المعملي للتأكد من وجود المرض وكمان عشان يعرف مدى تطور المرض

نتيجة التشخيص السريري

الدكتور مش بيجزم بالإصابة غير لما بيطلب منك تعمل بعض التحاليل المعملية الاخرى زي :

  1. بيحتاج الدكتور عمل سونار على منطقة المرارة بالموجات فوق الصوتية للبحث عن حصوات المرارة.
  2. بيحتاج فحص القناة الصفراوية عن طريق الصبغة للبحث عن حصوات المرارة.

التحليل المعملي

لو ظهر عليك اعراض المرارة فلازم الدكتور هيطلب منك  شوية تحاليل وفحوصات عشان يعرف مدى اصابتك  في الاول و هل التهاب المرارة أو حصوات المرارة أثرت على الأعضاء المجاورة للمرارة ولا لأ،  وفي احتمالية إن الدكتور يطلب منك تعمل التحاليل والفحوصات دي كل فترة عشان يتابع مدى استجابة جسمك للعلاج

التحاليل المطلوبة

تحاليل وفحوصات مبدئية :

1. بيحتاج الدكتور عمل سونار على منطقة المرارة بالموجات فوق الصوتية للبحث عن حصوات المرارة.
2. بيحتاج فحص القناة الصفراوية عن طريق الصبغة للبحث عن حصوات المرارة.

ممكن يطلب منك التحاليل دي علشان يتأكد إن التهاب المرارة متنقلش لأي أعضاء مجاورة :

1. تحليل لوظائف الكبد.

2. تصوير البنكرياس بالمنظار.

3. تصوير الرنين المغناطيسي.

4. تحليل الدم ممكن بيبن اذا كان فيه عدوى معينة أو لو حصل التهاب البنكرياس.

 مين هم الأكتر عرضةً للإصابة بالمرارة ؟

أثبتت الدراسات أن النساء هم الأكثر تعرضا للاصابة بأنواع حصوات المرارة و التهاب المرارة؛ وبتكون الاصابة بنسبة 3:1 بمعنى انه بيتم إصابة رجل واحد قدام إصابة 3 سيدات بمرض حصوات المرارة، وده بيكون بسببب ان هرمون الاستروجين بيزوّد نسبة الكوليستيرول في جسم السيدات؛ وكمان زيادة الوزن اللي بتؤدي لزيادة نسبة الدهون فى الجسم؛ وطبعا الإصابة بالمرض بتزداد بزيادة السن.  فالنساء فوق سن الأربعين أكثر عرضة للاصابة بأمراض المرارة.

 إمتى تروح للدكتور ؟

طبعا زى ما قولنا مضاعفات التهاب المرارة خطيرة جدا وعشان كده لازم نروح للدكتور بدرى عشان نتجنب المضاعفات دى وبلاش نقع في موقف  خطر. لو حسيت بأى عرض من أعراض المرارة اللى قولناها فلازم تاخد الخطوة وتحدد معاد مع الدكتور.

التخصص اللي المفروض تروحله :

  •  التخصص اللي المفروض تروحله لو حسيت بأي من اعراض المرارة هو (دكتور جهاز هضمى) عشان يتم علاج المرارة فى أسرع وقت ونتجنب الإصابة بالمضاعفات.
  • لازم أول لما تحس بأي ألم من الأعراض المذكورة سجله عندك عشان تقوله للدكتور، وجمع قائمة بأسماء كل الأدوية والفيتامينات اللى بتاخدها؛ ده هيساعد فى التشخيص والعلاج .

 إساءة تشخيص اعراض المرارة تؤدي لـ :

ممكن يحصل تشخيص غلط  للمرارة من ناحية الدكتور بسبب تشابه أعراض المرارة مع أعراض أمراض تانية  زي مثلا مشاكل فى الكبد،  والغلط ده ممكن يؤدي الى انفجار المرارة، وانفجار المرارة بيسبب الموت لحوالي 30% من الحالات.

أمراض مشابهة لأمراض المرارة

تتشابه أعراض المرارة مع أعراض القولون المتهيج، وأحياناً بيخلط المريض بينهم، وفى الحالة دي لازم نقوم بزيارة الطبيب وعمل أشعة الموجات فوق الصوتية.

علاقة المرارة ببعض الامراض الاخرى

علاقة المرارة و امراض القلب

  • أثبتت الدراسات الحديثة التى نشرت فى المجلة العلمية  الخاصة بأمراض القلب arteriosclerosis وجود علاقة بين أمراض القلب وأمراض الجهاز الهضمى اللي منها أمراض المرارة.
  • وأن العلاقة دي متشابكة ومعقدة أكثر مما نظن؛ بالرغم من عدم وضوح السبب العلمي للكلام ده؛ اعتمدت نتائج الدراسات على مشاكل حصوات المرارة باعتبارها أكثر امراض المرارة انتشارا طبعا.
  • من النتائج اللي أثبتتها الدراسات أن عوامل الخطر المسببة لأمراض القلب والمرارة متشابهة ومنها:
  1. السمنة
  2. ارتفاع ضغط الدم
  3. سوء التغذية
  4. ارتفاع  نسبة الكوليسترول

علاقة المرارة بالسرطان

سرطان المرارة هو نادر الحدوث إلا أن امكانية حدوثه ممكن تتسبب فى انتقال السرطان إلى الأعضاء المجاورة وأعراض سرطان المرارة تشبه أعراض التهاب المرارة الحاد.

علاقة المرارة بمرض السكر

الإصابة بمرض زي مرض السكر أو مرض يسبب إعاقة لمجرى الدم أو اي نوع من انواع الالتهاب، ممكن يمنعوا وصول الإمداد الدموي للمرارة؛ وده هيسبب ضعفها وتوقفها عن اداء وظيفتها بكفاءة.

علاقة المرارة و الشريان التاجي

استنتج الباحثون فى جامعة تولين الأمريكية أن أمراض المرارة تزيد من خطر الإصابة بأمراض الشريان التاجي بنسبة 23% ، كما توصل الباحثون أن أمراض القلب منتشرة بين المصابين ببعض امراض و اعراض المرارة وده طبعا بيسبب تشابه عوامل الخطر زى ما قولنا قبل كده.

طرق علاج المرارة

بعد ما اتكلمنا عن أعراض المرارة وتشخيصها، هنتكلم دلوقتي عن طرق علاج المرارة وايه هي أشهر طرق علاج المرارة الملتهبة المستخدمة سواء طبيا أو طبيعيا.

 علاج المرارة طبيعيًا

هي عبارة عن  أكلات مفيدة لصحة المرارة وبتحسن من وظيفتها زي (الفاكهة، الخضروات، فيتامين، الكالسيوم، وفيتامين ب) ودلوقتي هنعرض أمثلة على أكلات بتحسن من صحة المرارة:

1. الخضروات الورقية والفلفل الرومي و الطماطم
2. اللبن و الأسماك
3. المكسرات
4. الفاصوليا و العدس
5. الفاكهة الحمضية

هل فعلا علاج المرارة بالأعشاب بيجيب نتيجة و بيفتت الحصوات الموجودة في المرارة

فيه بعض المكونات الطبيعية اللي بتساعد على حمايتك من حصوات المرارة، وبيكون ليها دور مساعد فى تفتيت حصى المرارة بجانب العلاج الطبي و ادوية المرارة طبعا، و بردوا لازم تتأكد من الدكتور قبل تطبيقها حفاظاً على سلامتك.

النعناع

النعناع ليه دور فعال فى تحسين الهضم فى الجسم وكمان بيساعد فى تفتيت حصى المرارة عن طريق زيادة إفراز العصارة الصفراوية اللي دورها انها تعمل على تفتيت الحصوات.

عصير الليمون

 بيمنع الكبد من تكوين الكوليسترول مؤقتا، و كمان مهم  علشان وجود فيتامين سي في عصير الليمون اللى بيكون ليه دور فعال على تحليل الكوليستيرول اللي بيكون حصوات المرارة.

خل التفاح

الخاصية الحامضية لخل بتمنع الكبد من انتاج الكوليسترول الذي يمثل دور أساسى جدا فى تكوين حصى المرارة.
بس احترس منه لو بتعاني من التهاب المعدة.

الكمثرى

الاجاص او الكمثرى بيساعد في تخفيف الم المرارة الناتج من حصوات المرارة؛ لإ حتوائه على مادة البكتين والمادة دي بتساعد على تفتيت الكوليستيرول المكون للحصوات ، و بيساعد على خروجها من الجسم بسهولة

بذور القاطونة

تعتبر مصدر مهم جدا للألياف اللي بتساعد على اذابة الكوليسترول، وده بيحصل عن طريق ارتباطه بالكوليسترول وتفتيته، وبيقلل من الإصابة بحصوات المرارة.

عصير الخضراوات

عبارة عن خليط من الشمندر والجزر والخيار بيساعد على تنظيف الكبد وتقوية المرارة وتحسين وظيفتها ؛ بيساعد على تحسين عمل الكبد والمرارة و بيقوى المناعة وبيساعد في تفتيت حصى المرارة.

الهندباء

من الأعشاب اللي بتساعد في علاج الم المرارة؛ وده لأنها بتحفز إفراز العصارة الصفراوية فى المرارة؛ وليها دور في تفتيت الدهون فى الجسم وده بيدعم الكبد والمرارة.

الكركم

يعمل الكركم على طرد الحصوات، وكمان بيساعد في تقوية المرارة والكبد.

الخرشوف

ليه دور فى دعم وتقوية المرارة والكبد، وكمان بتتوصف لعلاج الم المرارة المرتبط بالحصوات لانها بتساعد المرارة على الانقباض وتخريج الحصوات.

علاج المرارة طبيًا مع الدكتور المتخصص

علاج المرارة بالموجات الفوق صوتية :

  • لو المريض مش ظاهر عليه أى أعراض من أعراض المرارة أو اعراض حصى المرارة اللى قولناها علشان تدل على وجود حصوات بس ظهرت الحصوات من خلال الكشف والأشعة، و اتضح أن حجم حصوة المرارة صغير اصغر من 1 سم؛ فى الحالة دى هنستخدم معاهم أدوية المرارة يكون دورها اذابة وتفتيت حصى المرارة زى مثلا حمض الأرسوديوكسيكوليك، أو ممكن فى الحالة دى كمان نستخدم الموجات فوق الصوتية لتفتيت حصى المرارة..
  • فى حالات حصوات المرارة بنستخدم ملح الصفراوى ودة موجود فى الأدوية التى تحتوى على اورسوديول و رواكول؛ بيساعد على تفتيت الحصوات. بعد تفتيت الحصوات بالموجات فوق الصوتية بيستخدم الملح الصفراوى عشان يفتت القطع الصغيرة المتبقية.

علاج المرارة عن طريق استئصال المرارة :

  • بيتم كمان عملية المرارة بالمنظار لتفتيت حصى المرارة عن طريق تصوير البنكرياس والقناة الصفراوية بمنظار بيتم عن طريق ادخال أداة من خلال المنظار الداخلى لازالة كل حصوات المرارة.
  • لو الشخص بيعاني من التهاب المرارة أو سرطان المرارة أو التهاب القناة البنكرياسية أو الصفراوية، بنلجأ لعملية استئصال المرارة ، استئصال المرارة ممكن يتم بطريقتين زي ما ذكرنا؛ إما طريقة عملية المرارة بالمنظار أو بالجراحة
  • أخر طريقة من طرق علاج المرارة هي استئصال المرارة و إزالتها كاملة؛ رغم ان المرارة تقوم بوظائف مهمة، إلا أنها تعتبر من الأعضاء غير الأساسية فى جسم الانسان
  • اذا كانت مشكلة الحصوات بتتكرر باستمرار الأفضل إن المريض يعمل عملية المرارة بالمنظار واللي تعتبر من أشهر العمليات الجراحية وأسهلها
  • و فى أغلب الأوقات بيلجأ الدكاترة لعملية استئصال المرارة سواء جراحياً أو بالمنظار، والقرار بيكون في ايد الدكتور على حسب حالة المريض وعمره، بيكون فى حالات زى:
    – لو حجم الحصوات أكبر من 2سم
    –  لو طلع فى الأشعة وجود تكلس على المرارة، وتوقفها عن القيام بوظيفتها لان ده هيرفع من احتمالية الاصابة بسرطان المرارة
    – لو الشخص مصاب بمرض فقر الدم المنجلي.
طيب ايه هو فقر الدم المنجلي؟

خلينا الأول نتفق ان الدم مكون من تلات حاجات أساسية وهي: البلازما و الصفائح الدموية وخلايا الدم، و اللي دورها:-

1. كرات (خلايا) الدم البيضاء: دي بتلعب دور كبير فى المناعة ومحاربة الجراثيم والبكتريا فى الجسم.
2. الصفائح الدموية: وهي المسؤولة عن تجلط الدم.
3. كرات(خلايا) الدم الحمراء: والخلايا دي بتحتوي على مادة اسمها (الهيموجلوبين) اللي بتتكون من مادة بروتينية اسمها (الجلوبيولين) ومادة الهيم (الحديد) والخلايا دي مسؤولة عن نقل الأكسجين من الرئة لباقي أجزاء الجسم.

فى مرض فقر الدم المنجلي أو ما يعرف بالأنيميا المنجلية، كرات الدم الحمراء بتكون على شك منجل وبيحصلها تلف متكرر بيسبب تحلل الهيموجلوبين الموجود في الخلايا إلى بيلوروبين، وده هيسبب زيادة نسبة البيلوروبين فى الدم، ويسبب كمان ترسبها في المرارة و بكدة هتكون حصوات المرارة حجمها صغير ، وغامقه فى اللون، وكثيرة فى العدد، وطبعا ده بدوره هيرفع من التهاب المرارة وفى الحالة دي لازم الدكتور يستأصل المرارة لتجنب المضاعفات.

كيفية التعايش مع حصوات المرارة وامراض المرارة الاخرى؟

 سواء كنت أحد المصابين بالتهاب المرارة أو حصوات المرارة أو عملت عملية استئصال للمرارة مؤخرا فالأحسن انك تتبع الخطوات دي:

  1. لازم نبعد عن  الأكلات المقلية والأكلات اللي فيها دهون عالية، لازم نحافظ على نظافة الجرح بعد العملية ونحرص على تنظيفه بالصابون الطبي، لازم كمان نتجنب الأكلات اللي فيها توابل كتير
  2. لازم نتجنب الأكلات اللي بتحتوي على دهون عالية
  3. الإكثار من تناول الخضراوات والفاكهة يومياً.
  4. ممارسة الرياضة بشكل دوري
  5. تجنب التدخين والمشروبات الكحولية
  6. شرب كمية كافية من الماء يوميا؛ ما يعادل 6-8 أكواب
  7. النوم بكمية كافية يومياً
  8. التغذية المناسبة لتجنب مرض فقر الدم.

مفاهيم خاطئة المرارة

1. يعتقد البعض أن استئصال المرارة سيصيب المريض بعسر الهضم وده طبعاً اعتقاد غلط، لان استئصال المرارة مش بيوصل للمرحله دي.

2. استئصال المرارة جراحياً أفضل من عملية المرارة بالمنظار، طبعا ده اعتقاد خاطئ تماماً لأن المنظار له فوائد للمريض زي مثلاً انه بيحسن من الشكل الجمالي للجرح لان جروح المنظار صغيرة.

 3. فى كتير من الأوقات بيحس المريض بألم في البطن وسوء هضم وانتفاخ، وممكن يصنف الأعراض دي على أنها أعراض التهاب المعدة أو القولون؛ ولكن فى الحقيقة الأعراض دي بتكون بسبب اعراض المرارة؛علشان كده بينصح بعمل سونار للتوضيح.

4. فيه كتير بيعتقدوا ان فيه علاقة بين استئصال المرارة وزيادة الوزن بعدها الحقيقة ان الكلام ده خالي من الصحة ومفيش علاقة بين استئصال المرارة، وزيادة الوزن سواء فسيولوجيا أو وظيفياً.
لكن نقص الوزن ممكن يحصل بسبب إن المريض بالتهاب المرارة لازم يتعود على عدم أكل الوجبات الدهنية، لأنه بيعاني من الميل للقيء بعد تناول الطعام،  لو الشخص تعمد أكل الوجبات الدهنية بعد استئصال المرارة وزنه هيزيد، وفى الحالة دى استئصال المرارة بريء من زيادة الوزن.

i

المصادر االانجليزي

Englishدوس هنا عشان تشوف المصادر الـ
  1. امراض المرارة و اعراض المرارة وكيفية علاج المرارة
    https://www.healthline.com/health/gallbladder-problems-symptoms
  2. كل ما تريد ان تعرفه عن التهاب المرارة و علاج التهاب المرارة
    https://www.ncbi.nlm.nih.gov/pmc/articles/PMC1124163/
  3. حصوات المرارة و اعراض حصى المرارة  و كيفية تفتيت حصى المرارة
    https://www.niddk.nih.gov/health-information/digestive-diseases/gallstones
  4. النساء أكثر عرضة للإصابة بأنواع حصوات المرارة أكثر من الرجال
    https://www.medscape.com/answers/175667-10142/are-gallstones-cholelithiasis-more-common-in-women-or-men
  5. الإصابة بأنواع حصوت المرارة يمكن تأثر على القلب!
    https://www.ncbi.nlm.nih.gov/pmc/articles/PMC3776774/
  6. علاج حصى المرارة
    https://emedicine.medscape.com/article/175667-treatment#showall
  7. علاقة حصوات المرارة بمرض فقر الدم المنجلي المعروف بالانيميا المنجلية
    https://www.ncbi.nlm.nih.gov/pmc/articles/PMC5339364/
  8. علاج المرارة بالاعشاب
    http://pennstatehershey.adam.com
i

المصادر العربي

دوس هنا عشان تشوف المصادر العربي

لا يوجد