ايه هي الجلطه ؟!

الجلطة هي مرض بيحصل لما الدم اللي ماشي في الأوعية الدمويه و بيحمل معاه الأكسجين و العناصر الغذائيه يتجلط و بالتالي مش هيوصل للمخ ومش كده و بس ، لأ ده هيوقف سريان الدم في الوعاء الدموي ” اللي هي الشرايين و الأورده و الشعيرات الدمويه ” و النتيجه  ان الجلطه هتمنع وصول الأكسجين و الغذاء اللي خلايا بتحتاجها و بالتالي تؤدي لتلفها و موتها . 

طيب ايه دور الأوعيه الدمويه في جسم الأنسان ؟!

عندي الاوعية الدمويه والقلب التنين مع بعض بيشكلوا لي الجهاز الدوري ؛ و دول وظيفتهم انهم ينقلوا الغذاء و الأكسجين لجميع اعضاء الجسم و بالمثل برضو جمع السموم و غاز ثاني اكسيد الكربون خارج الجسم . 

ف بالنسبالى الأوعيه الدمويه ذي الاسلاك او حلقة الوصل  اللي بتربط كل الاجهزه ببعضها بحيث يحصل تبادل للغذاء و الغازات بشكل مستمر في الجسم كله .. 

ذي ما ذكرنا قبل كده ان الأوعيه الدمويه ثلاثه انواع :- 

1- الأورده          2- الشرايين 3- الشعيرات الدمويه  

طيب دول دورهم ايه ؟؟!

اولاً الشرايين دورها هو انها بتحمل الدم المحمل بالأكسجين و الغذا  للأنسجه، 

و بعد كده يجي دور الشعيرات الدمويه و هي حلقة الوصل بين الشرايين و الاورده .. يعني بالعربي الشرايين بتدي الغذا للشعيرات الدمويه و الشعيرات الدمويه بتديها للانسجه و الانسجة بتدي الشعيرات الدمويه السموم و ثاني اكسيد الكربون و بعد كده تقوم الشعيرات مسلمها للأورده 

يعني نقدر نقول انها شبكه متصله ببعض و هدفهم انهم ياخدوا من خلايا الانسجه السموم و ثاني اكسيد الكربون الناتج عن الأيض و يدوها الغذا و الأكسجين بتاعها بشكل مستمر علشان الجسم يقدر يشغل كل اعضاءه بكفاءه .  

ف لك ان تتخيل ايه اللي ممكن يحصل لو الأوعية الدمويه دي حصلها انسداد !! 

للجلطات انواع .. طب ايه هي ؟؟

– اول نوع هو  الجلطات الشريانية                                                           

هي اللي بتكون في الشرايين، و بيكون تأثيرها سريع واللى بتسبب الأعراض على طول، لأنها طبعا النوع من الجلطة بيمنع الأكسجين من الوصول للأعضاء الحيوية، وبالتالى هيسبب بعض الأعراض ذي :- 

– السكتة الدماغية    – النوبات القلبية – الشلل  – الآلم الشديده 

– تاني نوع هو الجلطة الوريديه   

هي اللي بتتكون في الأورده و عادة ما بتتكون ببطء و على المدى البعيد يعني ما بتظهرش غير بعد فتره طويله و تدريجياً بتكون الأعراض اكثر وضوحاً .. 

بتكون في اماكن مختلفه من الجسم و كل منطقه ليها اعراضها ذي مثلا الساقين و الذراعين 

اعراض الجلطه في الساقين و الذراعين مختلفه شويه و بتشمل :- 

-اللآم و التشنجات     -التورم -احمرار الجلد و الحرارة 

 

  – ثالث نوع و هو الجلطه في الساق 

و هو تخثر الدم في الأوعية الدمويه في الساق و بيظهر على شكل دوالي ذي اللي في الصوره دي ..ده بيتكون بسبب المشي و القوف لوقت طويل على المدي البعيد ده بيزود الضغط على اوردة الساق او الجزء السفلي من الجسم.. 

  

 1- ظهور بعض الأورده الزقاء او الأرجوانيه في الساقين  بالنسبة لأعراض الدوالي :-

2- في بعض الأحيان لا تسبب ألم على الاطلاق و لكن ممكن تسبب مشاكل تانيه ليها علاقه بتدفق الدم في الجسم . 

– رابع نوع و هو الجلطه القلبية  

اعراضها هي :- 

1- الألم في الصدر و الزراع الأيسر 

2- التعرق و صعوبة التنفس 

– خامس نوع و هو الجلطة في الرئتين و اعراضها :- 

1- ألم في الصدر و السعال بدون سبب 

2- تغير لون الجلد 

3- عدم انتظام ضربات القلب 

4- تورم الساقين 

5- الدوخة 

– سادس نوع و هو الجلطة الدماغية :- 

اضطرابات في الرؤية مع فقدان القدرة على النظر في عين واحدة أو في الاثنتين -1 

  صعوبة مفاجئة في المشي والشعور بالدوار وفقدان التوازن، أو القدرة على تنسيق -2 حركة الجسم

ألم في الرأس شديد وعنيف من دون سبب واضح   -3    

4- الشعور بالضعف المفاجىء عند مستوى الوجه أو الذراعين أو الساقين، وفي أغلب الأحيان في جانب واحد فقط من الجسم . 

5- الارتباك والصعوبة في التحدث أو الإدراك  

– :-و آخر نوع معانا هو الجلطة الدموية في البطن و دي اعراضها 

1- ألم شديد في البطن 

2- التقيؤ و الغثيان 

3- الأسهال  

4- البراز الدموي 

   – هل تختلف الأعراض عند النساء من الرجال من الأطفال ؟

  في عام 2008 تمَّ إنشاء سجلّين اثنين لإصابات السكتة الدماغية في كل من مدينتي ليل وبريست (يوجد مسبّقًا سجل بهذا الخصوص في مدينة ديجون)، ومن هذه السجلات قام الباحثون من معهد باستور بمقارنة معدلات الإصابة، والنوبات، وشدّة النوبة  والوفيات، بعد 28 يومًا من الإصابة بالسكتة أو الجلطة الدماغية لدى كل من الرجال والنساء في سن أعلى من 35 عامًا، وفق “سيدتي”. 

 أثبت بحثهم اللي نُشر في المجلة الأسبوعية  ان السكتة الدماغية كانت أعلى عند الرجال اكثر من النساء. و الأرقام دي تختلف وفقًا للسن ، يعني كل ما السن زاد كل ما معدل الأصابه عند الرجال بيزيد