اعراض التهاب البروستاتا و خطر الاصابة بالعقم 

التهاب البروستاتا بيسبب العقم ؟

جملة مخيفة ممكن تسمعها كتير و هتخليك تسال نفسك هل التهابات البروستاتا بتاثر على الحياة الزوجية! و ممكن تجيلي في سن صغير ؟ و ممكن بعض الاشخاص يوصل بيهم الحال يسالوا هل المضاعفات ممكن توصل لالاصابة بسرطان البروستاتا ؟

شائعات كتير بتنتشر حول الأمراض اللي عادةا ما تصيب الرجال زي التهابات البروستاتا و دا بسبب عدم المعرفة الكافية بالمرض و أعراضه و تأثيراته علشان كدا احنا في اعراض.كوم هنساعدك تعرف اكتر عن كل مرض علشان تقدر تفهمه بالقدر الكافي و تحمي نفسك منه 

في البداية التهاب البروستاتا هو التهاب في غدة البروستاتا؛ و ممكن يكون الالتهاب بسبب التهابات او صدمات و ممكن اسباب تانية مختلفة.

و مهم نكون عارفين ان في مليون زيارة لطبيب المسالك البولية في امريكا بسبب التهاب البروستاتا .

و كمان حوالي 12% من الرجال بيعانوا من أعراض التهاب البروستاتا.

و ان كمان التهاب البروستاتا هو المشكلة الاكبر ف البروستاتا عند الرجال فوق سن 50.

و اخر حاجة قبل ما نبدا انه ممكن يكون مرض مزمن او حاد 

خلونا نبدا و نحاول نساعدك تحمي نفسك من مرض خطير زي التهاب البروستاتا ؛ احنا في عراض.كوم بنقدملك مقالة هتجاوبك على اسئلة كتير بتدور في دماغك و نساعدك تفهم اكتر

و علشان كدا كلامنا هيكون عن

  • ايه هي البروستاتا و ازاي بتساعد في العملية التناسلية ؟
  • ايه هو مرض التهاب البروستاتا و كيفية حدوثه ؟
  • انواع امراض التهاب البروستاتا ؟
  • ايه هي الاعراض التي تصاحب مرض التهابات البروستاتا؟ 
  • مين الاشخاص الاكثر عرضه للاصابة بالمرض ؟ و ايه العوامل اللي بتساعد على التهاب البروستاتا ؟
  • ايه انسب وقت لزيارة الطبيب المختص ؟ 
  • ايه المضاعفات اللي ممكن تحصل لو كسلت او اتاخرت في الكشف عند طبيب مختص ؟ و هل ممكن تسبب عقم او سرطان ؟
  • و اعمل ايه قبل ما اروح عند الطبيب علشان اساعد في التشخيص بصورة ايجابية  ؟
  • اعرف التشخيص! و ايه هي التحاليل المطلوبة و ازاي بتتعمل ؟
  • طرق العلاج ؟ و ممكن الاعشاب تحسن الوضع ؟
  • تمارين في البيت بتساعدك في تخفيف الالم 
  • الامراض المشابهة لمرض التهابات البروستاتا ؟ و هنتكلم شوية عن سرطان البروستاتا 
  • اطمن على نفسي ازاي ؟  
  • الخلاصة  

  • ايه هي البروستاتا و ازاي بتساعد في العملية التناسلية ؟

البروستاتا باختصار شديد هيي غدة تناسلية مسئولة عن افراز السائل المنوي عند الراجل

اما لو هنتكلم عنها بتوسع فهي جزء من الجهاز التناسلي الذكري و اللي بيتكون من عدة غدد و اجهزة علشان كدا تعالوا قبل ما نعرف التهابات البروستاتا و ازاي بتاثر على العملية التناسلية تعالوا نعرف اكتر عن الجهاز التناسلي و الغدد التناسلية عند الذكور 

في البداية تعالوا نعرف الغدد

 الغدد هي أجزاء من جسم الإنسان تقوم بافراز الهرمونات و هي مواد كيميائية تساعد في النمو و استجابة الجسم في حالات التوتر و العصبية و غير ذالك

اما غدد التناسل عند الرجال فهي 

  • الخصيتان ومهمتهم افراز هرمونات الذكورة و افراز السائل المنوي 
  • غدة الحويصلة المنوية و تقوم بتغذية الحيوانات المنوية عن طريق افراز المني 
  • غدتا كوبر و يسهلان العملية الجنسية بافراز سائل لزج يساعد ف ذالك 
  • اما الأخيرة فهي غدة البروستاتا و هي موضع اهتمامنا في هذا المقال و هنعرف عنها اكتر

غدة البروستاتا هي جزء من الجهاز التناسلي الذكري ، وهي غدة بحجم الجوز موجودة عند الرجال في أسفل المثانة وأمام المستقيم. و بيكون حواليها انبوب مجرى الوب و اسمه الاحليل ، وهو انبوب بيخرج منه البول والمني من الجسم. و مهمتها الرئيسية هي إنتاج السائل المنوي من أجل نقل الحيوانات المنوية عن طريق مجرى البول 

نرجع بقى للعملية التناسلية عند الرجال و بتحصل بانتاج الجهاز التناسلي للحيوانات المنوية  و تخزينها و و نقلها ؛ و دا بيبدا ب انتاج الخصيتين للحيوانت المنوية و بيضاف ليهم او يتحد معاهم السائل المنوي المنتج من الحويصلات المنوية و غدة البروستاتا ؛ و اثناء الجماع بيقوم القضيب بقذف السائل المنوي. 

يمكننا وصف عمل غدة البروستاتا بأنها غدة ذكرية تساعد في عملية التنسال عن طريق

  • افراز السائل المنوي عند الرجال
  • و كمان بتتحكم في تدفق الدم للعضو الذكري أثناء الانتصاب
  • و كمان بتتحكم في خروج السوائل عند الذكور ( المني و البول) عن طريق قناة مشتركة 

  • ملحوظة عالسريع : السائل المنوي هو سائل شفاف يحتوى على عناصر مثل أملاح الصوديوم، البوتاسيوم و الكالسيوم و الأحماض الامينية و كذالك بعض الانزيمات و العناصر اللي تساعد على التخلص من البكتيريا و الجراثيم 

ندخل بقى في المرض و نسال 

  • ايه هو مرض التهاب البروستاتا و كيفية حدوثه ؟

المرض هو التهاب في غدة البروستاتا اما الحاجات التانية زي  تضخم او احتقان البروستاتا فهي امراض تانية معرض ليها الرجال و هنتكلم عنها باختصار بعد كدا 

من اسباب التهاب البروستاتا 

  • العوامل البكترية

السبب البكتيري الاكثر انتشار هو البكتيريا اللي بتتسرب ل غدة البروستاتا من القناة البولية ومن الامتداد المباشر أو الانتشار اللمفاوي من المستقيم.

و كمان ممكن يكون بسبب الكائنات الحية اللي بتنتقل بالاتصال الجنسي مثل النيسرية البنية أو الكلاميديا ​​الحثرية أو فيروس نقص المناعة البشرية.

و في كائنات اخرى مسؤولة عن العدوى بتكون موجودة في معظم الأحيان في التهابات المسالك البولية ، مثل الإشريكية القولونية.و في الاغلب بيسبب التهاب بروستاتا المزمن

  • عوامل اخرى مثل تلف الأعصاب 

تلف الاعصاب بيساعد على التهاب البروستاتا لما يكون التلف في الجهة السفلية من المسالك البولية 

و ممكن يحصل بسبب الاصابات و الاصطدامات الحادة و مع كدا فاحنا مبنعرفش نحدد السبب في معظم الحالات.

و الحقيقة اننا للاسف منعرفش سبب محدد لالتهاب البروستاتا.

تعالوا بقى نعرف انواعه و نجاوب على السوال اللي بعده 

  •  انواع امراض التهاب البروستاتا ؟

  • التهاب البروستاتا الجرثومي الحاد Acute bacterial prostatitis : بيكون بسبب التهاب بكتيري وبيظهر فجأة والأعراض بتاعته شبه أعراض الأنفلونزا. و دا الاقل انتشار في أنواع التهاب البروستاتا الاربعة.

  • التهاب البروستاتا الجرثومي المزمن Chronic bacterial prostatitis: و دا بيحصل لما يتكرر الالتهاب البكتيري في غدة البروستاتا و بيكون ليه اعراض بسيطة بس للاسف من من الصعب علاجه .
  •  
  • التهاب البروستاتا المزمن / متلازمة آلام الحوض المزمنة Chronic prostatitis/chronic pelvic pain syndrome: هو احد انواع التهاب البروستاتا الاربعة بس للاسف هو اقل نوع فهم عند الاطباء بس ممكن نوصف التهاب البروستاتا المزمن / متلازمة آلام الحوض المزمنة بانها التهابات أو غير التهاب ، و دا على حسب وجود خلايا مقاومة للعدوى في البول والسائل المنوي وسائل البروستاتا او لا. بس في المعظم مش بنعرف نحدد السبب و الاعراض بتظهر و تختفي 
  •  
  • التهاب البروستاتا الغير معدي و بدون أعراض Asymptomatic inflammatory prostatitis: في الغالب النوع دا بيتم معرفته بالصدفة عند مثلا تمرينات علاج العقم أو سرطان البروستاتا. و الناس اللي عندهم النوع دا مش بيشتكوا من اي اعراض ، بس بنلاقي عندهم خلايا مكافحة العدوى الموجودة في السائل المنوي و البروستاتا.

خلي بالك انه بيتم اكتشاف التهابات البروستاتا عند بعض الاشخاص مفيش عندهم اي اعراض للمرض و دا عند تحليل معدل الخصوبة و وجود خليا الدم البيضاء في التحاليل 

  • ملحوظة عالسريع: تهاجم خلايا الدم البيضاء الالتهابات الموجودة في البروستاتا علشان كدا نعرف نستدل على الالتهابات من وجود خلايا الدم البيضاء عند تحليل المني 

تعالوا بقى نوصل لاهم اسئلة بتحير الناس 

  • ايه هي الاعراض التي تصاحب مرض التهابات البروستاتا؟ و هل من الممكن ان الموضوع يوصل للعقم او سرطان البروستاتا ؟

في البداية اعراض التهاب البروستاتا بتختلف مع اختلاف السبب علشان كدا هناخد الاعراض الشائعة عند كل نوع. خد بالك كمان ان الاعراض ممكن تظهر ببطء أو تظهر بسرعة ، و كمان ممكن تتحسن بسرعة (على حسب السبب والعلاج المتاح) و ممكن للاسف تستمر لشهور و ممكن لا قدر الله تستمر علطول و هنا تبقى التهاب البروستات المزمن. و دي بتكون اوضح و اسرع في الاكتشاف من التهاب البروستاتا الجرثومي الحاد.

زي ما قولنا كل نوع من أنواع التهاب البروستات ليه مجموعة من الأعراض بتختلف على حسب السبب و ممكن يكون في تشابه كبير في الاعراض .

  • التهاب البروستاتا المزمن / متلازمة آلام الحوض المزمنة Chronic prostatitis/chronic pelvic pain syndrome:  

بيكون في الم شديد لمدة 3 شهور او اكتر في الاماكن دي 

  • بين كيس الصفن والشرج
  • أسفل البطن الوسطى
  • القضيب
  • كيس الصفن
  • أسفل الظهر
  • و من الاعراض الشائعة هو الالم عند القذف و بعده. و بيعاني الرجل المصاب بالتهاب البروستاتا المزمن / متلازمة آلام الحوض المزمنة من ألم منتشر حول منطقة الحوض و ممكون يعاني برضو من ألم في منطقة واحدة أو أكثر في نفس الوقت. 

الألم بيختفي و بيظهر فجأة او تدريجي.

 و في اعراض تانية زي

 

  • ألم في مجرى البول عند التبول أو بعده.
  • ألم في القضيب بعد التبول او بيكون اثناء التبول .
  • تكرار البول – التبول ثماني مرات أو أكثر في اليوم. و دا بسبب ان المثانة بتتقلص حتى لو بتحمل كميات صغيرة من البول ، و دا بيؤدي لزيادة التبول.
  • إلحاح البول – بيكون المريض مش قادر يأخر التبول.
  • مجرى البول ضعيف أو متقطع.

  • التهاب البروستاتا الجرثومي الحاد Acute bacterial prostatitis : الاعراض بتظهر فجاة و من الافضل زيارة الطبيب بسرعة و الاعراض بتكون 
  • تكرار البول
  • الإلحاح البولي 
  • حمة
  • قشعريرة برد
  • شعور حار أو ألم عند التبول
  • ألم في منطقة الأعضاء التناسلية أو الفخذ أو أسفل البطن أو أسفل الظهر
  • بيلة ليلية- كثرة التبول باللي و اثناء وقت النوم
  • استفراغ و غثيان
  • آلام الجسم
  • احتباس البول – عدم القدرة على إفراغ المثانة بالكامل
  • مشكلة في بدء مجرى البول
  • مجرى البول ضعيف أو متقطع
  • انسداد البول – عدم القدرة الكاملة على التبول
  • التهاب المسالك البولية – و دا بسبب البكتيريا والخلايا المضادة للعدوى في البول

  • التهاب البروستاتا الجرثومي المزمن Chronic bacterial prostatitis:  أعراض التهاب البروستاتا الجرثومي المزمن بتشبه أعراض التهاب البروستاتا الجرثومي الحاد ، في الغالب النوع دا من التهاب البروستاتا بيطور ببطء وممكن يستمر لمدة 3 شهور أو أكثر. و الأعراض بتظهر و تختفي ، أو بتكون خفيفة معظم الوقت.

 التهاب البروستاتا الجرثومي المزمن ممكن يحدث بعد علاج سابق لالتهاب البروستاتا الجرثومي الحاد أو التهاب المسالك البولية.

أعراض التهاب البروستاتا الجرثومي المزمن بتشمل 

  • تكرار البول
  • الإلحاح البولي
  • شعور حار أو ألم أثناء التبول
  • ألم في منطقة الأعضاء التناسلية أو الفخذ أو أسفل البطن أو أسفل الظهر
  • كثرة التبول اثناء الليل
  • القذف مؤلمة
  • احتباس البول
  • مشكلة في بدء مجرى البول
  • مجرى البول ضعيف أو متقطع
  • انسداد البول
  • التهاب المسالك البولية

  • مين الاشخاص الاكثر عرضه للاصابة بالمرض ؟ و ايه العوامل اللي بتساعد على التهاب البروستاتا ؟

بعكس الشائع ان التهاب البروستاتا مرض مخصوص لكبار السن فان الرجال الاصغر من 35 سنة معرضين للاصابة بالتهاب البروستاتا البكتيرية ؛ و كبار السن معرضين لالتهاب البروستاتا الغير معدية او الغير بكتيرية و شائع عند كبار السن تضخم البروستاتا و هنتكلم عنه في الامراض المشابهة 

تعالوا بقى نعرف عوامل الخطر او العوامل اللي بتساعد على تطور او الاصابة بالتهاب البروستاتا:

  • الناس اللي عندهم تاريخ سابق من التهاب البروستاتا معرضين للاصابة بيها تاني 
  • التهاب المسالك البولية بيساعد على التهاب البروستاتا 
  • استخدام القسطرة البولية أو إجراء عملية المسالك البولية الحديثة
  • تضخم غدة البروستاتا
  • الانخراط في الجماع المستقيم
  • وجود خلل في المسالك البولية الهيكلية أو الوظيفية
  • الجفاف
  • صدمات الحوض المحلية أو الإصابة زي ركوب الدراجات أو ركوب الخيل

  • ايه انسب وقت لزيارة الطبيب المختص ؟ 

اوعى تتردد في زيارة الطبيب لما تحس بألم في الحوض او لو واجهت صعوبة في التبول او لو عندك أي علامات أو أعراض تتفق مع التهاب البروستاتا.

و الافضل تزور طبيب مسالك بولية (طبيب متخصص في الجهاز البولي التناسلي) لما تحس.

  • الرغبة المتكررة في التبول
  • بتصحى كتير من النوم علشان التبول 
  • دم في البول أو السائل المنوي
  • ألم أو حرقان التبول
  • القذف المؤلم
  • ألم أو تصلب متكرر في أسفل الظهر أو الوركين أو منطقة الحوض أو المستقيم أو الفخذين العلويين
  • المراوغة من البول

  • و ايه المضاعفات اللي ممكن تحصل لو كسلت او اتاخرت في الكشف عند طبيب مختص ؟ و هل ممكن تسبب عقم او سرطان ؟

في مضاعفات كتير لالتهاب البروستاتا و اسئلة كتير زي هتسبب العقم ولا لا و الخوف من السرطان فخلونا ناخد نقطة نقطة 

مضاعفات التهابات البروستاتا

  • تجرثم الدم و هو الاصابة بالعدوى البكتيرية في الدم و نادر انه يوصل للموت 
  • التهاب البروستاتا الحاد ممكن يوصل انه يكون التهاب البروستاتا المزمن
  • انسداد مخرج المثانة أو احتباس البول 
  • التهابات البربخ و دا جزء خلفي من الخصية
  • وجود صديد في البروستاتا و يعرف ب خراج البروستاتا
  • تعد اكثر المخاوف من حدوث تشوهات في السائل المنوي و الوصول للعقم بسبب التهابات البروستاتا المزمن
  • التهاب البروستاتا يمكن أن يرفع مستوى PSA. بس مفيش دليل على أن التهاب البروستاتا يؤدي إلى سرطان البروستاتا. و لما بتم حل الالتهاب الحاد؛ مستوى PSA بيرجع للمستوى الطبيعي.

  • ملحوظة عالسريع: (PSA) هو مادة تنتجها غدة البروستاتا. و بتشير مستويات PSA المرتفعة إلى سرطان البروستاتا أو حالة غير سرطانية زي التهاب البروستاتا أو البروستاتا المتضخمة.

هل بتسبب العقم ؟

زي ما قولنا قبل كدا ان كرات الدم البيضاء بتهاجم التهابات البروستاتا؛ و دا عرفناه من وجود كرات الدم في المنطقة دي و هجومها على الالتهاب عن طريق افراز اجزاء الاكسجين التفاعلية اللي بتهاجم بيها اللي بيتعرض ليه الجسم في الاحوال الطبيعية و الهجوم دا بيسبب اضرار للحيوانات المنوية 

لحد دلوقتي لم يستطع العلماء تحديد ازاي الكرات البيضاء بتسبب ضرر للحيوانات المنوية بالضبط بس بيعتقدوا انه ممكن يكون بسبب انتاج الاكسجين التفاعلي او انه اصابة بكتيرية من الاساس سببت تشوهات في الحيوانت المنوية 

لكن الاكيد ان وجود الكرات البيضاء هو سبب العقم لانه تبين ان 40% من المصابين بالعقم عندهم كرات بيضاء في فحوصات الخصوبة 

  • ملحوظة عالسريع : خلايا الدم البيضاء هي جزء من نظام الدفاع في الجسم الذي يحارب العدوى. تشير الدراسات إلى أنه عندما توجد هذه الخلايا ، في إفرازات البروستاتا ، فإنها تقلل وظيفة الحيوانات المنوية ، ونوعية الحيوانات المنوية ، والخصوبة.
  • ملحوظة تاني عالسريع: اختبار الخصوبة هو عملية تقييم الخصوبة بشكل عام و يستخدم برضو لمعرفة طريقة للتخصيب ، واختبار الأمراض المنقولة جنسيا 

هل يمكن علاج العقم الناتج عن التهاب البروستاتا المزمن؟

عايزك تطمن لان التهاب البروستاتا المزمن هو سبب نادر للعقم و كمان ممكن علاجه عن طريق 

  • لو كان سبب التهاب البروستاتا المزمن هو البكتيريا ، ف المضادات الحيوية في عكس الالتهاب علاج العقم.
  • وفي الحالات اللي بتوجد فيها خلايا دم بيضاء بدون بكتيريا ، في ادلة ان العلاج بمضادات الأكسدة بيساعد.
  • فيتامينات C و E و A وغيرها من مضادات الأكسدة بتساعد في حماية خلايا الحيوانات المنوية من تأثيرات أنواع الأكسجين التفاعلية. 
  • ممكن تاحد مضادات الأكسدة كمكملات غذائية ، و موجودة في اغذية كتير منها الفواكه والخضروات والمكسرات والحبوب.

  • ملحوظة عالسريع : الخصوبة هي عملية معقدة بتعتمد على وظائف جسدية كتير و مطلوب انها تعمل بشكل صحيح. و العقم عند الرجال بيمثل  ثلث الحالات على الأقل. و لحد دلوقتي ما زل العلماء بيبحثوا في الصلات المحتملة بين التهاب البروستاتا المزمن والخصوبة. و عندنا  امل ان البحث الإضافي يساعد في كشف لغز التهاب البروستاتا المزمن و ازاي بيسهم في عقم الرجال.

هل يمكن ان تتسبب التهابات البروستاتا بسرطان البروستاتا ؟

سبب سرطان البروستاتا.غير معروف حتى الان بس العلماء وجدوا بعض العوامل و بيحاولوا معرفة ازاي تتسببت العوامل دي في تحويل خلايا البروستاتا لسرطان.

بشكل اساسي بيتسبب سرطان البروستاتا في تغيرات في الحمض النووي لخلية البروستاتا الطبيعية علشان كدا

  • ممكن يحدث السرطان جزئيًا بسبب تغيرات الحمض النووي (الطفرات) اللي بتؤدي ل تشغيل الجينات المسرطنة أو إيقاف الجينات الكابتة للورم.
  • ممكن يتم توريث تغييرات الحمض النووي من الاباء أو يمكن الحصول عليها طبيعي خلال الحياة .

ملحوظة عالسريع :الحمض النووي هو المادة الكيميائية الموجودة في خلايانا واللي بتشكل جيناتنا. و جيناتنا بتتحكم في كيفية عمل خلايانا. علشان كدا بنشبه آبائنا لأنهم مصدر الحمض النووي عندنا.

و هنا برضو عايزك تطمن لان مفيش دليل مباشر على أن التهابات البروستاتا تؤدي الي سرطان البروستاتا

تعال بقى نعرف الجزء الخاص بالطبيب و الزيارة و التشخيص 

اول حاجة 

  • اعمل ايه قبل ما اروح عند الطبيب علشان اساعد في التشخيص بصورة ايجابية  ؟

لو عرفت تحضر قايمة بالتالي يبقى كتر خيرك و بتساعد في العلاج كمان 

  • الأعراض التي بتعاني منها، و بدأت امتى 
  • المعلومات الشخصية الأساسية، و فيها الضغوط الكبيرة أو الأمراض الحديثة او التحاليل الحديثة 
  • جميع الأدوية أو الفيتامينات أو المكملات الغذائية اللي بتتناولها، و متنساش الجرعات

  • اعرف التشخيص! و ايه هي التحاليل المطلوبة و ازاي بتتعمل ؟

علشان الاطباء يشخصوا مظبوط بيعملوا بعض التحاليل و الفحوصات زي فحص البول و اختبارات الدم و في بعض الاحوال بيقوموا بتدليك البروستاتا و فحص الافرازات كما و ممكن الطبيب يطلب اشاعة مقطيعة او تلفزيونية 

و خلينا عارفين ان اوقات كتير بيتم تشخيص التهاب البروستاتا عن طريق تحليل عينة البول و فحص غدة البروستاتا من قبل ممارس الرعاية الصحية . و الفحص بيشمل فحص مستقيمي رقمي لجس غدة البروستاتا والشعور بحدوث خلل في الغدة. و احيان كتير بيقوم الطبيب بجمع واختبار عينة من السائل البروستاتي.

و ممكن كمان يتم  تدليك البروستاتا لمقارنة عينات من سائل البروستات قبل وبعد التدخل. و الطبيب بيعمل كدل كالتالي، هيدليك الطبيب غدة البروستاتا أثناء الفحص الرقمي للمستقيم. يفضل الاباء عدم التليك في حالات التهاب البروستاتا الجرثومي الحاد و دا بسبب الخوف من انتشار الجراثيم في الدم 

من ضمن الاختبارات تعداد الدم الكامل (CBC) ، لوحة المنحل بالكهرباء ، ثقافات الدم ، مسحة من إفرازات مجرى البول إذا كانت موجودة ، مستضد خاص بالبروستاتا (PSA) و هو في الاصل خاص بسرطان البروستاتا بس بيساعد في حالة التهاب البروستاتا 

و في اختبارات تانية زي اختبارات الديناميكية البولية (و دا علشان نتحقق من مدى إفراغ المثانة وتحديد هو التهاب البروستاتا يؤثر على قدرتك على التبول) ، والتصوير بالموجات فوق الصوتية ، والتصوير المقطعي المحوسب (CT) ، وتنظير المثانة ، وخزعة البروستاتا.

بعد التحليل و الفحوصات بيحاول الطبيب تحديد سبب الاصابة و نوع الالتهاب (التهاب بروستاتا حاد؛ التهاب بروستاتا مزمن؛ متلازمة ألم التهاب البروستاتا/التهاب الحوض المزمن؛ التهاب البروستاتا غير المصحوب بأعراض التهابية) علشان يحدد العلاج المناسب  

  • طرق العلاج ؟ و ممكن الاعشاب تحسن الوضع ؟

علاج التهاب البروستاتا بيعتمد على السبب ورا الالتهاب و نوع التهاب البروستاتا. و بيتوصف المضادات الحيوية لو كان السبب عدوى بكتيرية. و في جميع الاحوال بيتتطلب التهاب البروستاتا التحكم في الألم والعلاج وتخفيف المضاعفات والآثار الجانبية ، ومراقبة النتايج من الطبيب. و في بعض الحالات يحتاج المصابين بالتهاب البروستاتا العلاج في المستشفى.

  • في الغالب ممكن علاج التهاب البروستاتا البكتيري بالمضادات الحيوية ، الا لو الحالة مزمنة فبيحتاج عناية خاصة  و المضادات الحيوية. تعتبر العلاج الأكثر انتشار لالتهاب البروستاتا. و بيختار الطبيب العلاج على حسب نوع البكتيريا اللي بتكون اتسببت في حدوث العدوى.

  • علاج التهاب البروستاتا الجرثومي الحاد بيحقق نجاح كبير جدا و دا بسبب التشخيص الجيد ليه.و المريض المصاب باعراض حادة، بيحتاج ل مضادات حيوية وريدية. و كمان بيحتاج المريض إنه يتناول المضادات الحيوية عن طريق الفم لمدة أربعة إلى ستة أسابيع و بيحتاج لفنرة علاج اكبر لو مصاب بالتهاب البروستاتا المزمن أو المتكرر. 

  • كمان الأدوية المضادة للالتهابات بتساعد في إدارة ألام بمعنى انها بتقلل من حدته او المدة .
  • حاصرات مستقبلات ألفا بتساعد على استرخاء عنق المثانة وألياف العضلات في مكان اتصال البروستاتا بالمثانة. و اثره انه بيخفف من أثر الأعراض، زي التبول المؤلم.
  • ممكن نستخدم العوامل المضادة للالتهاب و الأدوية غير الستيرويدية المضادة للالتهاب علشان المريض يشعر بمزيد من الراحة.

في الغالب بيؤدي التهاب البروستاتا المزمن ، و بالاخص التهاب البروستاتا المزمن غير البكتيري ، إلى أعراض طويلة المدى وعدم الراحة إذا لم ينجح العلاج. علشان كدا لازم تتابع مع طبيب مراجعة اولية او أخصائي المسالك البولية.

بعض الناس بيعتقدوا ان استخدام الاعشاب بيساعد في علاج التهالات البروستاتا بس مفيش دليل على صحة الكلام دا  فمن الافضل مراجعة الاعشاب مع الطبيب قبل تناولها 

  • تمارين في البيت بتساعدك في تخفيف الالم 

في حالات الامراض زي التهاب البروستاتا بيشعر المريض بالالم في مناطق تخليه يخاف علشان كدا من الافضل انه يستخدم وسائل تخفف الالم و في نفس الوقت بتدعمه نفسيا انه بيساعد نفسه على الشفاء ؛ من الافعال دي

  • الجلوس في ماء دافئ و اسمه حمامات المقعدة الدافئة
  • استخدام وسائد و ملابس للتدفئة  
  • يقلل من تناول الكحول، والكافيين، والأطعمة الحريفة أو الحمضية او الاكل اللي فيه شطة كتير.
  • يتجنب الأنشطة التي يمكن أن تهيج البروستاتا
  • يشرب كميات كبيرة السوائل و التبول كثيرا؛ علشان دا بيساعد في طرد البكتيريا من المثانة 
  • دراسات قليلة ، بتوضح ان تدليك البروستاتا بيقلل الأعراض لدى بعض المرضى المصابين بالتهاب البروستاتا غير الجرثومي المزمن. علشان الكرثومي بيكون التدليك خطر جدا فيه 
  • تغيير نمط الحياة لو  بيركب الخيول ، فالافضل يوقف النشاط دا لحد لما يتحسن.
  • الوخز بالإبر ليه نتايج في تقليل الأعراض عند بعض المرضى بالتهاب البروستاتا.

  • الامراض المشابهة لمرض التهابات البروستاتا ؟

خلونا نوضيح بعض الامراض اللي بتشبه في اعراضها التهاب البروستاتا و نوضح كمان سرطان البروستاتا 

  • اول حاجة احتقان البروستاتا و هو زيادة حجم غدة البروستاتا بسبب الزيادة في الدورة الدموية عن المعدل الطبيعي و بيحصل في الغالب بسبب الإسراف في العادة السرية او الجماع و بيحصل عند الاثارة الكثيرة بدون الجماع او إخراج المني و ساعات بيكون نتيجة التهابات البروستاتا

  • التاني و هو تضخم البروستاتا و هو زيادة حجم غدة البروستاتا بسبب التقدم في السن و في كثير من الاحيان لا يعد مرض بسبب ازدياد حجم غدة البروستاتا مع التقدم في العمر يعني حاجة طبيعية لكبار السن مفيش منها خوف 

  • نيجي بقى لاكتر حاجة بتخوف الناس و هو سرطان البروستاتا : و هو اصابة البروستاتا بخلايا سرطانية 

و لان الموضوع همهم و علشان نتاكد انه مش مرتبط ب التهاب البروستاتا لازم نكون عارفين 

عامل الخطر و هو أي شيء بيؤثر على فرصتك في الإصابة بمرض زي السرطان. و ان كمان السرطانات المختلفة لها عوامل الخطر المختلفة. و ان بعض العوامل ممكن تتغير زي التدخين. و بعض العوامل منقدرش نغيرها زي عمر الشخص أو تاريخ العائلة.

بس وجود عامل خطر ، أو حتى اكتر من عامل ، مش معناه أنك هتصاب بالمرض. اشخاص كتير عندهم اكتر من عامل و غير مصابين بالسرطان ، و هتلاقي ناس عندها عوامل قليلة جدا و مصابين بالسرطان 

وجد الباحثون عوامل بتؤثر على خطر إصابة الرجل بسرطان البروستاتا و منها انها يتصيب الاشخاص فوق 50 عام و الامر مرتبط بالتاريخ المرضي الوراثي للعائلة و ايضا توارث الجينات 

  • تضخم البروستاتا غير السرطاني (BPH)

يعتبر تضخم البروستاتا غير السرطاني أو تضخم البروستاتا الحميد أكثر شيوع مع تقدم الرجال في السن. و تاثيرها غير كبير يعني لا تودي لاضرار كبيرة او موت 

بس ليها بعض الاضرار زي إن تضخم غدة البروستاتا (التي تحيط بأعلى مجرى البول) بيؤدي ل ضيق مجرى البول ، و بيضغط على قاعدة المثانة. و دا ممكن يؤدي ل انسداد في تدفق البول.

و بتظهر العوائق و الأعراض أقل في المسالك البولية و بتؤدي ل بقاء البول في المثانة لما المفروض يتم إخراجه و لما بيحصل فجأة ، بنسميه احتباس البول الحاد. و هو مؤلم جدا و بيتم تخفيفه مؤقتًا عن طريق إدخال أنبوب رفيع (قثطار) لتحرير البول.

الاحتفاظ المزمن (المستمر) ، وهو أقل شيوع و بيؤدي ل تراكم خطير وغير مؤلم للبول في المثانة. و بيودي لارتفاع ضغط المثانة ، واللي ممكن أنه يلحق الضرر في وظائف الكلى.

  • سرطان البروستات

في المعظم بيصيب سرطان البروستاتا الرجال اللي تزيد أعمارهم عن 50 سنة. و بيتم تشخيص حوالي 16000 أسترالي كل عام. و لسة السبب غير معروف ، بالرغم من أن التقدم في السن وتاريخ الأسرة من العوامل اللي بتساهم .

في المراحل المبكرة ، تقتصر الخلايا السرطانية على غدة البروستاتا. و مع الأنواع الأكثر عدوانية من سرطان البروستاتا  بتدخل الخلايا السرطانية إلى الجهاز الوعائي والأوعية اللمفاوية بدري وبتنتشر ل أجزاء أخرى من الجسم و هناك بتتطور ل أورام ثانوية ، بالاخص في العظام.

المعرضون للاصابة بسرطان البروستاتا 

نقدر نقيس شوية عوامل زي

بالنسبة للعمر. فالرجال في سن 50 وما فوق يتعرضون لخطر أكبر.

تاريخ العائلة. لو لاقدر الله كان والدك أو أخوك مصاب بسرطان البروستاتا ، فأنت أكثر عرضة للإصابة بيه أيضًا.

الحمية او الدايت . لاقينا ان خطر الاصابة بسرطان البروستاتا بيكون أعلى بالنسبة للرجال اللن بياكلوا وجبات عالية الدهون.

تشخيص سرطان البروستاتا

علشان معرفة إذا كانت أعراض البروستاتا بسبب السرطان ، فالطبيب بيسال عن مشكلاتك الطبية السابقة والتاريخ الطبي لعائلتك. و برضو بيقوم طبيبك بإجراء الفحص البدني. ، و سيضع طبيبك إصبع قفاز في المستقيم لفحص البروستاتا للتحقق من:

حجم وثبات وملمس البروستاتا

أي مناطق صلبة ، كتل ، أو نمو ينتشر خارج البروستاتا

أي ألم ناتج عن لمس أو الضغط على البروستاتا

و ممكن يُطلب منك إعطاء عينة بول لاختبارها. و بيطلب إجراء فحص دم للتحقق من مستوى مستضد البروستاتا المحدد. يمكن أن تكون مستويات PSA عالية في الرجال المصابين بغدة البروستات المتضخمة أو بسرطان البروستاتا. و ممكن تحتاج ل اختبار بالموجات فوق الصوتية و بيأخذ صور للبروستاتا على الكمبيوتر.

إذا كان الشخص مصاب بالسرطان ، فبيزور أخصائي (أخصائي المسالك البولية) لإجراء خزعة البروستاتا. و فيها بيقوم الطبيب بأخذ عينات الأنسجة الصغيرة من مناطق عديدة من غدة البروستاتا للبحث عن الخلايا السرطانية.

علاج سرطان البروستاتا

بيعتمد علاج سرطان البروستاتا على اساس لو كان جزء او كل او لو انتشر ف اجزاء اخرى 

و علاج سرطان البروستاتا بيكون :

انتظار اليقظة او مراقبة نشطة. التحقق بانتظام من التغييرات. و بيبدأ العلاج إذا بدأ السرطان في النمو.

العملية الجراحية. النوع الأكثر شيوع من الجراحة يزيل البروستاتا بالكامل وبعض الأنسجة القريبة.

العلاج الإشعاعي. و فيه بنستخدم الإشعاع لقتل الخلايا السرطانية وتقليص الأورام. و يأتي الإشعاع من جهاز الأشعة السينية أو من حبيبات مشعة صغيرة موضوعة داخل أو قريب من الورم.

العلاج بالهرمونات. و دا ممكن بكون للرجال اللي بيتلقوا علاجات أخرى زي العلاج الإشعاعي ، و بيكون لمنع الجسم من صنع هرمون التستوستيرون. و يتم دا إذا كان محتمل أن يعود السرطان. و ممكن برضو استخدام العلاج الهرموني لسرطان البروستاتا اللي انتشر خارج البروستاتا.

  • اطمن على نفسي ازاي ؟

متترددش في زيارة الطبيب و ممكن اجراء تحليل PSA

اختبار PSA

حتى وقت قريب ، بيشجع العديد من الأطباء على إجراء اختبار PSA سنويًا لكل الرجال اللي تتراوح أعمارهم بين 50 سنة ، أو حتى الرجال الاصغر المعرضين للإصابة بسرطان البروستاتا. و بما أن الأطباء اتعلموا اكتر عن فوائد و اضرار فحص سرطان البروستاتا ، فهما بدأوا في الحذر من إجراء اختبارات PSA السنوية. .

و خلي بالك لا ينصح اختبار PSA سنويا في الرجال اللي من غير أعراض للمرض. بس في الرجال اللي بيعانوا او بيحسوا ب أعراض البروستاتا ممكن يساعد اختبار PSA (مع فحص المستقيم الرقمي) الأطباء في تحديد طبيعة المشكلة. و في الرجال اللي اتعالجوا من سرطان البروستاتا ، يمكن استخدام اختبار PSA لمعرفة ما إذا كان السرطان قد عاد

  • الخلاصة  

البروستاتا هي غدة عند الرجال. بتساعد في عمل السائل المنوي ، و هو السائل الذي يحتوي على الحيوانات المنوية. و حوالين البروستاتا انبوب بيحمل البول بعيد عن المثانة وخارج الجسم.و بيبلغ حجم البروستاتا الشاب حجم الجوز. و بتنمو ببطء أكبر مع تقدم العمر. و لو كان حجمها كبيرا جدا بتعمل مشاكل و دا امر منتشر بعد سن 50. عند الرجال.

و اتكلمنا عم التهاب البروستاتا و اعراضه و انواعها و هي التهاب البروستاتا الجرثومي الحاد ؛التهاب البروستاتا الجرثومي المزمن ؛التهاب البروستاتا و الاعراض بشكل عام 

  • عسر البول و الشعور بالالم و الحرقان عند البول
  • صعوبة البول زي التبول المتردد و التقطير
  • كثرة التبول بالليل و معروف بالتبول الليلي
  • تعكر البول او نزول دم مع البول
  • ألم في البطن او أسفل الظهر
  • ألم ما بين المستقيم و كيس الصفن
  • ألم الخصيتين و القضيب
  • و ممكن تكون اعراض مشابهة لاعراض الانفلونزا و في الغالب بتكون بسبب التهاب البروستاتا البكتيري
  • تبول مؤلم وصعب و / أو متكرر
  • آلام الفخذ ، آلام المستقيم ، آلام البطن و / أو آلام أسفل الظهر
  • حمى وقشعريرة
  • كآبة وآلام الجسم
  • تفريغ مجرى البول
  • القذف المؤلم أو العجز الجنسي

بعد معرفتك بالمرض و الامراض المتشابهة مع التهاب البروستاتا الصورة هتكون وضحت اكتر و انت دلوقتي عارف ان مرض التهابات البروستاتا هو مرض خاص بالرجال و بيسبب مشاكل في العملية التناسلية غير طبعا الام و المضاعفات اللي بيسببها و هي كمان بتسبب ضرر اكتر علشان كدا لما تحس وجع او اي من الاعراض اللي قولنا عليها متترددش في انك تزور الطبيب 

و خلينا متفقين ان الفهم هو بداية العلاج دايما و العامل الاقوى في انن نتجنب الامراض من البداية و اخطر حاجة بنعملها هي تجاهل فهم الامراض المنتشرة حوالينا وعشان كدا احنا اعراض.كوم بنحاول نساعدك تفهم ف متوقفش قرأة و فهم اكتر عن كل مرض و في كل مرة تحاول تعرف و تفهم اكتر عن الامراض هتلاقينا اعراض.كوم جنبك 

ساعدنا في نشر المعرفة و كمان احكيلنا تجربتك العلاجية  

مصادر 

https://www.nia.nih.gov/health/prostate-problems

https://medlineplus.gov/prostatediseases.html

https://www.betterhealth.vic.gov.au/health/ConditionsAndTreatments/prostate-disease

https://www.medicinenet.com/prostatitis_inflammation_of_the_prostate_gland/article.htm#prostatitis_definition_and_facts

https://www.mayoclinic.org/ar/diseases-conditions/prostatitis/diagnosis-treatment/drc-20355771

https://www.everydayhealth.com/mens-health/chronic-prostatitis-and-fertility.aspx

https://www.youm7.com/story/2017/10/24/%D8%A7%D9%84%D9%81%D8%B1%D9%82-%D8%A8%D9%8A%D9%86-%D8%A7%D9%84%D8%AA%D9%87%D8%A7%D8%A8-%D9%88%D8%AA%D8%B6%D8%AE%D9%85-%D8%A7%D9%84%D8%A8%D8%B1%D9%88%D8%B3%D8%AA%D8%A7%D8%AA%D8%A7/3477444

https://www.medicinenet.com/prostatitis_vs_bph_enlarged_prostate_gland/article.htm

https://www.cancer.org/cancer/prostate-cancer/causes-risks-prevention/risk-factors.html

https://mawdoo3.com/%D9%85%D8%A7_%D9%87%D9%88_%D9%85%D8%B1%D8%B6_%D8%A7%D9%84%D8%A8%D8%B1%D9%88%D8%B3%D8%AA%D8%A7%D8%AA

https://www.mayoclinic.org/ar/diseases-conditions/prostatitis/symptoms-causes/syc-20355766

https://mawdoo3.com/%D8%A7%D9%84%D8%AA%D9%87%D8%A7%D8%A8_%D8%A7%D9%84%D8%A8%D8%B1%D9%88%D8%B3%D8%AA%D8%A7%D8%AA