pointer

المرئ

المريء هو حلقة الوصل بين الفم والمعدة، لأن في الأصل تركيبه عبارة عن أنبوبة اسطوانية بتعدي من خلال الحجاب الحاجز

pointer
اعراض ارتجاع المرئ

حرقان في الصدر و عايز تتقيأ (احساس بالغثيان)

pointer
اعراض ارتجاع المرئ

الاحساس بضيق في التنفس و الاختناق ليلا و الاحساس بوجود كتلة متحجرة مع صعوبة في البلع

pointer
اعراض ارتجاع المرئ

التهابات في اللثة و بتحس ببحة في صوتك مع زيادة اللُعاب في الفم
تغير في رائحة النفس

pointer
اعراض ارتجاع المرئ

وجع في منطقة فم المعدة

لو عايز تنجز نفسك تقدر تسمع أعراض ارتجاع المرئ و الأسباب و العلاج بطريقة مختصرة و من غير قراءة

by a3raad.com

أعراض ارتجاع المرئ

اعراض ارتجاع المرئ في بدايته 

اعراض ارتجاع المرئ في بدايته بتكون بسيطة وبعدين بتتطور لو تم اهمالها أو لو ما غيرتش سلوكياتك وعاداتك الغذائية كمريض، ومناعراض ارتجاع المريء في البداية:

1حرقان الصدر أو بيُطلق عليه اسم تانى حُرقة الفؤاد: وهنا مريض ارتجاع المرئ بيحس بحرقة شديدة وعدم راحة  فى منطقة فُم المعدة أعلى البطن، و ممكن يحس بوجود ألم خلف عظمة القفص الصدري ولكن ده عرَض نادر.
(احساس الحرقة  أو الحموضة ممكن يكون بشكل مزمن ومستمر طول الوقت، وممكن يكون على شكل نوبات  متقطعة)
2.  حاسس دايماً انك عايز تتقيأ ( شعور بالغثيان)
3. بتكُح كُحَّة جافة من غير بلغم .
4. بتحس ببحّة  في الصوت بالأخص الصبح.
5. الإحساس بضيق التنفس أو الإختناق بليل وأعراض شبيهة بالرَّبو
6. عندك مشاكل والتهابات في اللثة، وممكن تكون اتطورت لـ تآكل فى مينا الأسنان وتسوس كمان.
7.  زيادة اللُّعاب في الفم و دا غالبا بيكون استجابة طبيعية من الجسم نتيجة ارتجاع السائل الحمضي من المعدة.
8. تغيُّر في رائحة النفس.
9.  اضطراب في النوم نتيجة ازدياد ارتجاع حمض المعدة في وضعية الاستلقاء.
10. الإحساس بوجع عند منطقة فُم المعدة.
11. الاحساس بوجود كتلة متحجرة و معاها صعوبة البلع (بتحس ان الأكل بيوقف في زورك و مش بينزل بسهولة).

تطور اعراض ارتجاع المرئ :

1. التقيؤ والإسهال معاً ودا بيعرض المصاب لمخاطر الإصابة بالجفاف .
2. نقص شديد في الوزن
3. كثرة أو قِلة الَتَبوَُل بكميات أكثر او أقل من المعتاد مع شحوب او تغير في لون البول .
4. صعوبة الَتَبوَُل و مُصَاحَبَتِهِ بالدم و تغير في قوام البول الطبيعي (بيكون فيه رغوة أو فقاعات) .
5. تورم الساقين ، القدمين ، الكاحلين المشهورين بكعب الرجل و اليدين و الوجه و دا في حالة ان الجسم مش عارف يتخلص من السوائل الزائدة
6. أحيانا أخرى يحدث ضيق في التنفس و دا نتيجة ضغط السوائل الزائدة دي في الجسم فبتضغط على الرئة و المريض بيحس بوجع او ضغط زائد على منطقة الصدر.
7. تشنجات  العضلات و أحيانا أخرى شلل العضلات .
8. عدم انتظام ضغط الدم و ضربات القلب .
9. نزيف الأنف
10. حكة الجلد و أحيانا حدوث طفح جلدي إرتفاع درجة حرارة الجسم.
11. آلام في العظام

هل تختلف اعراض ارتجاع المرئ عند النساء من الرجال أو الأطفال ؟

1. اعراض ارتجاع المرئ لا تختلف بين النساء والرجال ..الفكرة كلها فى نمط حياة كل إنسان و طبيعة جسمه وعاداته الغذائية و حالته النفسية  اللي بتتحكم في ظهور اعراض ارتجاع المريء النفسية، و عمره كبير ولا صغير.

2. لكن الأطباء توصلوا من إحصائيات حالات ارتجاع المرئ إن كبار السن وخاصة الرجال اللي دايما بيشتكوا من أزمات صدرية اتشخص نصهم إن عندهم ارتجاع مريء والمشكلة مش أمراض صدرية ولا حاجة!

3. فى دراسة تم نشرها في American journal of gastroenterology”  “اتعملت سنة ١٩٩٣ قام بيها مجموعة من الباحثين على مجموعة من المرضى اللي بيعانوا من أعراض ارتجاع المرىء و توصلوا إن حدة اعراض ارتجاع المرئ بتزيد عند الأشخاص اللى بيعانوا من القلق والتوتر بشكل مستمر، وسبب زيادة الأعراض إن كمية حمض المعدة المرتد مش بتزيد، لكن مقدار الشعور بالألم هو اللي بيزيد، وده لأن قلقهم وتوترهم المستمر حفِّز عندهم مستقبلات الألم فحسوا أكتر بالأعراض.

أما عن اعراض ارتجاع المرئ عند الأطفال، فالموضوع يختلف شوية:

طبيعى إن الطفل من أول الميلاد لحد لما يوصل 18شهر يكون عنده اعراض ارتجاع المرئ، ولكن لو الأعراض ما بتعملش تأثير على نشاطه الحركي  والرضاعة والنوم الطبيعي وصحة الطفل جيدة يبقى مفيش داعي للقلق، وارتجاع المريء هنا  بيتسمى باللغة الدارجة القشط . 

أما عن اسباب ارتجاع المرئ عند الأطفال: فهو إن العضلة العاصرة السفلية عند حديثي الولادة والرُضَّع ما بتكونش قوية، بالعكس دي بتكون مرتخية  فطبيعي يحصل اعراض ارتجاع المرئ والقشط.

أما  اعراض ارتجاع المرئ المُقلِقة عند الأطفال هتكون في أي عرض من دول أو مجموعة من الأعراض مع بعض:

 ١. الطفل رافض الرضاعة أو الطعام.
٢. القيء بتاعه اندفاعى أوي (يعنى بصورة شديدة زى ما يكون بيقذف سوائل بقوة من الفم مش بشكل طبيعي)
٣. لون القيء غير مطمئِن يعني لونه مايل للأصفر او الأخضر، أو فيه لون بنى زى القهوة أو دم.
٤. وزنه مش بيزيد وصحته بتضعف وعنده كحة مزمنة.
٥.الطفل بيعيط كتير وقت الرضاعة  أو بعدها.

فى الحالة ظهور أي من اعراض المرئ دي عند الطفل، لازم الطفل يتعرض على طبيب فوراً، ويتعمله الفحوصات اللازمة، علشان ممكن تكون المشكلة كبيرة زي انسداد في القناة الهضمية. أما لو مفيش اعراض ارتجاع المرئ السابقة ..يبقى ده ارتجاع طبيعى مُصاحب للرُضَّع.

كيف تتعامل الأم مع ارتجاع المرئ عند الأطفال الرضع؟

  1. لما ترضع الطفل ما ينمش بعد الرضاعة على طول ..يعنى يفضل فى وضع الجلوس٣٠ دقيقة لحد لما  يحصله تجشؤ وده هيساعد إن محتويات المعدة تفضل فى مكانها.
  2. الطفل ميفضلش دايماً نايم فى وضع مسطح معظم الوقت.
  3. ياخد الرضعات بكميات صُغيرة على مرات كتير، مش العكس.
  4. لا يمكن علاج ارتجاع المريء بالعسل عند الرضع اقل من 18 شهرعلشان العسل بيكون ضار على جهازهم الهضمي البسيط اللي لسه مكتملش نموه.

أسباب ارتجاع المرئ

=> أسباب ارتجاع المرئ العامة منها :

  1. تناول كميات كبيرة من الأكل على فترات متقاربة.
  2. النوم مباشرة بعد الأكل.
  3. تناول أنواع أكل ممكن تحفز المرض زي المقليات، والأطعمة الدهنية، والأطعمة الحارة.
  4. تناول فواكه أو عصائر حمضية زى الليمون والبرتقال.
  5. تناول مشروبات تحتوي على كافيين زي القهوة والشاي .
  6. التدخين سواء شخص بيدخن أو شخص بيشم الدخان من اللى حواليه .
  7. اسباب نفسية بتساعد في ظهور اعراض ارتجاع المريء النفسية زي الضغط العصبي المستمر و القلق و التوتر.

=> محفزات الاصابة بإرتجاع المرئ

  • يعتبر ارتجاع المريء من أشهر الأمراض عالمياً، حوالي ٤٠٪ من سكان العالم بيعانوا منه والنسبة دي بتزيد كل سنة.
  • ما تتخيلش إننا جايين نقول  إن المرض ده بيحصل صدفة، بالعكس في عادات و سلوكيات انت بتعملها بتخليك انت أحد الأسباب الرئيسية في إصابتك بارتجاع المريء.
  • لو مش عارف أنا أقصد إيه جاوب على الأسئلة دي و قول بتعمل كام واحدة منهم ؟
  1. هل بتدخن ؟
  2. بتحب تاكل كتير وخصوصا قبل النوم؟
  3. هل أنت شخصية حياتها ملغبطة ودايما حاسس بقلق وتوتر وضغط عصبي؟
  4. بتحب الأكلات الدسمة “المليانة دهون”؟
  5. مدمن قهوة أو شاي أسود؟
  6. بتشرب كحوليات ؟ 
  7. هل بتعاني من مرض السِّمنة المفرطة ؟
  8. هل أنتِ سيدة حامل ؟ 
  9. هل طفلك الرضيع دايما مستلقي على ظهره  بالأخص بعد وقت الرضاعة ؟

علاج ارتجاع المرئ

علاج ارتجاع المرئ بالاعشاب  

  • يمكن علاج ارتجاع المرئ بالاعشاب الطبيعية اللي دورها تخفيف أعراض الحرقان وتهيّج المرئ، و لكن يجب إستشارة الطبيب قبل استخدامها خصوصاً لو المريض بياخذ أي مضادات حموضة.
  • دور الأعشاب: بتقلل آلام الجهاز الهضمي، و بتقلل أعراض الحرقان والارتجاع.
  • خلي بالك إن علاج ارتجاع المرئ بالاعشاب ممكن يجيب نتيجة و ممكن لأ  فالموضوع مش ثابت ولا هى وصفة تنفع مع كل الناس.، ومن امثلة الاعشاب دي:
  1.  النعناع.
  2.  الشمر.
  3. مشروب الكاموميل.
  4. الزنجبيل.
  5. مشروب العرق سوس.
  6. نبتة الأنجيليكا.
  7. الكركم. 
  • وفى دراسة  لطريقة علاج ارتجاع المرئ في المنزل، بتعتمد على خلط مجموعة من المكونات الطبيعية مع بعض :إسم الطريقة (طريقة الرئيس لارتجاع المريء) ومُقدمة من مركز العلاج الأكاديمي التطبيقي  للطب البديل التكميلي تحت إشراف الدكتور سليم الأغبري، ومن مميزاتها إنها تشمل علاج ارتجاع المريء بالعسل.
    والوصفة هي هى (عسل السُمر الملكي  من الدرجة الأولى – والاهليج الأسود أو بيُطلق عليه إسم (الزبيب الهندي) -الصَبّر السُقطري وهو منتج مشهورة به بلدة اليمن )

أكلات حاول تبعد عنها اثناء فترة علاج ارتجاع المرئ:

الاكلات دي هتسببلك حرقان في المرئ وهتسبب التهاب المعدة، وبالتالي هتزود من اعراض ارتجاع المرئ :

  1. الأحماض زي ( الليمون، البرتقال، الفراولة، و الطماطم …).
  2. المقليات كلها سواء كانت لحوم او مُعَجّنَات.
  3. الأكل المطبوخ / أو المسبّك (اي حاجة فيها صلصة بأنواعها).
  4. منتجات الألبان حاول تقلل منها سواء كانت منزوعة الدسم أو لأ.
  5. حاول تمنع الشاي و القهوة و النسكافية و تستبدلها بأعشاب مهدئة زي الينسون و النعناع.
  6. لازم تمنع الحلويات (سواء شرقية، تورتة و جاتوه او شيكولاتة و شيبسي و بسكوت من السوبر ماركت)

أكلات تقدر تاكلها اثناء فترة علاج ارتجاع المرئ  :

الاكلات دي مش بتسبب تهيج او حرقان في المعدة وبالتالي تقدر تعتمد عليها خلال فترة علاج ارتجاع المرئ :

  1. الموز
  2. التفاح
  3. البطاطس المخبوزة ( السادة )  بدون قلي أو صلصة طماطم
  4. البروكلي و الكرنب (مشوي ) بدون قلي
  5. البسلة و الفاصوليا الخضراء  (بدون صلصة طماطم)
  6. اللحوم ( صدور دجاج خالية من الجلد / لحم بقري خالي من الدهون/ سمك خالي من الجلد) المشوي منهم فقط
  7. الشوفان و عيش الذرة
  8. الأرز الأبيض أو البني

اسماء ادوية لعلاج ارتجاع المرئ:

الدكتور بيختار ادوية لعلاج ارتجاع المرئ على حسب شدة ألم وتطور اعراض ارتجاع المرئ، والادوية دي زي:

1– الأدوية المضادة للحموضة Antacids

ودى أدوية دورها الرئيسي انها تخفف أعراض الحرقان والحموضة المرتدة من المعدة ومن أشهرها الجافسكون (بيوفر طبقة من الحماية عن طريق حمض الألجينيك وده بيعمل طبقة حماية بيمنع معاها تسرب حمض المعدة للمريء) و فى مضادات حموضة تانية زى مالوكس وميلانتا، ويعتبر النوع ده من افضل علاج لارتجاع المريء والتهاب المعدة فى الصيدليات.

2– إستخدام أدوية مثبطات مضخة البروتون (ppI):

ودى دورها إنها تقلل الحمض اللي بتفرزه المعدة، بالرغم من إن مفعولها بطيء، لكنه بيدوم لوقت طويل “لعدة ساعات” ومنها إيزوميبرازول فى النيكسيوم  و الإيزموراب. / اللانسوبرازول في بريفاسيد. /الأوميبرازول في بريلوزيك و فاست كيور و جاسترولوك./ البانتوبرازول فى الكنتور لوك، و جرعة ادوية علاج ارتجاع المرئ من النوع ده بيحددها الطبيب حسب الحالة والأدوية دى ثبت أنها آمنة على الحوامل ما عدا الأوميبرازول .

3– أدوية مضادة لمستقبلات الهيستامين (H2 Blockers ):

ودى زي الرانتيدين فى الزنتاك  والفامتودين.

4– دواء الباكلوفين:

وده باسط للعضلات ومضاد للتقلصات؛ دوره إنه بيقوي العضلة العاصرة السفلية للمريء ولكن لازم يتم تناوله تحت إشراف طبي لأضراره الجانبية الخطيرة منها  الدوخة والغثيان.

5- العلاج الجراحي: 

  • وده بيحصل فى الحالات المصابة بفتق  في الحجاب الحاجز مصاحب له ارتجاع المريء أو الحالات اللى فشل التعامل معاها ادوية علاج ارتجاع المرئ.
  • والحل هنا بيكون أن الطبيب يلف جزء من المعدة حول العضلة السفلية للمريء علشان تدعمها وتمنع حدوث الارتجاع.
    أما في حالة الفتق الحجاب الحاجز: بيرجّع المعدة لتجويف البطن تاني لأنها بتكون سايبة مكانها بسبب اتساع الفتحة الواصلة بين المعدة والمريء؛ و بيسموا الجراحة دى ( Nissen’s fundoplication )

6- الأدوية المنظمة لحركة الأمعاء: 

ودى بتساعد على تفريغ محتويات المعدة، زي ميتوكلوبراميد الموجودة فى بريمبران.

7-أدوية لعلاج حرقان الصدر والغثيان وألم المعدة :

زى إيتو برايد هيدروكلوريد  وموجودة فى إيتوماش وجاناتون.

f

الاكثر عرضة للإصابة بارتجاع المرئ

i

المصادر

l

تشخيص ارتجاع المرئ

اخر التطورات علاج ارتجاع المرئ

مضاعفات ارتجاع المرئ

Q

مفاهيم خاطئة عن ارتجاع المرئ

انواع ارتجاع المرئ

كيفية التعايش مع ارتجاع المرئ

U

ما هو الارتجاع المريئي

p

امتى تروح للدكتور

 ما هو الارتجاع المريئي؟

  • كتير مننا في يومه بيعاني من اضطرابات مختلفة في القناة الهضمية و أحد اعراض الاضطرابات الهضمية دي هي حرقان الصدر، خصوصاً بعد تناول الوجبات الغذائية الدسمة؛ فكرتوا قبل كده الإحساس بالحرقة وعدم الراحة ده سببه ايه؟
  • يُعتبر المسبب الأول والرئيسي للعرَض ده هو مرض ارتجاع المريء، أو مرض غيرد (GERD)، أو الجزر المعدي المريئي؛ ومرض ارتجاع المرئ ده يُعتبر من الأمراض الوظيفية يعنى بيأثر على وظائف الجسم، وهنا التأثير هيكون على وظيفة الهضم.
  • وما يترتب على ارتجاع المرئ بعد كده من مشكلات في المريء ممكن تؤدي لمرض السرطان، أو جراحة لاستئصال المريء كله فى أسوأ الحالات . فتعالوا نتكلم سوا الأول عن تعريف ارتجاع المريء علمياً

 دور المرئ في جسم الإنسان :

 المريء هو حلقة الوصل بين الفم والمعدة، لأن في الأصل تركيبه عبارة عن أنبوبة اسطوانية بتعدي من خلال الحجاب الحاجز (اللى دوره إنه يفصل تجويف البطن عن تجويف الصدر) وموقع الأنبوبة دى بالظبط ورا القصبة الهوائية، أما عن طول المريء فبيوصل من ٢٥-٣٠سنتميتر، والطول قابل للزيادة أو النقصان على حسب طول الإنسان وعمره .

 :سبب حدوث ارتجاع المرئ

تركيب المرئ: 

 يتكون المرئ من ثلاث طبقات أساسية :
١- طبقة مخاطية
٢- طبقة تحت مخاطية  ودول دورهم هو تبطين الجدار الداخلي للمريء، و بيفرزوا سائل لُعابي دوره الأساسي (إنه يسهّل مرور الطعام، ويساعد على تليين الطعام قبل وصوله للمعدة)
٣- الطبقة الثالثة: طبقة عضلية ودورها (انها تساعد فى انقباض وانبساط عضلات المريء) والطبقة دي عبارة عن عضلتين هما :
* العضلة العاصرة العليا للمريء .
* العضلة العاصرة السفلية للمريء.

اسباب ارتجاع المرئ : 

 السبب الرئيسي من اسباب ارتجاع المرئ هو ارتجاع الطعام من المعدة مرة  تانية إلى المريء ومعاه العصارة المعدية وأحماض المعدة، تقدر تعتبره خلل في خط سير الطعام  ودا بيكون بسبب ان العضلة العاصرة السفلى حصل فيها خلل أو شوية إرتخاء، وبسبب الارتخاء ده حصل ارتجاع لمكونات الطعام للمريء مرة تانية.

 الحالة الطبيعية  إن العضلة تفتح وترتخي عند مرور الطعام للمعدة وتقفل بشكل قوي بعد وصول الطعام للمعدة.

حالة الانسان السليم مقابل حالة المصاب بإرتجاع المرئ

الصورة الأولى بتوضّح حالة الإنسان السليم غير مصاب بارتجاع المرئ : الفتحة الموجودة بين مجرى المريء والمعدة مقفولة: كل الأكل والعصارة الهضمية (اللي هي حمض الهيدروكلوريك) المسؤول عن هضم الأكل داخل المعدة.

أما فى حالة الإصابة بمرض ارتجاع المرئ: الفتحة حصل فيها خلل فسببت رجوع جزء من الأكل و معاه عصارة المعدة الحمضية لمجرى المريء، ومن اعراض ارتجاع المرئ اللي بيحس بيها المريض وقتها إن ساعات بيوصل حمض المعدة للفم كمان والطعم بيبقى لاذع وساعات مر.

 طيب ليه حمض المعدة بيضر المريء؟

لأن المريء طبيعة تكوين البطانة بتاعته انها مبتقاومش الأحماض القوية، على عكس طبيعة أنسجة المعدة، والحمض ده وجوده ضروري لهضم الطعام وعلشان يقتل الجراثيم الضارة فى محيط المعدة بس، أما باقي الجهاز الهضمي العلوي بيأثر بشكل سلبي عليه وعلشان كدة بيحس المريض بأحد اعراض ارتجاع المرئ.

إيه هو الضرر المحتمل حدوثه للجسم نتيجة ظهور أعراض ارتجاع المرىء؟

لو ظهر اي من اعراض ارتجاع المرئ فالشخص مش هيقدر يقوم بأداء مهامه الأساسية فى الحياة زي الشغل مثلاً، نتيجة الشعور الدائم بعدم الراحة، و ممكن تتأثر الحياة الإجتماعية والنفسية لمريض ارتجاع المرئ.

 أنواع الإصابة بمرض ارتجاع المرئ؟

انواع ارتجاع المرئ بتتوقف على شدة اعراض ارتجاع المرئ؛ بمعنى إن في إصابة بسيطة أو متوسطة وفى إصابة حادة بارتجاع المرىء ؛ وده على حسب:

  1. المريض بيحس كام مرة بأحد اعراض ارتجاع المرئ
  2. قوة ارتجاع حمض المعدة  فى المرة الواحدة
  3. درجة ضعف العضلة العاصرة السفلية للمريء وقدرة اللُعاب المُفْرَز من المريء على مُعَادلة الحموضة المُرْتَدَة من المعدة.

وعلى حسب العوامل دي، بيتقسم ارتجاع المرئ ل 3 انواع:

  1. ارتجاع المريء البسيط
  2. ارتجاع  المريء الحاد .
  3. ارتجاع المرئ الصامت: سبب التسمية بيرجع لأن اعراض ارتجاع المرئ الصامت ده مش بتكون واضحة  بمعنى إنه أبرز عرض من اعراض ارتجاع المرئ الصامت مش بيكون موجود وهو الحموضة، ممكن مكونات الطعام توصل للمريء والبلعوم ولكن بدون الإحساس بالحموضة علشان كده اسمه صامت.

 

بس في تقسيمة علمية لأنواع ارتجاع المرئ :

ارتجاع المرئ المِعَدي

  • ارتجاع المرئ المِعَدي بيكون سببه الرئيسي المعدة علشان كدة اتسمى المِعَدي، بيحصل بسبب تكرار رجوع الطعام و حمض المعدة من المعدة للمرئ، وحمض المعدة ده بيأثر بشكل كبير جداً على أنسجة المرىء وبتُصبح أنسجة المرئ ملتهبة.
  • والعامل الرئيسي لظهور اعراض ارتجاع المرئ المِعَدي هو ضعف العضلة العاصرة السفلية للمرىء وعدم قدرتها على إحكام غلق الفتحة اللي بين المعدة والمريء.

ارتجاع المرئ نتيجة الحساسية

  •  تعتبر الحساسية من اسباب ارتجاع المرئ واللي بتحصل بسبب التهاب المرئ اليوزيني والسبب وراء تسميته باليوزيني هو زيادة تركيز اليوزينيات (نوع من خلايا الدم البيضاء) ـ وتُعتبر اليوزينيات أو حلايا الدم البيضاء دي من الخلايا الدفاعية للجسم ضد أي خطر  إصابة بأي مرض ممكن يهدد الجسم.
  • سبب ظهور اعراض ارتجاع المرئ نتيجة الحساسية هو زيادة عدد خلايا الدم البيضاء بسبب وجود المُحفّزات يعني ان المريض يكون عنده حساسية يا إما ضد نوع معين من الغذاء زي (اللبن-القمح-البيض-فول الصويا وغيرها) أو حساسية لاستنشاق مواد معينة زي حبوب اللقاح.
  • علشان كده هتلاقي إن تركيز الخلايا اللي بتدافع عن الجسم وقت الحساسية اللي اسمها اليوزينيات بدأ يزيد دفاعاً عن الجسم ضد محفزات الحساسية دى سواء طعام أو حتى استنشاق شيء الجسم بيتحسس منه؛ ووجد العلماء كمان ان ارتجاع حمض المعدة ممكن يكون سبب فى زيادة تركيزها.

ارتجاع المرئ نتيجة التهاب المرئ المُعدي

  • ارتجاع المرئ بسبب التهاب المرئ المُعدي بينتج عن إصابة  الإنسان بأي نوع من أنواع العدوى، سواء كانت العدوى دي من فِطر أو بكتيريا أو فيروس.
  • اعراض ارتجاع المرئ من النوع ده بتظهر اكتر على المرضى اللي بيشتكوا من فطريات بيضاء فى الفم؛ لو ما اتعالجتش الفطريات دي وارد جدا تسبب مشكلة التهاب المريء وتخلي الأنسجة المبطنة للمرئ ملتهبة ويحصل ارتجاع المرئ.
  • أكثر ناس بيتم إصابتهم بالنوع ده من ارتجاع المرئ هما اللي عندهم مناعة ضعيفة جدا وسهل إصابتهم بأنواع العدوى المختلفة، زى مرضى الإيدز، ومرضى السرطان، و المرضي اللي علاجها فيه أدوية مُثَبطة لمناعة الجسم فى حالات “نقل الأعضاء” ، علشان كده هتستغل الميكروبات المُمْرِضَة الفرصة دى وتسبب التهابات ومن ضمنها الالتهاب المريئي وارتجاع المرئ.

 

ارتجاع المرئ بسبب الادوية

احد اسباب ارتجاع المرئ هو التهاب المرئ  مع المرضى اللي بياخدوا أدوية لفترات طويلة، زي

  1. الأدوية المضادة للتجلط (الأسبرين والأسبوسيد)
  2. ادوية المسكنات اللي بتحتوي على إيبوبروفين زي بروفين.
  3. المضادات الحيوية المحتوية على تتراسيلكين.

واللي بيزيد شدة ظهور اعراض ارتجاع المرئ هي سلوكيات المرضى الغلط وهما بياخدوا الأدوية اللي على شكل أقراص، و ان المريض بياخذ الأقراص بدون مياه أو مع كمية صغيرة منها؛ أو بيأخدها وهو مستلقي  فى وضعية أقرب للنوم؛ فاللى بيحصل إن جزء من قرص الدواء بيفضل منها رواسب في المرىء ومع التراكم وتكرار السلوك ده أو أخذ اقراص الادوية لفترات طويلة بيحصل التهاب للمرىء و بينتج عنه ارتجاع المرئ

 مضاعفات الاصابة بإرتجاع المرئ؟

ضيق المرئ

احد مضاعفات ارتجاع المرئ وهو عبارة عن ضيق فى مجرى المريء، و ده ممكن يسبب تلف للمريء ويحصل مشاكل فى بلع الطعام لأن نسيج المرىء فقد المرونة بتاعته ،  ولو تم اهمال اعراض ارتجاع المرئ لحد ما يحصل ضيق المرئ وقتها ممكن المريض يحتاج لتدخل جراحى لتوسيع المجرى المريئى مرة تانية .

قرحة المرئ

احد مضاعفات ارتجاع المرئ وده بيحصل نتيجة كثرة ارتداد حمض المعدة بشكل متكرر للمريء  فبيسبب تمزق للأنسجة وبيحصل قرح وآلام شديدة تنتهى بنزيف المرئ، ممكن النزيف ده يكون داخلى وينزل فى البراز وبيخلى لون البراز أسود ، وممكن النزيف يخرج فى شكل قىء دموى ودى من الحالات الخطيرة اللي بتحصل لما يتم اهمال اعراض ارتجاع المرئ  ولازم المريض يروح المستشفى على طول .

متلازمة باريت بالمرئ

احد مضاعفات ارتجاع المرئ بيحصل نتيجة تغير فى طبيعة الخلايا والأنسجة المكونة للمريء (تغير فى طبيعة الخلايا المبطنة للجزء السفلى للمريء  كرد فعل للتعرض المتكرر لحمض المعدة) والمتلازمة دى بيسموها متلازمة مريء باريت Barrett’s esophagus.
إذا تطورت اعراض ارتجاع المرئ ووصلت لمتلازمة باريت، هيكون في احتمالية كبيرة للإصابة بسرطان المرئ.

 الفحوصات اللازمة لتشخيص ارتجاع المرئ؟

الفحص الطبي لارتجاع المرئ عند الدكتور المتخصص

و دي شوية فحوصات  بتحصل اثناء الكشف العادي عند  الدكتور المتخصص و هو  دكتور الباطنة عادي ، أهم حاجة جاوب على الأسئلة دي بتركيز عشان تشخيص ارتجاع المرئ يطلع صح

فحوصات مبدئية عند الدكتور المتخصص

المريض اللي ظهرت عليه اعراض ارتجاع المرئ لما هيروح لدكتور باطنة و أمراض جهاز هضمي هيسأله مجموعة من الأسئلة، وده للتأكد من إن الأعراض اللي حاسس بيها خاصة بارتجاع المريء مش بأي مرض تانى !

زي مثلاً :

  1. هل حرقان الصدر بيجي بعد الوجبات الغذائية ولا في أي وقت ؟
  2. حرقان الصدر دا بيقعد فترة قد إيه لما بيجي؟
  3. هل لما بياكل أكل معين بيحس ان الاعراض بعدها بتسوء؟
  4. الإحساس بالحرقان بيحصل كام مرة  فى الأسبوع؟ وبيبقى شديد ولا بسيط؟
  5. بيحس بضيق تنفس أو شرقة بالليل؟

إجاباتك بدقة على الأسئلة دى هتساعد الطبيب فى التشخيص الصح

فحوصات دورية لمتابعة تطور اعراض ارتجاع المرئ

 لو ظهر عليك اعراض ارتجاع المرئ ، لازم الدكتور المتخصص و هو  دكتور الباطنة يطلب منك شوية تحاليل علشان يتأكد من الإصابة بارتجاع المرئ.

أنواع التحاليل المطلوبة

1- بالنسبة لظهور اعراض ارتجاع المرئ عند الأطفال بشكل مُقلق
  • اعراض ارتجاع المرئ عند الأطفال بشكل مقلق دي معناها ان الطفل بدأ يفقد وزنه و مبياكلش كويس، وقتها لازم يعمل تحليل بول و تحليل دم و فحص عينة براز لتشخيص سبب ضعف الوزن والقىء المحتمل.
  • أما البالغين فتحليل الدم الخفي بالبراز هيفيد جداً خصوصاً لو حالة ارتجاع المرئ عندها التهاب مريء وبدأ يتضاعف وعمل قُرح في المريء.
2- تحليل  كشف ومراقبة حموضة المريء كأحد اسباب ارتجاع المرئ :
  • التحليل ده بيتعمل علشان نتأكد من حامض المعدة موجود في المريء ولا لأ، ولو موجود نسبته كبيرة ولا صغيرة؟ وفي التحليل ده بيتم استخدام أنبوبة مرنة بتدخل من الأنف وبتكون متوصلة بجهاز بيقيس وقت تدفق الحمض للمرىء و بيتكرر الفحص ده و القياس لمدة يوم.
  • الجديد بقى: انه مع تقدم العلم؛  حالياً بيتم استخدام كبسولة صغيرة بدل الأنبوبة، الكبسولة دي بتنزل في المريء، ومن برا بتكون متوصلة بجهاز  صغير مربوط بحزام على الخصر؛ والمريض بيمارس حياته وأنشطته اليومية بشكل طبيعي؛ لكن ممنوع منعاً باتاً ان الجهاز ده يجي عليه مياه؛ كمان بيكون مزوَّد بتسجيلات لأوقات حدوث الأعراض للمريض؛ وكل الإرشادات دى الطبيب بيبلغ بيها المريض بعد تركيب الجهاز.
  • بعد مرور عدة أيام الكبسولة دى بتنزل لوحدها مع البراز؛ بالإضافة إن الطبيب بيعرف قياس درجة الحموضة نسبته كام، وبيكون قادر يقيم بشكل دقيق حالة المريض، قياس الحموضة لو أقل من 2 ده معناه تشخيص المريض بمرض ارتجاع المرئ، ووقتها ممكن ينصح الطبيب بأقراص و كبسولات ارتجاع المرئ زي ادوية علاج الحموضة رانتيدين.
٣-الأشعة السينية بإستخدام عنصر الباريوم:

وهنا مريض ارتجاع المرئ بياخذ  جرعة من سائل جواه عنصر الباريوم أو أقراص مغلفة بالباريوم قبل الفحص؛ ودورها انها تخلي الأعضاء الداخلية (المريء والمعدة) ظاهرة بشكل كويس عند الفحص بالأشعة؛ لكن دلوقتي الطريقة دي مبقتش تُستخدم كتير بعد ظهور المناظير الطبية.

٤- المنظار الطبي: 
  • لو ظهر على المريض اعراض ارتجاع المرئ بشكل متكرر وشديد هيطلب منه فحص المرئ بالمنظار و ده عبارة عن انبوبة بلاستيك فيها كاميرا متوصلة بشاشة خارجية، بيدخل المنظار من فتحة الفم ويبدأ يفحص الجزء العلوي من الجهاز الهضمي والكلام ده بيتم تحت تخدير عام بسيط.
  • ملحوظة: ساعات الطبيب بياخد عينة من نسيج المريء وهو بيعمل منظار علشان تتفحص في المعمل، بحيث يتأكد من  إحتمالية إن الإرتجاع حصل معاه مضاعفات زى وجود سرطان المرئ، أو عدوى فطرية أو فيروسية أو بكتيرية.

 مين هم الأكتر عرضةً للإصابة بإرتجاع المرئ ؟

مرضى الربو

ممكن تظهر اعراض ارتجاع المرئ عند الأطفال المصابة بالربو ، لأن ممكن يتناول الطفل دواء يقلل أعراض الربو زى (الثيوفيللين)  علشان يوسع الشعب الهوائية  ويتم علاج الربو فيحصل له ارتجاع مريء ، علشان كدة المرضي  اللي بيعانوا من ( ربو + إرتجاع مريء ) لابد إنهم يستشيروا الطبيب بخصوص ادوية لعلاج ارتجاع المرئ  مع ادوية علاج الربو  ويكون المريض فى حذر من الأعراض الجانبية لكل دواء.

Age Affects Outcomes in Chronic Kidney Disease/Jason-Journal

الحوامل

اعراض ارتجاع المرئ بتظهر بشدة عند بعض الحوامل نتيجة كبر حجم الرحم ليسع الجنين فبيحصل ضغط على أعضاء الجسم الداخلية  ومنها المعدة و ده بيأثر على المريء ، ده غير إنه فى الحمل هرمون الحمل (البروجسترون) بيزيد فبيسبب ارتخاء العضلة العاصرة السفلى للمرى و ده السبب الرئيسي من اسباب ارتجاع المرئ عند الحامل لان بكدا جزء من الطعام ومعاه عصارة المعدة يرجع تانى مجرى المريء ويسبب ارتجاع المرئ .
وممكن وقتها علاج ارتجاع المريء بالعسل عند الحوامل لأن العسل ملوش آثار جانبية على الحمل.

مرضى السِمنة المفرطة

تعتبر السمنة المفرطة أحد اسباب ارتجاع المرئ و بتزيد من حدة اعراض ارتجاع المرئ لأن كثرة الدهون المتراكمة على الأعضاء الداخلية بتضغط على المعدة وممكن ده يسبب ظاهرة اسمها  فتق الحجاب الحاجز  (الحجاب الحاجز هو الفاصل بين تجويف الصدر وتجويف البطن ويمر من خلاله المريء)  فيحصل توسيع للفتحة اللي بتقفل الوصلة بين المعدة والمريء فيحصل الارتجاع المريئي.

كبار السن

اعراض ارتجاع المرئ بتظهر كتير عند كبار السن لأن كِبَر السن  بيسبب ضعف العضلة السفلى للمرئ.

Age Affects Outcomes in Chronic Kidney Disease/Jason-Journal

حديثي الولادة والرُضع

ممكن تظهر اعراض ارتجاع المرئ  عند الرضع على شكل قشط، وده لأن العضلة السفلى للمرئ بتبقي مش ناضجة بشكل كامل عندهم وبالتالي بيسبب ارتجاع المرئ.

لا يمكن علاج ارتجاع المريء بالعسل عند الرضع اقل من 18 شهرعلشان العسل بيكون ضار على جهازهم الهضمي البسيط اللي لسه مكتملش نموه

المرضى المصابين بجرثومة المعدة أو الميكروب الحلزوني

التهاب المعدة بيحصل بسبب جرثومة المعدة و بينتج عنه احتمالية كبيرة بالإصابة بارتجاع المريء.

 إمتى تروح للدكتور ؟

عند الشعور بأحد اعراض ارتجاع المرئ و ارتجاع حمض المعدة مرتين اسبوعياً، أو مرة واحدة أسبوعياً لكن بشكل حاد. 

 إساءة تشخيص ارتجاع المرئ تؤدي لـ :

ممكن يحصل تشخيص خاطئ لارتجاع المريء، وده بسبب تشابه أعراض كثيرة مع أعراض ارتجاع المريء.

  1. ممكن المريض يعاني من حرقان فى الصدر ويكون السبب فيه ارتجاع المريء، لكن ممكن المريض يروح لدكتور قلب ظناً منه انه عنده مشكلة فى القلب لأن اعراض ارتجاع المرئ الشديد ممكن تشبه أعراض ذبحة صدرية أو قصور في الشريان التاجي؛ لكن فى فرق كبير بين المرضين على الرغم من التشابه الكبير فى الأعراض، و لازم الدكتور يسألك اسئلة يعرف بيها الفرق، زي:
    – وقت حدوث الحرقان  بعد الوجبات ولا فى أى وقت؟
    – المفروض يدي مضادات حموضة ويشوف الإستجابة إيه؟
    – الدكتور هيطلب شوية تحاليل وفحص المنظار الطبي للتشخيص الدقيق لارتجاع المرئ.
  2. ممكن مريض ارتجاع المرئ يتشخص انه مريض جيوب أنفية خصوصاً لو عنده التهابات مزمنة لأن في علاقة بين الارتجاع المعدي المريئي وضيق التنفس و السعال المزمن  ليلاً، و ده بيتشابه مع اعراض ارتجاع المرئ نتيجة الحساسية.
  3. ممكن مريض ارتجاع المرئ لما يحس بحرقان الصدر كأحد اعراض ارتجاع المرئ، يروح لطبيب أمراض صدرية بدل ما يروح لدكتور باطنة وجهاز هضمي لأن المشكلة الحقيقة هي ارتجاع المرىء .
  4. ممكن المريض بأحد اعراض ارتجاع المرئ يروح لدكتور أسنان بسبب رائحة الفم الكريهة، او التهابات اللثة، اويمكن التسوس أحياناً  بسبب حمض المعدة اللي بيأذى اللثة والأسنان، وفي الآخر يكون السبب هو ارتجاع في المريء!

طب تمام أنا كده كمريض هاخد بالى من اعراض ارتجاع المرئ كويس ؛ وهراقب سلوكياتى فى الغذاء وهاخد بالي من اعراض ارتجاع المريء النفسيه وهبعد عن التوتر والضغط العصبي، وهشوف دكتور كويس أشرحله بدقة حالتى المرضية وبعدين هعمل الفحوصات للتأكيد ، أنت كده صح  وتمام بس خلى بالك لان فى أمراض تانية تتشابه مع ارتجاع المريء تعال نشوفها سوا .
وهنا العلاج بيختلف من حالة لحالة و لو أخدت علاج غلط في اي واحدة فيهم هتتسبب في تطور مرضك بدرجة خطيرة.
الموضوع بيتم إزاي!؟ الفكرة ان دكتور الباطنة المختص بمشاكل ارتجاع المرئ مش بيجزم بالتحاليل الأولية و بيطلب تحاليل وفحوصات اكتر علشان يتأكد من معدل النتائج اللي المفروض يتم الأخذ بيها ويتم تشخيص حالتك المرضية بدقة، و في نفس الوقت يقدر يكتب لك على الأدوية اللي تساعدك بناءا على الحالة المرضية الخاصة بيك.

أمراض مشابهة لإرتجاع المرئ

تشنج المرئ

تشنج المرئ مرض يصاحبه ألم شديد فى الصدر  شبيهة جدا بأعراض النوبات القلبية وده بيحصل نتيجة تقلصات عضلات المرئ، لكن بعض المرضى بيظنوا إن ألم الصدر ده من اعراض ارتجاع المرئ و بيتم اهماله.

دوالي المرئ

اعراض ارتجاع المرئ ممكن تتشابه مع اعراض دوالي المرئ لكن دوالي المرئ في الأصل من أخطر مضاعفات تليف و تشمع الكبد .
طبعاً ده أخطر من ارتجاع المرئ و بتحصل دوالي المرئ لما الدم طبيعى بيكون فى طريقه للوريد البابى الكبدى لكن فيه إنسداد أو جلطة، فالدم بيمشي بشكل إجبارى فى أوعية دموية أصغر ولكن بنفس الكمية الكبيرة ومنها الأوعية الدموية المغذية للمرىء متخيل يحصل إيه ساعتها؟
دم زيادة فى أوعية ضيقة!! و وارد جدا تتمزق ويحصل نزيف وممكن الحالة توصل للوفاة لو ما إتلحقتش .

علاقة ارتجاع المريء ببعض  الأمراض الأخرى

علاقة ارتجاع المرئ بمرض الفشل الكلوي

في بعض الدراسات بتشير إن في احتمالية للإصابة بأمراض الكلى بسبب تناول أدوية مثبطات مضخات البروتون اللي بُتستخدم لتقليل كمية  حمض المعدة و بيكتبها الدكاترة كأحد علاج ارتجاع المرئ وعلاج التهاب المعدة؛ فيما عدا الدواء المحتوى على المادة الفعالة إيزوميبرازول  قد يسبب مشاكل  بالكلى ولكن نادر جدا الحدوث ؛ يصاب شخص واحد من  كل عشر آلاف شخص. 

علشان نكون واضحين؛ مرض ارتجاع المرئ ده مرض مزمن؛ زيه زي السكر والضغط؛ وعلشان نتعايش معاه لازم هنمشي على عادات غذائية صح وسلوكيات صح علشان نتفادى المضاعفات، في الكلام اللي جاي هنذكر لكم أهم النصائح للعيش بسلام مع مرض ارتجاع المرئ

2- الصحة النفسية

1. ابعد بقدر الإمكان عن مسببات التوتر والقلق عندك بإستمرار؛ أو مارس أي نشاط ممكن يخرجك من الحالة دي؛ لأن كل ما زاد التوتر كل ما هتزيد اعراض ارتجاع المريء النفسيه.
2. بالإضافة للتعليمات المذكورة فوق؛ ممكن تاخد فيتامينات للوقاية من حدوث الارتجاع زي فيتامين أ و فيتامين سي و فيتامين هـ

1- الصحة الجسدية:

أولاً: الوزن: لو تخين لازم تخس.
ثانياً: بطل سجاير: لو بتشرب أو أبعد عن أى حد بيدخن.
ثالثاً: كل أكل صحي: ابعد عن الأكل المسبك والمقلي واللى فيه دهون كتير.
رابعاً: ما تاكلش وتنام على طول: توقف عن الأكل قبل النوم ب3 أو 4 ساعات.
خامساً: البس ملابس واسعة: أبعد تماماً عن الملابس الضيقة  خاصة من عند منطقة الخصر.
سادساً: مستوى الرأس والكتفين: لازم يكونوا أعلى من باقي الجسم؛ حاول تستخدم قطع خشبية علشان تخلي السرير أعلى بحيث تكون الرأس مرتفعة عن باقي الجسم بحوالى ٢٥سم؛ وده لمنع إرتداد حمض المعدة وأنت مستلقي.
سابعاً: لو بتاخد ادوية مسكنات مضادة للالتهابات NSAID زي البروفين:  إستخدمها للضرورة لو بتعالج بيها مرض تاني؛ واستشر طبيبك لأن الأمر مهم.

مفاهيم خاطئة عن إرتجاع المرئ

1- ناس كتير لما يجيلها إحساس بالحموضة أو الحرقان بتروح  تشرب لبن؛ والحقيقة إن اللبن فى البداية هيريحها ويخفف الأعراض لحظياً؛ بس بعد كده الحموضة بتزيد لأن المعدة بترجع تفرز حمض بنسبة كبيرة علشان تعوض اللى نقص و ده بيزيد من اعراض ارتجاع المرئ.

ده غير إنه لو اللبن ده مش منزوع منه الدهون أو يعني كامل الدسم؛ فده كمان سبب من اسباب ارتجاع المرئ لأن الدهون بتزود الأحساس بحرقان الصدر والحموضة.

٢-السيدات الحوامل: دايما تفسير الحموضة اللي بيصابوا بيها بيكون إنها من شعر الجنين! ولكن ده مش صحيح إطلاقاً والسيدة بتكون بتعاني من الإرتجاع و لازم تستشير الطبيب علشان تاخذ العلاج المناسب لحالتها، وممكن يتمعلاج ارتجاع المريء بالعسل للحامل.

آخر التطورات والأبحاث الخاصة بإرتجاع المرئ

  • الحديث فى علاج ارتجاع المرئ هو تدخل جراحي ولكنه بسيط بيتم فيه إدخال جهاز إسمه لينكس؛ وده عبارة عن حلقة مصنوعة من المغناطيس بيتم تثبيتها فى الفتحة اللي بتوصّل المعدة بالمريء علشان تمنع ارتجاع حمض المعدة وتخلي حركة سير الغذاء بشكل طبيعي؛ لكن بيراعي سن مريض ارتجاع المرئ ولو عنده حساسية لمكونات مادة التيتانيوم المغناطيسي.
  • جهاز لينكس لعلاج ارتجاع المرئ له فوائد وعيوب على حسب حالة المريض لكن لم يثبت أنه مفيد أو ضار لمرضى سرطان المريء.
  • الجهاز بيحصلّه تمدد عند البلع ومرور الغذاء، وبعدين يرجع  يقفل بإحكام العضلة.
  • تم اكتشاف أجهزة حديثة تكشف عن إرتجاع المريء بشكل غير تقليدي، وده لأنها بسيطة و بتتم بفحص لعاب المريض فقط، و بيتم فيه فحص نسبة حمض المعدة، بما في ذلك كمية إنزيم الببسين “إنزيم بالمعدة” و بيكون موجود  في اللعاب في حالة الإصابة بارتجاع المريء، فظهورها بكميات أعلى من المعدل الطبيعي معناه تأكيد اصابة المريض بارتجاع المريء.
  • طرح ادوية لعلاج ارتجاع المرئ “ديكسلانزوبرازول” بجرعة ليها مفعول مزدوج، يعنى تكفي إن مريض ارتجاع المرئ يأخذ كبسولة واحدة فقط فى اليوم الواحد، ومن الدواء ده في علاج ارتجاع المرئ انك ممكن تاخده في أي وقت ومش شرط قبل ولا بعد تناول الطعام وبالتالي ده بيمثل راحة لناس كتير، و بالأخص الناس اللى بتنسى تاخد الأدوية.
  • وما زالت الأبحاث والدراسات العلمية شغالة لحين الوصول لحلول أكثر راحة لمرضى ارتجاع المرئ، وأقل معاناة ، لكن العامل الأول والأخير هو المريض (بالحفاظ على عادات غذائية سليمة؛ وجسم صحي وحياة بعيدة عن التوتر والقلق علشان يتجنب اعراض ارتجاع المريء النفسيه ، وبكدا يستطيع الوقاية بكل سهولة من إرتجاع المريء)
i

المصادر االانجليزي

Englishدوس هنا عشان تشوف المصادر الـ

  1. معلومات عن ارتجاع المرئ
    https://www.mayoclinic.org/
  2. فتق الحجاب الحاجز من أسباب ارتجاع المرئ
    المركز الوطني لمعلومات التكنولوجيا الحيوية
    https://www.ncbi.nlm.nih.gov/pmc/articles/PMC2579017/
  3. علاقة ارتجاع المرئ بمرض الربو
    من المعهد الوطني للسكري وأمراض الجهاز الهضمي والكلى
    https://www.niddk.nih.gov/health-information/digestive-diseases/acid-reflux-ger-gerd-adults/definition-facts
  4. علاقة ارتجاع المرئ بدوالي المرئ
    المركز الوطني لمعلومات التكنولوجيا الحيوية
    https://www.ncbi.nlm.nih.gov/pubmed/18958550
  5. علاج ارتجاع المرئ بالأعشاب
    https://www.healthline.com/health/gerd/melatonin#1
  6. علاج ارتجاع المريء بالعسل
    المركز الوطني لمعلومات التكنولوجيا الحيوية

    https://www.ncbi.nlm.nih.gov/pmc/articles/PMC3978955/
  7. هل انواع ادوية ارتجاع المرئ تسبب فشل كلوي؟
    مؤسسة الكلى الوطنية بالولايات المتحدة
    https://www.kidney.org/atoz/content/acid-reflux-and-proton-pump-inhibitors
i

المصادر العربي

وختاماً : ما تكسلش  تروح للدكتور المختص فى حالة تعرضك لواحدة من اعراض ارتجاع المرئ زي الحموضة وحرقان الصدر بشكل مزعج ومتكرر مرتين أسبوعياً على الأكثر؛ ولا تستهين بأي أعراض مزمنة لا تستجيب لأى علاج؛ لأنها ممكن تكون بداية لشيء خطير لو ما أخدتش علاج  للمرض الأساسي ، وتنويه بسيط قبل لما نختم: أي ادوية لعلاج ارتجاع المرئ لابد من أخذها تحت إشراف ورعاية الدكتور المختص لتوضيح الجرعة المناسبة.