pointer

الكبد

العضو اللي بيتم اصابته بفيروس سي ، يعتبر الكبد من أعضاء الجهاز الهضمي لأنه بيُساعد في عملية الهضم، و بيُنْتِج الصفراء وهي عبارة عن مُركب قلوي يساعد في تفتيت وهضم الدهون

pointer

الدوخة و عدم التركيز

Content Here

pointer

اصفرار بياض العين

Content Here

pointer

القئ و الاحساس بالغثيان

Content Here

pointer

تغير في لون البول للون الداكن

Content Here

pointer

ألاّم في المفاصل و العضلات

Content Here

pointer

احمرار راحة الكفين و ارتفاع درجة حرارتهم بطريقة ملحوظة

Content Here

pointer

الام في المعدة و في المنطقة المحيطة بيها

Content Here

لو عايز تنجز نفسك تقدر تسمع أعراض فيروس سي و الأسباب و العلاج بطريقة مختصرة و من غير قراءة

by a3raad.com

أعراض فيروس سي

:أعراض فيروس سي في بدايته 

في الغالب مبتظهرش أي أعراض مميزة على المريض إلا بعد عدة سنوات و يمكن ده السبب في عدم اكتشاف فيروس سي مبكرًا،و  في المدة دي بيكون فيروس سي سبّب ضرر في الكبد بشكل كافي يسمح بظهور أعراض فيروس سي المتطورة،  و من  أعراض فيروس سي في بدايته:

  1. الشعور بالتعب والإرهاق العام في الجسم.
  2. الدوخة وعدم التركيز.
  3. القيئ و الاحساس بالغثيان.
  4. فقدان الشهية وعدم الرغبة في الأكل و نقص الوزن.
  5. آلام في المفاصل والعضلات.
  6. اعراض فيروس سي على الوجه تشمل صفرار  بياض العينين والإرهاق العام.
  7. تغيّر لون البول إلى اللون الداكن، يشبه لون الشاي.
  8. تغيّر لون البراز إلى اللون الرمادي.
  9. الصداع المستمر.
  10. آلام بالمعدة و في المنطقة المحيطة بها و خاصة الربع الأيمن بجانب المعدة و هو مكان تواجد الكبد.
  11.  النزيف و الاصابة بالكدمات بيحصلوا من أصغر حاجة.
  12. الارتباك وثقل اللسان.
  13. ظهور شكل الأوعية الدموية على البشرة  زي شكل شبكة العنكبوت.
  14. احمرار في راحة الكفين و ارتفاع درجة الحرارة بطريقة غير ملحوظة .

تطور أعراض فيروس سي :

يتطور التهاب الكبد وتظهر أعراض فيروس سي النشط أو أعراض فيروس سي الخامل و يتحول التهاب الكبد الفيروسي سي لتليّف كبدي.
وبتظهر  أعراض فيروس سي النشط بشدة إذا كان فيروس سي في حالة تكاثر في خلايا الكبد.
أما أعراض فيروس سي الخامل بتظهر إذا كان فيروس سي يختبئ في حلايا الكبد بأعداد كبيرة لكن من غير تكاثر سريع .

و تطور اعراض التهاب الكبد الفيروسي بتكون خطيرة جدا زي:

  1. تلف في الدماغ والأعصاب وده ناتج عن تراكم السموم في الدم.
  2. سهولة النزيف والتكدّم: و دا بيحصل نتيجة زيادة ضغط الدم وبالتالي الأوعية الصغيرة معندهاش القدرة على استيعاب كمية الدم القادمة ليها فبيحصل نزيف بسبب الحِمل و الضغط الزائد عليها، النزيف دا لو اتطور و سبِّبْ للمصاب نزيف في المرئ وبالتحديد الأوعية والأوردة الموجودة في الجزء السفلي من المرئ، هيعرض حياة المريض للخطر خصوصاً ان ضعف الكبد مش هيساعده في إنتاج ما يكفي من عوامل التجلط اللي ممكن تساعد في وقف النزيف.
  3. مشاكل في الذاكرة والتركيز. 
  4. تورّم البطن والساقين: وده نتيجة لتراكم السوائل في البطن والساقين بسبب عدم قدرة الكبد على إنتاج البروتينات.
  5. نزف الدم من الجهاز المعوي: وده بيحصل نتيجة تضخم الشرايين في الجزء اللي بيربط الحلق بالمرئ و الحالة دي تعرف باسم دوالي المرئ. 
  6. تراكم المواد السامة في مجرى الدم: والحالة دي بتحصل بسبب اختلال الوظائف الخاصة بالكبد. 
  7.  ارتفاع ضغط الدم: وخصوصا في الأوردة اللي بتزود الكبد بالدم و ده نتيجة ان تليّف الكبد بيخلي تدفق الدم للكبد بطيء، وبالتالي هيزيد ضغط الدم القادم للكبد. 
  8. تضخم الطحال: نتيجة التليّف وتغيّر ضغط الدم.
  9. فقدان الكثير من الوزن: بسبب سوء التغذية و فقدان الشهية و بسبب ضعف معالجة المواد الغذائية وعدم إفراز الصفراء اللي بتساعد في عملية هضم الطعام.
  10. ضعف في الجهاز المناعي: وبالتالي بيكون من السهل جدا إصابة مريض فيروس سي او مريض التهاب الكبد الوبائي بأمراض اخرى.
  11. حدوث اصفرار في الجلد: واللي معروف باليرقان أو مرض الصفراء  وهو نتيجة عدم قدرة الجسم على التخلص من السموم الزائدة.
  12. ضعف العظام: فبيكون المريض اللي عنده اعراض التهاب الكبد الوبائي أكثر عرضة للإصابة بكسور العظام.

هل تختلف أعراض فيروس سي عند النساء من الرجال أو الأطفال ؟

مفيش اي اختلاف في ظهور اعراض التهاب الكبد الوبائي  في الذكر عن الأنثى، إلا أن من ضمن أعراض التهاب الكبد الوبائي عند بعض الرجال هو إحتمالية الإصابة بضمور للخصية وكبر حجم الثدي و المعروف بمرض التثدي عند الرجال.

أسباب فيروس سي

  • معظم الدراسات اللي اتعملت أثبتت أن 80 % من المصابين بمرض فيروس سي أو التهاب الكبد الوبائي معروف طريقة انتقال فيروس سي إليهم، وفي حوالي 20% غير معروف سبب إصابتهم بالمرض.
  • سبب رئيسي من أسباب فيروس سي هو انتقال فيروس سي عن طريق الدم نتيجة انتقال الدم من شخص مصاب بفيروس سي إلى شخص سليم.
  • و ممكن يحصل إنتقال لفيروس سي بطرق أخرى غير شائعة لسه لم يتوصل لها العلماء، ولكن أغلب الأوقات ينتقل فيروس سي بسبب الحقن عن طريق  الوريد لما استعمال الحقن الملوثة بفيروس سي مرة أخري بعد استخدامها من شخص مريض بالتهاب الكبد الفيروسي.
  • لا ينتقل مرض الكبد الوبائي عن طريق التنفس.
  • لا ينتقل التهاب الكبد الوبائي من الحيوانات أو الحشرات إلى الإنسان.


=> كيف ينتقل فيروس سي لجسم الإنسان:

  1. الوخز أو الشك بالابرة بعد استخدامها مع شخص مريض بفيروس سي
  2. نقل الدم من شخص مريض يحمل فيروس سي إلى شخص أخر غير مريض بفيروس سي و يحتاج لنقل دم)  وفي الحالة دي يرجى عمل تحليل للشخص اللي هيقوم بعملية التبرع بالدم قبل التبرع.

  3.  مشاركة الحقن مع الأشخاص آخرين زي في تعاطي المخدرات.
  4. ممكن ينتقل فيروس سي و يحصل التهاب الكبد الوبائي نتيجة الغسيل الكلوي عن طريق الدم المتبقي على جهاز غسيل الكلى في حالة عدم التعقيم الجيد، و بالتالي لازم تاخد بالك من الأماكن اللي بتختار تعمل فيها غسيل كلى لو كنت أحد المصابين بالفشل الكلوي. 
  5. بعض الأشخاص المصابين بمرض العوز المناعي [الإيدز]. 
  6. الوشم  نتيجة إستخدام شخص سليم لنفس الأدوات بعد شخص مريض فيروس سي.
  7. ممكن يحصل انتقال فيروس سي أثناء عمليات الثقب زي ثقب الأذن والأنف وأشياء مشابهة.  
  8. في حالة الحمل و الأم مصابة بفيروس سي بتكون في فرصة لانتقال المرض للجنين، بس المرض مبيتنقلش  بالرضاعة فلو حصل إصابة هيكون أثناء الحمل.
  9. استعمال أدوات الحلاقة الخاصة بشخص مريض بفيروس سي عند الذهاب إلى الحلاق.
  10. الاصابة في المستشفيات نتيجة استعمال ابر الخياطة أو الأدوات الجراحية من غير تعقيم كويس.
  11. استخدام  الأدوات الخاصة بحد مريض فيروس سي  زي فرش الأسنان، آلة قص الاظافر.

علاج فيروس سي

بعض العلاجات الطبيعية غير مثبته طبياً:

  • في علاج فيروس سي ممكن يتم استخدام  علاجات طبيعية كعوامل مساعدة الى جانب المتابعة الطبية مع الدكتور المتخصص، ولكنها لا تغني عن ضرورة زيارة الطبيب و اتباع تعليماته و أخذ الأدوية اللي هيتم وصفها بإنتظام حسب درجة تطور التهاب الكبد الوبائي.
  • ومن طرق علاج فيروس سي طبيعيًا هو علاج فيروس سي بالاعشاب الطبيعية لكنها غير موثقة طبياً او علمياً رغم انها  دارجة و مستخدمة، ولا ننصح باستخدامها إلا بعد استشارة الطبيب:
  1. البنجر: كان يستخدم في الهند قديماً لتعزيز وتجديد خلايا الكبد.
  2. العرقسوس: له فاعلية في علاج التهاب الكبد الوبائي بشكل عام، والتهاب الكبد الوبائي المزمن بشكل خاص، لكن لا تستخدم بشكل يومي لأنها تسبب ارتفاع ضغط الدم، ويُفضل الابتعاد عن العرقسوس تمامًا في حالة إن كنت مريض بأحد أعراض ارتفاع ضغط الدم.
  3. شيزاندرا: وهو نبات عشبي صيني يستخدم لحماية الكبد.

:أنظمة غذائية لمريض فيروس سي يجب اتباعها

1. ابدأ اعتمد على الخضار و الفاكهة بصورة أساسية في روتين أكلك اليومي.
2. حافظ على نسبة البروتين اللي لازم تدخل جسمك بشكل يومي، لأن دا هيمدّك بالطاقة اللي هتحتاجها في يومك و هيحسسك بالشبع، و تقدر تاخد البروتين من أكلات زي السمك و البيض و الجبنة، لكن خد بالك إن لازم تحدد نسبة البروتين في أكلك كمريض فيروس سي مع أخصائي تغذية.
3. الحبوب الكاملة زي الشوفان و الدقيق،  كل دول ممكن نقول عليهم كربوهيدرات معقدة جسمك محتاجهم و تحديدا الكبد لأنها بتحميه من حدوث مضاعفات و بتحسن من صحته.
4. ابعد عن المسبّكات و المقليات و حاول اي حاجة تاكلها تكون مسلوقة او مشوية بس.
5. ابعد عن السكر والحلويات واستبدلهم  بالفاكهة.
6. ابعد عن التدخين و الكحوليات.
7. ابعد عن المعجنات و المخبوزات.

علاج فيروس سي بالأدوية

اسماء أدوية فيروس سي

  1. حقن الإنترفيرون: نوع من الأدوية بيساعد في تقوية جهاز المناعة لمقاومة فيروس سي ومقاومة الإصابة بالأمراض الأخري،  ولها بعض الآثار الجانبية
  2. العلاج المركب: وهو عبارة عن حقن الإنترفيرون مع بعض أنواع الكبسولات، والكبسولات اسمها ريبافيرين. {Pegylated Interferon + Ribavirin} ويحدد الطبيب المختص جرعة و مدة علاج فيروس سي بالعلاج المركب ده.
  3.  عقار السوفالدي.
  4. جليكا بريفير وبيبرنتا سفير {Glecaprevir/Pibrentasvir } .
  5.  إلبا سفير/غرازو بريفير:{Elbasvir/grazoprevir } .
  6.  ليديباسفير/سوفوسبوفير: {Ledipasvir/sofosbuvir} .
  7. زراعة الكبد: ويتم أخذ جزء من كبد شخص سليم وزرعه في مريض فيروس سي، وبعدها يتم شفاء الشخص المريض ويصبح سليماً تماماً، ولكن في احتمالية بنسبة مش كبيرة إن يحصل الإصابة بفيروس سي مجدداً بعد عملية زراعة الكبد.

وتختلف مدة علاج فيروس سي و تناول أي نوع من ادوية فيروس سي حسب شدة خطورة التهاب الكبد الوبائي و مدى استجابة المريض للعلاج.

ملخص المقال كله في الانفوجرافيك دا


ايه هو فيروس سي


مراحل تطور فيروس سي


مضاعفات فيروس سي


تشخيص فيروس سي


علاقته بالأمراض الأخرى


امتى تروح للدكتور


التعايش مع فيروس سي


مفاهيم خاطئة عن فيروس سي


اخر التطورات العلاجية


المصادر

 ما هو فيروس سي ؟

فيروس سي أو التهاب الكبد الوبائي هو مرض مُعدي يُصيب الكبد بالتحديد وينتقل للأفراد عن طريق الدم، و يسبب فيروس سي للكبد التهابات حادة (في المراحل الأولى منه) علشان كده الأطباء بيُطلقوا عليه التهاب الكبد الفيروسي، لكن لما يتطور فيروس سي بيتحول التهاب الكبد الوبائي دا لأمراض أخطر زي تليّف الكبد، و ساعتها مريض فيروس سي أو التهاب الكبد بيكون مُعَرَّض  للإصابة بسرطان الكبد.

 دور الكبد في جسم الإنسان :

  • الكبد :  من أهم الأعضاء في جسم الإنسان واسمه بالإنجليزية {Liver} يعني المُحيي من الحياة  وده بيدل على أنه مهم جداً في حياة جميع البشر، الكبد موجود في الناحية العُلوية اليُمْنَى من البطن تحت الضلوع وتحت منطقة الحجاب الحاجز، و يَبلغ وزنه حوالي 1.5 كيلو تقريباً، وعرضه حوالي 15 سـم؛ علشان كده يُعْتَبر أثقل عضو داخلي و أكبر غُدَّة في جسم الإنسان.
  • و يعتبر الكبد من أعضاء الجهاز الهضمي لأنه بيُساعد في عملية الهضم، و بيُنْتِج الصفراء، و مادة الصفراء دي عبارة عن مُركب قلوي يساعد في تفتيت وهضم الدهون، وكمان بيشارك في أدوار تانية في جسم الانسان زي أنه بيساعد في تنقية الدم من السموم، و في تركيب البروتينات، وتنظيم تخزين الجليكوجين، وتفكك كريات الدم الحمراء، وإنتاج الهرمونات، غير وظائف كتير للكبد داخل جسم الإنسان  قُدّرت بحوالي 500 وظيفة.

 

 اعراض فيروس سي:

أعراض فيروس سي تنقسم لنوعين وهما أعراض فيروس سي النشط و أعراض فيروس سي الخامل وبتختلف بأختلاف مراحل تطور وتكاثر فيروس سي في الكبد..
لأن لما فيروس سي بيدخل جسم الانسان ويوصل للكبد بيبدأ يتكاثر علشان يوصل لعدد كبير جدا من خلايا الكبد في وقت قصير وبيبدأ يسبب التهاب الكبد الفيروسي وبالتالي يحصل ضرر أكبر من مجرد التهاب الكبد زي تليف الكبد و سرطان الكبد،  والضرر اللي بيحصل للكبد نتيجة التهاب الكبد الفيروسي نقدر نقسمه إلى 4 مراحل:

المرحلة الرابعة من أعراض فيروس سي: سرطان الكبد

أخر أعراض فيروس سي بتحصل بعد اصابة الكبد بالتليف التام و بيكون مريض فيروس سي في المرحلة دي أكثر عرضة للإصابة بسرطان الكبد.
و بالتالي الدكتور عشان يحاول يسيطر على انتشار فيروس سي في الكبد بيبدأ يعمل فحوصات دورية من بداية تشخيصه لمرض التهاب الكبد الوبائي لحد انتهاء كورس علاج فيروس سي والشفاء منه.

المرحلة الثالثة من أعراض فيروس سي: التهاب الكبد المزمن

أعراض فيروس سي في المرحلة دي بتكون غالبًا أعراض  فيروس سي الخامل ده في حالة نقص نشاط تكاثر فيروس سي و تمكنه بأعداد كبيرة جدا من خلايا الكبد.
لأن في المرحلة دي الكبد يتوقف عن المقاومة ويبدأ التهاب الكبد دا يتطور و يؤثر على وظائف الجسم و بيبدأ مريض التهاب الكبد يحس بأعراض تمنعه عن مواصلة الأنشطة الحياتية بشكل طبيعي، و إما بيتم الاكتشاف و المعالجة عن طريق أخذ عينة من الكبد و تحاليل الدم، أو بتتطور أعراض فيروس سي وتوصل لمرحلة تليُّف الكبد.
و ممكن تستمر المرحلة دي لمدة من 20 ل 30 سنة من غير ما يظهر على المريض أي أعراض.

المرحلة الثانية من أعراض فيروس سي: التهاب الكبد الفيروسي الحاد

أعراض فيروس سي النشط بتظهر بشدة في المرحلة دي لأن فيروس سي بيزيد نشاطه في جسم الإنسان و يأثر على الكبد بقوة، وبتظهر الأعراض دي على هيئة التهابات حادة على الكبد.
التهابات الكبد دي بتظهر نتيجة مقاومة الكبد لفيروس سي؛ و حاجة من الاتنين إما أن الكبد  يتخلص من فيروس سي فعلاً و يقدر يقاومه، أو ينتقل مريض فيروس سي للمرحلة التالية و هى التهاب الكبد الفيروسي المزمن، و فترة المقاومة دي بتاخد حوالي 6 أشهر.

المرحلة الأولى من أعراض فيروس سي: فترة الحضانة

أعراض فيروس سي النشط بتكون في فترة حضانة الجسم لفيروس سي لحد بداية ظهور الاعراض على المصاب،و بتستمر المرحلة  دي بتكون ما بين 40 لـ 80 يوم.
في أول شهر من المرحلة دي غالبًا بيكون لسه أعراض فيروس سي في بدايته غير واضحة والمريض مش بياخد باله علشان كدة صعب اكتشاف فيروس سي مبكرًا.

 مضاعفات التهاب الكبد الوبائي فيروس سي:

فيروس سي يسبب ضمور الكبد

الإصابة بالتهاب الكبد الوبائي أو فيروس سي بيسبب ضمور الكبد كمرحلة أخيرة بعد الإصابة بتليف الكبد نتيجة انكماش و نقص في حجم خلايا الكبد.

فيروس سي يسبب سرطان الكبد

الإصابة بفيروس سي يسبب تليف الكبد اللي بيتطور و ينتج عنه الإصابة بسرطان الكبد.
في دراسات كتير بتأكد أن المصابين بسرطان الكبد في الأصل مصابين بتليّف الكبد.
وتُعتبر الإصابة بسرطان الكبد نتيجة الإصابة بفيروس سي هي المرحلة الرابعة والأخيرة من أعراض فيروس سي.

فيروس سي يسبب تليف الكبد

تليف الكبد أو تشمع الكبد هما مصطلحان بيعبروا عن نفس الحالة اللي بيوصلها الكبد بسبب فيروس سي كأحد مضاعفات فيروس سي.
واللي بيحصل الكبد بيتكون فيه ندوب بسبب تغذي فيروس سي على خلايا الكبد و ممكن نوصف كتر الندوب و الحفر دي في الكبد بأن خلايا الكبد بتبدأ تتحول (لنسيج ليفي).
ومرض تليف الكبد هو مرحلة متأخرة من تشمع الكبد، و أتسمى بنسيج ليفي بسبب ظهور تجمعات لخلايا ميتة على السطح الخارجي للكبد، و من أخطر مضاعفات تشمع الكبد هو نزيف دوالي المرئ.

: تحليل فيروس سي 

تحاليل قبل التأكد من الإصابة بفيروس سي

في تحاليل مبدئية لازم تتعمل عشان الدكتور يتأكد من إصابة المريض بفيروس سي ، و عشان يعرف الكبد بيشتغل بكفاءة قد ايه، و لو المريض مصاب بأي مرض مزمن تاني ممكن الدكتور يطلب ممكن تحاليل تانية زيادة.

تحاليل للتأكد من الاصابة بفيروس سي

 في الغالب اللي بيتم حاليًا هو تحليل الدم العادي CBC وده بيتم بأخذ عينة عشوائية من الشخص اللي عاوز يتأكد من احتمالية الإصابة بفيروس سي، والعينة دي بتوضح إذا كان في احتمالية لإصابة الشخص بفيروس سي ولا لأ، لكن التحليل دا منقدرش نعتبره دليل قطعي على وجود فيروس سي لكنه مجرد مؤشر على  احتمالية الإصابة بفيروس سي ولا لأ؛  بمعنى ايه؟ بمعني ان ممكن يكون الشخص اتعرض للإصابة بفيروس سي قبل كده وأصبح من ال 25% اللى قدر الجهاز المناعي الخاص بيهم يتغلب على فيروس سي، و علشان يتم التأكد من الإصابة بفيروس سي لازم يتم عمل تحاليل تانية زي تحليل Elisa و تحليل وظائف الكبد و تحاليل الـ PCR.

فحوصات دورية بعد التأكد من الإصابة بفيروس سي

دي شوية فحوصات مريض التهاب الكبد الفيروسي سي بيضطر يعملهم كل فترة، والدكتور المتخصص بيبلغك بيها لمتابعة تطور فيروس سي و عشان يعرف مدى استجابة الجسم لعلاج فيروس سي

تحاليل لمتابعة فيروس سي

A.  تحليل اليزا {ELISA} :
  • في حالة الإصابة بفيروس سي، جسمك بينتج أجسام مضادة عشان يقاوم الفيروس ده، تحليل اليزا بيقوم بكشف هل فيه أجسام مضادة لفيروس سي متكونة في الدم ولا لأ.
  • لو كانت نتيجة تحليل فيروس سي negative أو سلبي بعدم وجود أجسام مضادة  دا معناه انك مش مصاب ولو كانت نتيجة تحليل فيروس سي positive أو ايجابية دا معناه ان جسمك مصاب حاليًا أو كان مصاب بفيروس سي، بس دا مش معناه ان فيروس سي نشط، يعني ممكن يكون كان عندك و جسمك قدر يقاومه بس الدم بيفضل محتفظ بالأجسام المضادة دي.
  • و علشان كده يعتبر تحليل فيروس سي اليزا مش تحليل نهائي لتحديد مرحلة الإصابة بفيروس سي و هتحتاج تعمل النوعين التانيين من التحاليل اللي جاية.
 B. تحليل الـ  {PCR} المعروف طبيًا باختبار تفاعل البوليميراز المُتسلسل:

تحليل PCR بنعرف عن طريقه هل فيروس سي نشط و لا لأ وبنعرف من خلاله نسبة فيروس سي النشط.
لو كانت نتيجة pcr سلبي يعني عدم وجود الحمض الوراثي لفيروس سي داخل جسم الانسان  يعني كدة الشخص ده غير مصاب بفيروس سي.
و لو كانت نتيجة PCR ايجابي، ده معناه ان الشخص مصاب بفيروس سي.

C. تحليل وظائف الكبد:

في حالة حدوث ضرر لخلايا الكبد عند مريض فيروس سي، بيبدأ الكبد في فرز إنزيمات يتم امتصاصها في الدم، و كل ما يزيد افراز الانزيمات دي و تزيد نسبتها في الدم ويبدء يظهر فيروس سي في الدم بعد الاصابة، كل ما نعرف حجم الضرر اللي أصاب الكبد، ودور تحليل وظائف الكبد انه يقيس نسبة الإنزيمات دي في الكبد.

D. تحليل النمط الجيني:

تحليل النمط الجيني لفيروس سي هو تحليل يتم عمله لمعرفة أي نوع من فيروس سي عند مريض فيروس سي وبناء عليه بيتم تحديد مدة علاج فيروس سي.
لأن في ما لا يقل عن 6 أنواع من الأنماط الجينية الخاصة بفيروس سي، والنوعين {1 و 4} محتاجين مدة علاج فيروس سي أطول عن مدة علاج فيروس سي من النوعين {2 و 3}.
وغالبًا أكتر نوع فيروس سي منتشر في مصر هو فيروس سي من النمط الجيني 4.

E. تحليل خزعة الكبد:

تحليل خزعة الكبد المقصود بيه هو أخد عينة من نسيج وخلايا الكبد عن طريق إبرة رقيقة جداً بيتم إدخالها عن طريق البطن ويتم فحص عينة نسيج الكبد دي مجهرياً تحت الميكروسكوب علشان نعرف مدى خطورة فيروس سي وتليف الكبد.

F. أشعة بجهاز الـ Fibroscan:

جهاز fibroscan هو جهاز موجات صوتية دوره انه يعمل الأشعة اللي بتعرفنا مدى الضرر اللي أصاب أنسجة الكبد، وانه يتأكد من وجود تلّيف بالكبد او لأ، و يعرف مدى مرونة أو صلابة انسجة الكبد.

F.عمل موجات فوق صوتية:

بيتم عمل تصوير للكبد لمعرفة مدى كفاءته في أداء وظائفه، و رؤية الوريد البابي و الطحال و الكلى و مدى تأثرهم بالكبد، و هل فيه أي اورام الكبد او بؤر او ندوب بالكبد ولا لأ.

وفقا لمنظمة الصحة العالمية أن 80 % من الأشخاص المصابة بفيروس سي لا تظهر عليهم أعراض فيروس سي في بدايته، ومع تطور التهاب الكبد ووصوله لمرحلة التهاب الكبد المزمن ممكن يحصل مضاعفات أخرى نتيجة تكاثر وانتشار فيروس سي بأعداد كبيرة جدا في الكبد، لحد ما بيحصل تطور لفيروس سي ويوصل لمراحل متأخؤة، ويقصد بالمرحلة المتأخرة هنا أن الكبد يتعرض للتَشَمَُع او التليُّف نتيجة الإصابة بالتهاب الكبد الفيروسي واستمراره على مدار سنوات من غير اي استجابة لعلاج فيروس سي و في الحالة دي الكبد مبيقدرش يقوم بالوظائف الخاصة به، وبيكون معرض بصورة أكبر للإصابة بسرطان  الكبد.

علاقة فيروس سي بالأمراض الأخرى؟

علاقة فيروس سي والحالة النفسية للمريض ؟

  • توجد علاقة بين الإصابة بفيروس سي  والحالة النفسية للمريض حيث أثبتت الدراسات أن الحالة النفسية للمريض تتأثر تدريجياً عنده معرفته بأنه مصاب بفيروس سي، حتى دون التأكد من مدى إصابته وعلاجها، ويعاني بعض المرضى من الإحباط الشديد والتوتر وقد تصل إلى حالات اكتئاب.
  • وأوضحت الدراسات التي تمت أنه توجد علاقة بين فيروس سي والحالة العصبية للمريض حيث أثبتوا أن بعض الأشخاص المصابين يفيروس سي تحدث لهم بعض الحالات العصبية مثل الاعتلال العصبي الطرفي  وده عبارة عن مرض بيصيب الأعصاب الطرفية مما يسبب للمريض الإحساس بالتنميل في القدمين.

علاقة فيروس سي ومرض السكر ؟

  • وفق ابحاث كتير اتعملت بـمنظمات طبية مشهورة زي nbci -US National Library of Medicine / National Institutes of Health- و موقع WebMed بتأكد أن في علاقة قوية بين فيروس سي و بين مرض السكر، ففي حالة الإصابة بأحدهم بيحفّز وجود الآخر كالتالي:
  • مرضى السكر أكثر عرضة للإصابة بتليّف أو تشمّع بالكبد وده بيكون عن طريق تخزين الجليكوجين بنسبة ممكن توصل لـ 80% في خلايا الكبد و بالتالي دا بيعرض الكبد للتلف نتيجة الحمل الزايد عليه بكمية الجليكوجين الكبيرة، في حالة الاصابة بالتهاب الكبد الفيروسي سي و كنت احد مصابي مرض السكر لازم تتابع بصفة دورية مع دكتور الباطنة الخاص بيك علشان تحاول تتجنب سرعة الإصابة بتليف الكبد.
  • الجليكوجين: عبارة عن جزيئات من الجلوكوز متجمعة مع بعض مسؤولة عن إمداد الجسم بالطاقة وبتتخزن في الكبد، لكن في حالة زيادة المخزون منها في الكبد ده بيعرض الكبد للإصابة بتليف الكبد.
  • الأنسولين : هو الهرمون اللي بيساعد على تخزين الجلوكوز في الكبد و اللي بيتم استخدامه في صورة حقن  لعلاج مرضى السكر.
  • أثبتت أيضا الدراسات  أن 25 % من المصابين بفيروس سي أكثر عرضة للإصابة بمرض السكر، ودا بسبب التهاب الكبد اللي بيشترك في إدارة و تخزين السكر في جسم الإنسان.

 إمتى تروح للدكتور ؟

فيروس سي القاتل الصامت:

فيروس سي بيطلق عليه بعض الاطباء اسم المرض القاتل الصامت لعدم وضوح أعراض فيروس سي في بدايته، و ده لأن مريض فيروس سي مبيعرفش أنه مُصاب بفيروس سي إلا بعد تفشي المرض بصورة كبيرة في الكبد نتيجة قدرة فيروس سي على التكاثر بعدد كبير في فترة قصيرة.

هل يمكن اكتشاف فيروس سي مبكرًا؟

  • أغلب المصابين بفيروس سي مبيعرفوش أنهم مصابين بفيروس سي إلا عن طريق الصدفة  علشان كدة مبيحصلش ويتم اكتشاف فيروس سي مبكرا إلا لما يروحوا للدكتور بسبب شوية تعب وإرهاق وإعياء، فبيطلب منهم الدكتور القيام بعمل بعض التحاليل للتأكد من احتمالية الإصابة بالتهاب الكبد الفيروسي.
  • او عند التبرع بالدم فيعرف المريض انه مصاب بفيروس سي عن طريق الصدفة، وعلشان كده لازم يتم عمل فحوصات بصورة مستمرة  كل 6 شهور على الأقل عشان تلحق ظهور فيروس سي في بدايته، لكن دا للأسف مش بيحصل و مش موجود في ثقافتنا ولا في روتين حياتنا.
  • في حالة اكتشاف الإصابة بفيروس سي لازم تبدأ تتابع مع دكتور متخصص في أمراض الجهاز الهضمي و الكبد، ووقتها الدكتور هيطلب منك شوية فحوصات وتحاليل فيروس سي اللي لازم تعملها بصورة دورية  لحين اتمام الشفاء.
  • في حالة عدم اكتشاف فيروس سي مبكرًا عن طريق الصدفة زي ما بيحصل، فلازم تروح لدكتور لو حسيت بأحد أعراض فيروس سي التي تم ذكرها سابقا ومنهااصفرار بياض العين، و إنتفاخ الأطراف وتغير لون البول والبراز.

 أمراض مشابهة  لفيروس سي:

أعراض فيروس سي في بدايته بتشبه لحد كبير أعراض الإصابة بأنواع تانية من الفيروسات، زي أعراض التهاب الكبد  بي الناتج عن فيروس B]  HBV] والتهاب الكبد الفيروسي الناتج عن الإصابة بفيروس A ] HAV] ، ودا لأن أعراض الإصابة بالنوع ده من الفيروسات بيسبب الأحساس بالإرهاق الدائم و الغثيان و فقدان الشهية و نقص الوزن.

تطعيم ضد فيروس سي:

لحد دلوقتي مفيش تطعيم ضد فيروس سي لأن فيروس سي بيقدر يغير شكله بأستمرار وبالتالي اي تطعيم ضد فيروس سي بيكون مش فعال، لكن في تطعيم أطفال ضد فيروس A اللي بيسبب التهاب الكبد أ، و تطعيم أطفال ضد فيروس بي B اللي بيسبب التهاب الكبد الفيروسي بي.

الادوية الممنوعة لمرضى فيروس سي:

  • ادوية السكر تتعارض مع بعض ادوية فيروس سي علشان كدة لازم  تظبط مستوى السكر في الدم قبل ما تبدء في علاج فيروس سي.
  • أدوية الضغط يمكن تتعارض مع ادوية فيروس سي اللي بتسبب ارتفاع في ضغط الدم، علشان كدة لازم تتابع مع دكتور باطنة يظبط معاك مستوى ضغط الدم قبل ما تبدء في علاج فيروس سي و لازم تقيس ضغط الدم باستمرار.
  • ادوية أمراض القلب: لو كان مريض فيروس سي يعاني من ضعف عضلة القلب يمكن ينصحه الدكتور بتأجيل علاج فيروس سي مؤقتاً لحد ما تتحسن الحالة الصحية للقلب.
  • أدوية الأورام:  يُفضل إن مريض فيروس سي يستنى فترة قبل ما يبدء في علاج فيروس سي لو كان بيعاني من الأورام أو العلاج بالإشعاع علشان يتجنب الوجع الشديد وقت علاج المرضيين مع بعض و ميحصلش تعارض أو تداخل  بين أدوية فيروس سي و أدوية علاج الأورام.

يجب على المريض معرفة أن الأمر كله بيد الله وما أصابه لم يكن ليخطأه وما أخطأه لم يكن ليصيبه؛ عليه استجماع قوته للخوض في رحلة العلاج والقضاء على المرض بعزيمته وقدرته و اعتباره غير موجود من الأساس ولنا في ذلك أمثلة من كانوا مصابين وتعافوا بسبب استمرارهم ومحافظتهم  على العلاج بصفة دورية مستمرة ، يجب على المريض معرفة نسبة الفيروس مما يساعده على التشجع والقضاء على الفيروس حيث للعامل النفسي دور كبير في رحلة العلاج.

العوائق التي تواجه مصابي فيروس سي:

1. ليس له القدرة على السفر خارج البلاد دون القيام بعمل تحليل يثبت صحته.

2. قد تطلب بعض الشركات للعمل تحليل فيروس سي.

3. إعفاء من الخدمة العسكرية .

4. عدم قدرته على التقديم للكليات العسكرية.

مفاهيم خاطئة عن فيروس سي 

  1. هل ينتقل فيروس سى عن طريق الحمام؟

    لا ينتقل فيروس سي عن طريق الحمام ولا عن طريق البراز.

  2. هل بيحصل انتقال فيروس سى عن طريق الطعام؟

    لا ينتقل فيروس سي عن طريق الطعام أو المشروبات.

  3. هل ينتقل فيروس سي باللعاب؟

    لحد دلوقتي مفيش دراسات تؤكد أو تنفي انتقال مرض فيروس سي عن طريق التقبيل أو اللُعاب.

  4. مريض فيروس سى والزواج؟

    لا ينتقل فيروس سي عن طريق الزواج أو الأتصال الجنسي.

  5. هل الماء والصابون يقضى على فيروس سى؟

    استخدام الماء والصابون من طرق المحافظة على النظافة الشخصية ومفيش أي علاقة بينها وبين علاج فيروس سي.

  6. هل استخدام المضاد الحيوي مفيد في علاج فيروس سي؟

    علاج فيروس سي بالمضادات الحيوية غير فعال إطلاقًا لأن تركيب الخلية البكتيرية مختلف تماماً عن تركيب الفيروس، ولذلك لا يتأثر فيرروس سي بالمضادات الحيوية.

الجديد في علاج فيروس سي:

  • يختلف علاج فيروس سي و مدة علاج فيروس سي على حسب درجة الإصابة بالمرض و احتمالية  وجود تليف بالكبد، وتم تقسيم بعض اسماء ادوية فيروس سي حسب تاريخ اكتشافها.

    علاج فيروس سي في التمانينات 1980

    حقن الانترفيرون هي أول علاج فيروس سي تم اكتشافه في التمانينات، وهي حقن بتساعد في تقوية جهاز المناعة علشان يقاوم إصابة الجسم بالفيروسات وبالأخص لعلاج فيروس سي.

    علاج فيروس سي في التسعينات 1995

    علاج فيروس سي في التسعينات كان عبارة عن حقن الأنترفيرون مع أقراص مضاد الفيروسات ريبافيرين ribavirin، لكن النوع ده من مضاد الفيروسات لعلاج فيروس سي في التسعينات لكن استخدامه حاليًا بيكون محدود شوية  بسبب خطورة آثارها الجانبية.

    علاج فيروس سي في 2002

    تم اكتشاف نوع جديد من حقن الأنترفيرون بمفعول أقوى وأطول من حقن الأنترفيرون السابقة وبآثار جانبية أقل.
    نسبة نجاح النوع الجديد من الأنترفيرون وصل ل 39% و بتزيد النسبة لما يتم استخدامها مع مضاد الفيروسات ريبافيرين ribavirin.

    علاج فيروس سي في 2011

    تم اكتشاف كبسولات فيكتريلز Victrelis وأقراص انسيفيك incivek بنسبة نجاح تصل ل 84% لعلاج فيروس سي لما يتضاف معاهم حقن الأنترفيرون وأقراص ribavirin، لكن تم وقف استخدام المجموعة دي من ادوية فيروس سي علشان ليها آثار جانبية شديدة زي عيوب خلقية والتهاب الجلد التقشيري و وجع شديد في المستقيم.

    علاج فيروس سي في 2014 و 2015

    1- لأول مرة تم استخدام علاج فيروس سي الجديد سوفالدى بالإضافة إلى أقراص مضاد الفيروسات هارفوني Harvoni.
    المجموعة دي من علاج فيروس سي حققت نسبة نجاح عالية بآثار جانبية أقل بسبب عدم استخدام حقن الأنترفيرون أو اقراص ribavirin اللي كان ليهم آثار جانبية شديدة.
    2- علاج فيروس سي فكيرا باك viekira pak و هو عبارة عن 3 أنواع من مضادات فيروس سي Ombitasvir/paritaprevir/ritonavir.
    نسبة نجاح المجموعة دي من علاج فيروس سي تصل ل97% من غير حقن الأنترفيرون أو مضاد الفيروسات  ريبافيرين ribavirin
    3- علاج فيروس سي داكلينزا Daklinza هو أول علاج فيروس سي يتم استخدامه لوحده من غير إضافة لأي مجموعة من مضادات الفيروسات وده بيساعد مريض فيروس سي على تجنب آثارها الجانبية.

    علاج فيروس سي في 2016

    1- أقراص سوفالدي مع أقراص مضاد الفيروسات فيلباستير velpatasvir.

     في 2016 تم نشر دراسة بتؤكد إن نسبة نجاح علاج سوفالدى‎ لفيروس سي مع مضاد الفيروسات velpatasvir  وصلت لأكتر من 98% لعلاج فيروس سي في بدايته من غير الإصابة بتليف في الكبد، و أكتر من 86% لعلاج فيروس سي مع وجود تليف في الكبد.

    2- أقراص سوفالدي مع أقراص مضاد الفيروسات فلباتاسفير  velpatasvir و أقراص مضاد الفيروسات فوكسيلابريفير Voxilaprevir، نسبة نجاح المجموعة دي من الادوية تصل 97% في علاج فيروس سي.

    علاج فيروس سي في 2017

    تم موافقة منظمة الغذاء والدواء على إصدار علاج مافريت Mavyret مع أقراص مضاد الفيروسات غليكابريفير Glecaprevir  بنسبة نجاح تصل ل 100% في علاج فيروس سي.

    علاج فيروس سي في 2018

    طبقًا لمنظمة الصحة العالمية أن دلوقتي يتم استخدام أقراص مضاد الفيروسات زي أقراص السوفالدي مع أقراص الريبافيرين ribavirin،  لمدة من 12 ل 24  أسبوع حسب شدة مرض فيروس سي وتحديد الجرعة يعتمد على تقدير الدكتور المعالج.

     ملحوظة: علاج فيروس سي أو علاج التهاب الكبد الوبائي عند الأطفال أقل من 12 سنة بيكون معتمد على حقن الأنترفيرون.


    الاثار الجانبية لعلاج فيروس سي:


    الاثار الجانبية لعلاج فيروس سي بحقن الأنترفيرون:

    تعب عام مع الإحساس بالدوخة والصداع.

     تساقط الشعر

    الاكتئاب

    اضطرابات الجهاز الهضمي.

    اضطرابات الجهاز العصبي.

    تساقط الشعر.


    الاثار الجانبية لعلاج فيروس سي بمضاد الفيروسات ريبافيرين ribavirin

    امراض اضطراب الغدة الدرقية

    الاضطراب العقلي و الهواس

    الانيميا


    الاثار الجانبية لعلاج فيروس سي بعلاج سوفالدي:

    تعب شديد وضعف عام بالجسم

    فقدان الشهية والترجيع

    صداع و أرق

    رعشات بالجسم وسخونة مع بعض أعراض الأنفلونزا

    وجع المفاصل

    اسهال

    طفح جلدي

    انيميا

 إحصائيات عن فيروس سي في مصر والعالم:

  • فيروس سي من المشاكل العالمية اللي بتواجه العالم كله، حوالي 3% من سكان العالم مصابين بفيروس سي، وبتختلف معدلات الإصابة من مكان للتاني على حسب درجة النظافة والتوعية اللي بتتم.
  • نسب الإصابة بفيروس سي في أوروبا وأمريكا قليلة وتقدّر نسب الإصابة فيهم ب 2% بالنسبة للدراسات اللي اتعملت.
  • لكن الوضع في مصر مختلف تماماً حيث أن الدراسات اللي اتعملت في الفترة من 2008 إلى 2015 أثبتت أن نسبة الناس المعرضين للإصابة  بمرض التهاب الكبد الفيروسي في مصر %15
  • تحتل مصر المركز الرابع في نسب الإصابة بمرض التهاب الكبد الفيروسي سي بعد الصين والهند وباكستان 
  • عدد المصابين بفيروس سي في مصر سنة 2014 كان حوالي 5.5 مليون شخص.
  • تشير الدراسات بأن عدد المصابين بفيروس سي في العالم 185 مليون شخص، بيموت منهم سنوياً 399 ألف.
  • وحوالي 71 مليون شخص حول العالم مصاب بالتهاب الكبد المزمن طبقاً لوزارة الصحة العالمية 
  • ومن الجدير بالذكر معرفة أن نسب الشفاء من فيروس سي في تزايد بصورة كبيرة وخصوصاً في مصر، حيث ظهرت أنواع جديدة من ادوية فيروس سي سجلت نسب نجاح عالية في القضاء على فيروس سي، والأبحاث أيضا في تزايد مستمر ومن المرجح في الفترة القادمة رؤية عدد كبير من ادوية فيروس سي رخيصة الثمن اللي ليها القدرة على القضاء على الفيروس بصورة كاملة.
  • وهناك اتجاه آخر لجعل الجسم هو العقار بحيث يتم زيادة قدرة الجهاز المناعي وكريات الدم البيضاء للقضاء على فيروس سي نهائيا.

 

i

المصادر الإنجليزي

دوس هنا عشان تشوف المصادر الأجنبية

حقائق عن فيروس سي من منظمة الصحة العالمية
www.who.int/news-room/fact-sheets/detail/hepatitis-c

عوامل تزيد من خطر الإصابة بالتهاب الكبد الفيروسي
www.webmd.com/hepatitis/risk-hepatitis-c

كيفية تشخيص و اكتشاف فيروس سي من مؤسسة الكبد الأمريكية
www.liverfoundation.org

إحصائيات عن فيروس سي في مصر من منظمة الصحة العالمية
https://www.who.int

الجديد في علاج فيروس سي
https://www.healthline.com

تطعيم فيروس سي من وزراة الصحة الأمريكية

https://www.cdc.gov/hepatitis/hcv/cfaq.htm

بحث عن علاقة مرض فيروس سي بمرض السكر من المركز الوطني لمعلومات التكنولوجيا الحيوية
https://www.ncbi.nlm.nih.gov/pubmed/12526953

 

i

المصادر العربي

دوس هنا عشان توصل لكل المصادر العربي

1. الكبد
https://ar.wikipedia.org/wiki/

2.التهاب الكبد C
 https://ar.wikipedia.org/wiki/

3.معلومات عن فحص المصابين بفيروس سي ورعايتهم من منظمة الصحة العالمية
https://www.who.int/hiv/pub/hepatitis/hepatitis-c-guidelines/ar/

4.تليف وتشمع الكبد
https://ar.wikipedia.org/wiki/

5. هل توجد مشكلات صحية تمنع من استخدام ادوية فيروس سي

متنساش تشاركنا برأيك وإذا كنت طبيب ياريت تقولنا إذا كنت صادفت حالات مصابة بفيروس سي تقولنا مدى استجابتها للعلاج.