pointer

أعراض فقر الدم

صعوبة التنفس

pointer

أعراض فقر الدم

شحوب الوجه

pointer

أعراض فقر الدم

الصداع و الدوخة

pointer

أعراض فقر الدم

عدم انتظام ضربات القلب

pointer

أعراض فقر الدم

التهاب اللسان و احيانا تقرح و تورم اللسان و فقدان الشهية او الميل انك تاكل اكل مش مفيد يحتوى على نشا و تثلج كتير

pointer

أعراض فقر الدم

تململ و برودة في الاطراف

pointer

أعراض فقر الدم

الأظافر الهشة

pointer

أعراض فقر الدم

جفاف بالجلد

pointer

أعراض فقر الدم

تلف الشعر

لو عايز تنجز نفسك تقدر تسمع اعراض فقر الدم و الأسباب و العلاج بطريقة مختصرة و من غير قراءة

by a3raad.com

أعراض فقر الدم

  • الارهاق الشديد و التعب
  • ضيق التنفس
  • شحوب الوجه
  • الصداع و الدوخة
  • قلة انتظام فى ضربات القلب
  • جفاف وتلف الشعر والجلد
  • التهاب اللسان و احيانا اخرى تورّم وتقرّح في الفم واللسان
  • متلازمة تململ الساق (بنقولها بالعامي تنميل الساق )
  • برودة في الأطراف.
  • الضوافر الهشة ، يعني ضوافرك ضعيفة و بتتكسر بسهوله 
  • ميولك في الأكل ناحية بعض المواد غير المغذية  زي: الثلج و النشا.
  • فقد الشهية و خاصة عند الرضع و الاطفال.

    هل تختلف أعراض فقر الدم عند الاطفال من الرجال أو النساء ؟

    مفيش اختلاف فى أعراض فقر الدم عند الاطفال من الرجال والنساء ولكن تختلف أعراض فقر الدم باختلاف درجة نقص مخزون الحديد.
    لكن اعراض فقر الدم عند الاطفال بتظهر اسرع و اشد من اعراض البالغين.

أسباب فقر الدم

  1. نقص مخزون الحديد.
  2. فقدان الدم زي النزيف.
  3. عدم القدرة على امتصاص الحديد.
  4. نقص نسبة الهيموجلوبين
  5. الإصابة ببعض الأمراض زي أمراض المناعة الذاتية

علاج فقر الدم

أولا علاج فقر الدم بالادوية :

عن طريق مكملات الحديد (تحت إشراف الدكتور المتخصص)

ثانيا علاج فقر الدم بالفواكه والاعشاب -العلاج طبيعيا- :

علاج فقر الدم بالفواكه المغذية زي الرمان و الكيوي و البلح و التفاح، و الوجبات الغنية بالحديد زي السبانخ و البقدونس و العسل الأسود.


ايه هو فقر الدم


أنواع فقر الدم


أسباب فقر الدم


مضاعفات فقر الدم


تشخيص فقر الدم


امتى تروح للدكتور


علاج فقر الدم


كيفية التعايش مع فقر الدم


المصادر

ما هو فقر الدم ؟

الاسم الشائع لمرض فقر الدم هو الانيميا، لكن انواع الانيميا كتير علشان كدة فقر الدم هو نوع من انواع الانيميا اللي بيحصل بسبب نقص خلايا الدم الحمراء و نقص الهيموجلوبين في الدم،  و بيتم تقييم هذا النقص غالبا عن طريق تحليل فقر الدم و قياس نسبة الهيموجلوبين و قياس نسبة الهيماتوكريت

Hematocrit يعني ايه هيماتوكريت

الهيماتوكريت / مكداس الدم  : هو نسبة حجم خلايا الدم الحمراء، الى نسبة حجم الدم كله، يعني نسبته المئوية كام من الدم كله.
فيه نسب معينة للهيماتوكريت اللي لما بيقل عنها الشخص بيكون مصاب بمرض فقر الدم

 Hemoglobin يعني ايه هيموجلوبين

 الهيموجلوبين هو بروتين يحتوي على عنصر الحديد في الدم، وظيفته: نقل الاكسجين من الرئتين الى باقي انحاء الجسم، و بيعيد ثانى اكسيد الكربون الى الرئتين مرة اخرى، و ده الطبيعى فى عملية التنفس للانسان انه بيدخل للجسم اكسجين و بيخرج ثانى اكسيد الكربون (الموجود داخل خلايا الدم الحمراء).

للأطفال للإناث للذكور نسبة فقر الدم
--------- g/dL 15 : 11.6 g/dL 16.6 :13.2 نسبة الهيموجلوبين
%44 : %36 %47 : %37 % 54 : % 40 نسب الهيماتوكريت
  هي وحدة قياس نسبة الهيموجلوبين في الدم: g/dL الـ

علاقة فقر الدم بفيتامين ب 12 و حمض الفوليك:

فيتامين (ب 12)

دور فيتامين ب 12 في الجسم انه ينتج كمية كافية من خلايا الدم الحمراء و الخلايا العصبية بشكل سليم؛ وبيدخل فيتامين ب 12 لجسم الإنسان عن طريق التغذية، و ده لأن الجسم مش بيفرز الفيتامين ده داخليًا، لكن الجسم بيقدر يحصل عليه من مصادر خارجية وبيحافظ عليه لمدة سنوات؛ زي مصادر فيتامين ب 12 الحيوانية: اللحوم و البيض و الحليب و الجبن، و معظم اللي بيتغذوا على المصادر دي مبيكنش عندهم مشكلة فى نقص فيتامين ب 12 ومش بتظهر عليهم اعراض فقر الدم  إلا فى حالة وجود مشكلة فى امتصاص فيتامين ب 12.

النسبة الطبيعية لفيتامين ب 12 فى الجسم بتكون ما بين 200 إلى 900 بيكوجرام/ميللميتر و فى حالة النسبة قلت عن 200 بيكوجرام /ميللميتر بتظهر أعراض نقص فيتامين ب 12 مما يعنى ظهور اعراض فقر الدم.

فيتامين (ب9) الحمض الفولي/ الفوليك اسيد

1. الحمض الفولى او المعروف بأسم فيتامين ب9، بيحتاجه الجسم علشان ينتج كرات الدم الحمراء، و كمان بيساهم في تحسين صحة الشعر و الجلد و الجهاز العصبى، و هو زي الفيتامين ب12 الجسم مش بيقدر يفرزه، و لكن الجسم بيحصل عليه عن طريق بعض مصادر فيتامين ب 9 زى البيض و النشويات او عن طريق ادوية الفوليك.
2. و على عكس فيتامين ب12، الحمض الفولي مش بيتخزن فى الجسم، لذلك الانسان بيحتاجه بشكل يومي، و اعراض فقر الدم الناتجة عن نقص حمض الفوليك بتكون بسبب ان الجسم مستقبلش ما يكفيه يومياً من حمض الفوليك.

الاحتياج اليومى للحمض الفولى النوع
حوالي 400 ميكروجرام / يوم الذكور
حوالي 400 ميكروجرام / يوم الإناث
من 500 : 800 ميكوجرام / يوم الحوامل
من 30- 400 ميكروجرام/يوم حسب الفترة العمرية الاطفال

اعراض فقر الدم و نقص الهيموجلوبين بتتأثر بشوية عوامل زي:

المصابين بالجفاف

زيادة نسبة الهيموجلوبين عند مرضى الجفاف اللي نسبة المياه فى جسمهم قليلة، (أبسط توضيح هو كإنها نسبة السكر فى المياه لما نسبة المياه بتقل قيمة السكر بتزيد، نفس الفكرة بالظبط الهيموجلوبين فى الجسم و نسبته للمياه لما نسبة المياه بتقل)

أصحاب الأمراض المزمنة

الاصابة بمرض مزمن بيأثر بشكل ملحوظ على نسبة الهيموجلوبين، لأن نسبة الهيموجلوبين بتكون أقل من الطبيعي، لكن النسب دي مش بالضرورة بتدل على الاصابة بمرض فقر الدم، لكنها ممكن تكون عرض بيعرفه الدكتور لتشخيص مرض آخر.

سكان المرتفعات

اللى عايشين فى ارتفاعات عالية عن سطح البحر عندهم نسبة الهيموجلوبين أعلى من الناس اللي بتسكن في الأماكن العادية، لأن نقص الأوكسجين بيؤدي إلى تحفيز الهيموجلوبين داخل الخلايا، بالتالي نسبة الهيموجلوبين أعلى من الطبيعي

المُدَخِنين

بيكون عندهم نسب الهيماتوكريت أعلى من النسب الموجودة عند الناس العادية، لذلك في حالة ظهور اعراض فقر الدم عند أحد المدخنين مش هنقدر نلاحظ نسبة فقر الدم من الفحوصات، لان هتكون نسبة الهيماتوكريت عالية، لكنها وهمية بسبب التدخين.

الرياضيين

 و دول بيكون عندهم نسبة فقر الدم و نسبة الهيموجلوبين  مختلفة عن النسب الطبيعة اللى اتكلمنا عنها.

الأطفال

الطفل أثناء الولادة بيكون نسبياً عنده نقص فى الاوكسجين، بالتالى نسبة الهيموجلوبين عند الاطفال بتكون عالية، و عند سن 10 سنوات بيبدأ الهيموجلوبين يتكسّر، بالتالي تقل نسبة الهيموجلوبين عند الاطفال، لكنها يترجع ترتفع تاني عند البلوغ.

الحمل

أثناء الحمل بتزيد نسبة المياه فى الدم، و بالتالي بتقل نسبة الهيموجلوبين فى الحمل، و لكن ده بيكون تشخيص خطأ و طبيعى أثناء فترة الحمل، و زيادة المياه بتكون في صالح الطفل

علشان كده قبل تشخيص مرض فقر الدم لازم معرفة بعض المعلومات عن المريض فى الجوانب اللى بتأثر على نسبة الهيموجلوبين، تجنبًا لأي خطأ فى التشخيص، اللي هيُؤَدي إلى خطأ  في علاج فقر الدم

انواع فقر الدم

بتقسم انواع فقر الدم  تبعاً لسبب فقر الدم و هي:

فقر الدم بسبب نقص مخزون الحديد

بتظهر اعراض نقص مخزون الحديد بسبب انيميا النقص Deficiency Anemia: وبتتسمى كدة علشان بتعبر عن نقص في مكونات الجسم زي نقص الحديد، أو نقص حمض الفوليك ( Folic acid)  او نقص فيتامين ب 12، وأشهرهم هو نقص الحديد ( Iron Deficiency Anemia): و ده النوع الشائع للانيميا و المعروف بمرض فقر الدم واللي بيحصل لما نخاع العظم بيحتاج الحديد فى تكوين الهيموجلوبين و لو الحديد مش كافي، الجسم مش هينتج الكمية الكافية من الهيموجلوبين لخلايا الدم الحمراء.
لكن نقص فيتامين ب 12 او نقص حمض الفوليك  ( Vitamin Deficiency Anemia) زى ما وضحنا دورهم انهم مهمين فى انتاج كرات الدم الحمراء، و النقص فيهم بيأثر على نقص مخزون الحديد.

فقر الدم كأحد الأعراض لمرض مزمن

اعراض فقر الدم ممكن تظهر مصاحبة لاعراض بعض الأمراض المزمنة زي السرطان و الايدز و النقرس و مرض السكر، و اللي ممكن تأثر بالسلب على انتاج خلايا الدم الحمراء، و تؤدي فى النهاية الى فقر الدم.

فقر الدم المنجلي

 اعراض فقر الدم المنجلي بتظهر بسبب فقر الدم الانحلالي و يعتبر فقر دم وراثي، في النوع ده من فقر الدم بيكون شكل خلايا الدم الحمراء زي المنجل وبيحصل تكسر سريع لكريات الدم الحمراء و بالتالي بتقل كفائتها.
علاج فقر الدم المنجلي بيكون إما بنقل الدم أو بعض الادوية اللي بتساعد في تخفيف اعراض فقر الدم المنجلي لكن مش بتعالجه بشكل مباشر لأن زي ما قولنا هو فقر دم وراثي و لسه الأطباء في مرحلة البحث عن علاج نهائي له.

فقر الدم اللَّاتَنَسُّجِي بسبب فشل نخاع العظم

اعراض فقر الدم بسبب فشل نخاع العظم بتتسمى (فقر الدم اللَّاتَنَسُّجِي) Aplastic anemia: و النخاع العظمي هو اللي بينتج خلايا الدم الحمراء و خلايا الدم البيضاء و الصفائح الدموية، و بتقل قدرة النخاع  العظمي على انتاج خلايا الدم الثلاثة ( الحمراء و البيضاء و الصفائح) وبالتالي بيحصل فقر الدم.
حتى الان  مش معروف سبب فشل النخاع و لكن المتعارف عليه ان له علاقة بامراض تانية غير فقر الدم زي امراض الجهاز المناعى نتيجة مهاجمة الجهاز المناعي لنخاع العظم، و التعرض المستمر للإشعاع زي علاج السرطان بالكيماوي بيأثر على كفاءة نخاع العظم، و فشل نخاع العظم ممكن يحصل بسبب فقر دم وراثي اسمه فقر الدم فانكوني.

فقر الدم الانحلالي

فقر الدم الانحلالي Hemolytic anemia هو فقر الدم الناتج عن انحلال الدم وسرعة تكسير خلايا الدم الحمراء بشكل كبير جدا، والنوع ده من فقر الدم بيتطور لما الجسم يخسر كمية كبيرة من خلايا الدم الحمراء من غير ما يقدر نخاع العظام يعوض الخسارة دي بإنه ينتج كرات دم حمراء جديدة.

فقر الدم ثلاسيميا

فقر الدم الثلاسيميا مشهور بأسم انيميا البحر المتوسط لأنه منتشر بين شعوب حوض البحر الأبيض المتوسط والوطن العربي وشعوب آسيا، و يعتبر فقر الدم ثلاسيميا هو فقر دم وراثي بيحصل بسبب اختلال في انتاج الهيموجلوبين.

اسباب فقر الدم

اسباب فقر الدم بترجع لأحد اسباب نقص مخزون الحديد خصوصًا لما الأكل مش بيكون فيه الكمية الكافية من الحديد، فبالتالى بيظهر على المريض اعراض فقر الدم، و ممكن يكون الجسم هو اللي غير قادر على امتصاص الحديد من الاكل ، وأشهر اسباب نقص الحديد هم:

أولا : فقدان الدم

  • الدم هو اللي بيحمل الهيموجلوبين اللي فيه الحديد، معنى كدا ان فقدان الدم بيساوي فقدان كمية معينة من الحديد.
  • علشان كده فقدان النساء للدم شهرياً بيخليهم أكثر عرضة لخطر فقر الدم الناتج عن نقص الحديد
  • نفس الفكرة الاشخاص اللى بتفقد دم ببطء و بشكل مزمن بسبب مرض، زي قرحة المعدة احد مضاعفات التهاب المعدة، او الإصابة بسرطان القولون، أو يحصل نزيف في الجهاز الهضمي بسبب استخدام بعض المسكنات بشكل خاطئ.

ثانيا : نقص الحديد

  • اعراض فقر الدم بسبب نقص الحديد، الجسم بيمتص الحديد من الاكل و بالتالي لو الاكل نفسه مش من محتوياته الحديد، هتقل كمية الحديد في الجسم.
  • و ممكن علاج فقر الدم بالاكلات الغنية بالحديد زي اللحم و الكبدة و البيض و الأوراق النباتية
  • بيظهر كمان اعراض نقص مخزون الحديد بشكل أوضح مع النباتيين وده راجع لسببين:
    - مصادر الحديد النباتية محدودة.
    - الجسم بيمتص المصادر الحيوانية بكفاءة أعلى من المصادر النباتية.

ثالثا : عدم القدرة على امتصاص الحديد

  • امتصاص الحديد بيحصل داخل  الأمعاء الدقيقة، لما تحصل مشكلة أو امراض فى الأمعاء الدقيقة هتأثر على كفاءة امتصاص العناصر الغذائيةو بالتالبي هيحصل نقص الحديد وتظهر اعراض فقر الدم.
  • و من اشهر الامراض اللي بتصيب الامعاء الدقيقة هو مرض الاضطرابات الهضمية ( Celiac disease) و بينتج عنه الإصابة بفقر الدم، وكمان بيحصل مشاكل في امتصاص الحديد لو حصل عمليات استئصال لجزء من الأمعاء الدقيقة نتيجة امراض الامعاء.

أهمية الحديد و دوره في جسم الإنسان

الحديد عنصر مهم في إنتاج خلايا الدم الحمراء، وكمان بيساعد فى بعض الوظائف التانية في الجسم، زي:

1. إن الحديد بيساعد فى تكوين الهيموجلوبين، ووظيفته هي نقل الاوكسجين من الرئتين لباقي أعضاء الجسم.

2. الجسم بيحتاج الحديد في تحويل الاكل لطاقة :

  • جسم الإنسان بيحتاج للحديد عشان يحول الأكل لطاقة على شكل ثلاثى فوسفات الادينوزين  ATP ) Adenosine Triphosphate )
  • اي حاجة بناكلها بتطلع فى صورة طاقة و المصطلح العلمي للطاقة دي هو  ATP و المركب دا "الطاقة" عشان يتم تكوينه بيمر بمراحل كتير و معقدة مش محتاج تعرفها ^^ بس اللي محتاج تعرفه هو انه لو قل الحديد في جسمك إنتاج الطاقة هيقل و بالتالي هتظهر عليك اعراض فقر الدم زي النهجان و الخمول و عدم التركيز .

3. الحديد بيساعد فى بعض وظائف المخ:
زي التركيز و الذاكرة و الانتباه و حل المشاكل؛ يعني انت ممكن تستبدل جرعة الكفايين الصباحية لأطعمة فيها حديد، وبكدا تقدر تشغل المخ بكفاءة أعلى.

4. الحديد بيخلي العضلات تخزن الاكسجين و تستفيد منه، و بيدخل  في تكوين الإنزيمات اللي بتساعد على الهضم.

 

 ايه اللي بيحصل في الجسم بسبب نقص الحديد في الدم

نقص الحديد: ده نوع من أنواع الأنيميا و يسمى (Iron deficiency anemia)، بيحصل بسبب نقص خلايا الدم الحمراء اللي بتنقل الاكسجين للأنسجة و باقى اعضاء الجسم، فبالتالي هيحصل تعب و إرهاق في الجسم و اعراض فقر الدم بشكل عام.

اعراض فقر الدم ؟

الصداع و الدوخة

قلة الهيموجلوبين بتؤدي إلى عدم وصول كمية كافية من الاكسجين للدماغ، وده بيسبب تضخم في الأوعية الدموية، والشعور بشوية اعراض من اعراض الضغط، بالتالي بتحس بالصداع و الدوخة .

شحوب الوجه

الشحوب هو فقدان البشرة للونها الطبيعي و ده من اكتر اعراض فقر الدم انتشارًا وبيظهر على الوجه بسرعة، و بتبدأ البشرة تميل للون الابيض الباهت او الاصفر على حسب لون البشرة الأصلي و دا بيكون نتيجة لنقص نسبة الهيموجلوبين (لان الهيموجلوبين هو اللي بيدي اللون الاحمر للدم) وبالتالي بيساعد في نضارة البشرة

صعوبة التنفس

العرض ده من اعراض فقر الدم مرتبط شوية بالسبب اللي قبله، لأن لو حصل نقص نسبة الهيموجلوبين في الدم، الجسم بيكون مش قادر على نقل الاكسجين للانسجة و العضلات، بالتالي كفائتهم بتقل، وهو ده اللي بيسبب صعوبة التنفس.

الإرهاق الشديد و التعب

سببه أن الاكسجين اللي بيتنقل من الرئتين لاجزاء الجسم  مبقاش يوصل، لأن كمية الحديد مبقتش كافية ان الجسم يؤدي وظائفه الطبيعية، و أن الجسم يمارس نشاطه اليومي علشان كدا العرَض ده من أكثر اعراض فقر الدم شيوعا.

جفاف و تلف الشعر و الجلد

قلة الهيموجلوبين بتؤدي إلى عدم وصول كمية كافية من الاكسجين والغذاء للشعر، وده بيسبب تقصف و سقوط الشعر، وتعتبر اوضح علامات فقر الدم.

متلازمة تململ الساق

هي الإحساس بتنميل في الساق و عدم القدرة على تحريكها و انقباضها و أحيانا بيصاحبها رعشة كهربائية بتحصل بشكل طبيعي بعد الجلوس و التحميل على أحد الساقين لفترة طويلة ، ولكنها  أحيانا بتكون احد الاعراض المصاحبة لفقر الدم

تورم و تقرح الفم و اللسان

و ده بيكون من علامات فقر الدم الواضحة والناتجة عن نقص الحديد، لأن قلة الهيموجلوبين بيسبب تورمات و تقرحات فى الفم  و بما ان الاكسجين مش هيوصل كمان للسان هيتعرض للشحوب

عدم انتظام ضربات القلب

لما بيتوقف الهيموجلوبين عن وظيفته اللي هي نقل الاكسجين للعضلات و الانسجة بيحاول القلب يقوم بالدور ده أو يعوض نقص الهيموجلوبين ونقص الأكسجين ده بأي طريقة ، و ده بيسبب قلة انتظام فى ضربات القلب او تضخم لعضلة القلب او حدوث ما يسمى ب فشل القلب، وده من اخطر المضاعفات اللي ممكن تحصل لو تم اهمال اعراض فقر الدم.

 إمتى تروح للدكتور ؟


الطبيعى ان اى مرض مش بيتم علاجه بيكون له مضاعفات بسبب سوء و تدهور الحالة مع عدم علاجها، وعلشان كد الإصابة بأحد اسباب فقر الدم وأشهرهم نقص الحديد، ممكن ميسببش اضرار وخيمة و لكن بتبدأ تسوء الحالة لو لم يتم علاج فقر الدم.

و بالتالي لازم تزور الدكتور لو حسيت بأي عرض من اعراض فقر الدم اللي تم ذكرها فوق خصوصًا لو بدأت تلازمك الاعراض دي لفترة طويلة ياريت متتأخرش عن اسبوع او اتنين بالكتير اوي عشان الموضوع ميقلبش بمضاعفات  .

مضاعفات فقر الدم

  • 1. فقر الدم يسبب مشاكل في القلب :

  • الحديد اللي موجود فى الهيموجلوبين وظيفته نقل الاوكسجين من الرئتين لباقى اجزاء الجسم.
  • و فى حالة انه مفيش كمية كافية من الحديد الهيموجلوبين بيبدأ القلب يضخ الدم بشكل اكبر عشان يعوض النقص اللى حصل نتيجة نقص الحديد و الهيموجلوبين.
  • و ده بيسبب اضطرابات فى القلب و سرعة فى ضربات القلب مع عدم انتظامها، فيحصل تضخم للقلب، و دى من اخطر المضاعفات لمرض فقر الدم الناتج عن نقص الحديد و اللى بتخلينا لازم نتابع من بدري مع ظهور اي من علامات فقر الدم.

2. مضاعفات تطور اعراض فقر الدم للحامل

  • لو تم اهمال اعراض فقر الدم للحامل هتتعب جدًا في الولادة خصوصًا لو حصل فقد للدم اثناء الولادة.
  • هتظهر اعراض فقر الدم عند الاطفال الرضع وفي الحالة دي هيكون الطفل وزنه قليل اثناء الولادة، لكن مع المتابعة الجيدة و النظام الغذائي اللي يخلي الجسم يعوض نقص الحديد، و مع متابعة الدكتور اثناء الحمل هنقلل فرص الوصول للمرحلة الأسوء وهي مشاكل في نمو الطفل.

3. فقر الدم يسبب مشاكل في النمو والمناعة :

  • فقر الدم بيسبب مشاكل في النمو ومناعة الجسم خصوصًا عند الاطفال وبالتالي هتزيد فرص الاصابة بأي عدوى، دا غير انه بيأثر بصورة كبيرة على نمو عظمهم.

 تحليل فقر الدم والفحوصات اللازمة ؟

الكشف السريري

دا الفحص اللي هيتم عند الدكتور و هنا هيتم فحص عام لجسمك و الدكتور في الغالب هيسألك عن شوية اسباب فقر الدم عندك و عن تاريخ عيلتك الطبي و هل كان فيه حد مصاب بفقر الدم قبل كدا في العيلة و لا لأ

الفحص السريري

الدكتور بيبدأ في الكشف عليك و فحص :
1- لون وجهك
2- لون بياض العين
3- لون الشفايف و اللسان
4- سماع ضربات القلب : مع اداء بعض الحركات الرياضية لمعرفة مدى قدرتك على تحمل المجهود و سماع ضربات القلب بعد الحركات اللي هيطلبها منك.
5- هيسمع نفسك كويس و يتأكد هل فيه نهجان و لا لأ .
6- هيسألك عن بعض اعراض فقر الدم الاخرى زي الصداع و الدوخة بتحس بيهم من امتى و كل قد ايه و هل بتحس بتنميل في اطرافك كتير
7- هيسألك  عن روتينك اليومي زي طبيعة اكلك  و بتدخن و لا لأ وبتعمل رياضة ولا لأ و هل عندك مرض مزمن ولا لأ .
8- طبعا لو سيدة حامل يا الدكتور هيلاحظ يا إما هتبلغيه لو لسة في الشهور الاولى وهيلاحظ الفرق بين دوخة الحمل ودوخة فقر الدم.

تحليل فقر الدم

لو ظهرت عليك علامات فقر الدم الدكتور هيطلب منك شوية تحاليل علشان يتأكد من اصابتك بمرض فقر الدم، لو التحاليل اثبتت انك فعلا مصاب بمرض فقر الدم هيتم عملها بصورة دورية لمتابعة مدى استجابة جسمك لعلاج فقر الدم.

تحليل فقر الدم

1. تركيز الهيموجلوبين

لقياس نسبة الهيموجلوبين المسؤول عن حمل الاوكسجين فى الدم.

2. الهيماتوكريت (HCT)(مكداس الدم) :

نسبة حجم خلايا الدم الحمراء  فى حجم الدم كله يعنى نسبته المئوية كام من الدم كله.

3. تحليل صورة دم كاملة المعروف بتحليل CBC

لقياس عدد كرات الدم الحمراء الموجودة فى حجم معين من الدم (RBC Count: Red blood Cells Count)

 الأكثر عرضة لللإصابة بفقر الدم الناتج عن نقص الحديد

الرضع و الأطفال

يزداد خطر الإصابة بأحد اعراض فقر الدم عند الأطفال  والرضع خصوصًا لو:

  • بيعانوا من الوزن القليل وقت الولادة
  • اللى اتولدوا قبل الاوان، ولادة مبكرة.
  • اللي محصلوش على كمية كافية من الحديد سواء من لبن الأم او اللبن الصناعي.

علشان كده بننصح  الامهات انها تتابع مع دكتور متخصص، خصوصاً في مرحلة ما بعد الولادة، علشان يكون للطفل نظام غذائي يسمحله انه ياخد الكم اللازم من الحديد في المرحلة الأولى من عمره وميحصلش نقص في مخزون الحديد عند الأطفال.

النساء

  • بسبب فقدان الدم فى فترة الحيض بشكل شهري.
  • عند الحمل: المرأة الحامل بتحتاج مخزون حديد أكبر علشان يساعد في تغذية الجنين، و بعد الولادة بتحتاج مخزون أكبر علشان فترة الرضاعة، علشان كدة لو حصل أي نقص في الحديد بتظهر اعراض فقر الدم للحامل بسرعة وبتأثر على الجنين.
  • فيه حالات ممكن تزوّد خطر الإصابة بفقر الدم الناتج عن نقص الحديد و من أمثلتها ان المرأة تكون حامل في توأم، يعني تقريباً بتحتاج ثلاثة أضعاف كمية الحديد الطبيعية.
  • تكرار الحمل بالتوأم ، أو أن تكون الفترة ما بين كل حمل واللي بعده قصيرة، و يعرف بما يسمى الأحمال المتقاربة ، أو الحمل أثناء سن المراهقة دا، كل ده بيزود خطر الإصابة بمرض فقر الدم.

النباتيون

 هما الاشخاص اللى مش بياكلوا لحوم و عايشين اكتر على النباتات فى طبيعة غذائهم زي : البقوليات: الفول و العدس و غيرهم ..الخضروات الورقية : السبانخ ، الفواكه ، الحبوب المدعمة بالحديد و الخبز المدعم بالحديد ، البازلاء....الفرق بين الحديد اللي في النباتات، والحديد الموجود في الحيوانات أن عنصر الحديد في المصادر الحيوانية  الجسم بيمتصه بكفاءة أعلى من كفاءة امتصاص الجسم لعنصر الحديد الموجود في النباتات.

التبرع بالدم بكثرة

فى حالة التبرع بالدم بشكل متكرر فممكن ان الانسان يحصل عنده نقص مخزون الحديد الموجود فى الدم فبتقل كمية الهيموجلوبين اللى فى الدم و ده ممكن يكون مشكلة بشكل مؤقت و يمكن علاجها عن طريق تناول الاطعمة اللى بتدعم الجسم بعنصر الحديد، و يفضل استشارة طبيب متخصص لو بيحصل ان الشخص بيتبرع بالدم بشكل مستمر عشان يتأكد من عملية انخفاض نسبة الهيموجلوبين فى الدم وهل هي خطر ولا لأ.

علاج فقر الدم

علاج فقر الدم بالادوية :

موجود حبوب لعلاج فقر الدم في الصيدليات المعروفة بمكملات الحديد و الأفضل انك تاخدها  تحت رعاية دكتور متخصص، لأن زيادة الحديد في الجسم مضرة، ونقصانه مضر أيضاً.

علاج فقر الدم بالفواكه والخضراوات :

أولا : السبانخ : لأنها فيها كميات كبيرة من الحديد

ثانيا العسل الأسود: لاحتوائه على كمية كافية من المعادن المغذية، اللي بتساعد على إنتاج الهيموجلوبين فى الجسم و ممكن يتم خلطه مع كوباية لبن.

ثالثا : البقدونس

رابعا : الرمان و البلح و الكيوي.

طرق الوقاية من فقر الدم

الوقاية من فقر الدم في اننا نمد الجسم بعنصر الحديد بالكميات اللي تكفيه و نتجنب نقص مخزون الحديد الموجود في الجسم.
و لو تم و حصل فقدان لمخزون الحديد اللي في الجسم، لازم نمد الجسم بالأغذية أو علاج فقر الدم المناسب اللي يرجع للجسم كمية الحديد اللي محتاجها.
الوقاية طبعا بتكون اهم للناس الأكثر عرضة إن يظهر عليهم علامات فقر الدم، زي الأطفال لأنهم بيكونوا فى سن النمو، و النساء  بشكل عام و الحوامل بشكل خاص، و بننصح المرأة الحامل انها تتناول حمض الفوليك يوميا فى فترة الحمل عشان ميؤديش إلى حدوث تشوه للجنين و طبعًا تحت إشراف الطبيب.

و من امثلة طرق الوقاية من فقر الدم بشكل عام :

  1. عدم شرب الشاي أو القهوة وقت الاكل او بعده، لأن ده بيأثر على كفاءة امتصاص الحديد.
  2. ممكن تبدل الشاي والقهوة  بالعصائر الطبيعية اللي بتحتوي على فيتامين ج مثل : عصير البرتقال او عصير الفراولة.
  3. التزم بالأكل اللي بيحتوي على فيتامين ب12 و حمض الفوليك.
  4. اعمل تحليل فقر الدم أو تحليل صورة دم كاملة بشكل دوري، علشان تطمن على نفسك قبل تطور مرض فقر الدم.
  5. التزم بالاكل اللي بيكون فيه الحديد بكمية كافية سواء من المواد الحيوانية أو من النباتات.

طيب اذا كان نقص الحديد بيعمل مشكلة فى الهيموجلوبين و يؤثر على وظائفه فـ هل زيادة الحديد ليها تأثير و لا لأ؟

خلينا نقول ان حد بيقرا حاليا و لقى ان اعراض فقر الدم دى فعلا موجودة عنده، اول رد فعل هيجي ف باله انه يزود الحديد في جسمه عن طريق انه هياخد حبوب لعلاج فقر الدم علشان تمد الجسم بالحديد، و في الغالب هيستمر عليه فترة لحد ما يلاقي نفسه اتحسن و بدأت اعراض فقر الدم تروح؛ الفكرة هنا انه لو عمل كده بدون استشارة طبيب ممكن يفرط فى أخذ مكملات الحديد فـ هنكون حلينا مشكلة اعراض نقص مخزون الحديد و عملنا مشكلة تانية، و هي ان ممكن الزائد من الحديد يتخزن فى الكبد و دي مشكلة كبيرة لأن تراكم الحديد فى الجسم ممكن يؤدي لتدمير الكبد.

كيفية التعايش مع فقر الدم ؟

التزم بالأغذية اللي تدي للجسم ما يحتاجه من الحديد، ولو حست بواحدة من علامات فقر الدم حاول تبدء في علاج فقر الدم بالفواكه

متعملش مجهود بدني كبير على مدار اليوم الا لو متأكد انك هتعوض جسمك عن نقص مخزون الحديد اللي ممكن يحصل.

المفاهيم الخاطئة عن فقر الدم

  1. المعروف دايما او الشائع بين الناس عن الانيميا انها نقص الحديد فى الدم فقط، مع العلم ان للانيميا اربع انواع، أشهرهم هو نقص الحديد لكن ممكن يكون فيه نقص في كرات الدم الحمراء نفسها، أو نقص في فيتامين  B12، أو حتى في حمض الفوليك ( الفوليك اسيد Folic Acid)، و النقص ممكن يكون تكسير الخلايا هو سبب من اسباب الانيميا.
    علشان كدة علاج فقر الدم غير علاج الانيميا لو اعراض الانيميا مش ناتجة عن اعراض نقص مخزون الحديد.
i

المصادر الإنجليزي

دوس هنا عشان تشوف المصادر الأجنبية

  1. معلومات عن فقر الدم
    https://www.webmd.com/a-to-z-guides/understanding-anemia-basics
  2. ما هو الهيماتوكريت ونسبته في الجسم
    https://en.wikipedia.org/wiki/Hematocrit
  3. نسبة الحديد في الدم و علاج فقر الدم بالفواكه والغذاء
    https://www.healthline.com/health/anemia#nutritional-needs
  4. فقر الدم ونقص فيتامين ب 12 وحمض الفوليك
    https://www.ncbi.nlm.nih.gov/pmc/articles/PMC1828842/
  5. المعدل الطبيعي لفيتامين ب 12
    https://ods.od.nih.gov/factsheets/VitaminB12-HealthProfessional/
  6. تحليل فقر الدم و تحليل صورة دم كاملة CBC
    https://www.mayoclinic.org
i

المصادر العربي

دوس هنا عشان توصل لكل المصادر العربي

لا يوجد

 

متنساش تشاركنا برأيك وإذا كنت طبيب ياريت تقولنا ايه افضل نصائح ممكن نقدمها لمرضى فقر الدم ويعملوا ايه علشان يحسنوا مدى استجابتها للعلاج.