pointer
الكلى

الكلى

الكلى عبارة عن زوج من الاعضاء الموجودة خلف المعدة و الكبد و قد يتم اصابة اصابة كلية واحدة فقط او الاتنين على حسب مدى تطور الحالة

pointer

تغير لون الوجه من أعراض الفشل الكلوي

من اعراض الفشل الكلوي هو تغير لون الوجه و بيكون شاحب يعني لونه مطفي او باهت نتيجة لفقر الدم دا غير انك بتحس بتشوش و عدم تركيز و حالة اجهاد عام بالجسم

pointer

منطقة الوسط او عند الخصر

تعب بالظهر و البطن في منطقة الكلى

pointer

التقيؤ

فقدان الشهية و كثرة التقيؤ و الاسهال

pointer

التنفس

يحدث ضيق في التنفس نتيجة لضغط السوائل الزائدة في الجسم

pointer

التقيؤ

فقدان الشهية و كثرة التقيؤ و الاسهال

pointer

انتفاخ في الجسم

و خاصة تورم الساقين و القدمين و الكعب و اليدين و الوجهه

pointer

الجلد

حكة في الجلد و احيانا بيحصل طفح جلدي و ارتفاع درجة حرارة الجسم

pointer

القلب

زيادة ضربات القلب و عدم انتظام ضربات القلب

لو عايز تنجز نفسك تقدر تسمع أعراض الفشل الكلوي و الأسباب و العلاج بطريقة مختصرة و من غير قراءة

by a3raad.com

أعراض الفشل الكلوي

أعراض بداية الفشل الكلوي  

علامات الفشل الكلوي أو أعراض قصور الكلى بتكون أشبه بالأعراض العادية لأي مرض آخر وده اللي بيخلي الناس متركزش اوي معاه و تتوقع حاجة سيئة فمش بيتلحق في الدرجات الأولى منه زي :

1. إجهاد عام بالجسم والإحساس بالإعياء و النعاس.
2. فقدان الشهية والإحساس بالغثيان.
3. تعب بالظهر و البطن أحيانا في منطقة الكلى (عند الخِصر /الوَسط) .
4. تغير لون الوجه ( الوجه بيكون شاحب) يعني لونه مطفي او باهت نتيجة فقر الدم .
5. التشوش و الإرهاق  يعني بتحس انك مش عارف تركز زي الطبيعي .

تطور أعراض الفشل الكلوي :

1. التقيؤ والإسهال معاً ودا بيعرض المصاب لمخاطر الإصابة بالجفاف .
2. نقص شديد في الوزن
3. كثرة أو قِلة الَتَبوَُل بكميات أكثر او أقل من المعتاد مع شحوب او تغير في لون البول .
4. صعوبة الَتَبوَُل و مُصَاحَبَتِهِ بالدم و تغير في قوام البول الطبيعي (بيكون فيه رغوة أو فقاعات) .
5. تورم الساقين ، القدمين ، الكاحلين (كعب الرجل يعني )  و اليدين و الوجه و دا في حالة ان الجسم مش عارف يتخلص من السوائل الزائدة
6. أحيانا أخرى يحدث ضيق في التنفس و دا نتيجة ضغط السوائل الزائدة دي في الجسم فبتضغط على الرئة و المريض بيحس بوجع او ضغط زائد على منطقة الصدر.
7. تشنجات  العضلات و أحيانا أخرى شلل العضلات .
8. عدم انتظام ضغط الدم و ضربات القلب .
9. نزيف الأنف
10. حكة الجلد و أحيانا حدوث طفح جلدي إرتفاع درجة حرارة الجسم.
11. آلام في العظام

هل تختلف أعراض الفشل الكلوي عند النساء من الرجال أو الأطفال ؟

أ) مفيش اي اختلاف بين النوعين (ذكر أو أنثى ) او اختلاف في أعراض الفشل الكلوي عند الأطفال من الشخص البالغ ولكن تختلف ظهور  أعراض الفشل الكلوي بإختلاف درجة تطور مرض الفشل الكلوي لمرض الفشل الكلوي المزمن أو الفشل الكلوي الحاد أو الفشل الكلوي الحاد المزمن.

ب) بعض أعراض الفشل الكلوي عند النساء هو انقطاع فترة الطمث ودا بيحصل مع الحالات المتطورة من المرض فقط و ان العَرض  دا بيختلف باختلاف الحالة الصحية و كيفية تعامل الجسم مع الفشل الكلوي

ج) لازم تاخدي بالك ان في امراض تانية و تغيرات بتحصل في الجسم ممكن تكون هي السبب في انقطاع فترة الطمث ، وبالتالي متسلميش بحاجة واحدة تتعرضلها وتابعي مع دكتور متخصص وهو  هيقولك كل التحاليل اللازمة اللي تطمنك و تعرفك السبب

أسباب الفشل الكلوي

=> صعوبة تدفق الدم للكلى و دا بيرجع لعدة أسباب منها

1.  إلتهاب البنكرياس .
2. الإلتهابات المعوية الشديدة التي تؤدي إلى  فقدان حجم كبير من السوائل بسبب الإسهال و القئ  و حدوث جفاف في الجسم.
3. فقدان كمية كبيرة من الدم  و ده بيحدث لأسباب كتير زي ( التعرض لحادثٍ ما )
4. فقد الكثير من بلازما الدم واللي بيحدث نتيجة الحروق غالبا .
5. انسداد المعدة وده بيُِقال عليه فشل كلوي منشأه الكبد .
6. التعرض للذبحات الصدرية الناشئة نتيجة  حدوث هبوط حاد في ضغط الدم
7. التعرض لجلطات في الرئة و ايضاً نتيجة هبوط حاد في ضغط الدم .
8. الحساسية المزمنة و المفرطة  


=> نتيجة حدوث قصور الكلى و دا بيحصل نتيجة

1. إدمان المخدرات والكوكايين و الكحول.
2. حدوث إضطرابات في الجهاز المناعي و دا بيأثر على الأوعية الدموية (الكبيبات)
3. الإفراط في تناول الأدوية وخاصة المسكنات مثل (باراسيتامول و ايبوبروفين…) و بعض أنواع أدوية الضغط.
4. ارتفاع مستويات الكالسيوم في الدم
5. إفراط التعرض للصبغات المستخدمة في عمل بعض الأشعة و الصور المستخدمة في الفحوصات الطبية
6. إلتهاب الأوعية الدموية ( يطلق عليه مصطلح الالتهاب الوعائي)
7. الإفراط في استخدام أدوية العظام التي تحتوي على مادتي ( زوميتا، ريكلاست)
8. حدوث جلطات دموية في الشرايين والأوعية الدموية بالكلى .
9. حدوث فقدان او تدمير لخلايا الدم الحمراء ويطلق عليه أيضا (اليوريمية ) او ( متلازمة انحلال الدم)
10. الإصابة بسرطان البلازما أو ما يسمى بالورم النقوي .
11. زيادة الكوليسترول أو وجود ترسبات الكوليسترول تعمل على عدم تدفق الدم و بالتالي تلف الكلى .
12. حدوث اضطرابات نادرة جدا في الدم زي إصابته بما سمى بالفرفرية ( وهو طفح جلدي أرجواني)
13. انحسار البول في الكلى و قد يرجع لعدة أسباب زي تضخم البروستاتا أو حدوث جلطات دم في المسالك البولية أو وجود حصوات بالكلى أو عدم التحكم في أعصاب المثانة .

 

=> نتيجة حدوث قصور الكلى و دا بيحصل نتيجة بعض الأمراض زي:

مرض حصوات الكلى تسبب فشل كلوي و مرض السرطان و مرض السكر و أمراض الغدة الدرقية و أمراض القلب و مرض البلهارسيا

 

علاج الفشل الكلوي

علاج الفشل الكلوي عن طريق الأدوية  

 أدوية علاج الفشل الكلوي لا تعالج الفشل الكلوي مباشرة لكنها بتساعد في علاج أعراض الفشل الكلوي المصاحبة للمرض، زي أدوية نقص فيتامين د اللي بتساعد الجسم على امتصاص الكالسيوم  وعدم امتصاص الفوسفات و أحيانا بيتم وصف حقن لعلاج فقر الدم المصاحب لمرض الفشل الكلوي

علاج الفشل الكلوي عن طريق عملية غسيل الكلى :

بيتم عملية غسيل الكلى لتنظيف الجسم من السموم و اخراج السوائل الزائدة من الجسم و التي بتعمل على تورم الجسم ، و هنا هتلاقي ان انواع غسيل الكلى ينقسم لنوعين:
1. النوع الأول من عملية غسيل الكلى : هو (الاستصفاء الدموي)  و دا اللي بيحصل فيه انه بيتم إخراج الدم الموجود بجسم الانسان و فلترته واعادته مرة اخرى و دا بيحصل عن  طريق أجهزة طبية المريض بيتوصل بيها .احد مميزات الطريقة دي إن جودة تنقية الدم  من السموم عالية جدا ، بس على النقيض عيوبها ان المريض بيحتاج يروح المستشفى حوالي مرتين او تلات مرات في الأسبوع دا غير أن تكلفتها عالية .
2. النوع الثاني من عملية غسيل الكلى : هو (الإنفاذ البريتوني)  و دا بيحصل عن طريق قسطرة بتتحط تحت منطقة السُرّة  و بيتم ادخال السائل و تركه حوالي 4 او 5 ساعات و بعدها بيتم فصل السموم و اخراجها احد مميزات الطريقة دي إن المريض يقدر يعملها في البيت مع نفسه أكثر من مرة في اليوم بس ممنوع يعملها اثناء النوم،أحد عيوبها أنها بتحتاج لدرجة تعقيم كبيرة .

علاج الفشل الكلوى عن طريقة زراعة كلى جديدة

 و دا بيحصل ان مريض الفشل الكلوي بيحصل على كلية من متبرع أو من متوفي و يتم زراعتها محل الأخرى


ما هو الفشل الكلوي


انواع الفشل الكلوي


مضاعفات الفشل الكلوي


أسباب الاصابة بالفشل الكلوي


الأكثر عرضة الفشل الكلوي


امتى تروح للدكتور ؟


علاج الفشل الكلوي


التعايش مع الفشل الكلوي


مفاهيم خاطئة عن الفشل الكلوي


اخر التطورات العلاجية


المصادر

f

الاكثر عرضة للإصابة به

i

المصادر

أسباب الفشل الكلوي

احدث علاج للفشل الكلوي

l

تشخيص الفشل الكلوي

Q

مفاهيم خاطئة عن المرض

مضاعفات الفشل الكلوي

كيفية التعايش معه

انواع الفشل الكلوي

علاج الفشل الكلوي

U

ايه هو الفشل الكلوي

p

امتى تروح للدكتور

 ما هو الفشل الكلوي؟

 الفشل الكلوي هو مرض يصيب كلية الإنسان، وهي عبارة عن زوج من الأعضاء الموجودة بجوف البطن أسفل الظهر على جانبي العمود الفقري في منطقة الخصر (الوسط) ، لونها بني و شكلها أقرب إلى بذرة الفاصوليا و لكن حجمها أكبر بقليل منها ، وزن كلية الشخص الناضج يتراوح ما بين 113 و 170 جرام و طولها حوالي 12 سم وعرضها 7 سم  .

 دور الكلية في جسم الإنسان :

تتلخص الوظيفة الأساسية للكلية في : تخليص الجسم من السموم الناتجة عن عملية التمثيل الغذائي  والمحافظة على الدم نظيف دون حدوث أي اختلال بتركيبه الأصلي .في قصور الكلى تتكاسل الكلى عن أداء تلك المهمة الأساسية و يحدث اختلال في تركيب الدم الأصلي زي:  زيادة معدل البوتاسيوم ، و زيادة معدل الحمض و نقص في نسبة الكالسيوم .


 نتيجة إصابة الكلية بالفشل الكلوي :

الكلية تعتبر مرحلة فلترة الدم من جميع السموم  وعدم قيامها بهذه المهمة تعني أن الجسم بيفضل يخزن السموم لحد ما الدم كله يفسد و يموت مريض الفشل الكلوي و دا بيحصل في بعض الحالات المتطورة و الحرجة.


: الفرق بين الفشل الكلوى والضمور الكلوي

 الفشل الكلوي:

الفشل الكلوي هو تكاسل الكلى عن أداء وظائفها و ليه مصطلحات زي قصور الكلى و الفشل الكلوي الحاد و الفشل الكلوي المزمن ولكنها مصطلحات تختلف بإختلاف مدى تطور مرض الفشل الكلوي

 الضمور الكلوي: 

الضمور الكلوي هو تقلص في حجم الكلى عن الحجم الطبيعي لها و من  أكثر أسباب ضمور الكلى شيوعا:
1. نتيجة عيب خلقي ، ملوش اي علاقة بأمراض
2. نتيجة الإصابة  بأحد أسباب الفشل الكلوي زي (إرتفاع نسبة الكيرياتين و اليوريا ) و دي مواد عضوية (سموم) بتتكون نتيجة توقف الكلية عن عملها و بتسبب تلف لخلايا الكلية و دا بيؤدي إلى ضمور الكلى ( و دي بتكون مرحلة متأخرة جدا من المرض ) .

 أنواع الإصابة بالفشل الكلوي؟

الفشل الكلوي الحاد

الفشل الكلوي الحاد معروف بأسم القصور الكلوي الحاد و له مسميات تانية زي التضرر الكلوي الحاد، في النوع دا من الفشل الكلوي بيتم توقف عمل الكلى (بشكل مفاجئ و سريع) بدون مقدمات ، التوقف دا بيكون في معظم وظائف الكلى دا لو مكنش كلها  ، و عشان كدا للدرجة دي من الفشل الكلوي يعتبر احدى درجات مرض الفشل الكلوي الخطيرة اللي بتهدد حياه المصاب .

 الفشل الكلوي الحاد المزمن

الفشل الكلوي الحاد المزمن المعروف بأسم القصور الكلوي الحاد المزمن  هو المرحلة الخامسة من تطور الفشل الكلوي المزمن بعد الفشل في السيطرة على المرض في بدايته.  و فيه يتوقف عمل الكلى بشكل شبه نهائي، و من الصعب التفريق بين مرحلة الفشل الكلوي المزمن و مرحلة الفشل الكلوي  الحاد نتيجة التشابه الكبير بينهم.

الفشل الكلوي المزمن

الفشل الكلوي المزمن معروف بأسم القصور الكلوي المزمن و هو حدوث قصور في أداء الكلية لبعض وظائفها و لكن ليس بشكل كامل ، يحدث ببطئ و بشكل تدريجي و يمكن ملاحظة بعض أعراض الفشل الكلوي المزمن في البداية ، درجة خطورة الفشل الكلوي المزمن مش كبيرة لو تم اكتشافها ومعالجتها في بداية ظهورها  والسيطرة على خطورة و اعراض الفشل الكلوي المزمن قبل تطورها للمرحلة الأخيرة و هي (القصور الكلوي الحاد المزمن /أو الفشل الكلوي الحاد المزمن) .

الفشل الكلوي المزمن أو القصور الكلوي المزمن بيتم تقسمه لمراحل على حسب معدل عمل الكلية ودا عشان نعرف نقيس مدى تطور مرض الفشل الكلوي و درجة قصور الكلى :

  • المرحلة الأولى: انخفاض عمل الكلى بنسبة 15% أو أقل و عشان كدا بيكون صعب ملاحظت .
  • المرحلة الثانية : إنخفاض عمل الكلى بنسبة 30 %
  • المرحلة الثالثة: انخفاض عمل الكلى بنسبة تتراوح ما بين الـ 50% : 60%.
  • المرحلة الرابعة : انخفاض عمل الكلي بنسبة تتراوح ما بين الـ 30 % : 15 % .
  • المرحلة الخامسة : الكلية بتقوم بوظائفها  بمعدل أقل من 15 % فقط ، و هي مرحلة تطور مرض الفشل الكلوي المزمن لمرض الفشل الكلوي الحاد المزمن.

 مضاعفات الفشل الكلوي؟

توقف عضلة القلب

ضيق التنفس

تكسر العظام

ارتفاع ضغط الدم

 الفحوصات اللازمة لتشخيص الفشل الكلوي ؟

تحاليل مبدئية للتأكد من الإصابة

فحوصات مبدئية لمرض الفشل الكلوي عند الدكتور و دا نقصد بيه الكشف العادي و اللي بيحصل ان الدكتور بيقيس الطول و الوزن و ضغط الدم و البحث عن مشاكل أو أمراض الأوعية الدموية، و بيسأل عن التاريخ العائلي و هل كان في حد مصاب ببعض الأمراض واللي منها الفشل الكلوي  ولا لأ

تحاليل وظائف كلى

A. تحليل دم :

و دا عشان الدكتور يعرف نسبة (اليوريا و الكرياتينين في الدم)  و دي فضلات الكلية بتعرف تتخلص منها لو في  حالتها الطبيعية علشان الدكتور يحدد نسبة الكرياتين التى تؤدى الى غسيل الكلى، و تحليل الدم مهم لتحديد نسبة الكالسيوم والبوتاسيوم والفوسفور والصوديوم  لأنهم بيدلوا على مدى كفاءة الكلى.

 B. تحليل بول :

وده بيقيس نسبة بعض أنواع البروتين في البول زي بروتينات الألبومين و اللي بتدل على مدى كفاءة أداء الكلية لوظيفتها

 C. أشعة مقطعية و فوق صوتية :

يتم إجراء اشعة مقطعية و فوق صوتية على الكلى للتأكد من عدم الإصابة  بأورام أو حدوث تضخم الكلى أو أي أمراض آخرى غير مرض الفشل الكلوي.

 D. الخزعة الكلوية :

 و دا بيتم اخذ عينة من نسيج الكلية نفسها عن طريق إبرة رفيعة  لدراستها بطريقة أدق و التوصل إلى سبب قصور الكلى عن أداء عملها و مدى الضرر الذي لحق بها .

تحاليل دورية لمتابعة المرض

تشخيص الفشل الكلوي أو القصور الكلوي يتم عن طريق طلب الدكتور لبعض الفحوصات كل فترة  عشان يتابع مدى استجابة جسمك للعلاج اللي انت ماشي عليه و ان مرض الفشل الكلوي مبيطورش و خصوصا لو انت مصاب بأمراض مزمنة أخرى زي مرض السكر او مرض الضغط و بعض أمراض القلب، و في الحالة دي ممكن الدكتور يطلب منك تحاليل او اشاعات اضافية

تحاليل مرضى الفشل الكلوي يتم اجرائها بصورة دورية

A. تحليل دم :

– ودا عشان الدكتور يتابع معدل وجود (اليوريا و الكرياتينين في الدم) و يعرف مدى استجابة الجسم  للعلاج  ومدى استقرار الحالة اللي بيتابعها.

 – قياس نسبة الهيموجلوبين في الدم لتفادي إصابة المريض بالأنيميا بسبب تدهور حالته الصحية .

 – قياس نسبة المعادن و العناصر الاساسية زي الصوديوم و البوتاسيوم و الفوسفور و الكالسيوم في الدم .

 B. تحليل بول :

متابعة نسبة الكالسيوم و الفوسفور واللي بيتأثروا بمعدل وجود فيتامين د و اللي بيختل إنتاجه بعد إصابة الكلى بأي مرض زي الفشل الكلوي أو القصور الكلوي.

  – قياس نسبة المعادن و بعض العناصر للجسم زي الصوديوم و البوتاسيوم في البول.

 أسباب الفشل الكلوي ؟

صعوبة تدفق الدم للكلى نتيجة

1.  إلتهاب البنكرياس.
2. الإلتهابات المعوية الشديدة التي تؤدي إلى  فقدان حجم كبير من السوائل بسبب الإسهال و القئ  و حدوث جفاف في الجسم.
3. فقدان كمية كبيرة من الدم  و ده بيحدث لأسباب كتير زي ( التعرض لحادثٍ ما )
4. فقد الكثير من بلازما الدم واللي بيحدث نتيجة الحروق غالبا .
5. انسداد المعدة وده بيُِقال عليه فشل كلوي منشأه الكبد .
6. التعرض للذبحات الصدرية الناشئة نتيجة  حدوث هبوط حاد في ضغط الدم
7. التعرض لجلطات في الرئة و ايضاً نتيجة هبوط حاد في ضغط الدم .
8. الحساسية المزمنة و المفرطة  .

حدوث تلف بالكلى نتيجة

1.إدمان المخدرات والكوكايين و الكحول.

2. حدوث إضطرابات في الجهاز المناعي و دا بيأثر على الأوعية الدموية (الكبيبات)

3. الإفراط في تناول بعض أنواع  المسكنات مثل (باراسيتامول و ايبوبروفين…) و أدوية الضغط.

4. ارتفاع مستويات الكالسيوم في الدم

5. إفراط التعرض للصبغات المستخدمة في عمل بعض الأشعة و الصور المستخدمة في الفحوصات الطبية

6. إلتهاب الأوعية الدموية ( يطلق عليه مصطلح الالتهاب الوعائي)

7. الإفراط في استخدام أدوية العظام التي تحتوي على مادتي ( زوميتا، ريكلاست)

8. حدوث جلطات دموية في الشرايين والأوعية الدموية بالكلى .

9. حدوث فقدان او تدمير لخلايا الدم الحمراء ويطلق عليه أيضا (اليوريمية ) او ( متلازمة انحلال الدم)

10. الإصابة بسرطان البلازما أو ما يسمى بالورم النقوي .

11. زيادة الكوليسترول أو وجود ترسبات الكوليسترول تعمل على عدم تدفق الدم و بالتالي تلف الكلى .

12. حدوث اضطرابات نادرة جدا في الدم زي إصابته بما سمى بالفرفرية ( وهو طفح جلدي أرجواني)

13. انحسار البول في الكلى و قد يرجع لعدة أسباب زي تضخم البروستاتا أو حدوث جلطات دم في المسالك البولية أو وجود حصوات بالكلى أو عدم التحكم في أعصاب المثانة .

نتيجة الإصابة ببعض الامراض و تطورها

الفشل الكلوي و مرض السكر:

مرض السكر يسبب الفشل الكلوي و دا بيكون في حالة ان الشخص المصاب بمرض السكر أهمل في دواءه و متابعة النظام الصحي الملائم لحياته  و دا بيؤدي ان مرض الفشل الكلوي يتطور و يوصل لمرحلته الثانية  المعروفة بأسم بمرض ( اعتلال الكلية السكري) 

=> ما هو اعتلال الكلية السكري ؟
 تحتوي الكلية على مجموعة من الأوعية الدموية هتلاقي مواقع كتير ذكراها بإسم ( كبيبات ) اللي بتعمل على تنقية الدم من الفضلات وعدم تحولها لسموم داخل الجسم ، والإصابة بمرض اعتلال الكلية السكري يؤدي إلى تلف هذه الأوعية و اللي بدوره يؤدي إلى تلف الكلية و الإصابة بمرض الفشل الكلوي.

الفشل الكلوي و حصى الكلى:

حصوات الكلى تسبب فشل كلوي، والإصابة بمرض إلتهابات الكلى أو تكيسات الكلى ( يعني إصابة نسيج الكلى بِخُرَاجَات)، أو إلتهابات المسالك البولية تسبب فشل كلوي لو متمش معالجتها بصورة سريعة، فبلاش تساهل معاها و حاول تعالجها بسرعة .

الفشل الكلوي و أمراض القلب :

مرض القلب يسبب فشل كلوي لأن ضعف عضلة القلب بيقلل كمية الدم اللي المفروض يتم ضخه للكلى و بالتالي أي أمراض بالقلب تؤثر على الأداء الوظيفي بشكل رئيسي على الكلى، بالإضافة إن أدوية القلب مضرة بالكلى و تسبب الفشل الكلوي دا في حالة إنك ماخدتهاش  بطريقة مُحكَمَة  و اتباع تعليمات الدكتور بعناية.

الفشل الكلوي و البلهارسيا :

البلهارسيا تسبب فشل كلوي، و البلهارسيا عبارة عن طفيليات تسكن المثانة و الحالب و المستقيم  و الأمعاء الغليظة و أحيانا الكبد ، و اصابة الإنسان بها بتسببله التهابات و ضيق المثانة والحالب و تليفهما و أحيانا يتطور الأمر للإصابة بسرطان المثانة و الحالب كل دا بيؤدي للإخلال بطريقة عمل الجهاز البولي و اللي بيأثر على طريقة أداء الكلى لوظائفها و حدوث فشل كلوي .

الفشل الكلوي و مرض السرطان :

مرض السرطان يسبب فشل كلوي، لأن إصابة المريض بسرطان البروستاتا ، أو سرطان المثانة أو سرطان القولون ، أو سرطان عنق الرحم و كل أنواع السرطان دي بتسبب انحسار أو احتباس البول في الكلى و اللي بينتهي بإحتمالية كبيرة لإصابة المريض بالفشل الكلوي .

 مين هم الأكتر عرضةً للإصابة بالفشل الكلوي ؟

فيه دراسة اتعملت  بإسم ” نوعية الحياة لمرضى الفشل الكلوي ”  في جامعة أسيوط من أحد الباحثين بقسم تمريض البالغين بكلية التمريض و اللي طلعت بنتائج مُفاداها :

A)  إن الأعمار من 41 لـ 50 سنة هم الأكثر عرضة للإصابة بالفشل الكلوي .
B)  إن الرجال أكثر عرضة من النساء للإصابة بالفشل الكلوي
C)  إن من يمتهنون الأعمال الحرفية أكثر عرضة للإصابة بالفشل الكلوي
D)  إن الأميين و ذوي الدخل المنخفض ” الفقراء”  أكثر عرضة للفشل الكلوي

من ناحية تانية فيه عدد من المواقع  الأجنبية المشهورة علميًا زي (World Kidney day)، ( NCBI) و المعهد الوطني لأمراض السكر والجهاز الهضمي  والكلى National institute of diabetes and digestive and kidney disease ،  بيوضحوا أن معدل الإصابة بمرض الفشل الكلوي بيزيد مع تقدم العمر و خاصة أعمار ما بعد الـ 70 و الـ 75 سنة .

وقالوا ان سبب دا عامل بديهي وهو أن بعد سن الأربعين بيتم فقد حوالي 1% من صحة الإنسان، (بتدهور صحته بمعدل 1%)مع كل سنة  وبالتالي مع تقدم العمر بتبدأ الأجهزة الحيوية الموجودة في جسم الإنسان في التراجع عن أداء وظائفها على أكمل وجه  زي قبل كدا مع دخول بعض العوامل الأخرى زي الأمراض المزمنة ( السكر و أن الضغط بيكون في  السن دا مش متظبط و الأوعية الدموية و الشرايين مش بتكون في أحسن حالاتها و خاصة لو كان من المدخنين كل دي عوامل بتزود  من إحتمالية الإصابة بالفشل الكلوي أو على الأقل أن الكلية هتتضرر بشكل ما ، و التساهل مع الضرر دا هيوصلها لمرحلة الفشل الكلوي .

و ان من بعد سن الـ 65 :  واحد من كل عشرة بيكون عنده مشاكل في الكلى (دون تحديد طبيعة المشاكل دي ) بس مُفَادها الكلى مش هتكون بتؤدي وظيفتها بأكمل وجه و أن من كل 5 رجال ( بيكون فيه واحد عنده مشاكل بالكلى) ومن كل 4 نساء بيكون في واحدة عندها مشاكل في الكلى .

تلخيصا لكل ما سبق

=> منقدرش نجزم بالمعلومة دي ان النساء أكثر عرضة للفشل الكلوي من الرجال لأن في الدراسة اللي العربي  بتنفي الكلام دا على الرغم  ان النسب متقاربة جدا

=> دا غير ان  حسب jason journal أحدى  المجلات  المشهورة في نشر الدراسات الطبية ،  بتأكد إن نسبة الإصابة بالفشل الكلوي بين الجنسين متقاربة جدا و بترجعها لأساليب حياتية زي مدى محافظة الشخص على صحته و اتباعه لأنظمة صحية و ممارسة الرياضة بشكل عام .

 إمتى تروح للدكتور ؟

 لشخص طبيعي ( غير مصاب بأي أمراض مزمنة) :

أعراض الفشل الكلوي أو أعراض قصور الكلى في بداية حدوثه من الصعب إنك تحس بيها و تشكك في مدى خطورتها من الأول و بالتالي مش بيتم إحتواء المرض في درجاته الأولى ،علشان كدة المفروض بيتم عمل فحص طبي على الجسم كل فترة و يُفضل يكون كل 6 شهور على الأقل، لكن دا مش بيحصل لأسباب كتير في ثقافتنا إحنا  بنعتبره رفاهية مش شئ أساسي و دا يرجع لأسباب مادية و ظروف إقتصادية و دا غير اننا مشغولين على طول، لكن بقدر الإمكان حاول تدخل الفحص الطبي الدوري  في روتينك الحياتي .

لشخص  مصاب بأي أمراض مزمنة :

 و خصوصا إذا كنت تعاني من مرض السكر أو أي مرض من أمراض القلب أو مرض الضغط او عندك مشكلة في  الأوعية الدموية والشرايين ، كل الأمراض دي بتزيد من خطورة الإصابة بمرض الفشل الكلوي أو قصور الكلى، علشان كدة بتفرض عليك حاجتين أول حاجة لازم تتابع مع دكتور متخصص و تزوره بصفة دورية و هو هيقولك على التحاليل اللي المفروض تعملها عشان يتأكد إن حالتك الصحية بخير و مفيش أي تطور للمرض اللي عندك يخليه يأثر على عمل الكلى أو أي  عضو أخر، تاني حاجة  إنك تتبع الوصفة و الطريقة اللي الدكتور قالك تاخد بيها العلاج الخاص بيك عشان أي لغبطة فيه بيأثر على الجسم  بطريقة خطيرة انت مش مدركها .

 إساءة تشخيص الفشل الكلوي تؤدي لـ :

 وفقا لأبحاث ودراسات تمت بالمركز الطبي بجامعة كولومبيا     Columbia University  Medical Center أن التشخيص الأولي لمعظم مرضى الفشل الكلوي بيتم بطريقة خاطئة و بيحمل شكوك كتير عن مدى  صحة نتائجه، و بيوضح أستاذ الطب بجامعة كولومبيا جوناثان باراش ، وجوزيف بونفينتر  أستاذ الطب بجامعة هارفارد والطبيب المتخصص بمستشفى بنغهام ، و أيضا ريتشارد زاجر أستاذ الطب بجامعة واشنطن ، أن نتائج التحاليل الخاصة بالفشل الكلوي بتكون مضللة لأن التحليل اللي بيقيس نسبة اليوريا و الكرياتينين في الدم -اللي يعتبروا سموم بتقدر الكلية تتخلص منهم في حالتها الطبيعية- مش كافي اننا نجزم أن المريض يعاني من الفشل الكلوي ودا لأن تحليل الكرياتينين بيقدم جزء  صغير من الصورة و اللي بيختلف باختلاف طبيعة الجسم الفردية زي حجم الجسم و كتلة العضلات ودا بيأثر على المعدل و النتيجة اللي المفروض يتم الأخذ بها و النتيجة ممكن تأكد إن المريض مصاب بالفشل الكلوي والحقيقة عكس كدا،  الفكرة كلها هو أن دكاترة اختصاصي الكلى هو أنسب واحد يقدر يقرر حاجة من اتنين :
1. يا اما الإنسان فعلا مصاب بالفشل الكلوي حقيقي يعني جزء من خلايا الكلى تم إتلافها بالفعل
2. أو أن الجسم يكون بيعاني من الجفاف أو مشاكل بالقلب والكلية متضررة بشكل مؤقت

هنا علاج الكلى بيختلف من حالة لحالة و لو أخدت علاج غلط في اي واحدة فيهم هتتسبب في تطور مرضك بدرجة خطيرة، الموضوع بيتم  ان الدكتور مش بيجزم بالتحاليل الأولية و بيطلب تحاليل لمدة اول 3 شهور عشان يتأكد  من معدل النتائج اللي المفروض يتم الأخذ بها و في نفس الوقت يقدر يمشيك على الأدوية اللي تساعدك بناءا على الحالة الطبية الخاصة بيك ، دا غير ان الدكتور مش بيطلب نوع واحد بس من التحاليل (تحليل الدم بس) لأن زي ما ذكرنا إن طريقة  تشخيص مرض الفشل الكلوي تتم على مراحل كتير، فلو عملت كل المراحل دي لمدة تلات شهور الموضوع هيكون كافي إن الدكتور بتاعك يشوف الصورة واضحة و يبلغك بحالتك .

طيب ليه اوقات بيتم تشخيص أعراض الفشل الكلوي أو أعراض قصور الكلى غلط ؟

1. بناءا على الدراسة اللي فوق ان الكلام دا بيحصل لو حالة المريض حرجة و في وحدة العناية المركزية، فبيتم عمل تحليل الدم و اتخاذ نتائج التحاليل الأولية كنتيجة ثابتة عشان يلحقوا المريض و بعد كدا يكتشفوا أنهم تسرعوا في الحكم على حالته .

2. في المطلق للشخص العادي اللي عنده شكوك تجاه مرض الفشل الكلوي، لما تروح تحجز عند الدكتور خد بالك انك معملتش  تحليل دم بس و لازم الدكتور يعملك فحص كامل و  لمدة كافية عشان تتأكد من حقيقة إصابتك بالفشل الكلوي .

علاج الفشل الكلوي

علاج الفشل الكلوي بيكون في اتجاهين اتجاه الطبي أن الدكتور يمشيك على مجموعة من ادوية علاج الفشل الكلوي على حسب حالتك، و الاتجاه الثاني ان الدكتور يحولك لإختصاصي تغذية عشان يقولك النظام الغذائي لمريض الفشل الكلوي اللي المفروض تمشي عليه، خلينا ناخدهم بالتفصيل كل واحدة لوحدها:


علاج الفشل الكلوي و الانظمة الغذائية المناسبة

1.  اول نصيحة بيتم توجيهها لمرضى الفشل الكلوي هو الإبتعاد عن أي أنظمة غذائية تحتوي على نسبة عالية من البروتين سواء كان بروتين نباتي او بروتين حيواني و دا عشان ليه آثار سلبية على الكلى.
2.  اتباع أنظمة غذائية أخرى نباتية لا تحتوي على أطعمة غنية بالبوتاسيوم زي ( الموز و الطماطم و السبانخ والمكسرات و البرتقال و الجريب فروت والمندرين
3. تقليل كمية الملح المستخدمة في الطعام والاعتماد على الخضروات قليلة البروتين زي الفاصوليا الخضراء  و التفاح و العنب و الفراولة).
4. تقليل الأطعمة التي تحتوي على فوسفور زي الفاصوليا المجففة و منتجات الألبان زي اللبن و الجبن و المكسرات  و زبدة الفول السوداني


علاج الفشل الكلوي بالادوية

علاج الفشل الكلوي بالادوية متوقف بشكل أساسي على تحديد أسباب الفشل الكلوي الرئيسية اللي بيعاني منها المريض و علاج السبب نفسه.
على جانب تاني بيتم علاج الفشل الكلوي بإحدى الطرق الثلاثة السابقة على حسب درجة تطور مرض الفشل الكلوي للمريض و التكلفة المادية اللي يستطيع المريض تحملها.
مفيش علاج نهائي للفشل الكلوي بالأدوية لكن أدوية الفشل الكلوي هي ادوية بتساعد الكلى تقوم بوظائفها بكفاءة أفضل أو ادوية بتساعد على علاج بعض أعراض الفشل الكلوي.
و من أشهر ادوية الفشل الكلوي هي أدوية مدرة للبول اللي بتساعد الجسم على إخراج السوائل الزيادة جوا الجسم و تحل مشكلة بعض أعراض الفشل الكلوي و أعراض قصور الكلى زي صعوبة التبول و تورم القدمين، و أدوية تانية لتعويض نقص فيتامين د و اللي بتساعد الجسم على امتصاص الكالسيوم وعدم امتصاص الفوسفات.
و أحيانا بيتم وصف حقن علاج فقر الدم كعلاج لواحد من أعراض الفشل الكلوي المصاحبة للمرض.


علاج الفشل الكلوي بعملية غسيل الكلى

غسيل الكلى بيتم لتنظيف الجسم من السموم و اخراج السوائل الزائدة من الجسم و اللي بتسبب تورم الجسم ، و هنا هتلاقي ان انواع غسيل الكلى بينقسم لنوعين:

 النوع الأول : هو (الاستصفاء الدموي):

النوع ده من عملية غسيل الكلى بيحصل عن طريق إخراج الدم الموجود بجسم الانسان و تنقية الدم و اعادته مرة اخرى للجسم، و دا بيحصل عن  طريق أجهزة طبية بتتوصل بمريض الفشل الكلوي بمساعدة طاقم التمريض بالمستشفى.
احد مميزات عملية غسيل الكلى بالطريقة دي إن جودة تنقية الدم من السموم عالية جدا ، بس على النقيض عيوبها ان المريض بيحتاج يروح المستشفى حوالي مرتين او تلات مرات في الأسبوع دا غير أن تكلفة غسيل الكلى بالطريقة دي غالية ماديًا.

 النوع الثاني : هو (الانفاذ البريتوني):

النوع ده من عملية غسيل الكلى بيحصل عن طريق قسطرة بتتحط تحت منطقة السُرّة  و بيتم ادخال السائل و تركه حوالي 4 او 5 ساعات و بعدها بيتم فصل السموم و اخراجها.
احد مميزات عملية غسيل الكلى بالطريقة دي إن المريض يقدر يعملها في البيت مع نفسه أكثر من مرة في اليوم بس ممنوع يعملها اثناء النوم، و أحد عيوب عملية غسيل الكلى بالطريقة دي أنها بتحتاج لدرجة تعقيم كبيرة جدًا مش بالسهولة الحصول على التعقيم ده في البيت.


زراعة الكلى

علاج الفشل الكلوي بزراعة كلى جديدة منقدرش نعتبره احدث علاج للفشل الكلوي لكن ممكن نعتبره علاج نهائي للفشل الكلوي و أفضل علاج الفشل الكلوي.
و دا بيتم عن طريق ان المريض بيحصل على كلية من متبرع أو من متوفي و يتم زراعتها محل الأخرى، لكن للأسف علاج الفشل الكلوي عن طريق زراعة الكلى مكلف في الوقت لحد ما يقدر مريض الفشل الكلوي يلاقي المتبرع المناسب و كمان مكلف ماديًا.

1. حاول تبعد عن كل العادات الصحية السيئة زي تناول الكحول و المخدرات و التدخين
2. لازم تحاول بقدر المستطاع  ضبط مستوى السكر وضغط الدم
3. المحافظة على الوزن المثالي لجسمك مش بالتخسيس و لكن بمتابعة دكتور تغذية متخصص في علاج مرضى الفشل الكلوي  وكيفية التعامل مع الأكل المحظور طبيا.
4. من الضروري إنك تتعلم إزاي تسيطر على مشاعرك السلبية لإنك هتيجي فترة و تحس إنك بقيت عبئ على أسرتك والناس اللي بتساعدك وبالتالي لازم تعرف إزاي تتعامل مع مرضك و تشترك في قرارات علاج الفشل الكلوي اللي المفروض تاخده، و تعرف من الدكاترة المتخصصين اللي بتابع معاهم  إزاي تكون أكثر اعتمادا على نفسك .
  5. في حالة إنك وصلت لمرحلة زرع الكلى ، جهز نفسك لفكرة الإنتظار لأن الموضوع بيحتاج وقت لحين وجود المتبرع أو المنظمة اللي تقدر تشتري منها حاجة زي كدا ، و بعدها تيجي مرحلة المحاولة وهي إن جسمك يتقبل العضو الجديد دا ، كل الحاجات دي صعبوتها النفسية  كبيرة مش قليلة .
6. أطلب من الدكتور المتخصص ليك أنه يحولك لمدرب بدني يتابع معاك و يوصفلك أنسب التمارين اللي تحافظ على صحتك و تساعد على تقوية عضلاتك  و تجدد نشاطك .

مفاهيم خاطئة عن الفشل الكلوي

1)  هل الفشل الكلوي يسبب عقم؟
الفشل الكلوي مش بيسبب عقم سواء للرجل أم للمرأة، لكن في حالة حدوث حمل بيعرض الأم  والطفل لمخاطر كتير و خصوصا ان الحمل بيسبب ضغط كبير على الجسم و الجسم مش بيؤدي وظائفه بطريقة فعالة و دا بيعرض الطفل للخطر ، أما بعد الولادة بيسبب للأم مضاعفات كتير و مضاعفات الفشل الملوي\ بتختلف باختلاف مدى تطور المرض و الحالة الصحية للمريضة .

2 ) علاج الفشل الكلوي بالاعشاب:
علاج الفشل الكلوي بالاعشاب أو (علاج الكلى بالاعشاب) ، و (علاج الفشل الكلوي بخلطة العسل و البصل الأحمر)، و (خلطات لعلاج أمراض الكلى ) زي الحصوات و إلتهابات الكلى ، دي كلها مصطلحات هتلاقيها كتير على الإنترنت، لكن  خد بالك إن بعض الأعشاب اللي بتتوصف بطريقة غير طبية ساعات بتزود من شدة اعراض الفشل الكلوي في بدايته وتؤدي للفشل الكلوي ، الأحسن انك بلاش تاخد حاجة من غير استشارة أخصائي كلى أو من أخصائي التغذية اللي بيتابع حالتك الطبية .

3 )  بمجرد إصابتك بالفشل الكلوي هتكون عاجز عن العمل :
أهم حاجة هي صحتك و المفروض ان يكون ليها أولوية في الوقت دا تحديدا و خصوصا لو مرتبط بمواعيد عملية غسيل كلى.
بدنيا أنت هتكون إلى حد كبير كويس بس في ناس من مرضى الفشل الكلوي بتفضل تخفض عدد ساعات شغلها في الوقت دا و تستريح، و في حالات تانية لمرضى الفشل الكلوي بتكون كويسة و شغلها بيراعي ظروفها الصحية و بتقدر تكمل عادي، و في حالات فشل كلوي بتكون متأخرة و بتتحجز في مستشفى، و في الأول و الأخر الموضوع دا تحديدا متوقف على حاجتين:
1. حالتك الصحية و مدى تطور و مضاعفات الفشل الكلوي.
2. قدرتك البدنية و طريقتك في التعامل مع مرض الفشل الكلوي .

i

المصادر االانجليزي

دوس هنا عشان تشوف المصادر الأجنبية
i

المصادر العربي