pointer

المعدة

التهاب المعدة بيحص في بطانة المعدة و دي احد طبقات جدار المعدة و دي اللي بتحمي معدتك من التآكل و التأثر بأحماض المعدة

pointer

اعراض التهاب المعدة

ألم شديد في البطن

pointer

اعراض التهاب المعدة

حرقان في الصدر

pointer

اعراض التهاب المعدة

فقدان الشهية و الاحساس بالشبع

pointer

اعراض التهاب المعدة

الانتفاخ مع غازات مزعجة

لو عايز تنجز نفسك تقدر تسمع أعراض التهاب المعدة و الأسباب و العلاج بطريقة مختصرة و من غير قراءة

by a3raad.com

أعراض التهاب المعدة

أعراض التهاب المعدة الحاد 

1. ألم شديد في أعلى البطن.
2. حرقان في الصدر وده لأن الألتهاب وصل لفتحة الفؤاد وقاع المعدة.
3. احساس عام بإنك مهضمتش كويس.
4.  فقدان الشهية والأحساس بالشبع.
5. الأنتفاخ مع غازات مزعجة.
6. هتخس كتير وتفقد الوزن .

أعراض التهاب المعدة المزمن

  • 1. الوجع بيزيد أوي في حالة الصيام أو عدم الأكل لفترة وبيقل لما تاكل.
  • 2. الوجع بيزيد بعد الأكل بساعتين.

هل تختلف أعراض التهاب المعدة عند النساء من الرجال أو الأطفال ؟

مفيش اختلاف فى أعراض التهاب المعدة بين الرجال والنساء والأطفال ولكن تختلف أعراض التهاب المعدة باختلاف درجة تطور التهاب جدار المعدة.

أسباب التهاب المعدة

1. الإصابة بجرثومة المعدة أو الميكروب الحلزوني

2.الإفراط في أدوية المسكنات زي الأسبرين والإيبوبروفين والنابروكسين.

3. شرب الكحوليات كتير وكمان إدمان الكوكايين.

4. التعرض الكتير لأجهزة الأشعة، أو العلاج بالإشعاع والكيماوي.

5. ارتجاع العصارة الصفراوية كأحد مضاعفات عمليات تكميم المعدة.

6. التعرض لضغط وتوتر نفسي كبير جدًا بشكل مستمر.

7. الحروق الشديدة وبعض العمليات زي عمليات قص وتكميم المعدة

8.  أمراض المناعة الذاتية.

9. كبر السن خصوصًا بعد سن 60 سنة

10. السمنة نتيجة عادات الأكل غير السليمة.

علاج التهاب المعدة

يختلف علاج التهاب المعدة و مدة علاج التهاب المعدة بأختلاف سبب التهاب المعدة، ويتم علاج التهاب المعدة إما بأدوية التهاب المعدة أو علاج التهاب المعدة بالاعشاب.

1. ادوية التهاب المعدة

– مضادات الحموضة (antacids) زي ألكا سلتزر Alka-Seltzer، مالوكس  Maalox.
– أدوية تقلل إفراز أحماض المعدة زي السيميتدين cimetidine والزنتاك Zantac والرانتيدين ranitidine.
– نوع أخر من الأدوية بيقلل من إفراز أحماض المعدة  زي أوميبرازول omeprazole ولانزوبرازول .lansoprazole.
– أدوية علاج جرثومة المعدة بالمضادات الحيوية زي
(كلاريثيوميسن clarithromycin) و (أموكسيسلين Amoxicillin) (تيتراسايكلن Tetracycline) و (مترونيدازول metronidazole).
– حقن فيتامين ب12 لعلاج فقر الدم المصاحب لأعراض التهاب المعدة.

2. علاج التهاب المعدة بالاعشاب:

– الزنجبيل
– الينسون
– الشمر
– الشاي الأخضر
– عرق سوس
ملحوظة: يفُضل عدم شرب العرق سوس لمرضى ارتفاع ضغط الدم لأن العرق سوس يسبب ارتفاع ضغط الدم.


ايه هو إلتهاب المعدة


انواع اإلتهاب المعدة


مضاعفات إلتهاب المعدة


طريقة تشخيص إلتهاب المعدة


أسباب الاصابة إلتهاب المعدة


امتى تروح للدكتور ؟


علاج إلتهاب المعدة


التعايش مع إلتهاب المعدة


المصادر

l

تشخيص التهاب المعدة

i

المصادر

اسباب التهاب المعدة

اخر تطورات علاج التهاب المعدة

f

تطور اعراض التهاب المعدة لنزيف بالمعدة

Q

مفاهيم خاطئة عن التهاب المعدة

مضاعفات التهاب المعدة

كيفية التعايش مع التهاب المعدة

انواع التهاب المعدة

علاج التهاب المعدة

U

ما هو التهاب المعدة

p

امتى تروح للدكتور

 ما هو التهاب المعدة ؟

التهاب المعدة هو مرض بیصیب بعض أجزاء من الجهاز الهضمي و بسببه بيحصل تهيج بطانة المعدة، ودي طبقة من طبقات جدار المعدة اللي بتحمي معدتك من التآكل والتأثر بأحماض المعدة .

و المعدة عبارة عن نسيج عضلي قابل للتمدد و التوسع على شكل حرف ال J، مكانها على الشمال في الجزء العلوي من البطن، و بيختلف حجمها و شكلها من شخص للتاني بسبب اختلاف وضع المعدة إذا كانت فاضية أو مليانة، و بالتقريب كدة حجم المعدة الفاضية في الشخص البالغ بتكون حوالي 75 مللي لتر  و بتقدر تتمدد وقت الأكل و الشرب لحد ما يوصل حجمها ل 2 أو 4 لتر على حسب كمية الطعام.

 دور المعدة في جسم الإنسان :

1. تتلخص الوظائف الأساسية للمعدة في هضم الطعام، بداية من دخول الطعام من المريء، لحد لما يوصل للأمعاء الدقيقة.

2. بتساهم بشكل كبير مع الجهاز المناعي في الحماية ضد الأمراض، عن طريق  الأحماض اللي بتفرزها المعدة، لأنها بتساعد على قتل الجراثيم والميكروبات الموجودة في الأكل والشرب.

3.المعدة كمان ليها دور مهم جدا في عملية امتصاص العناصر الأساسية لنمو الجسم والوظائف الحيوية وإعادة امتصاص المياه والأدوية والفيتامينات اللي بيحتاجها الجسم وبالأخص فيتامين ب 12 المهم جدا في تكوين كرات الدم الحمراء والحفاظ على وظائف وسلامة الجهاز العصبي.

 نتيجة الاصابة بالتهاب المعدة

تعتبر المعدة واحدة من أهم أعضاء الجهاز الهضمي وأي خلل أو التهاب في المعدة وخصوصًا التهاب جدار المعدة، دا بيسبب السماح للجراثيم والميكروبات بمهاجمة الجسم، وكمان بيسبب نقص في العناصر الأساسية اللي بيحتاجها الجسم علشان يقوم بوظائفه الحيوية، ونقص العناصر الأساسية دي بينتج عنه مشاكل في كرات الدم الحمراء زي الإصابة بمرض فقر الدم الأنيميا ومشاكل بالجهاز العصبي، وفي مراحل متأخرة من مرض التهاب المعدة ممكن ينتج عنه سرطان المعدة ، بس خلينا الأول نعرف الفرق بين اعراض التهاب المعدة و اعراض التهاب المعدة و الأمعاء

 إلتهاب المعدة و الأمعاء

التهاب المعدة والأمعاء gastroenteritis : هو انتشار التهاب المعدة في اجزاء كتير من الجهاز الهضمي زي المعدة نفسها والأمعاء الدقيقة والأمعاء الغليظة والقولون، وغالبًا بيكون سبب اعراض التهاب المعدة والأمعاء هو الإصابة ببعض الفيروسات، ومرض التهاب المعدة والامعاء ده معروف بأسم انفلونزا المعدة وبيصيب كل الأعمار لكنه منتشر أكتر في الأطفال.
من أشهر أعراض التهاب المعدة والأمعاء هي القيء والغثيان والإسهال المستمر والأحساس بالجفاف، وده قليل اوي لو حصل في اعراض التهاب المعدة.

التهاب المعدة

التهاب المعدة  Gastritis :هو تهيج والتهاب بطانة المعدة خاصة في الغشاء المخاطي، و الغشاء المخاطي ده مهم جًدا لأنه بیقوم بإفراز مادة لزجة اسمها المخاط (mucus (ودي اللي بتحمي المعدة من الإفرازات الهضمیة المهمة لعملیة الهضم، بس الإفرازات الهضمیة دي ممكن تسبب ضرر وتآكل في المعدة لو طبقة المخاط مش موجودة وبتحمیها ، وغالبًا بيكون سببها بكتيريا معروفة بأسم جرثومة المعدة أو الميكروب الحلزوني.
و من أشهر أعراض التهاب المعدة هي ألم شديد في أعلى البطن وإحساس بحرقان في الصدر.

 أنواع التهاب المعدة؟

Acute Gastritis التهاب المعدة الحاد

التهاب المعدة الحاد بيحصل فجأة ويظهر اعراض التهاب المعدة الحاد بسرعة وبيسبب ألم شديد بيستمر لكام ساعة او كام يوم، لكنه بيستجيب بسرعة لعلاج التهاب المعدة خلال ايام أو اسابيع قليلة مع وجود احتمالية إن ممكن التهاب المعدة الحاد يرجع تاني للمريض حتى بعد إتمام علاج التهاب المعدة.

chronic gastritis التهاب المعدة المزمن

التهاب المعدة المزمن عادًة بيحصل مع ألم بطئ وممكن أصلا متاخدش بالك من اعراض التهاب المعدة المزمن في بدايته، لكن مشكلة التهاب المعدة المزمن أنه بيصيب المريض وقت طويل اوي ممكن يوصل لكذا سنة، وفي حالات بيستمر التهاب المعدة المزمن معاها تقريبًا العمر كله ووقتها بتكون مضاعفات التهاب المعدة المزمن  خطيرة جدًا.

تلخيصًا، اللي بيحدد نوع التهاب المعدة سواء كان التهاب معدة حاد أو التهاب معدة مزمن هو مدة الألم وشدته وطريقة استجابته لعلاج التهاب المعدة.


التهاب المعدة الحاد بيتقسم لنوعين على حسب لو حصل تاْكل بطانة المعدة وسبب تقرحات ولا لأ، نوع اسمه التهاب المعدة الحاد التآكلي Erosive acute gastritis وفيه بيحصل تقرحات المعدة وممكن يحصل نزيف المعدة، ونوع اسمه التهاب المعدة الحاد الاتآكلي Non-erosive acute gastritis وده مش بيحصل فيه تقرحات معدة ووجعه بيكون أقل ومن غير نزيف معدة.

 مضاعفات التهاب المعدة؟


القرحة الهضمية

القرحة الهضمية أو قرحة المعدة هي تقرحات شديدة في المعدة والأمعاء وبتهدد حياة المريض لانها بتضر الأوعية الدموية وتسبب نزيف حاد بالمعدة، ومش بس كدة! دي كمان بتخترق طبقات حماية المعدة التلاتة – الغشاء المخاطي والغشاء تحت المخاطي والطبقة العضلية- وبتفضل تاكل في المعدة وتسبب ثقوب بتسمح لأحماض المعدة بالخروج لتجويف البطن كله وتأذي جميع الأعضاء المجاورة للمعدة.


التهاب الصفاق الحاد

التهاب الصفاق الحاد هو التهاب الغشاء المحيط بالمعدة بسبب انتشار الثقوب وتسرب الأحماض من المعدة لخارجها واللي بينتج عنه التهاب في الغشاء البريوني العضلي اللي بيحيط بالتجويف البطني وبيحميه، ومن أعراض التهاب الصفاق الحاد هو الوجع المميت ولازم يتنقل المريض لأقرب مستشفى مع رعاية طبية كاملة، لأن تآكل الغشاء البريوني في الحالات الشديدة ممكن يسبب التهاب في الأعضاء اللي خلف الغشاء البريوني ويسبب التهاب الكلى وجزء كبير من الأثنى عشر  والأعضاء المجاورة زي الطحال والكبد والقولون.

تعفن الدم

تعفن الدم نتيجة التهاب المعدة بيحصل بسبب تسرب وانتشار احماض وانزيمات المعدة من خلال الثقوب دي للدم بيسبب انتان او تعفن الدم sepsis وده مرض مميت لو متلحقش بسرعة


الانسداد المعوي

القرحة الهضمية Peptic ulcer
القرحة الهضمية هي واحدة من مضاعفات التهاب المعدة وبسببها ممكن يحصل انسداد معوي في الباب اللي بيسمح بمرور الأكل والشرب من المعدة إلى الأمعاء الدقيقة وبكدا بيحصل بيمنع مرور الأكل المهضوم من المعدة والأمعاء وبينتج عنه وجع شديد في البطن وإمساك متكرر،و في الحالات المتأخرة بيحتاج المريض لتدخل جراحي وعمليات.


التهاب المعدة الضموري

التهاب المعدة الضموري بيحصل نتيجة اهمال اعراض التهاب المعدة المزمن، وبينتج عنه ضرر وتآكل شديد في بطانة المعدة وموت الغدد الموجودة ببطانة المعدة؛ وبالتالي هيحصل خلل في إفراز كل المواد والهرمونات والأحماض المهمة في عملية الهضم والمهمة في إفراز المخاط المهم في حماية المعدة؛ وكمان التهاب المعدة الضموري سبب رئيسي من أسباب سرطان المعدة.


انيميا

التهاب المعدة التآكلي Erosive gastritis بيسبب نزيف مستمر في المعدة وبيحصل فقد كبير للدم وبينتج عنه أنيميا خطيرة؛ والأنيميا هي الحالة اللي فيها كرات الدم الحمراء في الجسم بتكون عددها قليل أو الحجم أصغر من حجمها الطبيعي ومش قادرة تقوم بوظائفها زي انها تنقل الأكسجين لكل خلايا أعضاء الجسم، وكرات الدم الحمراء اكتسبت اللون الأحمر ووظائفها نتيجة وجود الحديد في تكوينها او الجزء اللي اسمه هيموجلوبين hemoglobin، بدون وجود وامتصاص الحديد بسبب التهاب المعدة يبقى مفيش هيموجلوبين ومش هيحصل نقل للأكسجين من الرئتين لخلايا وانسجة الجسم. ومضاعفات الأنيميا بتكون عبارة عن تعب و ارهاق شديد بيسبب مشاكل في القلب و الجهاز العصبي.


فقر الدم الخبيث

فقر الدم الخبيث نوع من أنواع الأنيميا الخطيرة جدا نتيجة نقص فيتامين ب12 بسبب الضرر اللي حصل لبطانة المعدة ونقص بالعوامل الداخلية Intrinsic factor و دي عوامل و مواد موجودة بالغشاء المخاطي في المعدة وبتساعد على امتصاص الحديد والفيتامينات من المعدة ومهمة جدا في امتصاص فيتامين ب12 من الأمعاء.
أعراض فقر الدم الخبيث Pernicious anemia خطيرة لأنها بتظهر ببطء وبتسبب مضاعفات عصبية وفي حالات شديدة الخطورة بتسبب الموت.


السرطانات

في التهاب المعدة المزمن، الجسم بيحاول يدافع عن نفسه ويزيد من خلايا بطانة المعدة لتعويض التآكل والضرر اللي حصلها، لكن في بعض الأحيان بتزيد خلايا بطانة المعدة بشكل كبير وتسبب أورام حميدة واللي ممكن تتطور لسرطانات خبيثة.


السرطان المعوي بالنسيج اللمفاوي

الإصابة المستمرة والدايمة بجرثومة المعدة أو الميكروب الحلزوني بتسبب السرطان المعوي بالنسيج اللمفاوي المرتبط بالمخاط والغشاء المخاطي gastric mucosa-associated lymphoid tissue (MALT) lymphoma

تطور أعراض التهاب المعدة لنزيف بالمعدة

 ضربات قلب سریعة.

 دوخة شدیدة

نقط دم في القيء

تعنیة و نقط دم في البراز  

شحوب بالوجه

 الفحوصات اللازمة لتشخيص التهاب المعدة

الكشف السريري لمريض اعراض التهاب المعدة

دا الكشف الطبي العادي اللي بيحصل اول لما بتزور الدكتور المتخصص لما تحس بأي من اعراض التهاب المعدة و هو دكتور الباطنة ، الدكتور قبل ما يطلب منك  اي تحاليل هيقوم بفحصك و الكشف عليك من خلال شوية خطوات وشوية اسئلة.

فحوصات مبدئية عند الدكتور المتخصص

1. التاریخ الطبي والمرضي للمریض: دي أول خطوة بیتم التعرف بیها على وجود التهاب المعدة عن طریق سؤال المریض عن أعراض التهاب المعدة اللي بیحس بیها ومدة وجع التهاب المعدة وبتتكر على فترات ولا [، يعني الدكتور هيسأل لو أعراض التهاب المعدة موجودة بشكل مستمر، ومدى شدة الألم.
وهل مريض التهاب المعدة سافر لبعض الدول النامیة اللي منتشر فیها أسباب مرض التهاب المعدة زي جرثومة المعدة أو الميكروب الحلزوني ولا لأ.

2. الكشف الطبي والأختبار البدني physical exam :هنا الدكتور بیفحص جسم المريض بأعراض التهاب المعدة بشكل خارجي من خلال الفحص الطبي المبدئي عن طریق

– فحص محیط البطن علشان یتأكد من مكان ألم التهاب المعدة بالضبط ووجود بعض الأنتفاخات، وهنا الدكتور بيستخدم  السماعة لفحص الأصوات بمحیط البطن.

– الضغط على البطن علشان یتأكد من وجود أي تكتلات بسبب التهاب المعدة أو اختلاف شدة ألم التهاب المعدة من مكان للتاني.

3. فحص المناظیر للجهاز الهضمي العلوي :هنا الدكتور بیستخدم المنظار –خرطوم طبي فیه كامیرا صغیرة ومرنة ومصدر للضوء علشان یقدر الطبیب یفحص ویشوف الجهاز الهضمي بداخل الجسم- وفي الأغلب فحص المناظير لمريض اعراض التهاب المعدة بیتم في المستشفى أو المراكز الطبیة الكبیرة اللي فیها أجهزة المناظير دي یعني مش بیتم في العیادة.
بیدخل المنظار عن طریق الفم وبیمر بالمريء وبعده المعدة وأول جزء من الأمعاء الدقیقة، وبیظهر على شاشة قدام الدكتور فیدیو لكل حاجة بتصورها كامیرا المنظار وبیقدر الدكتور یحدد أماكن التهاب المعدة وهل في نزیف معدة أو تقرحات المعدة ولا لأ.
في الأغلب قبل الفحص بالمنظار، مريض اعراض التهاب المعدة بیاخد مسكن أو مخدر بسیط سواء عن طریق حقنة مخدرة بالورید أو غرغرة بالفم أو رش مخدر على الجزء الخلفي من الحلق قبل دخول المنظار، المخدر بیساعد المریض في إنه یكون هادي وعملیة دخول المنظار متكنش مؤلمة أوي بالنسباله.
المنظار كمان بیسمح للطبیب بإنه یاخد عینة من الأنسجة المصابة بالتهاب المعدة علشان یحدد هل التهاب جدار المعدة خطير ولا لأ، ومدى تعمق التهاب جدار المعدة في المعدة والجهاز الهضمي، وسبب التهاب المعدة وهل تطور التهاب المعدة لإلتهاب المعدة الضموري atrophic gastritis ولا لأ.

لكن للأسف مش كل مرضى اعراض التهاب المعدة بینفع معاها عملیة المناظیر، لانها بتكون مؤلمة لیهم رغم المخدر أو المسكن اللي بیاخدوه قبل العملیة، وكمان في خطورة مع بعض الناس المصابة بأزمات صدریة أو مشاكل في التنفس. المناظیر بشكل عام ممكن تسبب نقل للعدوى من مریض لمریض لو مش متعقمة كویس، أو ثقب في بعض الأعضاء أثناء عملیة الفحص، والإفراط في استخدام المخدر بیسبب مشاكل في الجهاز التنفسي والقلب.

فحوصات يتم اجرائها في حالة وجود اعراض التهاب المعدة

دي فحوصات هيطلبها منك الدكتور بعد الفحص السريري  إذا كان في شك في وجود اعراض التهاب المعدة علشان يتأكد من مدى الإصابة بالتهاب المعدة و هل التهاب المعدة حصل بسببها مضاعفات ولا لأ، وكمان علشان يتعرف على أسباب التهاب المعدة عند المريض.

فحوصات يتم اجرائها

اختبار الأشعة السینیة : وده بيسمح للطبيب بتصویر شكل الجهاز الهضمي على هيئة أشعة، الأشعة دي مش بتحتاج مخدر أو مسكن قبلها لكن بیتم التأكید على المریض عدم الأكل والشرب قبل العملیة بكام ساعة

ووقت الأشعة بیقف المریض قدام جهاز الأشعة ویشرب شربة معینة اسمها شربة الباریوم barium ،الشربة دي بتوضح ظهور أعضاء الجهاز الهضمي في الأشعة لكنها بتسبب انتفاخ وغثیان لفترة قصیرة بعد الأشعة وبتسبب احتمالیة إن البراز یكون لونه فاتح أو أبیض؛

علشان كدة لو ظهرت عليك اعراض التهاب المعدة وطلب منك الدكتور إنك تعمل النوع ده من الأشعة، لازم تسأل دكتور الأشعة كویس عن تعلیمات الأكل والشرب قبل وبعد الاشعة.

  • تحالیل الدم tests Blood : بيوضح احتمالیة وجود انیمیا، وبيكشف عن وجود جرثومة المعدة أو المبكروب الحلزوني في الدم، وعلشان الدكتور يتأكد لو أعراض التهاب المعدة سببها جرثومة المعدة دي ولا لأ.
  • تحلیل البراز test Stool : بيوضح احتمالیة وجود دم في البراز واللي بیدل على تطور اعراض التهاب المعدة لأنها تسبب نزيف المعدة، وكمان التحليل ده يقدر يأكد أو ينفي الإصابة بجرثومة المعدة أو الميكروب الحلزوني.
  • اختبار النفس test breath : الأختبار ده متخصص بس للكشف عن جرثومة المعدة او الميكروب الحلزوني عن طریق نفس المریض.
    هنا المریض بیبلع كبسولة أو سائل كدة بیتحوي على مادة الیوریا urea اللي بتكون ممیزة عن الیوریا العادیة بتركیبة كیمیائیة خاصة في ذرات الكربون، لأن فیها نظیر الكربون المشع مش الكربون العادي.
    جرثومة المعدة أو الميكروب الحلزوني ليهم القدرة على تحويل الكربون المشع ده لثاني اكسید الكربون carbon dioxide اللي بیطلع أثناء عملیة الزفیر.

بعد دقایق من بلع الیوریا الممیزة، المریض بیاخد كیس وبیتطلب منه یتنفس فیه ویطلع الزفیر، وبعد كدة بیتم الكشف عن الزفیر ده، لو ثاني أكسید الكربون اللي في الزفیر مشع یبقى المریض عنده جرثومة المعدة أو الميكروب الحلزوني ،لو ثاني أكسید الكربون مش مشع یبقى اعراض التهاب المعدة مش سببها جرثومة المعدة أو الميكروب الحلزوني.

 أسباب التهاب المعدة ؟

أولا : 5 عوامل شائعة بتزيد من احتمالية الإصابة بمرض التهاب المعدة:

بيزيد معدل خطورة الإصابة بمرض التهاب المعدة واعراض التهاب المعدة بعد سن ال60، بس مش معنى كدة انها مش بتيجي للأطفال!

العلاج بأقراص الحديد مع الناس اللي عندهم  مرض نقص حديد أو انيميا، لأن أقراص الحديد أحيانًا بتسبب تهيج المعدة.

العلاج بالكورتيزون بيضعف من مناعة الجسم، فبيسهل الإصابة بالعدوى البكتيرية زي جرقومة المعدة أو الميكروب الحلزوني اللي من أشهر اللي من اشهر اسباب التهاب المعدة.

الحالة المزاجية غير المستقرة والمصاحبة لقلق وتوتر زايد عن الحد ممكن تسبب ظهور اعراض التهاب المعدة.

السمنة في بعض الأحيان ممكن تكون من اسباب التهاب المعدة نتيجة العادات غير الصحية في الأكل والشرب واللي بتأذي المعدة

ثالثا: أمراض بتسبب التهاب المعدة

      • أمراض الحساسية لبعض الأكل أو الشرب ممكن تكون من اسباب التهاب المعدة، زي الناس اللي عندهم حساسية لمنتجات الألبان وغيرها وبتظهر اعراض التهاب المعدة نتيجة للحساسية بشكل أسرع مع الأطفال.
      • أمراض المناعة الذاتية ممكن تكون من اسباب التهاب المعدة المناعي المزمن autoimmune chronic gastritis وده بسبب مهاجمة المناعة الذاتية في جسمنا لجدار المعدة والغشاء المخاطي المسؤول عن حماية المعدة.
      • مرض فقر الدم الخبيث أو أنيميا نقص فيتامين ب 12 (pernicious anemia) وده بيسبب نقص شديد في تصنيع كرات الدم الحمراء.
      • داء كرون (Crohn’s disease) وهو نوع من انواع التهاب الجهاز الهضمي والتهاب الامعاء واللي بيسبب التهاب في الجهاز الهضمي كله بما فيه المعدة.
      • مرض اضطراب نقص التروية الشرياني الحاد (Ischemia) و دا مرض بيحصل في الأوعية الدموية بيقلل وصول وتغذية الدم للمعدة.
      • العدوى الفيروسية أو البكتيرية زي الإصابة بجرثومة المعدة أو الميكروب الحلزوني، والإصابة ببعض الفطريات والطفيليات وخاصًة مع الناس اللي مناعتهم ضعيفة.

ثانيا : أطعمة و مشروبات بتزيد من شدة اعراض التهاب المعدة

    • العصائر الحامضية زي عصير البرتقال والليمون والجريب فروت واللي بتحتوي على أحماض طبيعية مفيدة لكن الدراسات اثبتت انها بتزود ألم وأعراض التهاب المعدة.
    • الطماطم: تعتبر الطماطم من الأكل الحامضي اللي بيزود التهاب المعدة والأفضل التقليل منها.
    • الكحول: الشرب الزيادة للخمرة والمشروبات الكحولية بيسبب تآكل والتهاب جدار المعدة وبيزيد من شدة وجع التهاب المعدة.
    • القهوة: القهوة مش بتسبب مشاكل في المعدة أو قرحة المعدة في معظم الحالات ، ولكنها بتزيد من أعراض التهاب المعدة، حتى لو كانت منزوعة الكافيين برضو هتسبب ألم علشان القهوة بطبيعتها حمضية وممكن تزود من اعراض التهاب المعدة زي احساس الحرقان وتهيج المعدة؛ أما الكافيين ممكن يزيد من مشاكل الجهاز الهضمي بشكل عام لبعض الأشخاص.
  • التوابل الحارة: الأكل المشطشط أو الحراق يمكن يسبب التهاب المعدة أو قرحة المعدة، والأكيد إنه بيزود من ظهور وشدة أعراض التهاب المعدة أيًا كان سببها.
    التوابل دي زي: الفلفل الحار، والفلفل الأسود، والكاري والصلصة الحارة.
  • المشروبات الغازية والصودا: يوصي المركز الطبي لجامعة ميريلاند بأمريكا بتجنب جميع المشروبات الغازية لتخفيف اعراض التهاب المعدة، لأن المشروبات الغازية تعتبر حامضية وفيها كافيين وبتكون قاسية جدًا على جدار المعدة.

 إمتى تروح للدكتور ؟

  1. إذا استمرت اعراض التهاب المعدة أكتر من 4 أيام متواصلة بدون انقطاع، لأن ده مؤشر إن التهاب المعدة بيزيد وهيوصل لمضاعفات التهاب المعدة الخطيرة.
  2. ملاحظة تغير في لون وشكل الفضلات “البراز” لان ده ممكن يكون ناتج عن التهاب المعدة او مشاكل أخرى في الجهاز الهضمي زي مشاكل القولون.
  3. وجود حبيبات غامقة زي حبيبات القهوة في الفضلات “البراز” بيأكد تطور اعراض التهاب المعدة لنزيف المعدة أو الأمعاء و تآكل جدار المعدة، المفروض متستناش الوصول للمرحلة دي وتتواصل فورًا مع الدكتور وتبعد عن المسكنات لأنها بتزود من تهيج و التهاب المعدة

 كيفية العلاج من إلتهاب المعدة ؟

علاج التهاب المعدة سواء كان علاج التهاب المعدة الحاد او علاج التهاب المعدة المزمن و مدة علاج التهاب المعدة بيتحدد على حسب اسباب التهاب المعدة و شدة اعراض التهاب المعدة،و بيتقسم لجزئين: جزء دوائي وهنا الدكتور بيكتب بعض ادوية التهاب المعدة على حسب شدة وسبب الالتهاب، وجزء غذائي عن طريق بعض اطعمة تساعد على علاج التهاب المعدة و عن طريق وتجنب عادات الأكل الغلط اللي بتسبب التهاب جدار المعدة.

 

 أدوية علاج التهاب المعدة بتتقسم لحاجتين

أولا: علاج السبب الأساسي لإلتهاب المعدة.

 علاج السبب الرئيسي لأعراض التهاب المعدة، وده بيعتمد على نتيجة فحوصات التهاب المعدة وتشخيص الدكتور لسبب التهاب المعدة وينقسم إلى:

1. ادوية جرثومة المعدة أو الميكروب الحلزوني

علاج جرثومة المعدة كأحد اسباب التهاب المعدة بيتسمى بالعلاج الثلاثي لأن كورس العلاج بيتكون من 3 ادوية وهم نوعين من المضاد الحيوي للقضاء على بكتريا جرثومة المعدة مع نوع من أنواع الأدوية اللي بتقلل أحماض المعدة و تقلل التهاب المعدة زي فوار راني و رانيتيدين Ranitidine أو مثبطات مضخة البروتون (PPIs) أو أدوية مادة البزموت Bismuth.
ملحوظة:  البزموت Bismuth هو علاج بيساعد في حماية جدار المعدة من خلال تكوين طبقة وقائية على جدار المعدة لتحميها من أحماض المعدة، وبتسبب بعض الأثار الجانبية زي الإمساك وتغير لون اللسان ولون البراز للون الأسود.
ومدة علاج التهاب المعدة بيكون طويل لو سببه جرثومة المعدة لأن علاج جرثومة المعدة بيتم على 3 مراحل :

المرحلة الاولى :
مرحلة علاج جرثومة المعدة دي بيتم فيها استخدام المضاد الحيوي كلاريثيوميسن 500 مجم ((clarithromycin 500 mg مع المضاد الحيوي أموكسيسلين 1 جم (Amoxicillin 1g) مع كبسولة من مثبطات مضخات البروتين (PPIs).
والكبسولة مثبطات البروتين دورها تقلل إفراز أحماض المعدة علشان تحمي المعدة من خطر تآكل والتهاب المعدة.
مدة علاج جرثومة المعدة 14 يوم متواصلين في المرحلة الأولى.
المرحلة دي من مراحل علاج جرثومة المعدة بتجيب نتيجة فعالة في القضاء على جرثومة المعدة أو الميكروب الحلزوني بنسبة 70% من الحالات.

المرحلة الثانية :
مرحلة علاج جرثومة المعدة دي بيتم اللجوء ليها في حالة عدم فعالية المرحلة الأولى في التخلص من جرثومة المعدة كأحد أسباب التهاب المعدة.
والعلاج في المرحلة التانية من مراحل علاج جرثومة المعدة بيكون عبارة عن مجموعة من ادوية مضاد حيوي زي المرحلة الأولى لكن بأستخدام مضاد حيوي فعال أكتر المشهورين بأسم تيتراسايكلن Tetracycline و مترونيدازول metronidazole.

المرحلة الثالثة

مرحلة علاج جرثومة المعدة بتتسمى بمرحلة العلاج المتسلسل لانها بتتم عن طريق سلسلة من الخطوات؛ أول خطوة هو العلاج بنوعين بس من ادوية التهاب المعدة وهما المضاد الحيوي أموكسيسلين 1 جم و كبسولة من مثبطات مضخات البروتين، والكبسولة دي دورها تقلل إفراز أحماض المعدة علشان تحمي المعدة من خطر تآكل والتهاب المعدة.
مدة علاج الخطوة دي من مدة علاج جرثومة المعدة هي 5 أيام متواصلة.
وبعدها الخطوة التانية وهي عبارة عن العلاج ب 3 أدوية زي اللي في المرحلة الأولى باستخدام المضاد الحيوي كلاريثيوميسن 500 مجم مع المضاد الحيوي أموكسيسلين 1 جم مع كبسولة من مثبطات مضخات البروتين  لمدة 5 أيام كمان.

2. إذا كان سبب التهاب المعدة هو التوتر والضغط النفسي الشديد :

وقتها الأطباء بينصحوا ببعض ادوية التهاب المعدة زي دوا سكرالفيت sucralfate اللي بيشتغل في المعدة وبيكون طبقة لزجة شبه المخاط بتقوم بحماية جدار المعدة، بالإضافة للأدوية اللي بتقلل أحماض المعدة زي زانتاك Zantack.

3.تقليل جرعة أدوية المسكنات من نوع الأدوية اللاستيرويدية المضادة للإلتهاب :

مثل الأسبرين والأيبوبروفين أو استبدالها بنوع أدوية مسكنات تانية ليها نفس التأثير من غير ما تأذي المعدة.

4. في حالة تطور اعراض التهاب المعدة لمرض التهاب المعدة الضموري:

بيتم اضافة حقن فيتامين ب 12 مع علاج التهاب المعدة لتعويض النقص في فيتامين ب12 اللي بيحصل وقت الإصابة بالتهاب المعدة الضموري.

ثانيا : ادوية التهاب المعدة اللي بتقلل من أحماض المعدة.

  ادوية التهاب المعدة دورها تقلل من إفراز أحماض المعدة لأن عادة جدار المعدة لمريض التهاب المعدة بيكون مش محمي كفاية ضد الأحماض والعصارات الهاضمة علشان كدة تقليل أحماض المعدة بيدي فرصة ويساعد جدار المعدة انه يلتئم ويُشفى بشكل أحسن وأسرع.
وأشهر ادوية التهاب المعدة هي:

1. مضادات الحموضة (antacids): زي ألكا سلتزر Alka-Seltzer، مالوكس  Maalox.أدوية الحموضة بشكل عام بتعتمد على انها عناصر قلوية بتعادل المواد الحامضية زي أحماض المعدة، وغالبا بتتكون من 3 عناصر وهما الماغنيسيوم، والألومونيوم والكالسيوم مع ايونات البيكربونات bicarbonate ions.

لكن كل دواء بيكون له أثار جانبية زي إن أملاح الماغنيسيوم Magnesium salt بتسبب اسهال، وأملاح الألومونيوم aluminum salt بتسبب إمساك! علشان كدة ادوية الحموضة بتكون مزيج منهم هما الأتنين مع مواد تانية علشان تقل الآثار الجانبية لأدوية التهاب المعدة.

2.مضاد مستقبلات الهستامين 2 (H2 blockers): زي السيميتدين cimetidine والزنتاك Zantac والرانتيدين ranitidine.بيشتغلوا عن طريق قفل مستقبلات الهستامين الموجودة بجدار المعدة وبكدا بيقلل إفراز أحماض المعدة. ودايما بيتصرف من غير روشتة زي فوار راني

3. مثبط مضخة البروتون: زي أوميبرازول omeprazole ولانزوبرازول .lansoprazole، ودايمًا مثبطات مضخة البروتون بتقلل تكوين أحماض المعدة بشكل أحسن من مضادات مستقبلات الهستامين 2 (H2 blockers) وبرضو بتتصرف من غير روشتة أو بروشتة على حسب الجرعة والشكل الدوائي.

وبينصح الأطباء إن أدوية التهاب المعدة من نوع مثبطات مضخة البروتين (PPIs) تتاخد قبل الأكل بنصف ساعة على الأقل علشان يتم امتصاصه كويس، ومينفعش الأستمرار عليه أكتر من 14 يوم متواصلة إلا تحت إشراف وتعليمات الطبيب؛ علشان الاستخدام لفترات طويلة بيزيد من احتمالية الأصابة بمرض التهاب المعدة الضموري atrophic gastritis خاصة في وجود جرثومة المعدة أو الميكروب الحلزوني، وكمان النوع ده من ادوية التهاب المعدة بيزيد من احتمالية الإصابة  بهشاشة العظام ونقص الماغنيسيوم في الجسم.

ملحوظة: استخدام مثبطات مضخات البروتين (PPIs) بتحسن من أعراض التهاب المعدة اللي تشبه أعراض أورام المعدة، وده بيأخر عملية تشخيص واكتاشف أورام المعدة، علشان كدة الأحسن إن محدش ياخد النوع ده من أدوية التهاب المعدة غير بعد التشخيص الصحيح مع الدكتور.

 علاج التهاب المعدة بالاعشاب و اطعمة تساعد على علاج التهاب المعدة

اطعمة تساعد على علاج التهاب المعدة زي الأكل الغني بمضادات الأكسدة زي نباتات الاوراق الخضراة و البصل والثوم ، وبيستخدم الثوم في علاج جرثومة المعدة بالثوم وبتحمي المعدة من أي عدوى بكتيرية ضارة.

مشروبات للمعدة الملتهبة بتكون مشروبات غنية بمضادات الأكسدة زي الجنزبيل والينسون.
وكمان من المشروبات المفيدة لالتهاب المعدة هي الشرب المنتظم للشاي الأخضر لأنه بيقلل من خطر الإصابة بالتهاب جدار المعدة بنسبة 40% لانه غني بمضادات الالتهاب وبيساعد في التئام الأمعاء.

الزبادي ومنتجات الألبان علشان من الأطعمة اللي بتحتوى على بروبيوتيك Probiotics وهي نوع من أنواع البكتيريا النافعة اللي بتحارب البكتيريا الضارة زي جرثومة المعدة أو الميكروب الحلزوني، وبتساعد في تنظيم حركة الجهاز الهضمي بما فيه المعدة والأمعاء.

الخضار والفاكهة الغنية بالألياف من ضمن اطعمة تساعد على علاج التهاب المعدة زي التفاح والجزر والمكسرات زي اللوز وبذور الكتان.
وفي دراسة بكلية الصحة العامة بجامعة هارفارد الأمريكية وضحت إن الأطعمة الغنية بالألياف بتقلل خطر الإصابة بأي من اعراض التهاب المعدة بنسبة 60%.

ومن ضمن اطعمة تساعد على علاج التهاب المعدة هي الأطعمة اللي فيها دهون وبروتينات صحية الموجودة في لحم الفراخ علشان البروتينات الخالية من الدهون بتساعد في سرعة شفاء التهاب جدار المعدة والأمعاء.
والأسماك زي السلمون والسردين علشان بتحتوي على اوميجا 3 المضادة لالتهاب جدار المعدة وبتساعد في علاج التهاب المعدة.

استخدام زيوت جوز الهند وزيت الزيتون علشان خفيفة على المعدة وبيسهل امتصاصها.
وأيضًا علاج التهاب المعدة بالعسل مفيد لمرضى التهاب المعدة لأن العسل بيساعد على تقوية مناعة الجسم.

في بعض العادات الصحية اللي هتساعدك في التعايش مع التهاب جدار المعدة او انك تحمي نفسك من اعراض التهاب المعدة زي:

1. حاول تتجنب العدوى بجرثومة المعدة او الميكروب الحلزوني عن طريق انك تغسل ايدك كويس بعد استخدام الحمام وقبل الأكل.

2. اتأكد إن الأكل اللي بتاكله مغسول ونضيف وإن الأكل المطبوخ مستوي كويس علشان جرثومة المعدة بتموت في درجات الحرارة العالية، وحاول تتأكد كمان من مصدر الماية انه نضيف.

3. ممنوع تبادل الأشياء الشخصية زي فرش الأسنان أو أي حاجة ممكن تنقل لُعاب علشان احتمالية من احتماليات نقل جرثومة المعدة ممكن يكون سببها اللُعاب.

4. ابعد تمامًا عن التدخين وأي مصدر من مصادر النيكوتين.

5. كُل وجبات أكتر بس أصغر: بدل ما تاكل وجبات قليلة في اليوم بكميات كبيرة في كل وجبة، حاول توزع كميات الأكل على فترات بحيث إنك تاكل نفس كمية أكلك في 5 وجبات بدل 3 مثلًا، علشان ده بيساعد في زيادة تدفق الدم للمعدة وبيحسن من فرصة الشفاء من اعراض التهاب المعدة.

6. بلاش تاكل قبل النوم مباشرًة: حاول تاكل قبل النوم ب3 أو 4 ساعات علشان تدي فرصة لمعدتك تهضم كويس وميحصلش مشاكل في الجهاز الهضمي أو يحصل التهاب فم المعدة.

7. بلع أكلك بماية مش بحاجات تانية لأن الحاجات التانية دي زي القهوة والصودا بيزودوا من أعراض التهاب المعدة على عكس الماية اللي بتساعد المعدة في عملية الهضم.

8. قلل من الإجهاد العصبي والتوتر لأن التوتر لو مش هيسببلك قرحة المعدة، أكيد هيزود من أعراض التهاب المعدة بشكل مؤلم جدًا.

 

i

المصادر االانجليزي

Englishدوس هنا عشان تشوف المصادر الـ

1. معلومات عن ما هو التهاب المعدة من المعهد القومي للسكري والجهاز الهضمي وأمراض الكلى التابع للمعاهد الوطنية الأمريكية
 https://www.niddk.nih.gov/health

2.معلومات عن المعدة من موقع BBC
http://news.bbc.co.uk

3. التهاب المعدة والأمعاء
https://en.wikipedia.org/wiki/Gastroenteritis

4. معلومات عن أعراض التهاب المعدة والأمعاء من موقع خدمة المعلومات الصحية الوطنية في اسكتلندا
 https://www.nhsinform.scot/

5. معلومات عن جرثومة المعدة و كيفية انتقال جرثومة المعدة من جامعة جون هوبكنز للصحة العامة 
https://academic.oup.com

6. مقال بحثى عن جرثومة المعدة من المركز الوطني لمعلومات التكنولوجيا الحيوية في امريكا 
https://www.ncbi.nlm.nih.gov/pubmed/11218379

7. كيفية علاج التهاب المعدة بالاعشاب والأنظمة الغذائية
https://draxe.com/health/gut-health/gastritis-diet/

8. معلومات عن اهمية العوامل الداخلية بالمعدة
https://en.wikipedia.org/wiki/Intrinsic_factor

9. Ada معلومات عن التهاب المعدة الحاد من شركة الصحة العالمية
https://ada.com/conditions/acute-gastritis/#treatment

10. مراحل علاج جرثومة المعدة
https://en.wikipedia.org/wiki/

11.نصائح غذائية في علاج التهاب المعدة
https://healthyeating.sfgate.com

i

المصادر العربي

دوس هنا عشان تشوف المصادر العربي

لا يوجد